鋿晶館

營業中

休息中

新一年新嘅開始，即使一個人食飯，都要食餐好嘅，今次就揀左間中菜黎食"鋿晶館" ，點解揀佢？因為之前食過第二間分店嘅點心好出色，如朋友所講佢地嘅點心係即嗌即整嘅手作點心，既然路過上環，又見到"鋿晶館" 就試下佢嘅分店，質素如何⭐燒肉皮香脆，鬆化，肥瘦嘅比例恰到好處，以瘦肉黎講，li個口感好好，食落唔會硬，以豬黎講應該叫好淋😋⭐玉蘭鴛鴦腸一隻白菜造型嘅碟裝菜🤣除左有鴛鴦腸，仲有芥蘭，燈籠椒，加左d蒜炒鴛鴦腸唔會有太多肥肉，咁樣一齊炒，就咁食芥蘭已經好香臘腸味la😋食到個底嘅菜因為個汁嘅關係，食落甜甜地，有另一番感覺，不過都係咁好食🤤⭐️金湯原隻鮑魚浸菜苗魚湯加菜苗，好食🤤，個面仲有冬菇、雞脾菇，仲有兩隻鮑魚添❤️冬天食有湯嘅菜啱曬，冇咁快凍，食落暖笠笠，正呀😍⭐️香芒蝦球、蝦多士豆苗墊底，上面放左香芒蝦球同蝦多士蝦多士：多士香脆，上面嘅蝦一樣咁彈牙，點埋個甜酸醬食，真係絕配🤤香芒蝦球：大大隻蝦，好彈牙，外層包住芒果汁，好香，個面仲有d花生碎，既可以做點綴，又可以增加口感😋

🫖環境港式傳統酒樓，設有升降機方便老人家上落，環境舒適又帶有傳統風味。🥟食物最具特色係港式手工點心，現場即點即做，買少見少，有些點心仲係自家製獨家的，聽經理講原來師傅，係日本做中華料理點心好出名又係香港多間米芝蓮酒店做過，真係經驗老到，值得一試。👍🏻必點蝦餃（中）$24 蝦餃皮薄餡靚，薄到透出鮮蝦顏色，加上大大粒鮮蝦鮮甜。👍🏻燒賣（中）$24燒賣都係鮮蝦燒賣，蝦肉鮮嫩多汁，必叫之一。👍🏻芋粒餃自家製獨家餃，第一次食每一口都充滿芋頭，芋頭迷必吃。👍🏻牛孖筋（中）$24牛筋的彈性與嚼勁，搭配香濃的醬汁，及白蘿蔔索曬醬汁精華。👍🏻蝦春卷（特）$33一共四件，蝦及蔬菜配搭清新，如果有沙律醬配搭更佳。👍🏻炸芋角（大）$29香脆可口，內層是軟滑的芋頭餡，綿密細膩，內裏仲有豬肉鹹香味，味道獨家。👍🏻炸鮮奶（大）$29簡直係小朋友至愛，酥脆而不油膩，咬落去鮮奶流出來。👌🏻鮮竹卷好特別係芝士醬，外皮薄透，柔軟滑順，內裡包裹著蔬菜清香

🐖 豬仔腳第一下同朋友選擇困難諗唔到食咩，部長就提議我哋點呢道豬仔腳，呢道菜唔係成日有，係有乳豬賣當日先會有，因為佢係由乳豬度留出嚟，一上枱就已經聞到好香嘅花雕酒味，豬腳非常入味同腍，加上已經切好左，就算無乜牙力嘅都食到🐷 京都骨京都骨色澤紅潤誘人，食落口外脆內嫩，同平時外面食開嘅京都骨味道有啲唔同，問部長先知原來除咗常用嘅山楂之外，仲加左酸梅去烹調，酸甜度啱啱好，送飯一流💛 柚子南瓜淮山我同朋友見到呢個組合咁特別就點嚟試吓，估唔到柚子，南瓜同淮山放埋一齊味道原來好夾，酸酸甜甜，好開胃，南瓜同淮山外面包左薄薄嘅粉漿，南瓜好甜，淮山好爽口，加上三色椒一齊炒，色香味俱全🧄 蒜蓉粉絲扇貝扇貝用左蘇格蘭扇貝，大大隻之餘好新鮮好足料，食落乾淨無沙，鮮味十足，面頭鋪左滿滿嘅熟蒜蓉，粉絲吸收哂扇貝嘅鮮味同蒜蓉味，好食到唔停口🪿 花膠筒鵝掌花膠大大塊而且偏厚身，鵝掌大大隻，炆得夠腍夠入味又唔會好咸🤩 唔上網查都唔知鋿晶館係自家製品牌，點心係手作點心仲要係即叫即整，同外面預製好嘅絕不一樣；加上聽部長講起先知原來主理嘅師傅經驗非常豐富，曾經系日本東京富麗華就職多年，專為高管達人同明星服務，回流香港之後又曾

🎀上環。鄰近地鐵站的傳統中菜酒樓🍵🎀🪄店名* #鋿晶館🔮地址* 上環德輔道中287-291號地舖🔮🗾分店地區🗾 旺角,上環,荃灣💰價錢$836 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_上環剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵平時通常都係同屋企人夜晚食中菜 今次收工黎到呢間都幾出名既中菜館 佢位置十分方便 地鐵站一出行2分鐘就到～總共有三層高 但晚飯就主要一樓為主 裝修比較中式傳統風格 燈光偏黃 門口有一個位置擺放新鮮游水海鮮 空間幾大有分大細圓枱 平日到訪都算滿場～🍽️食物質素🍽️食物方面同普通中菜酒樓差不多 有不同類型既小菜,煲類,海鮮,燒味等 價錢以中價為主～更提供多款套餐 價錢更優惠茶味$15 一位 *2👀評分💖💖💖💖🪄龍蝦湯瑤柱燴海皇羹 $168呢款羹湯味道都幾唔錯 份量上都幾大碗 而且頗足料 入面有蝦,瑤柱,菇等海鮮 味道好鮮甜👀評分💖💖💖💖🪄香芒貴妃大蝦球配蝦多士$138呢款菜式系酒樓熱門菜式 佢地既蝦球好脆口大隻 蝦球味道帶輕微芒果及黃芥末味 甜甜酸酸易入口 另外蝦多士都脆

最近食得多西餐, 想同朋友食下中菜, 朋友係上環返工, 介紹左呢間位於上環的傳統中式酒樓食晚飯, 原來呢間酒樓嘅師傅喺日本東京的中國料理店富麗華任職多年，而且係香港多間米芝蓮酒店同大型連鎖酒樓集團做過主管，款待過好多明星及高管達人，餐飲經驗十分豐富，除左巧手中菜, 原盅燉湯, 、傳統燒味、都有自家製點心, 即叫即蒸, 下次要黎飲下茶先。今晚就叫左四餸一湯, 白飯任裝, 哈哈!*龍蝦湯瑤柱燴海皇羹 呢碗湯有驚喜, 除左湯羹材料十足外，湯底香濃, 有不同的鮮甜海鮮味道, 龍蝦肉彈牙,混合埋蛋白一齊飲，好滑不會穊撻撻, 味道有層次~*回疆大汗欖角醬燒骨排骨以欖角醬醃製，食落鹹鹹地又小小甜甜地，肉質肥美，骨位附近都軟腍, 送飯一流~*上湯豬潤浸莧菜 豬潤煮得剛好, 軟滑得嚟唔乾唔”鞋”, 爽的。莧菜嫩滑無渣，補血又有鐵質, 真係好岩我。*蝦多士蝦多士炸得好香脆, 黃金蝦食到有咸蛋黃味, 蝦肉彈牙, 不會好油, 真係唔錯~*滷水豆腐 好入味, 食落有小小酒味, 很滑口, 喜歡整體用餐愉快, 價錢實惠，食物質素同服務都很好, 下次要同媽咪黎飲茶先~

昨天上午到這間酒樓飲茶，叫了普洱茶，五碟點心，食完之後，牙齒變黃，黃得好犀利。是否普洱茶影響牙齒變黃，還是其中一款點心燒賣。我們一行兩個人，兩個人牙齒都黃得好犀利，三四個鐘頭之後仍然黃，用牙膏刷牙之後，才逐漸褪色。

第一次試呢一間上環嘅中菜，原來都佔整棟樓嘅兩層。最底層有個reception，會安排好已經預訂咗嘅Booking，分派你去正確嘅枱號，非常organize。今次我哋兩個人試咗四道餸，頭盤蜜汁叉燒配海蜇。叉燒做到半肥瘦，肉質非常鮮嫩，配搭個蜜汁甜甜地非常Juicy。另外海蜇亦都口感彈牙。第二道餸係意大利黑醋豬柳，黑醋汁配搭紅椒黃椒，另外個豬柳口感亦都有啲似咕嚕肉，但係個醬汁非常特別，豬柳煎過之後亦都唔會好嚡，肉質依舊保持鮮嫩。第三道餸我非常滿意，餐廳亦都好仔細幫你挑走晒所有腸，隻中蝦都好鮮甜好大隻！最後一道餸清清地，一定要食嘅菜，瑤柱蛋白海皇扒豆苗，豆苗好鮮甜，瑤柱亦都好足料，冇沙得嚟，仲要成碟都係！

最近去咗上環一間自家製品牌嘅老字號酒家食團年飯，呢度嘅點心全部現場即點即做，手作點心新鮮美味。師傅背景相當厲害，曾經就職於日本東京富麗華多年，專為高管達人和明星服務，回港後更在多間米芝蓮酒店及大型連鎖酒樓集團做主管，經驗非常豐富。✨🍽️酒家內部裝修典雅，魚缸上面放滿咗新鮮嘅海鮮，令人一進門就感受到濃濃嘅海鮮氣息。- *手吊燒雞半隻* ：燒雞外皮香脆，肉質嫩滑多汁，每一口都充滿咗濃郁嘅香氣。🍗🔥- *海鮮豆腐煲* ：豆腐細滑嫩口，搭配新鮮嘅海鮮，湯底鮮甜，味道非常鮮美，🍲🦑- *豉油王煎中蝦* ：中蝦煎得外脆內嫩，配上豉油王嘅獨特香味，味道非常惹味。🦐🍳- *姬松茸螺頭花膠湯* ：湯底清甜，花膠滑嫩，螺頭嘅鮮味同姬松茸嘅香氣完美融合，非常滋補。🍄🍲

之前同屋企人出開上環行街，試過一次覺得點心唔錯，所以今日出開上環特登再嚟幫襯，由於今日太趕時間，食完快手比完錢就嗱嗱聲走，離開左先覺得唔啱數，返屋企睇返價錢果然收多我錢，我只係叫左4個點心，埋單竟然收左我$194，黑松露燒賣我order左兩粒，我唔知個收銀大媽係咪計左四粒？就算跟足點心紙價錢我計埋茶位加一都唔知點會計到呢個價錢出嚟，有心定無意只有收銀個大媽自己先知，十幾蚊事小，但比人當老襯就真心唔爽，奉勸各位如果幫襯呢間野埋單真係要小心D！

點心專門店鋿晶館嘅點心就好出名，現場即叫即做即蒸～呢個品牌嘅廚司好勁，曾經係日本東京富麗華做，回流後又係多間米芝蓮酒店同埋大型連鎖酒樓集團做主管，經驗豐富～原來上環分店晚市仲有小菜海鮮食，今次同朋友過黎試下～燒肉（小）傳統脆皮燒肉，燒腩肉層層分明，肥肉部分薄薄一層，食完都唔會覺得太邪惡～燒汁蜂巢美國大石蠔外表酥脆，美國蠔大大隻啖啖肉，肉質爽～金湯原隻鮑魚浸菜苗鮑魚大大粒爽身有口感～菜苗好嫩，掛上金湯汁，食到停唔到～柚子蜜鮮淮山炆南瓜健康之選～柚子蜜釀一口鮮淮山，外甜內爽口，好特別的口感～南瓜亦非常鮮甜～黑醋豬柳酸甜黑醋汁配上柔嫩豬柳肉，非常下飯～特別想讚豬柳條係用新鮮豬肉，豬肉味好香～

之前食過一家自家製品牌的中式餐廳，食過番尋味，所有點心現場即點即做，均屬手作點心❤️廚師曾就職於日本東京富麗華多年，專為高管達人和明星服務，經驗豐富，每一口之間展現了廚師對食材的精細的掌控😄廚師回港後在多間米芝蓮酒店及大型連鎖酒樓集團做主管炸蠔熱辣滾燙，入口即化既感覺是在是太棒了👍鮑魚菜苗鮑魚大大隻，夠煙韌，朋友食完都話正，加上要食多d菜，健康D😁柚子南瓜淮山南瓜同淮山炸得脆脆地，食落口口感不錯😚黑醋豬柳呢款係經典黎，除左啖啖肉之外，仲會有種酸甜酸甜既感覺😎叉燒（例牌）肥瘦相間的叉燒，肉質嫩滑，獨特之處在於它的調味，甜而不膩😝

去茶樓飲茶係香港人嘅特色，由細個開始已經有呢一個文化，特色之處當然就係佢嘅點心啦😍 除咗好味之外，款式都好多，另外佢啲價錢都好實惠，仲要有好香嘅中國茶飲添，係一個好好嘅飲茶嘅地點，下次一定會再嚟試👍 仲有早茶同埋下午茶時段係會比較優惠少少，所以都幾多人嚟幫襯㗎😀會推介呢幾個點心🥧 全部都保留咗香港傳統嘅味道，一定要試😍▫️蝦餃▫️燒賣▫️炸雲吞▫️小籠包▫️藥膳鳳爪▫️煎年糕▫️菜苗餃▫️鮮竹卷

最近的一次飲茶體驗，趕得切早上11:30早茶優惠，我點了幾款令人垂涎的美食，整體的味道和質感都讓我印象深刻。首先，我在自選A選擇了鳳爪排骨飯和煎蘿蔔糕。鳳爪的醃製恰到好處，肉質柔嫩，搭配香滑的飯，實在是完美的組合。而煎蘿蔔糕則外脆內軟，口感豐富，每一口都能感受到蘿蔔的鮮甜。接下來，我還品嚐了兩粒一籠的蝦餃和燒賣。非常適合二人或獨自飲茶，蝦餃的外皮薄透，餡料鮮美，蝦肉的鮮甜味道令人難以忘懷。燒賣則是經典的點心，肉餡的鮮香與豬肉的油脂搭配得宜，讓人一口接一口。在自選兩款B中，我選擇了菜苗餃和蒸鯪魚球。真豆苗餃苗餃清新可口，餡料充滿了豆苗和蝦肉的自然香味，讓人感到清爽。而蒸鯪魚球則富有彈性，魚肉的鮮香更是讓人回味無窮。最後，我們還點了桃膠燉鮮奶和糯米包。桃膠燉鮮奶甜而不膩，口感滑潤，$19非常抵食。糯米包則是傳統的好味道，軟糯內餡的豐富味道讓人感到滿足。整體而言，這次的飲茶經驗讓人感到非常愉快，無論是食物的味道還是質感都值得推薦。每一道菜品都展現了細膩的烹調工藝，讓人回味無窮。下次來到這裡，我一定會再點這些美味！

元旦新年與家人晚餐。選中了“自己選擇自家套餐”，四部分：湯羹、燒味、海鮮、小菜，每部分自選一或兩款。推介螺頭花膠湯、貴妃大蝦球。湯以砂鍋呈上，開蓋盛湯，見到湯料，個個嘩嘩聲：一片片，不，是一張張的真材實料花膠！湯熱，隨之飄來一陣陣螺頭香，立刻發現好多拇指頭大小的螺頭。湯水味道很正，熱氣騰騰，喝完也不口渴，很適合秋冬滋潤的口味。貴妃大蝦球令人驚喜。有人并不很喜歡蝦，但吃這道菜卻給足面子，旋風式連吞兩隻。我倒想細品慢嚐：酥脆金黃的大蝦僅是淺層過油，香口卻并不肥膩；上碟前速速淋上靈魂芥末明黃醬汁（我吃出就是這樣），不鹹不嗆，酸甜香鮮；覺得色澤太過晃眼順滑嗎，還沒完，撒上topping，花生碎碎，順便又多一層香脆。當你夾起一塊我已吃下一口，風捲殘雲，很快見底......碟底還有一層cool down的生鮮豆苗芽菜，本意是舖碟襯色擺盤吧，而我們自己按需混上殘餘的一點醬汁，自製健康沙律，真是汁都撈埋，渣都沒得剩......其餘的還有幾味。燒鵝，皮脆肉香，若能在盤子下放一蠟燭架加以微熱，食用氣氛和體驗就會更好了；清蒸原條海石斑，約一斤，火候剛好，蒸得鮮嫩；蜜椒一口牛，具交通燈色彩的椒片炒方塊牛柳，全

同媽媽去完上環買海味，順便喺呢度附近食個晚飯☺️我哋叫咗份蜜餞叉燒，係媽媽至愛嘅半肥瘦，好腍，唔錯👍🏻我哋仲叫咗龍蝦湯海皇羹，幾香龍蝦味，仲有超多料，好味😋😋香芒蝦球蝦多士，本人很欣賞，蝦球超大，加咗香芒醬甜甜地😋👍🏻👍🏻蝦多士都好足料，而且炸得好香脆媽媽最鍾意食芋頭，咁啱入冬有香芋臘味煲，點可以唔食呢😆芋頭煮得好粉，媽媽讚不絕口😂再加多個瑤柱扒豆苗，勁多瑤柱😋豆苗好嫩，冇沙👍🏻👍🏻是晚媽媽很滿意😆