鋒味廚房

營業中

休息中

本身諗住貪方便求其試下，d食評又有啲話差，叫屋企人不如改地方，但阿媽話試過飲茶幾好，又平又好食，甘就是但啦，阿媽話乜就乜，唔洗煩，點知竟然有驚喜，叫左4個餸，咕嚕肉同龍蝦伊麵好食，另外乳鴿個皮係脆，唔係炸定返叮，好好味，美中不足係個雜菜煲d魷魚少啲，全部餸都夠熱，份量足，估唔到有驚喜，下次會再去，最緊要平民價錢，今餐我請唔肉赤，哈哈

龍蝦太老，唔新鮮紅星蒸過時間，太「霉」咕嚕肉，唔掂，兩餸飯好食過佢炸蠔還可以，唔熱炸子雞還可以，唔熱蒜蓉白菜仔，一般可以炒飯可以，最少都叫熱小炒皇，唔熱，冇魷魚，麻麻乳鴿，凍，唔好食整體嚟講，寧願食兩餸飯

上次同媽咪食過，覺得一般般，今日去元朗拜年，又再經過呢間，由於有老人家同行外出食飯，所以揀呢間，貪佢夠就腳。上到去發現裝修好咗，店員服務改善咗好多，有返啲笑容，在店員推介下叫咗幾個小菜試試。今次啲野食味道進步咗，特別推薦菠蘿咕嚕肉同龍蝦煎麵，菠蘿新鮮，唔是罐頭菠蘿，龍蝦肉厚、彈牙，公公食完之後話間野好過大型連鎖酒樓，仲大讚野食份量十足，值得光顧。可能轉咗廚師，啲質素真心高咗唔少，有機會嘅話再次光顧。

一間隱藏係工廈既小廚，如果唔係行過見到大大張廣告，真係一世都唔會入去食飯。見天氣咁凍，梗係叫個羊腩煲暖下個身，估唔到咁大個煲都係199，仲要勁足料。羊腩炆得好入味，又軟冧，仲啖啖肉，真係大件夾抵食！同場加映菜乾白肺湯潤一潤佢，湯水清甜，一碗落肚個人暖哂，每人都飲到2,3碗！另外叫左個菠蘿咕嚕肉同黑椒薯仔牛柳粒。個咕嚕肉甜酸適中，肉質有咬口，配上新鮮菠蘿，真係惹味又醒胃！相比之下，個牛柳粒算無咁出色，不過都炒到好夠鑊氣，牛肉大舊得來都嫩口！成餐幾個人都食到抱住個肚好滿足，值得推介！

鮮菠蘿咕嚕肉 $128呢個應該係小編成世人食過炸皮最薄嘅咕嚕肉，炸皮夠脆夠薄，肉質好爽亦保持到濕潤，所以口感非常好！菠蘿亦都特登分開有汁同冇汁非常細心！生炒臘味糯米飯 $108見到台台客都叫糯米飯食，所以小編特登叫一碟試吓，不過因為係最尾先上又非常大份，所以最尾食唔晒要打包！個飯非常足料淡淡都係臘肉臘腸潤腸！油份都算掌握得剛剛好👏🏻瑤柱海味什菜煲 $98一上碟淨係睇到瑤柱同海味蝦乾鋪滿晒成個煲，菜膽湯非常好飲，配料夾極都仲有超級抵食！值得一試！(小食）川味豬手 $78又係另一個小編十分推介嘅小食， $78嘅價錢上到嚟份量基本同一碟餸冇分別，非常有驚喜！豬手爽爽脆脆，雖然話係川味，但係馬鄉味唔會好重，配汁類似泰國生醃口味，酸酸辣辣！非常開胃非常大碟！極推薦！

西蘭花炒雙蚌 $138西蘭花炒得啱啱好，唔會過熟食落口爽爽哋, 仲有新鮮爽脆嘅珊瑚蚌、象拔蚌，用XO醬翻炒，炒得勁入味，辣辣地惹味非常！黃金一口豆腐 $98一粒粒柔軟滑嫩既豆腐，內層質地嫩滑，外層炸得香脆，搭配上微微辛香既七味粉同埋炸香蒜，帶來了多層次既口感和味，每一口都充滿驚喜。茘芉油鴨煲 $118天氣開始轉涼，最岩食香噴噴暖笠笠既荔芋油鴨煲，成煲滾住上枱，芋頭煮得粉糯香甜，油鴨肉質油潤帶有粉嫩顏色，用嚟送飯一流。紅燒妙齡乳鴿 $68乳鴿大大隻，外皮脆肉香，肉質入味透骨，貼少少醋同椒鹽粉一齊食，冇得輸！

位於朗屏的鋒味厨房是一家好抵食的餐廳，提供了多款美味的菜式，我和朋友於在鋒味厨房食晚飯，都覺得唔錯👍🏻👍🏻咕嚕肉 - 嫩滑多汁的豬肉塊為主角，搭配香甜帶酸味的醬汁，味道香濃。每一口都能品嚐到肉質的軟嫩和醬汁的香氣，絕對是咕嚕肉愛好者的必食推介😋羊腩煲 - 每年到冬天，便會食羊腩煲。這道菜以嫩滑的羊腩肉和新鮮的蔬菜為主要材料，慢煮而成。湯汁鮮美濃郁，羊腩肉融化在口中，帶來滿滿的肉香和湯汁的滋味。這道菜不僅暖胃，還能讓您感受到濃厚的家常味道😍燒乳鴿 - 肉質鮮嫩多汁，外層燒烤至香脆，帶有微焦的香氣，每一口都能品嚐到乳鴿肉的獨特風味

因為報章介紹，所以山長水遠入元朗試吓，點知無樣好食！超失望😞我哋一行六人，訂位時問有冇車位，對方答先到先得，諗住工廠大廈車位應該唔少，原來得幾個地下車位，結果我地要違泊路邊。講番食物，味道全部淡而無味，最失望係馳名碌鵝，鵝肉鬆散完全無鵝味，連汁都毫無味，我自己煮一定好食過佢。白菜豬肺湯水汪汪，唔知飲緊乜？不過，男待應服務幾好，是唯一可以讚的地方。

今晚一行6人打算到鋒味廚房一試，由於當中有人生日所以包廂，職員表示包廂需要最低消費$1500，我們覺得價格合理，點了半隻招牌客家碌鵝，不入味，其他餸菜味道一般，並不出色；至於服務，侍應擺放餐具時很大力，沒有笑容；包廂其實沒什麼特色，既然已坐下就算吧，但埋單時發現羊腩煲由$198變了$338，收銀姐姐話包廂要收正價，正價係$338，落單時職員沒有說明，我們點菜時亦沒有留意所以沒有問，只知道包廂最底消費$1500，我們要求提供正價菜單價目表，他們說沒有，還表示每個包廂都這樣收🙄，嘩.... 你收$3388都可以喎，唯有聯絡消費者委員會傾下

🌟餐廳：鋒味廚房📍地址：元朗宏業南街12-18號新順福中心1樓A-B號舖💰價位：～$50 - $100⏰營業時間：星期一至日 07:30 - 22:00📱電話：28383808今日同媽媽入元朗逛一逛，黎到朗屏附近，見到有間食點心嘅餐廳好吸引，午市坐滿人，即刻入去歎下點心先~呢間「鋒味廚房」位於朗屏站附近，地點夠哂方便，而且人流都幾旺場，天氣凍冰冰，食熱辣辣點心就岩哂！一坐低我地就揀左最鍾意飲既普洱~茶具套裝都幾有特色，普洱茶葉夠香醇。———————————————————🔹鋒味蝦餃皇蝦餃係餐廳招牌點心，大大粒晶瑩剔透～加入原隻蝦肉包制，用料十足，食落夠哂彈牙～———————————————————🔹蒜香蒸排骨排骨份量好多，半肥瘦加上軟骨位爽脆，蒜香味十足，底層仲加入芋頭粒，食落更加有層次感～———————————————————🔹原籠馬拉糕媽媽就最鍾意食馬拉糕～呢度原籠即叫即蒸，夠哂熱辣辣～馬拉糕質地軟熟，微微香甜，好出色！———————————————————🔹家鄉鹹水角鹹水角外脆內軟，口感香糯煙韌餡料亦夠豐富～———————————————————🔹魚湯鮮竹卷呢款魚湯鮮竹卷值得推介

鋒味廚房 元朗😋蒜蓉炒小白菜經過炒煮後保持了蔬菜的鮮嫩口感，並且蒜蓉的香氣與小白菜的清甜相襯，非常開胃。😋清蒸沙巴仔選用新鮮的魚，經過細心的清理後，用薑絲、蔥段等調味料進行調味，再用蒸的方式烹製。清蒸沙巴仔能夠保留魚的鮮嫩口感，並且搭配上豐富的薑蔥味，非常清爽可口！送飯一流！！😋脆皮雞外脆內嫩的口感😍😍烹製脆皮雞的關鍵在於要使雞皮煎炸至金黃酥脆，同時保持雞肉的嫩滑最後仲送左綠豆沙😆😆位置係工廈一樓，樓下仲有免費泊車，假日家庭日好地方😆🥰

平時周末都喜歡到茶樓飲茶，今日來到呢間工廠大廈樓上舖。分別有4個區域，大廳比較坊間親民路線、房間比較偏向高級感，還是露天特式露營帳幕包箱，不過只限兩間，第四個區域是露天帳幕區，空間比較寬敞，有街坊大排檔風格，特別親民，但就係免茶位。所以我們選擇了室外。午市優惠孖寶$148包括四選一的主食小炒，和十選三的點心，點心以大、中點為主。計一計條數，算得上超值。干炒牛河以平滑的河粉搭配牛肉片，河粉炒得好乾身，混入芽菜增加口感。牛肉也偏向乾身有嚼勁。份量十足。碧綠菜苗餃，餃子皮薄而有彈性，內餡以新鮮的菜苗和蝦肉為主，口感清脆，味道清淡，是健康之選。雜錦鮮竹卷是這個套餐中的一個亮點。竹卷新鮮味香，內餡則包括了各種豐富的蔬菜、肉和蝦，口感豐富多樣，味道鮮美可口，我們都覺得好吃，十分滿意，而且一盅三件大大件，感覺好超值。羊肚菌牛肉球口感綿密，味道濃郁。相比坊間加入左羊肚菌，不過需要細心咀嚼才能感受到，但牛肉球且算彈牙可口。一口酥豆腐新鮮炸起，金黃外表吸引食慾，外脆內軟，非常香口，加入七味粉和芝麻更加惹味可口。燒汁炸茄子則是以茄子炸至酥脆，再淋上獨特的燒汁，外脆內軟，酸甜美味，而且即叫即炸，熱騰騰的口感更

元朗都有星空餐廳！鋒味廚房就喺朗屏西鐵站步行7分鐘左右 極度方便！今日天氣終於涼啦 梗係食返個熱辣辣煲仔啦！❀ 薑蔥台山桶蠔煲桶蠔大大隻仲要肥嘟嘟 薑蔥汁做得不錯鹹味甜味相當平均 仲有香濃嘅香蔥味❀ 啫啫唐生菜唐生菜配合左肉碎辣椒蒜頭一齊炒相當之惹味！❀ 黃金一口豆腐熱辣辣入口即溶一口豆腐點配埋酸酸甜甜嘅醬汁簡直胃口大開！❀贈送糖水-綠豆沙餐廳都非常之大 空間闊落 坐得好舒適職員都相當友善 而且聽到在座嘅大部份都係熟客仔！證明佢哋嘅食物質素真係唔差！.

朋友新居入伙，黎依頭搵野食誤打誤撞我哋行到依間餐廳見到menu有鑊氣小炒、燒味打邊爐一應俱全餐廳入邊雖然座位唔多，但都坐得幾舒服魚香茄子煲🍆我最鍾意煲仔菜，當中最吸引嘅當然係魚香茄子煲，上枱嘅時候仲要有治治聲香噴噴、味道濃郁，而且帶有鹹鮮味鮮淮山西芹炒雜菌田園之風，我最鐘意就是鮮淮山，炒得爽口之餘，同西芹味道好夾。西蘭花炒雙蚌貴妃蚌炒得好爽口彈牙，而且份量不吝嗇估唔到工業區都搵到間唔錯嘅茶樓，我見下晏重有得飲茶，下次可以再黎試下

Open rice 介紹寫錯左，應該係朗屏西鐵站F 出口一落天橋看到壽桃牌就會見到，要入去大廈上一樓！服務很到位，他們也很熱情地推介佢地嘅食物，同熱心地幫客人，值得一贊！食物方面我們叫左咕嚕肉，生炒糯米飯同醉雞煲，不得不說我真係睇小左呢間係工廠大廈嘅小廚！咕嚕肉酸甜適中，咬落去啖啖肉，外脆內軟，因為我係好鐘意食咕嚕肉 ，所以好多餐廳嘅都試過，呢到絕對係我嘅頭三位！生炒糯米飯炒得好乾身，味道都好夠，特別地佢唔會似平時食開個d黏到一舊舊，好鬆軟好味！醉雞煲一上枱就有很濃烈嘅酒味，老闆娘親自教我地一滾就熄火焗一焗再食，十分滑溜！再飲一啖充滿酒香嘅雞湯，暖胃得很！老闆仲送左綠豆沙同糕點比我地，大家有機會一定要試一下！