銀龍粉麵茶餐廳

營業中

休息中

今早去明愛電腦，順道到銀龍買蛋治吃。時時在這兒話銀龍好差，但我不覺，幾好呀，等外賣時，見有個姐姐話沒有辣椒油，那收銀姐姐立刻叫侍應拿及她，扺讚。蛋治好好味，不過不夠熱！不知道有沒有茄蛋治？下次會買其他蛋治。

第1 叫外賣個陣 聽電話個個人態度好悔氣 好似好唔鋸咁 次次話外賣紙 一係未印好 一係就話派哂 咁叫我點叫野食牙第2 d野食又唔係好食 價錢又貴 碗紅湯勁咸 跟住個意粉d汁又好咸 難以入口 d火腿又煎到燶哂 勁度唔掂 成個餐得杯野飲係正常以後都唔會幫襯咁都$88好唔抵囉!!!!!!

O係呢度食左個早餐, 個餐係食 $19 腸仔面 (普通面), + $6 蔥花煙肉抄蛋(油味重) + $3 占多(即係唔可以油占兩樣)+ $3 凍飲(一般都係兩蚊, 如果係普通茶餐廳), 最後總數 $31, 實在太過份喇.

我叫左個星洲炒米 + 凍奶茶 ($36 + 6)~自講service，d staff好似話知你咁，叫佢地又唔多理你，冇服務可言!~未食都冇乜好感~不過，無可否認，佢用既米粉食得出唔係cheap既，好幼，有d透明，口感唔粗糙~ 加上佢真係好大碟，女仔應該可以兩個人share!~um...如果我真係冇其他選擇，我都會考慮叫外賣既~

晚餐48大元，下午茶餐24-26元，不過好細碟，如果唔食西餐，轉食中餐，，起碼88 元，唉，我仲住o係o個度，其他地方又冇茶餐廳！！

夜晚d小菜好夠鑊氣,好好食,不過份量有d少碟頭飯好味,咖啡奶茶幾好飲!早餐大致okay~不過係個火腿奄多油得滯~同埋選擇比較少...下午茶時段,都有好多野揀,價錢okay~焗意粉幾好食,炒飯都唔差~燒味飯,以前幾好食,因為我見佢係訂隔離街市個間燒味舖,不過最近好似執左,轉第2間燒味舖，所以d 燒味素質下降!不過有d野食價錢略貴,唔算抵食服務好好!

開頭呢間嘢都總算過得去，不論價錢食物服務態度都算OK。不過D嘢食就越來越差！完全唔明點解區區一個公仔麵可以煮到咁難食！一係個麵就未煮熟，一係個麵就熟過籠，冧過乜咁！喂，公仔麵一個噃，唔係D咩難煮既嘢吖！D炒嘢就好勁！尤其個炒公！好勁………勁咸！好似D鹽唔駛$咁！D嘢食越來越差，不過個價錢就越來越貴！間嘢開咗唔夠兩年，價錢就加咗超過兩成………開始有點懷念之前果間海X茶餐廳，D嘢食都冇呢間咁難食！

之前的茶餐廳執左, 對此區住客是天大喜訊, 因為所有食物都難食夾貴, 是自然淘呔.此店新開張時試過雲吞面, 水準一般但好咸好多味精, 茶/啡ok! 葡汁雞飯也很難食, 雞冇味唔緊要, 知道是雪雞, 但葡汁只有顏色沒有味道, 叫人如何吃下去???試過早餐, 煎蛋好像用油浸熟, 食完成碟油, 好唔健康, 面包欠新鮮, 牛扒重梳打味也不新鮮, bf 吃的沙嗲牛肉面更不知所謂, 重面粉味及淋pat pat, 吃一口已不想食.近日經過見光顧的人越來越少, waiter 是年輕人也有禮貎,但食物質素奇差, 如不改善, 相信很快便關門, 這個屋苑只有一間快餐店& 一間酒樓& 一間茶餐廳, 隔離屋苑只得一間快餐店& 一間酒樓, 兩間酒樓食物質素也非常差, 家人及朋友迫不得意貪近, 大約一年才光顧1、2次, 要落街吃東西會坐車到上水, 你話幾慘情, 如果唯一的茶餐廳做得不好, 你話搵食幾艱難呢???

大戰前, 在銀龍吃了下午茶餐的c3, 菜粒蛋白炒飯。啖啖味精, 份量亦少得可憐, 真差勁。朋友的焗豬扒飯, 我見到豬扒硬得可打死人, 建議不要吃以上菜色。

去過咁多間茶記, 對"非熟客"來講, 這間銀龍的侍應, 是難得的咁好禮貌, 可謂萬中無一。最impress是晨早的一句早晨, 是十分"陽光"的。而熟客是"x太早晨"。每每睇完波, 朋友們都喜歡在此歎個早餐才打道回府。早餐水準一般, 但勝在"選擇多", 且彈性。朋友想一早吃酸辣米線都有得吃的, 佩服朋友吃得下之餘, 不得不佩服銀龍。到下午睇完"估市", 去銀龍吃茶餐又係抵到爛的。肉醬意粉, 干炒牛河, 炒飯等都只係$22/一大碟, 而味道又唔錯, 試問可以o係邊度搵?