鋒味屋 (已結業)

同朋友夜晚去食嘢，叫咗個雞絲腸粉、燻蹄、咖喱牛腩～但係點知冇牛腩，然後老細又送嘢飲又送雞翼又送白雲鳳爪😮‍💨🫠開心～愉快經歷～同埋收銀姐姐好靚😊好人一世平安❤️

<繽紛樂朱古力腸粉🍫>見到佢用曬全包繽紛樂去整每啖都食到繽紛樂😂再加左朱古力醬同綿花糖所以味黎講 無乜問題 因為腸粉本身無乜味而腸粉係比較薄同煙韌果種同一般酒樓食果啲好唔同同繽紛樂脆脆既口感唔太match不過！不過！個人覺得如果雪凍左 有可能會係唔錯既甜品😂

口痕想食少少野，去左呢間鋒味屋，好似主打腸粉？但見佢又左麻辣燙同其他炒粉麵飯，都好似一般港式店咁包羅萬有啦，求其叫個麻辣燙試下，想食辣野。原來最低消費要三十蚊，就叫左個肥牛金菇米粉，麻辣湯底中辣。等左陣就煮好，個味似曾相識，諗諗下…咪就係即熱火鍋個陣麻辣味。個人黎講唔難食，但又唔係話好食，點講好呢…味道偏寡，得個辣字無乜味，湯底有啲偷功減料，不過三十蚊你想點，唉～肥牛金菇正常街市買到嘅味，米粉都係啦，叫做有人煮熟唔使自己煮又唔使洗煲囉，試下無妨嘅。

前排睇左某YouTube 介紹屯門睇到原來有個咁既地方就來左上到去即叫左個石磨既曼魚腸（本身諗都覺得怪既）加左蛋 亦好彩自己有叫加蛋等左一陣 三分鐘左右已經有姐姐好快手一啖入口係滑既～ 又有少少米味 就算加左麻辣都冇蓋到個味～ 唔錯既但個曼魚少得可憐～ 同食齋腸冇咩分別～ 亦都唔夾～

一心想食碗正正常常既酸辣紅薯粉，全場好似得佢一間賣紅薯粉，諗住試吓佢。點知我想叫既配菜大部分都冇，買枝水又冇，心諗算啦，可能岩岩開鋪，未補貨。最後我就叫左魚腐、腐皮、百葉豆腐同紅薯粉。去拎食物個陣，見到有隻BB曱甴係枱邊行過，我當睇吾到🥲。然後，我見到個外表不太吸引，之後食落先知大伏！魚腐係厚身魚片；腐皮係爽而偏硬（厲害🙃）；百葉豆腐都係偏硬身；紅薯粉係粉絲咁幼，完全吾係普通街邊嗰啲有口感既薯粉，超失望。湯底係一般，麻酸辣但冇麻。**平時冇打食評既習慣，都忍唔到上黎寫負評**

-鋒味屋 主打係石磨腸粉我揀咗肥牛雞蛋 價錢 $27 本身諗住食叉燒但係又覺得成日都可以食到所以就揀咗肥牛雞蛋 店員話大概等3分鐘 份量唔算太多(我哋兩個人超快食晒)每人都淨係食咗少少咁😂😂望落去好似好淡茂茂 腸粉比較乾身 入面嘅肥牛同埋雞蛋兩樣都唔算多 覺得呢個價錢黎講真係唔係幾抵食 肥牛又有啲難咬 如果多啲汁會好啲 味道比較淡 腸粉皮 好啊係幾正嘅但係材料方面就爭咁啲啦。。而麻辣汁店員推介必試 因為我怕啦所以就冇叫咗咁多 真係超級推介要試吓 雖然同肥牛腸粉唔係好夾但係隻汁好吸引 夠麻但係又唔算好辣(≧▽≦)

石磨腸粉愈開愈多～今次就突登黎食個早餐～平時去飲茶好鍾意食叉燒腸，太耐無飲茶，所以都要食下叉燒腸hahaa～ 今次叫左石磨叉燒腸粉，有得加麻辣燙汁，好正～！！！佢唔會好辣，但係就好香～勁正～！有無勇士要挑戰下甜品？？ Hahaa

我跟睇戲好友，間中會走到屯門睇戲！我們也會走到戲院附近的雅都商場 Go Go Mall 醫肚！這裡的美食各有特色，鹹甜點、小食...，基乎應有盡有！我們發現有間供應石磨腸粉的 <鋒味屋>！店內真的有個石磨，即製石磨腸粉！等上大約5分鐘！一客石磨腸粉是滿滿的，做午餐或晚餐都夠飽！火腩腸粉 $25 加雞蛋 +$3 加蔥 +$1火腩本身已有一定鹹度，薄切火腩配雞蛋及蔥，相信是夾得來的組合！石磨腸粉即叫即蒸，熱辣辣，質感柔軟，卻不能說很滑呢！加了豉油的腸粉，已經提味不少！老闆娘另給我麻辣汁，的確更惹味啊！鰻魚腸粉 $28 加粟米 +$3 甜美的鰻魚跟石磨腸粉一樣夾得來，我覺得加上粟米會好啱口味呢！ 鰻魚及粟米的配搭，也變得日式口味呀！ 配合店方的豉油，有畫龍點睛之效！蝦腸 （無影相）$25就算店子選用雪藏蝦，依然食到鮮味及爽口！白汁吞拿魚腸粉 $25 加粟米 +$3吞拿魚鹹味突出，跟本身淡味的腸粉很夾！加入粟米，增添口感及清甜！配上店方的豉油，簡單美味！店方的花生油是自家炸製而成，相當有誠意！店方用心誠意之作，加上貼地價，就算疫情下，亦都依然屹立不倒！可見其實力所在！ 值得支持

第一次光顧這間食店，就在商場的裏面，這裏有一點兒像美食廣場。。價錢方面，也不算太昂貴，都是親民的平民小食。。這裏的腸粉選擇很多，但看餐牌也有一種花多眼亂的感覺，而且腸粉的配搭10分新穎。在我的概念裏，腸粉應該是鹹的，可是這裏的腸粉是一種嶄新的食材，從來沒有想到腸粉是可以放朱古力在裏面呢。不過第一次嘗試，我還是選擇了咸食的。所有的腸粉都是即叫即製， 10分新鮮，而且也可以隨自己的喜歡加上不同的食材，選擇了肥牛腸粉加雞蛋，配上了麻辣的醬汁，真的10分惹味。腸粉皮的厚薄適中，最重要是即叫即製，那個秘製醬汁也為這個腸粉增加不少分數呢，不過腸粉的幼滑仍有待改進呢。

同女朋友冇野好做入屯門行下，竟遇到間平靚正小店！位置係一個細商場入面，類似小型food court中的小店。坐係旁邊公共地方用餐。想唔到平平無奇小店可以令我重燃食慾！1.招牌叉燒薯粉薯粉與食開的不同，較幼，亦煮得淋一點。然而味道出奇地好，亦有湯汁，非常易入口。叉燒粒甜甜地好夾。2.原條鰻魚飯真係好大條鰻魚。肉質不錯，唔會太淋。配上甜甜的鰻魚醬汁，非常開胃。出奇的欲罷不能！仲加左d海苔令味道絕佳。3.油菜油菜竟然好夠鑊氣，真係好好食！完全驚喜油菜放在平面的鐵器上煮。老闆介紹有自製菊花茶、豆漿、酸梅湯，又有即磨腸粉，好似都幾吸引。餐牌仲有好多粉麵餸菜配搭，任你自由選擇，加幾蚊加蛋加菜又得，豐儉由人。總括今餐CP值高，之後一定再黎試下！環境：餐牌：

平日食熱氣野多，下午茶通常鍾意食公仔麵，又比屋企人話冇益、多味精，想搵啲健康啲嘅嘢去食，鋒味屋嘅嘢食標榜冇味精，包括石磨腸粉同埋麻辣燙等等，似乎想清清地食石磨腸粉係唔錯選擇。最正常我諗都係食叉燒腸粉，點知原來叉燒腸粉仲有好多嘢可以加，從中揀咗好健康嘅生菜同埋冬菇，做到出嚟見到好多餸，叉燒超大粒，完全顛覆正常叉燒腸嘅概念，冬菇好滑，個豉油比較偏淡， 正好我想食清淡所以覺得幾好，店員話豉油偏淡更健康，如果鍾意食比較鹹嘅朋友可能會覺得打折扣。繽紛樂石磨腸粉一睇覺得好特別（奇怪），腸粉係咸嘅，又點可以加繽紛樂呢？咁如果腸粉係甜嘅又點叫做腸粉？做出嚟嘅賣相確實令人好開心，原來唔使加豉油，係加朱古力醬，大膽咁樣咬落去，外軟內脆，最裏面又軟，口感好豐富，味道出奇地好食，出奇地夾。係好好嘅飯後甜品第一次飲到有少少豆渣嘅豆漿，感覺好有營養店員全程都好有禮貌咁講解，佢哋腸粉有幾十款，下次會帶屋企人過嚟試吓其他，比佢哋一啲驚喜。

朋友講屯門有間腸粉幾特別，今日途經就過來食個下午茶，這間鋒味館都幾特別，原來除腸粉仲有油賣，一路都見有個石磨磨緊，感覺好新鮮又幾特別，款式以淨腸加配菜為主，我就買了最普通的雞絲腸粉，加菜莆配了豆漿，約二十三元，等了十分鐘可取，腸粉即時加油同豉油，豆漿收銀都窩心記得搖先好飲。腸粉都大份，食時覺得腸粉不夠滑身，雞粒不多，沒有味道，豉油都是偏淡味，一夾腸粉爛所以不可夾到雞肉一起食，一試就夠，另外的豆漿口感比較杰身不太甜，味道都可以，最底飲完仲有豆漿濃液，下次可能叫淨腸粉先。

-🦄-蔥花蝦米腸+生菜金菇Hkd22Rating🌕🌕🌗🌑🌑-近排真係迷上左食皺皮腸粉🤭雖然已經興左好耐咁岩屯門GOGO MALL都有間石磨腸粉😂咁近唔係唔食呀 平日既晏就係冇人既👍🏻所以落左單好快有得食 佢係即叫即整既🤤保證新鮮熱辣 唔洗驚擺耐左會變硬變凍😮-🔥份量方面🔥大家見到都係一盒既一半左右🤯其實唔係好多叫左蝦米腸但啲蝦米真係好細粒 幾乎睇唔到所以食落都冇咩口感 加左生菜同金菇但份量都好少相信如果唔加生菜金菇陣係得蝦米😅就會同普通一條咩都冇既腸粉一樣😅🔥滑溜程度🔥唔係好滑好順喉 但都味去到硬既🤣滑溜程度一般 畢竟係即叫即製 差極有限😌🔥其他/總結🔥總結係個腸粉冇咩特別 唔會話特別有米香🙂而且份量比較細 不過佢個Menu都有好多款可以簡好似係有好多唔同既海鮮 可能呢個係唯一優勝之處-下次會介紹同區更加吸引更加正既石磨腸粉鍾意食腸粉既你記住留意喇Haha🤪🤪如果大家有咩好食又好推介既皺皮腸粉店都可以cm禁下個Hastag睇下其他腸粉既介紹啦🤩🤩-

宵夜，宵夜！weekend 就要食個燒宵夜吾願瞓先至係週末😂😂go go mall 話星期五、六、日會開到凌晨，就去搵嘢食先，大概10:00基本上都上晒，大概仲有四五間啦！我就試吓呢間鋒味屋，石磨腸粉唔錯！有個隻石磨係門口度，價錢都算合理，份量都夠多👍有下次

開頭都幾好食，甚至開頭個後生仔主力做腸粉既時候都煙銀同夠晒巢皮，但換左第個，拉得無咁巢同好軟。最重要係我多數叫叉燒腸，開頭係條狀或者係薄片，推腸粉嘅時候咁嘅形狀會好融入條腸粉度。中間都會有叉燒黐住係啲腸粉度，係會互相交融嘅。但近呢兩次食都係正方形粒狀，叉燒還叉燒腸粉還腸粉，甚至好似係蒸完之後淋啲叉燒上去咁。對上一次食啲叉燒粒仲好大粒，細粒過嗰啲骰仔少少，最近一次就碎到不得了但係都算係粒狀，腸粉勁軟，過晒火。仲少少益益地味，唔係好新鮮。最近見佢選擇多咗，餐牌同招牌都冇咁大陸味，但都係個類感覺，同埋質素下降左，可惜。