銀龍粉麵茶餐廳

營業中

休息中

今日去葵芳做野，順便係果邊食買個飯啦！因為中午食飯時間有限，所以柬左間茶餐廳，夠快⋯⋯我點左一份福建炒飯，仲可以加鮑魚！福建炒飯，味道就麻麻⋯⋯特別加左滴鮑魚汁，感覺同個炒飯唔係好夾，因為鮑魚係罐頭，所以撈左個炒到之後，又有好重的罐頭味，完全食唔到炒飯原有葛味道建議揚州炒飯唔好加鮑魚可能個味道會好滴

午市叫個咖哩魚柳蟹柳飯刷新左我對茶記嘅認知，碟野一嚟到，魚柳唔見左嘅？ 原本係啲咖哩汁個底到，所以啲魚柳淋哂…..然後個咖哩汁又稀又酸。。。。唔知搞乜凍奶茶叫左3次少甜，落到單都係冇少甜。。。呢餐咁就要$63，價錢同質素有啲唔對等喎。。。目測最多人食係雞翼腸仔煎雙蛋飯。。。不過啲姐姐又冇之前食評果啲講到咁差，都叫正常姐姐嘅。。。自問我對食物要求都唔高，細個學校訂飯我都清得哂，但今次真係唔掂，完全食唔哂

小弟第一次寫食評真係忍無可忍2024年6月4日 約早上6點半葵芳分店食 香辣雞肉丁餐肉蛋麵碗野得4粒肉丁，之後我向侍應反映，點知個侍應好悔氣話冇辦法。貴為連鎖店，呢知處理手法點令人接受，就算細餐廳都第一時間講聲唔好意思，加返合理份量。

七一那天附近，上友人處打牌，豈料突然打風，在刮風前叫了外賣，比想像中快到。以為外賣炸物一定又乾又難吃，反而這次的銀龍炸脾比有時現場吃更好吃更可口，因為沒人外出吃，即炸更新鮮嗎?炸脾薯條，炸雞脾多汁，皮脆夠香、肉嫰，薯條夠熱夠香脆，兩樣都相當不錯；份量不太少，不會因外賣而減少份量茶夠濃，咖啡味亦不太酸，因此駌鴦味道相當不錯，提神有益在就打風時仍然保持質素，而且極快送到，銀龍果然不錯，是除了祖樂比與南記外最喜歡連鎖之一

今日又去到飯堂食午餐, 叫咗個快餐, 粟米滑蛋肉粒炸魚塊飯, 呢個飯堪稱係頹飯 嘅經典, 一個白飯淋上粟米肉粒同埋炸魚飯就可以馬上上碟,快靚正, 粟米有粟米味,配上已經炸好的魚塊,送白飯一流!

經點餐app叫外賣，自取時間已到，前往詢問餐點是否未準備好，當我一展示手機點餐app畫面，職員態度、語氣奇差，不停強調「呢啲要等架嘛」、「等下啦」，我表明只是詢問一下而已，她仍然不停強調要等，完全不理我的問題，亦沒有看我等候的編號幫我查看，我只是想知道是否未準備好😡

收銀係餐廳門面，但係態度勁差，倒米趕客，吾怪得午飯時間得你地都冇爆場。你部支付scanner 感應差，scan吾到，收銀員完全冇郁下部機。電話又較到最光，個code不嬲都係咁用，係得你間野用吾到？？？？？個收銀啊嬸反而係到鬧人：「你快啲啦，好多人等啊後面。」然後，我建議佢不如郁下部scanner，同埋檢查下有冇禁到可以開始scan。收銀啊嬸：「你部電話吾得啊 關我部機咩事，我部機放係到點郁啊，你吾好整壞我部野添啊，我到時真係xxxx」繼續郁部電話不同角度都吾得，吾同距離都吾得，收銀啊嬸再鬧：「哎呀，快啲啦！一日多幾個你呢啲客我仲洗做既！！」收銀啊嬸終於企起身郁下部scanner, 佢都郁/整左好耐先最後scan到你地餐廳請咩人請反省下，再有啲害群之馬，你間野只會臭名遠播，愈來愈多負評

無lala俾個侍應鬧，傻傻地，見下面d人近期都講佢哋服務態度差，唔知係米特登整走d客，唔鐘意就唔好做仲好，叫外賣時又係語氣差，唔想做我生意甘，成間野怨氣好重好重

當日，朋友先入座坐下等候，並已掃瞄了安心出行。而本人稍後到達並在正門量度體溫後入座，因為知道座位旁設有安心出行掃瞄碼，故打算坐下後取出手機掃瞄，但在步入座位途中，一名帶眼鏡男職員突然以兇惡的語氣喝罵：「嘟左安心出行未？填左紙未？入嚟做乜？」我指往前方告知友人在內，並前行坐下，怎料該名職員更大聲惡言相向：「有位又點呀？佢有佢、你有你，每個人都要自己嘟安心出行，唔嘟可以寫紙仔。」我繼而從背包取出手機掃瞄安心出行之際，該名職員又從旁大叫：「唔鍾意可以選擇唔嚟，無人迫你嚟。」我從沒表示不滿意或不掃瞄，當時雖感到受侮辱，但為息事寧人，便不多加追究，離開餐廳並回應：「嘟遲一陣都唔得？咁我走喇！」這名帶眼鏡的男職員見我離開餐廳，更一面不屑地揶揄本人：「唔該哂喎！」職員無理取鬧，對待顧客的態度令人髮指，而且安心出行掃瞄碼的位置亦是不合情理，如果不可以坐下來才掃瞄安心出行，為何在座位旁貼上安心出行掃瞄碼？職員態度惡劣，出言怒罵食客及喝止食客不要光顧，實在令人難以接受，忍無可忍。

每星期都去一至兩次食早餐，見到啲女侍應嘅服務態度，已經忍無可忍，全餐廳嘅女侍應對客人都有敵視嘅態度，我真懷疑佢地係長期親戚到，上至藍衫所謂高級侍應，下至普通侍應，都好齊心咁對付啲客人，食物已經一般般，食個豬扒米粉，米粉淡到清水，豬肉丸河啲肉丸又係淡戊戊，價錢又唔係平，相對份量又細又唔扺食，仲要服務勁差，黑面神上身，見到好多人都係呢到投訴，呢間銀龍唔明仲有咁多人去食，已經決定唔會再幫襯，食到一肚氣，飽哂。

多年來經常有光顧早餐，都知有資深侍應態度比較差,但大部份都ok..今日遇到這位資侍應心情不太靚。表現不耐煩。。。雖然食物算ok...但如果不想受氣的食客。附近有大把食店選擇，或者不要去卡位那邊。

今日早咗收工 就去附近茶餐廳嘆個下午茶先返屋企啦😗 不過整吓整吓都已經六點半啦 不過好彩呢間茶記嘅下午茶做到七點 啱晒想早食晚飯嘅朋友👍🏻 今日收工啱啱好趕得切呀😂同同事叫咗個鹹魚雞粒炒飯同埋鮮茄焗豬扒飯 兩個飯份量都唔少 上枱時仲好夠熱🙊鹹魚雞粒炒飯 份量幾多而且好有鑊氣🙂 鹹魚粒脆卜卜嘅 鹹魚配埋炒飯 味道就啱啱好 唔重口味嘅我都接受到 配埋佢個辣椒油仲正呀😺鮮茄焗豬扒飯 飯係用炒飯底 一樣都夠晒乾身 豬扒都好多肉 只係最側邊係有骨㗎啫 番茄醬就唔算太有味道 算係一個普通嘅汁 有埋芝士鋪喺面 撈埋個飯食真係好滿足🤤飲品方面 我哋就帶咗熱奶茶同埋熱檸茶 檸茶就冇乜嘢好講喇 奶茶呢間都算幾好飲 所以下次如果又早放工 我都會再考慮嚟呢度食下午茶餐

是日係銀龍餐廳食個飯，叫左兩個餐。一個湯飯餐、一個鐵板餐。兩個餐跟兩杯野飲鐵板餐跟一個羅宋湯，幾好飲仲送一隻牛角酥湯飯大大碗，不過味道就淡左d！整體上不過不失啦！

難得一次品嚐下午茶，是次點選了一道西多士茶餐。它的名字與平時經常吃的有點花巧-雪山西多士。雖然材料跟普通的西多士沒有大分別，同樣以沾上炸粉的麵包連同花生或巧克力醬的餡料放進滾油快速炸至金黃色。它的賣相較其他的與眾不同，「山」是以幾塊切成粒狀手掌般大小的石頭，然後跟堆砌積木般做成一座山的形狀; 「雪」則是指山上的石頭上加上一層白色粉末狀物體作裝飾，實際上它沒有味道及一點不冰冷，只是增加賣相吸引食客品嚐而已。這獨特的做法每一塊的熱力較一大塊過平面的更能鎖住汁液，即使炸過後餡料的味道沒有流失。反而一團水果香味滲透麵包的纖維當中，油而不膩。增加蛋白質成份，絕對是健康之選，值得一試。

有好幾次在此進食，發覺樓面員工服務態度惡劣，很不情願工作，很多負面情緒，發負氣，寸客人很有一手。應全面檢討代客之道。請明白葵芳是一條老邨，茶餐廳應是一個較有人情味的地方。至於食物質素，還是不錯的。