鍋居火鍋專門店 (已結業)

喂喂喂，唔好小覷呢間鍋居，相信我，食落真係有驚喜嘅！🎉 今日一試佢嗰碗喇沙鍋，真係讚到彈起，湯底夠香辣得嚟又唔會太攝，食物喺度一焯，食落去個口都開心翻起。而家講下佢啲明星菜，桂花蚌啦！真係彈牙爽口到冇朋友啊，食得我一啖又一啖🍲。嗰啲手打牛肉丸都好得嚟，每粒都彈滑好嚼勁，牛味濃郁得黎唔膩口。講到肉，唔提牛利托就真係遜色，外層嫩滑，啖啖肉香，正呀！同埋，記得試下佛手瓜，佢巧妙地散發出淡淡清香，同其他食材嘅味道撞擊出一個又清新又滿足嘅結局。總括黎講，呢次食得開心，下次仲要叫多幾個鐵口嘅fd嚟一齊share咁多正！👍💯

朋友拉我去鍋居專門店大快朵頤，深水埗呢家店好親民，質素一流😋。沙嗲湯底嗆嗆哋，芽菜、豆腐一齊煮，搞到成碗湯都香噴噴！手切肥牛滑嫩入味，油花分佈得好均勻，幾秒鐘過水，咬落去外層腍內裡啖啖肉，簡直係極品😍！烏冬吸晒沙嗲湯，風味百加分。豆腐同水餃都係自家製嘅。豆腐清新滑口，水餃皇咬落去肉感滿滿，間唔中咬到脆皮午餐肉，香口得嚟有彈性！手打墨魚丸仲有腸粉咁滑，花雕雞件鮮嫩又湯底劲吸味，真係食到心滿意足🥰！這裡，講真，有種滿足到令人講唔出話嘅美好。下次仲要再嚟！

食材新鮮，服務殷勤一定會再返轉頭。今日見天氣凍凍地，原本諗住去佐敦炮台街打邊爐，點知full Booking，唯有轉戰深水埗，搵咗好多間火鍋店，但係都冇得Walk in，我哋最後一行四人決定去咗呢一間火鍋店，點知有意外驚喜。豬骨湯底真材實料，生蠔肥美，脆鯇腩新鮮爽彈，墨魚滑新鮮彈牙。另外點咗肥牛，鵝腸，響鈴，雲吞，都有一定水準，價錢合理，飲埋啤酒， $2000有找。侍應服務非常之周到，真係有賓至如歸嘅感覺。絕對推介。

10月1日, 星期日, 和暖打邊邊, 六條友, 食左~~~昆布湯底 清清地, 有D日系風味牛頸脊  紋理好靚, 質感軟腍, 重肉香牛胸油  估唔到有得食, 口感爽脆, 好正豚肉  唔會嚡口, 不過無牛肉咁正脆鯇  入口爽脆丸類 叫左兩款, 是手打, 唔是現成野韭菜餃  自已包, 好多韭菜, 好香什菇  爽口, 同昆布湯底幾夾豆腐  吸味野, 最後先落, 岩數人客唔算多. 幾清靜. 湯底幾特別. 火鍋配料新鮮.

打邊爐嚟講依度嘅服務質素喺香港係少見，全程有專人服侍，幫手淥，幫手隔油隔渣。食物質素都唔錯，湯底都足料，仲有自家製飲品。火鍋配料多選擇，海鮮同肉都新鮮，特別好食嘅係牛展同響鈴。小炒都唔錯，叫咗黃金蝦，鮑魚等，都好新鮮同有誠意。唯一唔得嘅係黑柏葉，完全咬唔開，不過同店舖反映後佢地好好咁無收我地柏葉錢，證明佢哋對自己舖頭嘅食物質素都有要求。整體嚟講係唔錯嘅打邊爐選擇，啱晒一班人啲聚會，人多佢仲有間板間開聚會空間，可以好似包箱咁

❤️服務質素好👍食物水準高🥰今天第一次來到這間馳名火鍋店吃火鍋。雖然他們的桌子不多，但是堅持用心和用一個高質素服務來接待客人。我今天看見他們是每一枱也會幫助客人落火鍋料，主動加水等。價錢是一個正常合理的價格。他們的菜單給大家參考。今天吃了麻辣雞鍋小辣。雞件多，雞件夠滑也可以用到有少麻又不太辣，適合不能吃太辣的人士享用。而且，他們的雞件數量也不少的，今晚吃雞也有少少飽。所以，只能點一些少少火鍋料來吃。火鍋料以下賣相！

鍋居火鍋專門店的招牌菜美國桶蠔是一道不可錯過的海鮮佳餚。每一粒蠔都新鮮多汁，口感豐富，配上店家自家製的醬汁，更是美味十分。秘製豬肚竹絲雞鍋和椰青礦泉水走地雞鍋也是店家的必點之選，湯底清爽鮮美，鮮嫩多汁的雞肉更是令人回味無窮。鍋居至尊手切肥牛是店內的另一道招牌菜，肉質鮮嫩多汁，口感極佳，而且每一片肉都被手切得恰到好處，更能令人感受到手工美食的獨特魅力。蟹子墨魚滑也是店家的一道招牌菜，墨魚滑爽滑嫩，蟹肉鮮甜可口，兩者搭配在一起更是絕配。除了美食，鍋居火鍋專門店的服務也是非常優秀的，服務員熱情周到，樂意為客人提供專業的建議和意見。此外，店家還提供免費wifi，供客人上網使用。總之，餐廳鍋居火鍋專門店絕對是一家值得推薦的美食聚點。美味的菜品、優質的服務和舒適的用餐環境，讓人倍感滿足。如果你是火鍋愛好者，不妨來鍋居火鍋專門店一嚐美食，相信你也會對這裡留下難忘的印象。

成日一班同學上完堂 成就解鎖後去慶功😍 介紹咗呢一間位於深水埗嘅城市小驚喜畀我哋 入到去店員已經好好招呼 我哋當日訂咗一張十幾人大枱 叫咗兩個煲，花椒雞煲同蕃茄煲 頭盤當然係叫咗醉雞🐤暖下個 火鍋 之後叫咗我打邊爐必食嘅象拔蚌刺身，生蠔同肥牛 枝竹，腐皮，響鈴等等 不得不提既係好少喺火鍋店食生麵 通常都係烏冬粉絲之類 估唔到生麵夠吸味同爽口原來好夾😋 仲有手打芝士肉丸，食個陣要小心熱因為d芝士真係一咬就爆 😅 佢哋呢一度仲有個招牌嘅蟶子皇 第一次見店員會真人淥蟶子皇畀我哋 真係好細心逐個淥👍埋單唔算貴 每人都係三百零蚊抵食火鍋之選💪

三個人食飯，有位侍應阿姐主動過嚟撩吹水，得知在座其中一位生日，侍應阿姐主動攞咗三隻細細隻的椒鹽鮑魚過嚟，夾到埋碗，仲好熱情咁話「生日要食好啲，唔好客氣。」我哋三個面面相覷，天真地以為阿姐咁好客。埋單先知，嗰3隻小鮑魚收咗我哋$178，唔係話俾唔起，不過可以落單時講清楚嘅話會好啲囉。其次嚟講，招呼係好好嘅，除咗位熱情阿姐，其他幾位侍應哥哥都好好服務的。我哋叫咗一份水餃，上咗枱後有位哥哥主動問我哋要唔要轉雙拼抵食啲，醒目抵讚。

話說同屋企人食到尾聲時，桌面出現了一隻小蟑螂🪳🤢🤢，估計喺爐底走出來😖。即刻同侍應講，侍應望一望隻🪳只輕描淡寫講句唔好意思，乜都無做就行開。尤得隻🪳繼續喺枱上面。🤮🤮🤮🤮唔係期望佢唔收錢，或者比小恩小惠我哋，但佢好應該搵個人嚟去了解下情況，然後處理隻🪳。佢依種平淡反應，令我強烈地感覺依間食店經常發生依啲事，所以佢哋見慣不怪，只係我哋大驚小怪。😣😣😣😣🥵🥵🥵🥵🥵

呢間嘢完全揀客做，唔明點解咁多好評，七點未到全場冇乜人，我哋入去話已經book晒，我食完第二間，特登返去睇，最少兩台吉嘅，碗碟擺得好企理，根本就冇人坐過，咁做生意，好快步轉灣嗰間金禾記後塵！

好久沒有食火鍋啦，今日早收工，同老婆撐枱腳，我地左左屋企附近的"鍋居"，7點鬆少少，餐廳已經滿座，十分火爆。看看Menu，選擇多樣，鍋底也有十多款，我同老婆都揀中"金銀菜豬肺鍋"，另外還點了些海鮮、肉類、丸類等等...店員推薦蘋果雪梨茶 $35/渣，我們也試試，清爽冰凉又滋潤，配火鍋一流。金銀菜豬肺鍋 $98鍋底十分足料，同老火湯一樣，先飲两碗湯先，最愛飲豬肺湯，再落火鍋料打邊爐，一流。鮮大魚卜 $48少有的火鍋料，魚卜好大，爽韌嫩滑。韭菜餃 $48手工韭菜餃，餡料豐富，韭菜味香濃。嫩滑鴨血 $38鴨血嫩滑，不會一夾就散，質量不錯。脆肉鯇魚片 $48脆鯇片新鮮爽脆，口感一流，魚味鮮甜。蒙古羊肉片 $58好耐冇食羊肉，都不錯。醬油 $18/位餐前小食 $12 

好朋友移民，臨飛前約食反餐飯 ，揀左呢間打邊爐，野食好食又幾好坐，啱哂吹水我地2個都要揸車就無叫酒，要左一扎自製蘋果雪梨茶，幾好飲又夠涷，飲得出無額外加糖好天然叫左招牌喇沙鍋微鹹帶辣，要左份細頂級手切肥牛 ，鋪滿左隻碟，牛肉肥瘦均勻，好食海鮮幾抵食唔貴，叫左桂花蚌併珊瑚蚌同脆玉鯇魚腩，新鮮又大件好少打邊爐有新鮮鵝腸食，呢到鵝腸大大條又無膻腥味，配埋喇沙湯呢個濃味湯底，好味道花雕雞件，大概湯太搶味，唔太食到花雕味手打墨魚丸同特製水餃皇都好高質，大大粒又足料

陪老公行完附近電腦中心，就嚟呢間好近嘅火鍋店食晚餐，同上次一樣，店員姐姐好好笑容招呼🌟自製蘋果雪梨茶一大瓶好抵飲，如果唔飲酒，揀飲呢個雪梨茶就啱哂，雪到夠哂冰涷唔會太甜，呢度小食花生$12碟，醬料$18位🌟招牌沙嗲鍋好重味，食得後尾有少少辣添；脆玉鯇魚腩份量好多鋪左2層，鯇魚腩厚肉啱哂我呢d唔太識吐魚骨嘅人🌟頂級手切肥牛呢個份量2個人食啱啱好，牛肉雪花幾靚，牛肉味濃；新鮮鵝腸洗得好乾淨無怪味🌟手打墨魚丸有8粒，有少少墨魚粒更添咬口，食落新鮮；特製水餃王好大粒，隻隻都脹卜卜好足料，入面有少少木耳絲好爽口

我是一個打邊爐控，今日出開深水埗買野，就順路與朋友來這間火鍋店-「鍋居火鍋專門店」試試！我們點了咸菜胡椒新鮮豬肚湯底。鍋有十分多豬肚，有著濃濃的胡椒味道，而且湯配上咸菜很美味兼暖胃！頂級手切肥牛：脂肪在肥牛上分布很均勻，雖然是一片片切得很簿的肥牛，但依然鮮嫩多汁，而且入口即溶，值得一試！美國桶蠔：雖然一筒兩隻，但蠔很大隻，比一隻手掌還大。職員廳度十分好，很耐心地指導我們滾多少分鐘！而蠔比較肥美，肉質不錯，吃完超級滿足！