錦麗 (又一城)

營業中

休息中

行過，諗住整個下午茶，見到店外宣傳圖片頗靚，就行入去整返碗「生熟牛河」。店員招呼嘛嘛地，要杯清水等咗好耐，仲要問咗三次先有回應。叫咗下午茶餐，牛河上台時冇跟任何配菜。須知，豆芽、九層塔、鱼露……係越式牛河之「左右手」。問店員，回答：下午茶冇跟。唉！坐低等食時，睇「大衆默評」，見到又一城錦麗已「關門停業」。雖然相信係信息有誤，但，牛河唔跟配菜，離執笠不遠矣！

最近同朋友又去九龍塘，突然想食越南粉，之前試過牛肉粉覺得唔錯，今次再嚟睇下係咪依然保持水準。🍜✨今次點咗生牛肉河粉同香茅豬扒飯。生牛肉河粉嘅湯底一如既往清甜，帶有淡淡嘅牛骨香，味道穩定；河粉口感滑溜，但生牛肉片嘅新鮮度感覺一般，無咩特別鮮味，稍微有啲失望。至於香茅豬扒飯，豬扒煎得香口，調味有啲甜甜地，但略嫌肉質偏硬，食落口感唔夠嫩滑。仲試咗佢哋嘅炸春卷，外皮夠香脆，內餡調味不錯，配埋魚露醬汁食更加惹味。不過份量偏少，如果人多會唔夠分。飲品方面點咗越式冰咖啡，咖啡香濃但偏甜，對鍾意清新啲飲品嘅人嚟講可能有啲膩。一如以往佢既價錢偏中高，不過味道各樣的真係唔錯，間唔中食下當俾自己享受下。如果想食碗清甜嘅越南粉解解饞，呢度算係穩陣選擇，而越南朋友都有講過嚟間既越南粉都算正宗。😊🍜✨

今日去九龍塘做嘢，啱啱撞正食飯時間好多人排隊。聖誕食得太多，想清清地去咗錦麗食檬粉。我叫嘅大蝦扎肉撈檬清清地，幾好味，份量略嫌少左D。朋友嘅香茅豬扒雞湯同雞絲扎肉雞湯金邊粉則味道一般。至於法式蕃茄牛脥肉撈檬汁就略嫌多汁；同個檬粉吾係太夾。佢午餐跟玫瑰龍眼茶都幾好飲；有幾粒龍眼肉都鲜甜。至於鹹檸水就略咸，三色冰就OK；預期水準。埋單每人七十多，今時今日喺香港都要呢個價錢；勝在吾駛等太耐；服務亦算專業有禮。

越式蟹•肉餅蕃茄湯檬粉 $82叫咗個越式蟹•肉餅蕃茄湯檬粉外賣。打開外賣盒本身期待會有個餅嘅形狀嘅蟹•肉餅，但現實只有肉碎。個菜名其實都少fake。另外配料有札肉兩片、四粒開半豆卜、蕃茄粒。不過要讚嘅係佢外賣包裝有將檬粉同湯分開，唔怕會淋，同埋湯底都好熱辣辣。肉碎粒粒雖然見到拌了蟹肉碎，但食落沒有蟹味❌有少少失望湯底嘅蕃茄味唔係好濃郁，食落其實都冇乜茄味，唔知正宗嘅蕃茄湯係咪就係咁嘅味🤔札肉入面有胡椒粒，少辣。豆卜正常，因為湯底其實冇乜味所以發揮唔到佢嘅長處。不過我幾鍾意呢度嘅檬粉，幾滑。不過呢個價錢其實都唔平🤔下次都係食返牛骨湯底好啲。

自己一個人去咗又一城睇吓有咩早餐食呢間錦麗好似好吸引⋯⋯🔸 #扎肉金不換辣椒肉碎湯金邊粉 賣相好好，睇落好似好好食但夾一啖粉咬入去金邊粉比較硬，冇咗金邊粉嘅 「滑 」有米香，但係好實，但感覺係雪咗好耐唔新鮮嘅粉🥲 肉碎同湯就正常其實只要新鮮嘅金邊粉，校啱時間，應該唔難整唉😮‍💨🔸 #太陽蛋 應該唔會出問題啦🔸 #牛角包 睇個樣都唔想食牛角包應該好鬆軟，唔明點解點咁樣都可以出街佢扁晒咁。。。當然唔好食🔸 #凍檸茶少冰 #唔好食嘅食物會令人心情不爽

昨天在這間餐廳進食午餐，本身進門有點困惑，因為這餐廳跟亞參雞飯餐廳共享餐桌，因此一開始不知道哪裡排隊。餐廳沒有取票服務，所以會叫你去門口樓梯排隊。我們等了5分鐘就可以入座，不過安排入座的侍應態度非常差，會呼喝我們「進去」然後指着一張餐桌示意我們坐下。我們點了餐後，例如我點了香茅豬扒煎蛋白飯，朋友點了香茅豬扒撈檬，大家都是點香茅豬扒，但朋友的餐點比我早30分鐘到，小吃都已經全到了，但唯獨我的餐點仍然未到。中途我有追問侍應餐點狀況，侍應則指出正在炸香茅豬扒。由於我看到出餐口，我後來看到我的香茅豬扒飯一直放置在出餐口沒人提取給我，但明明同一個出餐口有其他餐點則被侍應不斷拿走取給客人。最後我在點餐後30分鐘才有餐點吃，其餘的朋友則全都吃完等我吃，體驗非常之差。小吃的味道是正常的，但是我的香茅豬扒煎蛋飯都全冷掉了。體驗很差，大概以後都不會再來。

午餐繁忙時間food court搵唔到位，於是選擇排隊食呢間，等左10分鐘左右入座。我地兩個人，職員俾左四人枱，本身以為會被搭枱，但最後都坐足全程，而且冇催趕。小小挑剔係張木椅都幾重，要用D力搬。另外，職員有抹枱係好事，不過塊布可以唔洗咁濕，張枱濕得太誇張。食物方面，叫左一個越式蟹肉餅蕃茄湯檬粉+玫瑰龍眼茶 & 一個胡志明綜合粉+鹹檸檬青檸水：越式蟹肉餅蕃茄湯檬粉蟹肉餅唔係肉餅而係肉碎，亦冇乜蟹味；蕃茄湯個味幾假；扎肉既胡椒味都幾辣，未必人人接受到，豆卜有陣唔知咩味。胡志明綜合粉牛肉冇牛味，湯底淡，係牛丸有多少少味。飲品普通，龍眼茶叫左少甜，黎到我覺得直頭冇落糖。整體黎講唔會encore。

星期日排隊都唔算排好耐，大概等咗15分鐘就有位坐越南粉 霸氣總裁粉安格斯牛小排、牛尾、牛筋及牛湯底，配油炸鬼安格斯牛小排香濃牛肉味，唔韌牛筋好淋，牛骨好出味而且好容易咬開湯底本身已經好濃郁，可以再自己落啲辣椒同青檸汁調節味道配油炸鬼可以吸晒湯底，脆脆地河粉唔碎，可以夾得起蔥同洋蔥份量都幾多整體嚟講呢個新嘅產品都幾特別，可以試吓有果蠅飛來飛去，食食下就會飛過黎，要自己撥走錦麗 (九龍塘)九龍塘達之路80號又一城L2樓L2-28號舖

錦麗 ～ 最好食越式牛肉粉😋夏日炎炎🌞無咩胃口～來一碗清甜湯底Pho @pholehk 最近推出左～總裁霸氣粉～😎真材實料👏🏻推介大家一定要試試☝🏼足料配制💯每日鮮熬 23 小時牛骨湯底用料上乘👍🏻No.1 安格斯牛小排、強筋骨牛尾配充滿骨膠原入口又Q彈牛筋 ～加上即炸香脆油炸鬼 ～ 口感層次豐富濃郁牛骨牛肉湯～入口清甜～真系好味道👏🏻食總裁霸氣粉 ～ 記得以下四部曲💕推薦食法～更能品嘗到總裁霸氣粉精粹第一步 湯頭～先飲一口湯，細味品嘗錦麗每天新鮮熬制 23 小時濃郁牛骨牛肉湯。第二步 調味～根據個人口味加入青檸辣椒增加風味。 第三步 食材～ 依次品嘗總裁霸氣粉食材🐃口感更豐富。享受 No.1 鮮嫩🥩安格斯牛小排 ～富活力又補氣強筋骨的牛尾 ～再享用骨膠原滿滿的牛筋。最後，將香脆可口的油炸鬼點湯吸收牛肉湯與粉同食，嘗盡牛肉湯精華仲叫左2款最近新出特飲～富有越南風味😁。香芒生椰乳 🥭用上芒果混和生椰乳🥥飲椰香味重更加入奶油及芒果乾～口感豐富。越式椰子冰咖啡☕️越南咖啡～飲落回甘～配上清甜椰子🥥醒神又清新👍🏻叫左幾款小食♥️😎好滿足。特色小食拼盤 一次過食到多款特色越式小食😃有法式蒜蓉牛油雞

選擇的食物：火車頭飯 椰青食物的賣相： 賣相非常吸引，好多好多肉 感覺到食完之後一定好飽 好適合年青力壯男子 Bodybuilder香氣 味道：一般炸物嘅香氣 味道都可以 肉質偏硬 好有咬口 但係唔係咁適合女仔食食後感：好豐富 好飽 食咗好多蛋白質感覺 加個椰青 絕配 我最喜歡就係食埋 椰子肉 超正 超軟滑 將炸物留响口的油膩感覺 一掃而清餐廳環境：一般茶餐廳的環境 又一城即係又一城 環境比普通茶餐廳 好好多侍應服務：一般茶餐廳的服務 唔可以要求高總括嚟講 感覺良好 食物質素唔錯 會再返嚟

甚少介紹連鎖餐廳，更少介紹越南菜，因為越南菜我真心麻麻地🤣其中一個原因係越南菜嘅材料比較平民，而且啲pho輕盈到好似食風咁，但由越南來到香港後價錢幾級跳，令我經常有種好唔抵嘅感覺🤦🏻‍♀️今次介紹依間好多區都有分店，啲pho幾好食（不過我始終覺得唔值咁貴），反而香茅咖喱飯我多次encore😆🍗🍛 香茅咖喱雞槌飯 $𝟟𝟚 (𝟡.𝟝/𝟙𝟘)個咖喱幾辣，但辣得來令人精神為之一振，而唔係死辣。雞槌香茅味濃，炸得有啲偏硬，但點咖喱濕濕地一齊食會覺得剛剛好。咖喱入面跟左四五件炸薯角，肥到喊但都會忍唔住口食哂。之前食過香茅咖喱豬扒飯，豬扒都炸得好好食！

這間餐廳的食物很美味 價錢很便宜 同埋不用付+1😀 可以出去付錢 不用等 可以節省時間☺️食物很美味 叫了豬肉越南檬粉及魚蛋粉麵 我次次都叫😁 因為我很愛吃這兩個菜色 下次會再試下其他菜色😀😀

行完街又係搵嘢食嘅時候，冇特別原因就揀咗呢間越南餐廳，知佢好出名，好似話港澳台都有佢嘅分店。今次叫咗安格斯火車頭、胡志明綜合粉，再加一個小食拼盤，同埋一杯越南滴滴咖啡兩碗河粉嘅牛肉質素都好唔錯，湯底雖然較淡，但都好有牛味，整體都係好食嘅越南河👍🏼而佢杯咖啡都唔錯，好有越南風味不過小食拼盤就比較失望，豬扒炸得太乾身，而且本身塊扒比較瘦，所以好快就變硬⋯⋯另外個䉀蝦同春卷個餡太細，所以咬落去個感覺好油淋淋⋯

時日晚餐有錦麗生牛肉粉、再追加金絲網蝦春卷兩件及飲品新鮮椰青。如果想吃好吃的生牛肉河粉，錦麗必定是其中一間。招牌越式生牛肉湯河，上菜時，湯底熱度剛剛好，可令生牛肉僅僅熟，牛肉鮮嫩無比。而且每喝一口湯底，都會有種份外滿足感，令人不經意地將湯全部喝光，這種魔力無法抗拒。湯河配料還有洋蔥、蔥、芽菜、檸檬葉及靑檸。一邊品嘗熱焫焫的湯河，一邊喝冰凍新鮮椰靑，這種配搭無懈可擊，實在讚不絕口。至於春卷，不吃也罷，因為錦麗生牛肉河已經夠晒滿足。

朋友介紹過嚟食牛肉粉， 喺九龍塘呢又一城可以食到一個咁有質素嘅牛肉粉我都覺得唔錯中， 牛肉好靚，湯底淡咗少少。 炸物拼盤都好ok。餐廳環境都好光猛，職員服務態度都勤快。