錦 (已結業)

有很多人說Yardbird是香港最好的燒鳥店, 對我而言, 雖然這家在尖沙咀的錦, 沒有很潮的裝潢, 但典型居酒屋的格局, 內裏保留着90年代的風格, 其燒鳥的烤香和調配的口味, 是我最喜愛的. 特別是免治雞肉串的醬油和蛋黃的調和, 以及雞肉串本身的鬆軟口感, 直接自然沒有其他. 烤雞皮和烤雞軟骨也是出色之作, 同樣值得推薦. 單骨雞翼吃起來很連貫, 沒有雪味, 肉香不錯, 最精彩的當然是爽脆而微微焦香的雞皮.這裏沒有刻意強調只做燒鳥, 居酒屋的格局, 自然也會有佐酒小食, 就是炸池魚骨, 酥香得能完全咬碎, 彷彿本身的魚肉刺身才是配角. 吃飽飲醉之後, 最後的燒飯團就是畫龍點睛的一筆, 內裏是三文魚或者酸梅, 外面烤得與薯片般的飯焦, 中間煙韌的口感, 來了這麼多次依然保持水準, 還有低調.

尖東午市選擇甚多，想坐得舒服一點，我們選了在酒店入面的這間日式餐廳。百多元一份定食，價錢合理，始終是酒店餐廳，服務及環境都會好。燒雞串飯及烏冬定食，賣相吸引！先講烏冬，麵質彈牙有咬口，可媲美在日本食的烏冬。飯，當然是珍珠米，微甜的燒汁，配合串燒，很好味，雞肉串是主角，肉嫩、多汁，連其他的燒蔬菜如冬菇、青椒等全都好味。餐廳地方不算大，似足日本的小店，感覺更有風味，星期四的lunch time，上班族佔大多數，全部斯文有禮，未被黃全周的遊客佔據。

差 估唔到日本人開嘅可以咁差首先短髮女侍應態度有啲問題 串串貢 不友善本身訂四位 入到店我話訂咗四位 不過而家三位 女侍應送三份茶黎 佢語帶不滿同我講 ：你應該一入黎就同我講三位 我話有講喎 我同你同你老細講咗 佢話冇 你冇講 你應該要講心中火火地 咁你想點？跪低同你道歉？都費時再答佢。之後我攞咗支自來酒係枱 我問佢要冰桶 佢問我要冰桶做乜？我答佢除咗雪支酒我冇其他用途🤣之後仲問我 要唔要杯😅😅😅😅sake woo ？！認真？！之後叫咗啲頭盤 炸雞串燒（因為太難食 冇乜影相）頭盤 個瑩光魷魚 甜到喊酒盗芝士 ok 嘅芥末八爪魚 似交貨黎嘅到串燒 係咁易叫啲大䓤雞串豬腩肉煙肉蠔等整體咁講 完全無碳燒/燒烤味 似叮熟落醬🥶肉質唔掂個豬腩 拍咗粉 去燒 扮脆口但可以完全無肉味 無油脂香味煙肉蠔 個煙肉完全未烤入肉啲水煮完咁個蠔 un 到咬唔開咩事？好伏 信咗啲reviews 瀨晒嘢炸雞 話即炸 出黎似便利店貨果斷 走人 轉場差 真係好差

老闆是日本人，如來這間餐廳已經開了29年。注力食日式串燒。這個餐廳🍴有人情風味及所有食物好authentic 👍🏻👍🏻👍🏻👍🏻。由期食蠔及免治雞肉腸Encore 2次。－定回來。食物最重要好食。 Restaurant ambience 不重要。好過好多chain store restaurant.適合朋友聚會及家庭聚會。

「錦」已有廿多年歷史，招牌是串燒，曾多次獲米芝蓮一星殊榮，午餐約一百元多，絕對值得一試。留心聽聽，你會發現周圍的客人大多是說日語的，廣東話也算稀有。環境：5家庭式小餐廳，入內燈光柔和，感覺大概是歷史悠久，有故事的地方。服務：4有個伯伯像是店長，說著日語，大概是想問我們需要什麼吧，他問完又問的，但請不要介意，只是一個很親切的老人家。食物：5三串串燒加飯，另有清湯腐皮烏冬，前菜係中華沙律。串燒來說青椒加雞肉比較普通，但也沒有太乾身；紫蘇葉包免治雞肉非常好吃，又香又多肉汁，誠意推薦；雞軟骨加免治雞肉，醃得出色。

同事介紹，今晚girls night嚟試呢間係富豪酒店入面既日本串燒店。 門口係好日本居酒屋咁，入到去鋪仔細細。有bar枱。師傅對住你就係炭爐度燒緊串燒。感覺好正宗咁但一坐底就出事，咁熱既？！本身入到商場已經覺得唔夠冷氣。問返鋪頭，佢話本身個中央冷氣就唔夠。重要嗰日好似壞壞地。好彩我有自家風扇仔。唔係真係幾好食都頂唔順講返野食，好食既。尤其是個雞肝，燒得啱啱好，好滑。希望佢地快d搞返好個冷氣。如果唔係，真係要等冬天先好嚟

全部串燒都好好食😋 見到都有唔少日本人喺度食嘢～ 四個人叫咗兩個串燒set（24枝、飯、麵豉湯、沙律）同埋其他小食。本身仲諗住叫埋烏冬試吓點知知太飽了😭 人均$430，以居酒屋來講唔算貴了，何況佢每一道餸都好食！對比起之前食過嘅串燒店，呢間比較冇咁重鹽等等調味料、食得出冇味精，食完都唔覺口渴，俾你品嚐到原汁原味嘅食材。要讚下個氣氛就係員工都好熱情同埋收碟都好快，畢竟串燒一碟碟上如果唔收起會霸晒所有位。總括而言呢間係有水準嘅居酒屋！✨

午市定食：雞串燒丼及烏冬（$110，另收加一服務費）先上兩個前菜，係凍汁煮大根同醃菜。之後就係烏冬，烏冬比坊間略粗丁丁，本來已經好有咬口，依家更加有口感。約十數分鐘後，雞串燒丼上枱，淨係睇到+聞到已經流口水。有免治雞肉串、紫蘇葉雞肉串、雞肉青椒仔串、燒冬菇、燒青椒。微咸微甜嘅串燒醬汁絕對係冇得頂。最後飲埋杯咖啡，完滿的一餐。

📍錦錦係一間二十多年嘅老鋪，當年香港經濟起飛，好多日本人黎香港，住喺黃埔一帶，所以當年尖沙咀有好多日本餐廳，香港經濟時高時低，錦咁多年黎依然屹立不倒一定有佢嘅原因！聽說老闆係沖繩人，難怪每次幫襯店內八成都係日本人，感覺置身於日本🇯🇵呢part環境分已經有分加🤪（香港人同日本人嘅比例係2:8）〰️鳥コース saecal chicken Couse $470（前菜、12樣串燒、沙律、飯、湯、漬物）每次嚟我都係嗌呢個set,（呢個set係冇牛）全雞宴，再加啲蔬菜咁🥬⚪️雞肉蔥：表面有浸燒汁，肉質嫩滑唔柴⚪️雞軟骨：正常水準⚪️紫蘇葉雞肉卷 ：我唔食紫蘇葉講唔到啲咩，      但係食到最後隔籬枱啲日本人一行5人都encore呢串雞，應該好好味！⚪️雞腎：正常水準⚪️雞尾：一開頭知係patpat位諗住唔食，食完好幸慶自己最後有食到（可能係雞肉最好食嘅部份😂）⚪️免治雞肉腸：我諗係我喺香港食過咁多日本餐廳入面最好食嘅免治雞肉腸🥹雞軟骨同肉嘅比例剛剛好，雞軟骨嘅大細亦剛剛好，咬落唔會好突兀。味道無法用文字形容，大家去試完就明😂我當日食左三串，好食到停唔到🥹⚪️大蔥、西椒、洋蔥、冬菇同青椒仔均正常偏高水平⚪️鰻魚可以

自從呢間酒店做咗Q Hotel之後都未深究呢間餐廳有冇開咁耐冇去水準都keep到原本好想叫燒鳥串定食 有飯有烏冬但我呢排唔食澱粉質 所以唯有揀第二樣點知遇到壽喜燒鍋係是日精選真係啱晒 仲叫佢走飯 唔好浪費有牛份量都幾多個鍋熱辣辣好正如果可以多啲蔬菜🥬 或其他配料同個湯唔好咁甜會更美味食物質素就keep到喇估唔到服務都keep到 一樣係咁串啲員工非常直接 去食要有心理準備否則一定會好激氣餐飲只有凍熱咖啡☕️冇其他選擇

一段時間冇幫襯，有啲掛住碗『燒雞串飯』，點知坐底先知是日沽清，不免有些失望。唯有問下『每週特定定食』是什麼，原來係『蒲燒鰻魚定食』。蒲燒鰻魚飯及烏冬 ($120)，十分出色，鰻魚份量比預期中多，而且又厚身，一啖咬落去口感很豐富，雖然魚肉肥美但一啲都冇油膩嘅感覺；燒汁味道微甜帶咸，恰到好處；炭燒功夫更不需多講，保持一貫出色。滑蛋炸豬扒飯及烏冬 ($105)，醬汁混合埋滑蛋及洋蔥，配上唔嚡口嘅厚切炸豬扒，穩定之作。最後嘆埋杯咖啡，fantastic。古語有云：塞翁失馬，焉知非福。註：另收加一服務費。

呢間小店應該係串燒比較出名嘅但因為我每次嚟都係午飯時間所以並冇機會試係咪真係實至名歸不過呢度嘅lunch set都非常唔錯最多人點嘅係燒雞串定食次次叫親啲侍應都要問下仲有冇先落單燒雞串定食有三串再加飯最上嗰串係雞肉中間有啲青椒🫑中間嗰串係紫蘇葉包雞 好好味😋下面嗰串係雞軟骨加雞肉 各有唔同風味個餐仲包一碗細烏冬仲有一杯飲品係非常不錯嘅選擇由於都係午餐時間嚟所以只好自己追加一串串燒牛舌好好味😋下次有機會一定嚟食晚餐主攻串燒

其實呢間野，已經食咗好多次，不過都係食lunch，今次試吓夜晚嚟食，冇訂位，所以要快啲食快啲走，雖然呢度抽風系統好差，好大油煙味，再加上冷氣不足，要開風扇先搞得掂，但係多客似雲來，因為佢嘅串燒係真係幾好食嘅，價錢算係中上，不過有一樣野大家係要緊記嘅，就係餐牌上面冇嘅嘢，記住唔好叫，當日我以為好簡單食串燒，一般粟米都係一串30幾蚊，於是我就叫粟米，冇留意餐牌上面原來係冇粟米呢樣嘢，最後埋單竟然係$120.一條粟米，仲要唔係好食，所以奉勸大家記住唔好點餐牌上面冇嘅嘢

🇭🇰錦·呢間我哋一入到去已經覺得掂啦 因為入邊超多日本人😈😈不過我哋去嗰日佢個燒雞串已經賣晒 所以我哋冇得食😭·滑蛋炸豬扒飯及烏冬$108你冇睇錯佢係真係又有飯又有烏冬 所以超級豐富 我係已經叫佢淨係要一半既飯都食唔晒🤭🤭佢個豬扒係炸到好脆 而且個豬扒本身肉質好好 完全唔會柴曬 而且佢超大舊🐷之後佢個滑蛋好滑 而且甜甜地咁 配埋啲洋蔥撈飯超好食😋個烏冬就正正常常啦😎·#rbyeat#rby日本菜#rby尖沙咀·📍尖沙咀麼地道71號富豪九龍酒店1樓103室

錦是一家專門吃日式串燒的居酒屋, 位於裝修算是古典的富豪九龍酒店, 經營了二十多年, 從店舖的裝橫來看, 的確有著日本橫街窄巷居酒屋的家庭感覺, 日本人老闆和待應也相當落力和熱情, 令我身在日本的感覺.雖說餐廳主打是鷄肉串燒, 但其燒飯團和咖喱烏冬才是這裡的Must Have. 前者慢火燒了差不多20分鐘, 四面烤得十分香脆, 焦香度剛好亦不會帶苦澀感, 內裡的飯保持相當軟熟的口感, 也保持其濕度, 簡單中見其心血. 後者的日式咖喱汁, 甜中帶果香, 果然香中帶微辣, 稠糊度適中, 不會太水狀也不會杰得如醬般, 同樣簡單但熱呼呼的令人想一吃再吃.雞肉串燒方面, 最令人喜歡的烤戦單骨雞翼, 皮脆肉嫩, 肉汁豐富, 炭香誘人, 以香港的燒鳥店來說可說是Top 5. 免治雞肉串, 無論是捲上紫蘇葉, 還是直接沾上蛋黃, 雞肉口感和烤香也沒有令人失望, 如果能夠加上軟骨增加其口感上的對比, 那就更加完美.送酒小菜中, 我會推介酒盜芝士, 酒盜的咸香比起在HokaHoka吃的時候更強烈, 而且帶有海水味, 和芝士配搭相映成趣. 另外不要少看餐前小食的自家蘿蔔漬, 清甜爽口而且無渣, 在這炎炎夏天