銀座神樂屋 (已結業)

係同事介紹下發現咗間性價比唔錯嘅日式餐廳。雖然見隔離都好正嗌曬烏冬同壽司，但我都係量力而為嗌咗個山海烏冬（$90）就算😂份烏冬好足料好多餸有金菇、冬菇、少量菜、蛋、一隻炸蝦天婦羅、兩隻蜆、一堆牛肉、一隻元貝（最正就係元貝！）除左正餐仲會送野飲同雪糕！咁嘅價錢同質素係灣仔真係不錯不錯！

今日係公司聚會，灣仔番工既朋友推介我食華美粵海酒店入面既日式料理餐廳🍴，所以我地一行六人， 早早電話📞訂座，終於今日有幸一試。價位大約一人百幾蚊一個午市套餐，聽起黎好貴，但其實物超所值🥢山海套餐：帆立貝蜆壽喜燒湯底烏冬：甜甜地既壽喜燒配上好彈牙既烏冬，吸左湯汁精華，仲有三至四粒大肉蜆同帆立貝😍好新鮮，配埋隻流心溫泉♨️蛋，鍾意可以攪拌融入落湯到，蛋香濃郁，好似番左日本咁🇯🇵兩件三文魚🍣+ 兩件帆立貝：飯比較大件，而且吾夠黏身，吾知做咩件件一樣味，都係有陣酸姜味，一般天婦羅🍤： 炸秋葵、🍄、蝦🦐、蕃薯🍠，粉漿夠薄，吾會太厚，食得出用料上乘，蝦肉質比較實，蕃薯🍠係自然既甜，不是人工甜。食左咁多先叫一個套餐，已經飽到上天靈蓋，點知原來仲有包埋一杯飲品（凍/熱）同價，仲有個雪糕🍦送，當時是白桃🍑味，奶味濃，淡淡桃味，完美作結😀總結： 百多元一人既lunch set 好高質可惜員工服務態度一般 可以太忙既關係不過性價比高 會再黎光顧

之前係灣仔返工間中都會同同事黎神樂屋，午市平均每人百幾蚊左右，雖然聽落好似有啲貴，但我覺得絕對係物有所值，完全對得住個價錢！我每次都會叫牛肉鍋定食🤣超大碗超多牛肉，仲有壽司🍣，仲要包埋野飲同雪糕，次次食完都飽到上心口，好滿足😍但我成日食完都飽到唔想做野😂有時直頭dinner 都唔需要食太多野，所以如果灣仔區返工想嘆個好啲既lunch 既話都可以去試下架

早年都同同事食過好幾次, 唔知果陣係我地人多去食, 定係餐廳轉咗員工o既關係, 今日o既服務差咗勁多！！今日我地 3 個女仔去食, 白衫四眼疑似經理o既 Reception 帶位, 我地因為驚食唔晒, 同埋又唔見有寫話要咩最低消費一人一鍋 o既字眼, 所以分別叫咗 2 個大 Set 3 個人 share (一個 HKD155, 一個HKD115, Total 埋單HKD297, 最後都係剩返大半個鍋烏冬+2件天婦羅+半個雪糕食唔晒)我地 12:15pm 落單, 啱啱叫完野食無耐, 我立耳聽到個白衫四眼疑似經理响 Reception 位置同個落單同事講, 話要叫人頭餐, 咁我地都打算如果餐廳一定要叫一人一鍋o既, 我地咪照加個魚生飯囉～點知落單同事只係走埋黎問我地仲有冇野要嗌, 冇就幫我地收走個 menu, 咁我地梗係唔嗌啦, 因為根本都知道食唔晒。野食到咗, 食咗一陣, 我已經見到果個白衫四眼疑似經理响度眼望望, 跟住食咗一半, 果個白衫四眼疑似經理就走埋黎, 態度勁差咁大大聲咁同我地講: 就行咗去！嗌都嗌唔住咁即係擺明趕客啦！！！大佬, 你帶位+落單+再返o黎拎 Menu 果陣又冇講

呢間神樂屋係我同好多OL同事又愛及恨既地方🤨愛係因為佢既一個餐有齊壽司同鍋燒烏冬😍 有前菜餐飲雪糕✌🏻 埋單都係百零蚊 per hea抵啦但嬲既係仍然無得卜位有時等半個鐘 等上菜又20分鐘對於得一個鐘鬆D食飯既人真係唔多夠時間同埋請多D人 上菜快點會更好！

lunch經過同朋友一齊去食，雖然面積唔細，但非常多人。尼間野既lunch set烏冬比較多，不過本人因為唔中意食烏冬，所以選左牛柳粒飯，成set包埋飲品同甜品，仲有湯，味道都ok。

火鍋連日式放題，當夜同朋友共4人由1830食到2200，唔限時，又唔會催人走。火鍋有好幾個價錢選擇，當晚揀左最平$248果款，2個湯底，1款肉(豚肉)。個人認為要視乎各人嘅大食程度因爲火鍋以外嘅食物都有好多選擇。刺身好新鮮仲唔孤寒，有份量。 炸蝦天婦羅都係必食，脆漿做得好好，唔會太厚。炸得啱啱好，完全唔油膩。甜品方面雖然唔太多選擇，但雪糕係一致認為最出色，有牛乳味同朱古力味，個人喜歡牛乳味，超級香滑，食到好飽都至少要食2杯。而朱古力味都做得好好，佢同其他地方最唔同嘅係你會食到苦味，係用純黑朱古力去做，如果怕苦佢地有mix版，2者融合非常好味。

第一次過來食飯，係同事帶我來食，未到之前，個心就諗係酒店既日本餐廳，會唔會好貴咖？最後答案係都少少價，但不是天價。。✌🏻😂今次6個人來食，Farewell 一下個同事仔，撞正係星期日，午餐時間無平日人山人海，所以可以直入。Lucky...Yeah Yeah~~✌🏻✌🏻✌🏻✌🏻😂😂係呢度我最鍾意食佢個烏冬，清清地我覺得幾好食。但為食嘅我又㸃會只食烏冬呢（何況我叫個烏冬無餸嘅🤪🤪🤪)我叫個餐除左有烏冬外，仲有滑蛋豬扒飯，豬扒夠厚身，蛋又夠滑好食。👍🏻👍🏻👍🏻，但兩樣加起來實在太大份，唔係好食得晒。😂😂😂朋友叫其他餐都好吸引，佢地話鍋物好食，不過咁熱我唔係太想食，仲有個冷烏冬撈，但同事話個汁同烏冬撈埋一齊食麻麻地，好在唔係我食。🤪🤪🤪🤪🤪食到呢度你以為己經食完？仲有甜品俾你呀✌🏻✌🏻✌🏻，今次個甜品係綠茶捲蛋，好好食呀，不過平時係食雪糕，相比之下，我都係覺得雪糕好食啲。😂😂😂P.S. 唔知點解今次個檸檬茶變左做雀巢檸檬茶加檸檬？唔通星期日無人沖茶？要買現成？😂😂😂

牛肉烏冬配六件壽司本來有兩件吞拿魚但因為我唔鐘意食吞拿魚所以隨機換左兩件好似鯛魚壽司賣相一流未食已經加分帶子壽司鮮甜三文魚也很厚，亦好鮮甜其實食完六件壽司已經飽仲有大大碗牛肉烏冬牛肉好多塊，流心蛋撈埋一齊好夾烏冬彈牙，好好味其間侍應加茶都好落力服務態度良好每個套餐包一杯餐飲我叫左可樂走冰非常爽 YY 最後還有甜品是扭紋朱古力牛奶雪糕🍦🍦好濃郁牛奶味出去買都十幾廿蚊所以呢個套餐$115 加一 絕對超值🤩

介紹這個午餐之前，特別留意一點! 就是必定要平日放lunch時間要預早12:30前來到拿位，因為真的特快滿座🤷‍♂️, 這天上完Talk早在11:45就來到做第一檯客，多了時間...我們選擇了差不多10分鐘才決定到食那個餐🤣，因為每款都實在太吸引。最後自己終於選了清清地又滿足的一個餐，讚岐風溫泉蛋撈烏冬天婦羅壽司五件御餐。真係名都長過人吸引不得了👍將溫泉蛋打散的治癒感撈上份量不少的烏冬，加埋滿足的天婦羅壽司，最後還有一個雪糕甜品，這個價錢加上用餐環境舒適，以灣仔區來說的確是超值。另外兩款同事叫的也非常吸引!👅美味: ⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️/5

北海飯定食🍱.日本野係小編至愛😍而呢間都係好去處😋北海飯定食🍱有燒三文魚碎+粒粒帶子+三文魚籽飯，食完感覺冇普通刺身飯咁heavy，都好岩女仔架👍🏻燒三文魚鹹鹹地，魚子頗甜，紫菜條都調到味，不過白飯就差啲唔用日本米。唔夠飽唔洗怕因為有一碗細烏冬🍜，連埋餐飲同甜品，都只係$100，CP值幾高！雪糕係每次不同款，是日係朱古力mix牛奶味雪糕🍦，正呀喂😁.溫馨提示：午市時段經常爆場，book定位或12:15前到達會更佳！✨✨✨

就算食物幾好都無用，四眼經理超串！！！😡😡😡今日去食午飯，飲緊餐茶已趕人走！！！鍾意俾人不禮貌對待的就去幫襯！！可惜寫唔到負分！！一句講哂，「無下次」！！！

出面一般放題餐廳又限時又坐得擠迫,永遠想盡快填飽肚回本便算經朋友介紹位於灣仔香港華美粵海酒店2/F搵到呢間 ' 銀座神樂屋" , 除了有一般的日式魚生, 壽司, 炸物外,更可以打邊爐, 滿足兩個願望價錢是視乎牛肉等級分類, 我選擇了不$268, 牛肉十分大塊，不像一般又薄又細而且亦有幾款不同的湯底已供選擇今次叫了豆乳和昆布湯底另外餐廳還提供了不同蔬菜，菇菌，各式各樣的丸，非常整潔乾淨放在食物盤，供大家自己去取魚生拼盤, 魚生很新鮮肥美.必須耍食的手打烏冬, 很有咬口最後留肚食牛乳混朱古力雪糕,棒著滿足的肚回家.

今日朋友带我去左呢間食佢晚市放題，真係唔上過去唔知原來咁抵食，只係普通一個放題價錢。因為係正酒店隔離，仲要係用同一個大堂，真係唔係附近行慣都識上去。装修有d日式加中式嘅感覺，當日去人流唔算多，坐得都幾舒服。食物賣相唔差，有個鸳鸯炉畀你碌下嘢食，亦都有d寿司刺身炸物，佢個抹茶蛋糕我覺得好正！！

屋企人介紹，呢間係酒店入面嘅日本餐廳真係好正！佢既定食真係有好多款可以揀，好多都想揀，諗左好耐終於決定好。就係嗌左呢個 牛肉烏冬鍋六件壽司定食。烏冬鍋個湯底係壽喜燒嘅湯底，甜甜地好正。牛肉就ok冇乜特別但份量就好多。仲有温泉蛋、冬菇、生菜同金菇等配料。Overall都好食既！之後仲配埋六件壽司，分別係三文魚壽司、吞拿魚壽司同埋帶子壽司。重點係有我最愛既帶子壽司，真係超fresh超正！定食有咁多嘢食之如，包埋一杯野飲同飯後甜品-雪糕一杯。