錦麗 (形點 II)

營業中

休息中

聽過錦麗個大名幾次，上網睇連越南人都讚，條formula 原來喺越南買返嚟；今次試左火車頭同熟牛肉河，先講湯底同河粉係真係幾好食，湯底偏濃同油，唔係清嘅越南湯底個人覺得牛丸麻麻地，好勁豬味，牛筋好淋但唔算有驚喜，最好食係牛小排同牛肉，有牛味都夠淋不過分量偏少，性價比唔算高，另外香料有鵝芥同芽菜，辣椒唔辣就有啲失望了反而滴滴咖啡幾有驚喜，叫左少甜但都好味；蔥油雞翼都幾正，有啲西貢風味燒嘢feel, 呢2樣都推介

原本我係想食越南牛肉粉早餐，原來早餐牌冇，唔緊要啦，好彩有金不換炒蛋🍳Set F：金不換炒蛋精選套餐配：金不換炒蛋🍳 ☘️+ 牛角包🥐🔹金不換炒蛋🍳 ☘️：炒蛋口感順滑，充滿金不換，喜歡，好味🔹香煎扎肉：煎得香口，黑胡椒喚醒味蕾，唔錯😊🔹香腸：正常味到🔹牛角包🥐：未到好好味，但味道正常，如果可以揀其它包類🍞會更好（ordering apps 好貼心，可以揀走牛角包，以免浪費食物）🔹沙律菜🍀配芝麻醬：新鮮又開胃，份量再多d會更好（ordering apps 好貼心，可以揀走芝麻醬）凍奶茶（少冰）：茶味比較淡，但又唔會水汪汪座位：比較擠迫

一向都鍾意食越南野亦時常有幫襯錦麗，今日叫左個香茅豬扒早餐外賣。以往任何有豬扒既菜式，都係一塊正常size豬扒，然後剪開。今日收到外賣，點解個豬扒變成咁，碎碎濕濕，俾返d邊皮位…….😓😓

嗌咗三個大蝦扎肉撈檬，一個生牛肉河同一個炸蝦小食 幾好食味嘅餸都幾多 但係份量就少咗啲女仔都唔係好夠食 如果係男仔應該就要嗌兩個😂價錢都偏貴 如果係普通食晏晝就有啲唔抵 見佢個下午茶餐便啲

本身唔係好食牛，但同行朋友想試依間野，唯有陪下佢。入到去環境唔舒適，座位迫夾之餘又污糟，當時店員換左隔離張凳俾我，點知又係污糟既點搞呀。現場環境又熱，未食都想快啲走。我叫左個雞絲扎肉香濃雞湯河粉，朋友叫左碗胡志明綜合粉就正正常常，當我碗粉黎到既時候，真係震驚左我，第一眼以為係咖喱湯底，黃到油到，雞絲得幾條，扎肉得一塊圓形仔分一半，離譜到你😃以為無比錢，呃錢都唔係咁，重要收$72，食完重要唔係好飽，真係用依個價錢上去食譚仔重開心。

早餐供應時段：07：30 - 11：30，金不換精選早餐是早上胃口小人士的最佳選擇。🥚 金不換炒蛋精選套餐 $39套餐包括牛角包、金不換炒蛋、沙律及餐飲，香煎扎肉/香腸/火腿/餐肉/煙肉 可任選兩款。金不換炒滑蛋口感香滑，充滿金不換的香味，東南亞香料愛好者必點😍 扎肉含有惹味的黑胡椒碎，沙律菜以芝麻醬調味增加食慾。煎火腿正常，牛角包體積不大，作為早餐份量剛好🥤 餐飲：凍美綠（餐飲轉凍+$3）可選冰度/少甜， 建議甜度不作改動，美祿味道會較香濃

平時想食越南河都係叫外賣，住左起附近咁耐第一次幫襯，今次買外賣就已經一肚氣，起門口睇完餐牌行入去收銀處咁岩有個女人俾緊錢我就排佢後邊（背脊向門口）之後又有個女人排我後面，個男職員收收下錢同我講：俾錢企果邊。(語氣好差)🤷🏻‍♀️我就多口問我外賣都係？佢再答：俾錢果邊。(繼續好差）好啦俾完錢叫我等15min 我就起前面間鋪頭睇下野未夠15oct已經返去門口等其間有兩個外賣出左，啊姐叫第二個既時候已經過左20min，我就順便問個中肥細眼姐姐呢個有未？嘩！佢好不屑咁望左我張單一下，然後放佢手上個外賣喺收銀處，我見佢裝咗一下其他既外賣就走左，所以心諗應該仲未有，之後又出一個外賣我忍唔住就係櫃位問過男職員有未，佢望左一下話有啦。我即刻燥左😤大聲同佢講岩岩問左你地同事佢望左一下就走左（咁岩個中肥啊姐就起我格離）佢兩個你眼望我眼我費事勞氣拎埋袋野走咗呢碗咁既牛丸河等左我半個鐘重點唔係好食（呢樣最慘）仲要受氣我眼見佢地對其他人d語氣都係咁我都做過服務業，並唔係要你地4萬咁口，正常語氣唔係差你錢咁，有問題有回覆咁已經夠！

因為唔識用手機落單，問多少少野啫，個侍應又咁咯又咁咯勁晦氣…幾好食都無用啦！ 仲有，冷氣嚴重不足，一路食一路滴汗。可能因為坐角落頭位啦……今時今日已經經濟差仲要做到咁……無下次咯。

每次嚟到呢間店，都覺得好多人排隊，難得今日早咗放工，冇乜人，就買咗碗外賣越南牛肉河粉試吓，餐廳會分湯包起👍🏻牛肉河粉超多料，牛肉湯底超級重牛肉味，配埋河粉食好正

錦麗嘅越南生牛肉河粉係非常出色，河粉煮得好滑嫩，同埋配上啲新鮮嘅生牛肉片，味道鮮美而且肉質鮮嫩，啲金不換同埋青檸仲增添咗味道，味道正宗。配合啲辣椒同埋醋，味道更加豐富，可以調整啲酸辣味道，非常適合唔同口味嘅人食，佢哋嘅生牛肉係用生生地，可自己控制生熟程度。環境好舒適，服務員態度都好好，同埋價錢亦都好實惠。總括黎講，錦麗嘅越南生牛肉河粉係一道非常出色嘅越南菜式，值得一試。如果你鍾意越南菜式，咁就要嚟呢間餐廳試下，絕對唔會失望！

來自越南的錦麗曾一度獲「華爾街日報」評為最好食既牛肉粉，所以決定臨行山前食個午餐先起行！1. 法式燴牛頰肉撈檬 $78 牛肉非常濃既牛肉味，又唔會好韌，食得出係靚牛腩，喜歡有小量蕃茄同小甘筍做配菜，真係唔錯👍🏻 檬粉正正常常，有大量青瓜絲，甘筍絲芽菜同花生🥜撈上魚露，非常清新！ 2. 胡志明市檬粉牛丸，牛肉，湯頭非常清，濃郁既牛肉味，配合爽滑河粉及豐富配料，地道正宗既滋味！3. 香茅豬扒湯檬粉 豬扒炸得恰時，鹹香得宜，沒有油膩感，豬扒有肉質，湯底非常熱，😉4.越式蟹，肉餅蕃茄湯湯粉 湯底濃郁，好有蕃茄味，配料都有5. 椰青椰汁糕 非常出色，有驚喜！椰青味非常濃郁

由落馬洲坐B1去元朗yoho近近地，一上到去商場就揀左錦麗，今次係Lunch set 揀左 豬扒雞湯河粉，好好食，仲問侍應拎多一份芽菜放埋落去，加埋落d湯 吸引d汁，真係正正子

自助掃二維碼落單幾方便 座位比較窄 檯同檯之間隔塊板 唔適合坐低傾計冇之前咁好食 呢幾次食都覺得味道普通🥺.🐈🎀 ᴛᴀsᴛᴇ: ★★★☆☆ ᴠᴀʟᴜᴇ ᴡᴏʀᴛʜ: ★★★☆☆ .▪️錦麗生牛肉粉 $74 ▫️香濃美祿 (+$5)▪️“發”式撈“喜” $88.牛肉粉端上來時顏色粉嫩 跟住熱湯慢慢熟 唔驚煮得過老 唔錯👌🏻湯頭唔會太淡 不過個人認為香料唔算太足撈檬就冇咩特別 正正常常 不過不失.❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ • ғᴏᴏᴅɪᴇ𓌉◯𓇋 ‎‎‎• ʟɪғᴇsᴛʏʟᴇ⋆♬︎ • ᴛʀᴀᴠᴇʟ*⋆✈︎❞

今日去流浮山，系元朗轉車，怕初二裡面鋪頭未開，所以系元朗食左先。鋪頭都幾大，座位間距比觀塘APM濶D,舒服好多。每檯都維持有隔板，又有火酒，吾錯胡志明綜合粉（$76）4分- 有牛丸，生牛肉，熟牛肉，份量都幾多，所有都好有牛肉味。有曬咁多種類，應該系最佳選擇。- 牛丸爽中有咬口- 生牛肉可能比較鞋，但吾知道系眯自己放系湯太長時間- 熟牛肉比一般港式牛腩好食，加埋無滷水味，食到牛肉的真味道。- 金邊粉就比較吾夠滑錦麗熟牛肉粉（$72）4分- 同上面個牛腩當然一樣，當然牛腩份量真系好多，食肉獸一定要選擇。- 因為見到佢檯面有教點食，吾會好似以前咁所有香草一碟來到就過落曬。咁真系試到個湯好有牛肉香味。自家薏米水（+$5）5分- 有好多薏米,裡面應該有加薑同糖，味道幾濃薏米味,幾好.- +$5系超值時蔬（+$25）1分- 份量真系太少，如果系加+10勉強可以- 菜比較老- 鼓油吾好味。

服務態度非常差 等緊排隊 有一個待應哥哥叫我地行埋一邊等 全部待應面口勁黑 等左好耐 我地有小朋友 等3人位 排第一 後面全部兩個嗰d 不停入 不停入 我地好客氣問句 大概等幾耐左右 佢話一係你一人坐一張囉 即刻入得 唔洗等 態度語氣都係勁衰 之後距就走左 我地都走人 以後不會幫襯 真心 無心做服務性行業 唔好做 免得趕客