銀座炎蔵燒肉

營業中

休息中

早幾日收工留咗喺荔枝角食同朋友食埋個晚飯先走估唔到D2 Place呢間燒肉真係唔錯👍🏻🥩 炎藏和牛「極致」六點拼盤 ($588)拼盤分別由和牛六個不同部位組成，每款都有三塊，分別係和牛龜之甲、和牛上後腰脊肉、和牛臀肉蓋、和牛貝身、牛友三角及和牛羽下。🐄🤠首先由屬於赤身部位既和牛龜之甲及和牛上後腰脊肉開始試起，雖然赤身部位油脂唔算好多但話哂都屬於和牛中的稀有部位，食落牛味濃郁口感清爽。😋跟住就到和牛臀肉蓋及和牛貝身啦，相對起之前果兩款，呢兩款既油脂會比較平均，食落肉質柔軟肉味甜香，如果想略為為和牛增添少許調味，可以沾上少量嘅燒肉汁或海鹽，更有風味。😋最後既和牛友三角及和牛羽下，應該係霜降和牛之中的佼佼者🤩對比以上果四款，呢兩款都係比較少見既和牛稀有部位，小編今次終於有機會試到啦！😜 和牛油脂就好似大理石紋一樣分佈得細緻均勻，食落無論油脂香及肉味層次都好豐富，小編仲建議可以沾上少量新鮮磨製既wasabi ，辛辣感令到肉味更加濃郁且可以減低和牛油脂帶黎既膩感。🔥🔥🥩和牛西冷薄切大判燒 ($238)大判燒黑毛和牛西冷大大塊，基本上每邊大火燒5-10秒燒到五成熟再沾上蛋漿食，入口牛肉柔軟油脂感十

銀座炎蔵燒肉今次要介紹一間喺荔枝角嘅一間燒肉店叫「銀座炎蔵燒肉」，呢間燒肉店係來自日本東京銀座嘅過江龍，佢哋主打日本和牛同提供咗多款唔同罕有日本和牛嘅部位，燒肉店位於喺D2 Place ONE商場入面，入到去通道算闊落，輪椅人士去食都超級方便，店員好快就安排我坐適合輪椅嘅位置，一坐低店員會遞上2杯麥茶，呢間燒肉店係用QR Code落單，落單之後日本和牛就好快就上枱，不過個爐就比較猛火，好容易黐底，最後叫店員幫手搽油喺網上面，食完之後仲可以喺餐廳門口玩自拍機，果部自拍機只要望住鏡頭就會幫你著和服，都幾搞笑下！1.和牛上等肋肉定食+定食前菜$198+巨峰提子乳酸梳打$22（10/10）呢碟和牛上等肋肉定食套餐非常豐富，淨係食前菜都好豐富，前菜包括有泡菜、沙律菜同牛骨湯，叫咗定食套餐仲會有一碗日本米飯，至於和牛上等肋肉真係好味到不得了，叫得上等真係無叫錯，和牛上等肋肉嘅油花非常平均，牛味非常濃，咬落油脂非常香，每一舊和牛肋肉係厚切，肉質非常軟淋，和牛上等肋肉一共有6大舊，必叫之選！飲品叫咗巨峰提子乳酸梳打，不過我覺得梳打水落得太多，飲落太多氣，蓋過哂本身巨峰提子乳酸味道，如果落少d梳打水就更

在荔枝角D2 Place的隱秘角落，「銀座炎藏燒肉」以其東京銀座的血統，帶來了一場和牛的盛宴。店內爐火烈烈，仿佛能聽見肉汁在高溫下鎖住的滋滋聲，每一塊和牛都是對味覺的極致誘惑。從和牛世身到上等肋肉，每一片肉質都如同藝術品般細膩，油脂與肉的比例恰到好處，入口即化，讓人沉醉於那濃郁的肉香與多汁的口感之中。在這裏，不僅是品嘗美食，更是一場對日本和牛文化的深刻體驗。精選自日本頂級和牛的上等肋肉，紋理細膩，脂肪分佈均勻，宛如大理石般美麗。輕輕煎烤至表面微焦，內部依然保持柔嫩多汁。每一口都能感受到肉質的鮮美與油脂的香濃，仿佛在舌尖上演了一場奢華的味覺盛宴。和牛世身，取自牛的腰部最嫩部位，肉質極為細嫩，幾乎不含筋膜。經過低溫慢煮，再用高溫快速封煎，鎖住肉汁的同時，表面形成一層誘人的焦香。搭配特製的醬汁，每一口都是對味蕾的極致誘惑。和牛芯芯，取自牛的脊髓部分，肉質極為細膩，脂肪含量適中，入口即化。這道菜通常採用低溫慢煮的方式，使肉質更加柔嫩，再用高溫快速煎烤，形成完美的外焦裏嫩。每一口都能感受到肉質的鮮美與油脂的香濃，仿佛在舌尖上跳動著一首優雅的樂章。和牛友三角，取自牛的肩胛部位，肉質緊實而富有彈性，

最近同朋友去咗呢間銀座炎蔵燒肉，呢間主打高質日式燒肉，裝潢充滿和風氣息，座位空間寬敞，氣氛靜謐舒適，幾適合約會或者朋友聚餐。炎藏和牛「極致」6點拼盤🐮一次過試到六款不同部位嘅和牛，由肉味最重到油花最好，但都均勻分佈，燒起嚟肉香四溢，輕輕燒到五成熟，肋肉和腿肉肉味濃郁，其他部位入口即溶，完全係高級和牛嘅質感。日本產雞腿肉🐓雞肉肉質嫩滑，燒完口感一流，帶少少煙燻味，皮脆肉嫩。日本產豚肩胛豬頸肉附近嘅部位，肉質細嫩帶少少嚼勁，燒到微焦，油脂滲出嚟，食落非常香口！蔬菜拼盤有粟米、南瓜、翠肉瓜，菇類等，燒完甜味突出，配肉食可以解膩。和牛配月見紫菜飯（配蘭王蛋）完美組合，特別推介月見紫菜飯，粒粒分明嘅米飯拌入紫菜香氣，配埋日本高質蘭王蛋，蛋黃幼滑濃郁，攪拌後帶出甘香風味，單食已經好有層次，加埋燒肉一齊食更加滿足！朝日咖啡生啤酒餐廳期間限定嘅朝日咖啡生啤酒幾有驚喜，淡淡咖啡香混合生啤嘅爽快感，入口帶微微回甘，幾適合配燒肉。

之前已經同朋友食過荔枝角 D2 Place 一期嘅 銀座炎蔵燒肉，覺得好正，所以今次再黎！🔥🍖成間餐廳裝修都充滿日本風情，行入去即刻有種一秒穿越到東京銀座嘅感覺，氣氛好正！🎌 職員服務亦都好貼心，真係食得舒服又開心。今次我哋叫咗炎蔵二人餐，價錢唔算貴，仲可以試到正宗和牛，性價比超高！套餐有兩款頭盤:**泡菜**：佢哋嘅泡菜唔算好辣，反而帶少少酸甜味，好開胃！**炎蔵沙律**：一大碟沙律，配埋香脆銀魚仔，味道清新之餘食到銀魚仔卜卜脆，口感好豐富👍🏻燒肉:1. **上等牛舌** ：牛舌切得厚薄適中，燒完之後啖啖肉香，口感嫩滑但唔韌口，大推！2. **炎蔵和牛「極致」4拼盤** ：有 **和牛羽下、上後腰脊肉、和牛龜之甲、和牛三筋肉**，每款部位都有唔同嘅口感同油香，特別係「龜之甲」，肥瘦比例完美，超嫩，「和牛羽下」更加唔使講，燒完入口即化，真係好滿足！3. **虎蝦** ：虎蝦新鮮、肉質彈牙，燒完保持咗濃濃海鮮味，有膏😚主食：**和牛咖哩飯** 🍛：咖哩汁香濃，重點係入面有粒粒和牛肉，已炆得好腍，配埋飯一齊食真係好掂！甜品：我哋揀咗 **日本產柚子雪糕** 🍋：雪糕口感綿密幼滑，柚子味香甜

黎至日本東京過江龍燒肉店-銀座炎藏燒肉，主打日本頂級和牛🇯🇵提供多款不同罕有嘅日本和牛部位，燒肉店裝修充滿日式風格，環境寬敞舒適😆🍴和牛里肌肉定食（$198）定食包含：沙律🥗清物、湯同米飯🍚和牛里肌呈雪花狀態，充滿油脂香，肉質軟腍👅點少少鹽配住食，牛味更為突出。米飯係採用日本米，粒粒分明，脹卜卜，口感軟糯，配和牛食一流🤤🍴和牛極致定食 （$248）和牛極之定食有和牛肋肉同和牛羽下，和牛肋肉肉感較重，有咬口🫦肉味相對比較濃郁👅和牛羽下取自於牛的肋骨第一至第五節間屬於「肩胛部」中的一個精華部位，油花分布更均勻細緻😻肉的口感軟嫩香甜又帶著油脂風味😋🍴上等牛舌（追加$48）牛舌薄切，爽彈有咬口，牛味幾香👐🏻🍴白桃乳酸梳打、菠蘿乳酸梳打（$22/杯）乳酸梳打清涼有果香、食到水果粒粒，清爽解膩💁🏻‍♀️

「銀座炎蔵」餐廳門前有布搶眼嘅白色布簾伸手緩緩掀起就好似踏入另一個世界木系與卡座上嘅紅白菱角雕花貫徹江戸時代町屋風格有種老銀座嘅感覺亦就等同直接用隨意門嚟到銀座一樣快冇乜人知銀座炎蔵焼肉 其實係嚟自銀座嘅過江龍藏喺大家未必成日去嘅D2 Place「飯堂」即係3F嘅「美食區」（全層都係食食食）午餐嚟食日本黑毛和牛絕對係幾經濟實惠Set餐豐儉由人由百中至二百都有和牛有唔同部位選擇最貴係三食其次係西冷和牛大判燒望相就知呢款係油脂感重，入口即融個人推介唔想食太油可以叫赤身套餐有2款赤身牛油較濃而有嚼感想試特別部位可以再追加如牛羽下、貝身、鞍下同牛芯單點最愛厚切牛芯牛油同油份都好濃另外嘅鞍下就比較薄切油份好快釋出有咬口日本雞肉爽口雞皮燒到微焦嘅口感好好！Overall 係幾滿意嘅午餐燒肉體驗食完又冇話成身油煙感

太耐冇去日本，一路都好想食燒肉記起D2 place 有一間日本過江龍日式燒肉店，lunch set 有和牛，價錢又合理，就決定再食多次前菜有檸檬柚子蕃茄菜沙律，日式泡菜🥗味道酸甜，好清新，食完胃口大開🤗🔸黑毛和牛嚴選定食上後腰脊肉 - 屬於油花比較少嘅部位，建議先食，之後再食啲油花比較多嘅部位和牛羽下 - 牛肩胛部位中較軟嫩的一塊，口感與無骨牛小排相似，油花適中，肉質香甜有口感😍和牛薄切 - 大大塊和牛食落好滿足燒嘅時候記得要留神，因為係薄切，所以唔需要燒好耐，燒到七成熟就啱啱好👍🏻伴碟大蔥燒起上都非常鮮嫩香甜，蔥香撲鼻🔸和牛赤身定食 呢款定食有兩款和牛一款係和牛芯芯，另一款係里肌肉雖然係赤身肉，但係始終都係A4和牛所以都有一定嘅油花，入口都算嫩滑🔸日本雞腿肉一碟四件，肉質飽滿，新鮮嫩滑👍🏻

同朋友喺商場打完室內哥爾夫球練習，搵嘢食，商場好多選擇，最後揀咗炎藏食和牛燒肉。叫咗沙律，和牛拼盤，牛舌，和牛牛肉拌飯。沙律菜好新鮮，蕃茄好甜。跟住開始燒和牛。特選ささみ和牛笹身：入口即融，有牛肉味ミスジ和牛三筋肉：薄身，好滑しんしん和牛芯芯：瘦啲（朋友喜歡，我就喜歡肥美啲），唔韌，有牛肉味はねした和牛羽下：超腍牛舌最後燒。薄和牛同牛舌唔可以燒太耐，唔係就黐底，我覺得自己燒得好好味，啱啱好。最後食埋個和牛拌飯，有啲泡菜，好惹味，牛肉都唔錯。燒薄和牛嘅時候，因為唔係好識掌握火路，塊鐵板黐咗啲牛肉炭，夥計主動幫我哋換咗塊新嘅鐵板等我哋繼續燒。好好服務👍。下次嚟打波，會再試吓佢哋其他嘢食。

今次👦🏻👧🏻喺附近D2 Place睇完戲後搵食，今次就揀咗食日式燒肉店 - 銀座炎藏燒肉。呢間日本過江龍燒肉店提供唔少稀有部位和牛，超滿足🤩！🌟炎藏和牛「極致」6點拼盤拼盤嘅牛肉款式會隨著當日提供嘅牛肉而作出調整，當日就有和牛肋肉、和牛脷芯、和牛羽下、和牛貝身、和牛笹身同和牛鞍下。當中最深刻一定係和牛羽下即係翼板肉（肩胛），油脂極度細密均勻，睇落去就好似羽毛咁，肉質咬落去有咬口又充滿飽滿油脂感。成個和牛拼盤有齊唔同部位同質感嘅和牛，值得一試！🌟上等牛舌👧🏻就另外叫多一客牛舌，一客6片，雖然佢唔係牛舌芯，但係質感同樣爽彈同軟嫩，點少少鹽花作調味就非常足夠。🌟石鍋和牛牛肉拌飯除咗食燒肉，梗係要食返啲澱粉質充飢！呢度嘅石鍋拌飯幾有驚喜。除咗有粒粒和牛同牛肉片，配料仲有菠菜、大豆芽、醃蘿蔔、牛蒡等材料。要讚一讚飯焦範圍好大，夠曬香脆👍🏻。🌟黑田庄町福地 餐廳提供唔少款式酒類，而👧🏻揀嘅清酒係法國菜米芝蓮三星級餐廳嘅指定用酒。絕對飲到Description內嘅蜜瓜白桃香，質感順滑細緻，絕對值得Encore😍。🌟巨峰提子乳酸梳打提子乳酸梳打唔算好甜，解熱氣一流！

這家日本燒肉店的午市和牛定食，絕對是牛肉愛好者的天堂。爐火夠猛，燒烤時鎖住肉汁，每一口都帶來濃郁的油香與嫩滑口感。店內更擺放了一個專櫃的高質和牛，展示對食材的嚴選與堅持。午市性價比極高，包前菜，值得一試！🏅和牛霜、赤燒肉定食($188)（追加日本豚肋肉$48）—— 霜降和牛油花細膩，入口即化；赤身肉質緊實，肉香濃郁。配上日本豚肋肉，油脂甘甜，燒烤後更添焦香，搭配前菜與熱湯，層次豐富。 🏅和牛炒飯定食($128)—— 炒飯粒粒分明，吸滿和牛油香，每口都充滿濃郁牛味，簡單卻極致美味。 🏅石鍋和牛肉拌飯定食($138)—— 石鍋保持米飯的香脆鍋巴，拌入和牛肉塊、大豆芽、菠菜與特製醬汁，每口都散發濃厚香氣，熱騰騰的滋味讓人回味無窮。菠蘿乳酸梳打、蜜桃乳酸梳打（$22）

荔枝角真係有好多臥虎藏龍嘅餐廳，呢一間銀座炎藏燒肉係日本過江龍，佢嘅和牛非常高質，性價比都算高👍 而且環境非常舒適服務又好🥰 🌟和牛極致定食（3種）$248每份午市定食都包咗前菜沙律、泡菜，飯同埋湯🥰 呢個和牛極致定食總共有三款肉，包括和牛羽下、和牛肋肉同和牛鞍下😃 和牛羽下油脂最豐富，入口即溶，超級滿足🥹 牛肋肉油花細緻均勻，肉質幼嫩細滑，肉味濃🥰🥰 薄切和牛鞍下非常大片，油脂分布均勻，燒完之後包住飯一齊食，非常香口😌 🌟和牛羽下.貝身燒肉定食 $198和牛羽下、貝身各片😍 和牛貝身瘦肉同油脂比例均勻，肉質軟嫩，肉味好濃郁，仲帶少少嚼口，我覺得好特別好好食😍 🌟追加：上等牛舌 $48呢個價錢好抵，上等牛舌真係好好食，肉質非常爽彈👍 🌟追加：和牛龜之甲 $78呢個唔係間間都有得食㗎，當然要追加啦😍 油脂冇咁豐富，但相對牛味好濃郁，非常唔錯👍

我哋食咗大約$1000三個人食呢間出名黃牛佢啲黃牛真係啖啖肉真係零舍唔同你知唔知佢啲黃牛係每一層都係啲油？食落去？真係覺得好入味仲要話佢啲牛係高質日本進口㗎所以真係覺得好值我哋仲嗌咗煮食又有泡菜飯，跟住又食咗和牛炒飯，跟住再食咗個咖喱飯真係好好食，仲要係勁入味我哋食完之後都想繼續食環境好靚，我哋仲要係13號嚟食㗎食落去真係覺得好值佢個環境超級靚，仲要係勁高級食完之後食得好開心價錢我覺得一般般，但係都可以食嘅

公司開年飯，唸住唔食中菜食牛，選左荔枝角哩間，點知……先請環境，算闊落乾淨，服務都唔錯，到食物，我地4個人，經服務員介紹選左4人餐，好快食物到啦，牛既買相算ok,但份量真係少，圖1每片大小得食指長度。而且得6片，牛脷更是薄如紙，到好似面咁大既和牛…..片又係紙咁薄，我地4人每人分到2隻手指大小品嘗，真心4人餐份量只夠2人食，最後甜品都冇食再轉場食串燒😅

今次我地去左D2 place呢邊諗住行白紙市集，好似話好多攤檔，去到勁多人，我地係度食個飯先開始行，揀左間日式燒肉店試下🎌一入門口就見到幾舊肉，好鬼靚，有曬號碼封條咁，入到去坐位幾闊幾舒服，佢地有一本本既餐牌，落單就用枱上既QR code，呢度午市定食包埋沙律，泡菜，湯，同一碗飯🥗🍚嚴選黑毛和牛（3種）定食（$248）3款黑毛和牛店員話係廚房揀出黎既，我食既就係和牛鞍下，臀肉蓋，同埋和牛羽下，和牛鞍下係簿切既和牛，少少肥，臀肉蓋就厚切既一塊，肉味濃，相對冇咁肥，而和牛羽下就係厚切加上脂肪多，入口感覺肥美，3款牛各有特色😋和牛龜之甲（$78）呢塊牛肥瘦適中，簿切既一塊，都有少少入口即溶既感覺🐮上等牛舌（$48）牛舌都係簿切既，質感幾彈牙👅石鍋和牛牛肉拌飯定食（$138）呢個石鍋飯我覺得幾有韓式風味，有泡菜，生蛋黃，芽菜，菠菜，撈勻之後變成金黃色，個底夠熱整到少少飯焦，和牛粒都幾嫩幾好食😁凍檸茶（跟餐+$20）呢度既凍檸茶佢成樽糖漿比人自己加🍹呢間燒肉店個午餐套餐都唔錯，d牛都係靚牛，石鍋飯都做得幾好同埋大份，食石鍋飯食到好飽，D2 place個市集好多人去行，好似年宵咁勁👏🏻