錫記雲吞麵食

營業中

休息中

和同事打算去旺仔食，去到大排長龍，今日時間有點趕，於是同事帶我來錫記云吞麵，她說Eason 都係嚟依間行入食店，又真係見到老闆娘和Eason 影咗張合照，相片真是有明星效應的午飯時間，都要排隊，但由於麵餐速食，所以都唔使等得太耐。枱面沒有任何一張餐牌，餐牌全貼在牆上，大大隻字寫著，非常清楚。雙掽$45單掽配汽水也是$45 ，所以大部分食客消費都會是$45/位以上，一般三幾個字就食飽，所以番枱甚密，細看之下，相比隔離拉麵店平均$100/位，一個午餐時段，可能云吞麵店的淨值回報比拉麵店更強芥蘭油菜$20:走𧐢油，吃多點點菜云吞鯪魚麵$45:云吞有三粒，大大粒，吃到原隻蝦，味道唔錯，鯪魚球也是大大粒，雖不算十分彈牙，但亦唔算差，反而麵質爽韌度有口感，速食首選。鯪魚球牛肉米粉$45牛肉有肉味，淋身有質感，米粉份量足，所以大大碗，速食很飽肚總結:尖沙咀區，云吞麵速食的一個好選擇

今日有過嚟尖沙咀搵食，記得以前有一間出名雲吞的麵檔，也是一間傳統店，他只在尖沙咀橫街內，附近也已變成很多較高價的食店，而這間傳統的雲吞麵店叫《 錫記雲吞麵 》，雖然出名雲吞，其實他的靚預購及牛肉也不錯👍🏼店內至今仍然是用上一些傳統的不鏽鋼筷子筒和木筷子🥢，但勝在有懷舊味，也不會像現金雲吞麵店一樣座位密麻麻，他亦希望顧客閣坐得舒服話明出名「雲吞麵」我當然要叫一個和食仍然保持大大粒的乒乓波雲吞，內裏用類十足，每隻都採用新鮮大蝦及豬肉製成，爽口彈牙油菜也有一些比較少店舖用的韭菜花，咬落新鮮爽口，不會咬到菜渣店內牆壁仍用上毛筆寫的菜式名稱，得閑真係要多支持地區家庭小店

我又聽信新假期，諗住去食新開嘅台灣牛肉麵，結果去到超級無敵極多人 😑😑😑 於是食左隔離錫記.［餃子麵］$30餃子大大隻，一碗4隻，好滿足哦 😙 口感好，味道鮮甜，見到好多食客都有叫.［雲吞麵］$30雲吞大大粒，一碗4粒 😙 特別之處係，錫記用墨魚滑替代慣用嘅豬肉，又幾好食哦 😋😋😋 而湯底質素完全可以，我飲左唔少 ☺️ 底下仲收埋一條菜心，雖然唔係最正宗做法，但出街都有菜食真好 .雖然附近有麥奀，但麥奀太細碗啦，唔夠食 ～ 往後想係尖沙咀食雲吞，錫記會係我不二之選，又平又好食 😆👍🏻

公司包飯 放工返屋企食 少左機會岀去食野🍴‼️雲吞鮮牛肉麵 $40乒乓波甘大粒嘅雲吞 蝦鮮味重👍🏻鮮牛肉肉質淋 分量亦不少 尖沙咀呢個價錢食到一碗好味 份量唔少嘅雲吞麵 正👍🏻⚠️呢到要求效率 坐低左就快啲落單 五分鐘內送到你枱

要在尖沙咀速食，朋友推薦這裡的雲吞麵。$30/碗，有4粒雲吞，麵的份量也足，質感有嚼頭，正，最怕d麵淋唧唧。雲吞真的不錯，🦐脆口彈牙，衹是油嫌多了點。正抱着滿足的心情去埋單，舖內得2位auntie級大廚，一腳踢。一位走左去煮嘢，一位包跟雲吞，滿手都是肉，接過我的鈔票。。。🤤，帶著沉重的腳步離開!

今日星期六去咗尖沙咀行街，咁見仲未到晚飯時間但係又有啲肚餓，咁就完咗睇吓有咩輕食可以食下，途經嘅時候見到門口有個阿姐喺度包雲吞，見到即刻流晒口水忍唔住入咗去。嚟到咁傳統嘅雲吞麵店咁就當然叫返碗招牌雲吞麵，雲吞麵有四粒大大粒嘅雲吞，雲吞入面嘅豬肉同埋蝦配合得啱啱好，再加埋雲吞皮厚薄適中，鹼水麵麵質彈牙，蔥花都足夠，成碗麵食到有傳統嘅味道，加上尖沙咀食野好貴，而呢碗麵只係30蚊，其實都算抵食。睇相見到原來Eason都嚟呢到食過同合照，應該都有信心保證。下次行街餓都會再嚟食

牆上手寫的餐牌、食物的款式，與我以前很喜歡吃、在厚福街那間雲吞麵店很相似，不過那間已關門大吉，幸好後來在荃灣找到姊妹店。人客不多，客人都似是附近街坊。$30單拼，雙拼就四十多，不算便宜，但在尖沙咀區算是平食次選。雲吞大大粒，有六大粒，與雲吞麵同價。湯面點點油花，為雲吞帶來油香。

見門口張貼採訪，又見到入面幾多人食緊，點知中伏！忍唔住要寫我向openrice第一篇食評！唔知係湯底定餃子饀加咗大量調味料，食完第一啖已經覺得超級乸喉。皮好厚、肉唔新鮮，真係無法繼續食落去，而且之後飲咗成枝水都仍然覺得好口渴。如果可以俾零粒星，我一定會俾。餐廳衛生環境只值一粒星，但氣氛好好，有家的感覺，感覺客人都好似同店內伙記好熟。價錢方面向尖沙咀區嚟講算抵食，但用質素比較就一啲都唔值，我會寧願俾多啲錢食返質素正常嘅一餐，絕對唔會有下次。

自己本身好鐘意食雲吞。經過尖沙嘴偶然之下入左尼間小店。錫記。真係算係食過最好食0既雲吞。見到距地每粒自家即整手包。原隻鮮蝦皮薄。大大粒。食落去鮮甜肉嫩。老闆娘招呼都好熱情。抵食！！

昨天去街市吃過牛丸麵, 有點想吃一下其他的廣東麵食, 最後走來亞士厘道附近的這家麵店. 這家麵店的價格廉宜程度與街市接近. 由於之前來過此小店, 知道菜牌簡單, 未坐下已先點牛肉麵一碗, 上麵只要2分鐘. 牛肉估計約有十幾~二十塊, 牛肉質地軟熟不煙韌, 仍有少許牛肉鮮味. 生麵爽口無梘水味, 麵質爽口彈牙, 合格. 湯頗鮮味但味精應不少, 少喝為妙. 雲吞/牛肉/鯪魚球麵單併只需30元, 物值超高, 適合我這些窮苦上班族. 

行開亞士厘道，估唔到有間傳統雲呑麵店响轉角，近日食咗米芝蓮雲呑同連鎖快餐店雲呑，決定一於入去試試比較一下。 餐牌貼於牆上，由28-58蚊不等，視乎你想要多少餸。 我點的是淨雲呑，大大粒有如乒乓球，有六粒。 飲一口湯，清清地有鮮甜味；咬一口雲呑，有少少散，裏面的碎蝦和肉各佔一半混在一起，有D鮮味， 味道是可口的，以二十八蚊响尖沙咀食到個晚餐實在超值！相比米芝蓮推介的雲呑，這個唔夠鮮和包得唔緊實；相比連鎖店，這個大堆頭的雲呑更有滿足感，總括而言，這個是抵食ok嘅。

差唔多個個星期都去尖沙咀既亞士厘道一之, 都冇咩留意到有間鍚記雲吞麵食今日大家都唔係好餓, 就揀左食粉麵今日男友揀既係菜肉餃麵, 我就揀左淨菜肉餃, 份量比起而家既麵舖已經算多, 講講隻餃, 菜係用椰菜, 食落較爽口, 但肉就唔係話好多, 菜就真係多得濟 男友同朋友都幾鍾意, 我自己就覺得個比較普通, 不過隻餃咁大隻, 都算係GIMMCK黎既個湯底冇咩特別, 但唔會話咸另外朋友揀左個鮮牛肉麵, 我反而幾鍾意, D牛肉真係鮮牛, 食落好香, 不過個湯底一樣, 同個牛肉唔係配合

錫記雲吞麵食只有4樣配料選擇，分別是招牌菜肉餃、雲吞、牛肉和鯪魚球。4樣都食過，都蠻合我口味。這次點的是菜肉餃河($28)和鯪魚球麵($28)。這裡的菜肉餃是我的最愛，餃包得很大粒，裡面包滿都是椰菜，食落得爽口。雖然是多菜少肉，但豬肉份量也沒有偷工減料。而鯪魚球是用新鮮鯪魚肉打成的，所以很香魚肉味道，不過要小心有魚骨。雖然新鮮，但鯪魚肉打得不夠像只是把魚肉搓在一起，完全不彈牙。麵是蠻爽的，煮得剛好。整體來說我還是蠻喜歡在這裡lunch的，一來價錢相對便宜，二來食物質素不差。不過衛生的話這裡是稍欠的，門口在包雲吞和菜肉餃的叔叔是兼顧收錢的，拿過錢後叔叔會若無其事地繼續埋頭苦包。不過以這個價錢這個環境和味道，我是沒有太大要求了。

今日係好朋友的大好日子~見仲有少少空檔就喺呢頭填下個肚仔先~之後再玩過夠~時間唔多所以要搵快食~經過呢間小店感覺好溫暖,所以入去開心下~直入最尾先有位~坐下阿姐就喺門口問我食乜野~唯有我都大大聲咁叫返出去啦~點左佢舖頭的招牌菜牛肉雲吞河粉牛肉份量唔係太多~成碗河粉只有6,7片,牛肉好滑口~好香牛肉味又唔靭~唔錯~!!雲吞 - 招牌雲吞話好大粒~確係SIZE有一個匙咁大, 雲吞得一粒蝦,有豬肉,一口咬入去以為會有好結實的感覺~點知覺得好似好大啖氣,感覺好空洞~~幸好味道唔錯~如果唔係有左''大粒''的幻想,叫做不過不失~全店最令人興奮就係佢的辣椒油~~又香又夠辣,真係刺激到不得了~店舖有蚊型洗手間供應,迫迫細細濕濕窄窄…所以米之連人可以的話都係忍耐一下,搵另一個更好的解手吧~! 

去朋友仔酒吧開將前食小小野打個底安全一點噃，行左幾條街發現有間雲吞麵檔，急急食碗麵先！有緣路過第 1 次幫襯，內籠同門口裝修都幾簡約，古色古香。見位後生仔 keep 左包雲吞，而有位伯伯就不慌不忙慢慢行去煮麵，另一位伯伯就橋晒腳坐係度定晒形，依個畫面好正 ﹗雲吞老店都係依傅統 menu 以手寫貼大字報為主，見款色都好主流，雲吞麵檔同時會有鯪魚球、鮮牛肉、水餃供應。雲吞麵走蔥，巨形雲吞 ﹗發來佢地主打大 size 雲呑作招來，連我都只係緊緊放到入口乍！不過我一向都唔多喜歡特大雲吞。試試先，趙落感覺有點鬆散，彈牙度、結實度都麻麻地。蝦仁同豬肉味道普通，瘦肉唔係太多，整體都算滿意。雲吞 size 大唔一定好，一口雲吞而口感結實彈牙會開心啲囉！大地魚湯底香濃清甜，麵條雖然爽口，但可以更好！辣椒油幾好味喎，難得 ﹗味道夠香夠辣夠幼細，辣中仲帶少少甜添！