鍋心粥底火鍋 (德成街)

營業中

休息中

今日去佢佐敦舖， 門口個阿姐話個餐冇咗沙白蜆， 但係唔會有任何食物取代，價錢又無減， 即係俾相同嘅價錢會食少一樣嘢 ，從來未試過有呢個情況， 以後唔會再去食， 已經直接問佢有冇其他食物取代， 佢話食物價錢唔一樣所以都取代唔到。

环境：方便，在佐敦後巷附近。沿途還有夾公仔機，呢個地方食野，方便吃喝玩樂。食物新鮮，鲍鱼 好新鮮，鮮甜，而且洗得好乾淨。服务：服務小哥哥比較耐心也熱心介紹。適合一家大小，帶朋友聚會聚餐。醬料也是喜歡的，有椰子雞那種蘸料。Q性价比：好高，適合海鮮主題，又唔限時，熱辣辣又窩心。一定要叫龍蝦，龍蝦大隻又生猛，🦪生蠔新鮮大隻，而且生蠔限時68元一份六隻都超級吸引！好可惜的是飲品比較少選擇，有時候被選擇曬，無選擇茶只可以其他飲品。

要搵到一開新鮮高質的海鮮火鍋唔容易，仲要有埋精華粥底既食法，推介推介‼️第一步先揀粥底,可揀單鍋/鴛鴦鍋，如揀鴛鴦鍋或有多個鍋建議其中一邊揀粥水鍋，用嚟煮海鮮再整粥一流👍🏻第二三步揀海鮮🔺套餐:龍蝦🦞+蟹🦀+沙白蜆$278🔺再選擇4款時令海鮮當日揀左鮑魚, 花甲,蟶子,蠔🦪款款海鮮都新鮮同份量足，跟住餐廳寫既推薦時間煮就可以啦第四步揀海鮮粥準備蔬菜🔺共有三款:粟米🌽 南瓜粒,芋頭第五步每人揀4款配料🔺推介手打蝦滑 肥牛 &鬼馬油炸鬼 到時油炸鬼同粥一齊食～到最後記得叫職員幫手整粥,除左有粟米,南瓜粒,芋頭外，仲會加埋大頭菜粒 豬油渣 冬菜粒 菜脯粒 芫茜, 我地粥水鍋只係用嚟煮海鮮，最尾先煮蟹 個粥係鮮甜索曬精華 大家不妨一試～總體而言:食物新鮮 種類多 職員態度親切 係值得一試既餐廳👍🏻 餐廳仲係一個幫朋友慶祝生日既好地方 餐廳會播生日歌 氣氛都唔錯😂😂🙈📍鍋心粥底火鍋 (佐敦)佐敦德成街1-5號康源閣地下A-B號舖

火煱食得多，覺得沒有新意，可以試試粥底火煱。手切牛肉新鮮嫩滑，入口沒有渣，有牛肉味。海蝦新鮮，肉質彈牙。蟹肉美味可口，魷魚和魚塊沒有腥味。最後粥底充滿海鮮的鮮味和甜味，實在滿足。

鍋心粥底火鍋的海鮮選擇新鮮豐富，令人印象深刻。海鮮在湯底中烹煮後仍保持彈性和鮮甜的風味，讓人一試難忘。餐廳的服務周到，用餐環境舒適，為整體用餐體驗加分不少。對於喜歡海鮮和火鍋的人來說，鍋心粥底火鍋絕對是一個值得光顧的好選擇。

一諗到要成班人一齊食海鮮又要打邊爐就諗起鍋心，食過幾次每次都冇令我失望。舖頭間唔中仲會有埋優惠，最近喺OpenRice仲有埋優惠券可以買，店員好好同我講話埋單嘅時候再買OpenRice券，咁就唔會話買多咗嘥咗 。嗰間嘢食，嘢食嚟講龍蝦幾次嚟嘅時候都係要預先預訂，但係有時間中好彩都會因為有啲客人取消，所以有龍蝦可以叫 。你食咪講超新鮮，如果叫咗蝦嘅話真係要小心，因為將會跳出來，彈到啲湯嚇死人 。除咗海鮮，仲有佢哋嘅牛肉手切牛，加錢嚟講真係好平，一開始諗住唔係任食，每人幾樣配料會唔夠飽，點知又真係唔會喎，如果真係唔夠飽嘅話就算係加配料都唔會係海鮮價， $20就有交易，喺佐敦尖沙咀附近去搵一間咁高質嘅餐廳，真係唔容易 。

一直以來都好欣賞呢間餐廳，每一次諗起海鮮打邊爐都一定會去鍋心，因為食物好新鮮質素高，性價比首選。但呢一次嘅體驗，完全顛覆左我對窩心一直以來嘅睇法。由於已經幫襯左好多次，所以知道龍蝦餐要早一日預訂。但當日去到時被告知龍蝦已經賣晒，咁我早一日預訂嘅用意何在呢？同侍應溝通一輪之後，佢哋突然又話有龍蝦俾我，乜唔係溝通好先通知客人？同埋訂左位，去到差唔多要等位半個鐘。愈做愈差，不單止服務，食物都差了。首先不停落錯單，然後問極都冇人答到我，下下都要老闆出泥都搞得掂。而且海鮮質素都下降了，冇以前咁新鮮咁大隻。可能係佐敦分店既問題，但今次既體驗令我對鍋心有啲卻步。

窩心係我每個月都起碼食一次嘅餐廳，真係好鍾意食佢哋嘅粥底火鍋平時都係去開大圍分店嘅，今次打電話去book位發覺佢哋已經冇做火鍋，所以唯有去遠啲嘅佐敦分店啦，真係太鍾意食冇辦法睇啲相都知有幾多海鮮啦，每人$300食咗咁多種海鮮，又唔使自己處理，其實真係性價比高到爆炸

人均300就可以吃到海鮮粥底火鍋，可以選擇鮑魚魷魚蟹多寶魚等等海鮮。海鮮新鮮，最後吃的海鮮粥是必食！位置也方便，從佐敦地鐵站行指是3分鐘路程，店內的位置也算不太擠迫，沒有時間限制，可以跟朋友開心吃一整晚！另外，可以自行選擇自己喜歡的食物，不似一般的火鍋放題，很多時都浪費了食物。這𥚃是可以自由配搭食物的款式，反正就是一定足夠。如果人數多的話，還可以包房。現在還有OpenRice的優惠，以$268當$300 ，真的很優惠。

突然之間好想食火鍋🍲，但係又唔想咁熱氣，最後就嚟咗佐敦食粥底火鍋😂，叫食物都分咗5️⃣個類別，分別係湯底、主打海鮮🦞、自選海鮮🦐、海鮮粥、同埋其他火鍋配料。-今次我同🐻仔兩個人選擇咗龍蝦同沙白蜆嘅套餐($248)，仲可以自選5️⃣款海鮮同埋每人4️⃣款火鍋配料。價錢唔貴，仲食到多款新鮮嘅海鮮，CP值係極高🤤！所以都超級推薦👍🏻！餐廳亦有煮海鮮推薦時間，務求客人可以食到最佳嘅味道同口感😋！打完邊爐之後，可以叫店員加上芫茜、冬菜、菜甫粒、大頭菜粒、豬油渣粒同萬眾期待嘅粥底，就係精華海鮮粥！完美地成為火鍋嘅句號🤭。

粥底火鍋是一種絕妙的美食體驗。它的湯底濃稠且鮮香，讓每一口都充滿滿足感。粥的煮熟過程中會釋放出豐富的營養和風味，使得食材在湯中煮熟後更加鮮嫩多汁。此外，粥底的柔滑質感也讓人感到舒適和愉悅，讓用餐變得更加愉快。不論是冬天取暖還是夏天消暑，粥底火鍋都是一道受歡迎的美食選擇。

本來想食蒸氣火鍋，點知食開嗰間執咗，之前同朋友嚟呢間食過，印象好似唔錯，今日同家姐嚟試。電話訂位，星期五、六、日分五點半同八點兩場，我哋食早場。未到六點已經坐低，見到點菜紙上四款套餐只剩三款，冇咗鮑魚😥。因為要等齊人所以最後六點半先點，佢哋話龍蝦套餐都冇晒，不過肉蟹龍蝦套餐就有，同埋自選海鮮可以揀鮑魚。我哋叫咗肉蟹餐同肉蟹龍蝦餐，家姐唔係好鍾意食粥，我哋叫咗鴛鴦鍋。可能係人多，都等咗陣先有人攞嘢俾我哋。海鮮好新鮮🦀🦞，蟶子好大隻，啲蝦仲識跳🦐🦐，所以要搵個蓋冚住，個套餐除咗主食嘅肉蟹同龍蝦，仲包埋沙白，另外可以喺個清單上面揀四至五款海鮮，同埋每人可選四款配菜，我哋仲叫咗豬腩片，仲有好多嘢食都冇寫出來，簡直豐富到不得了。食到差唔多，佢哋有人嚟幫我哋加粥、南瓜粒同芋頭粒入啲粥水度，最後就有一兜超正嘅海鮮粥👍🏼👍🏼，就連平時都唔鍾意食粥嘅家姐都話好好味。😋😋佢仲話下次要帶朋友一齊嚟食。😂原本我哋因為佢先至叫鴛鴦鍋，不過叫鴛鴦鍋嘅問題係：粥嗰邊好易黐底，如果校細個火，咁啲湯嗰邊又唔夠滾去淥嘢食，最後佢話如果下次嚟食就成個都係粥底喎🤣🤣。我哋追加咗一份牛舌同一枝竹蔗水，埋單人均$290。👍🏼👍🏼

掂晒👍！今次食評我走入咗一家海鮮掂爆嘅店，話唔多講，真係平民價錢食到海鮮享受！從霸氣鮑魚，食落去爽滑得嚟，每啖都感受到海嘅甘甜；至肥美肉蟹🦀，肉多膏滑，得喋喋添味，啖啖蟹肉真係香得滴！不過龍蝦今次冇份，小小掃興。透抽切件夠晒嫩滑，彈牙得黎唔粘牙，試下嘅話就知咗係咪真功夫。配料部分，雞軟骨手打得夠勁，呢度係小心思大滿足。至於佢個粥底，真係冇得輸，滲晒啲海鮮精華，每啖粥都有驚喜！食到最後，即使飽得喊，粥底嘅誘惑又點捨得唔食多兩碗呢？🍲🤤甜在心頭，辣在舌尖，呢度嘅食物質素同服務都係一流，下次再黎，希望龍蝦套餐都有得逐個捉！一家大細，朋友聚會，都一定要試吓！

啱啦，話你知，我今次去咗一間熱爆嘅火鍋店試下嗰啲口水直流嘅海鮮🦞。首先，跟老闆意我哋揀咗個黃金豬骨湯底，搞到成個湯甜到入心肺！跟住啊，海鮮一上枱，即刻賣相嚟個滿分，蝦蜆仔貴妃蚌啱晒愛新鮮嘅你。食物鮮美得嚟，擺法又利害，配料之多，你估我哋唔會肚餓走人了？最正係啲vs肉，分分鐘軟滑嘅口感，完全唔韌，好過癮！而且每樣食材都讓我食得咂嘴唔停，海鮮本身嘅甜味夠晒最佳拍檔，完全俾湯底提升到另一層次呀。煲完海鮮之後，最後嘅粥底環節，店員係咁耐心教路我哋煮，煲到啲粥香滑得嚟，海鮮味又喺度淋漓盡致。值得嘅是，平日你賣甩幾百蚊，搏嘅就係呢種滿足感。我食完嘅感覺呢，仲想再嚟一轉，真係正到飛起！👍🦐🥢

主要食海鮮，粥底海鮮，真的是食過最新鮮的，而且價錢方面性價比真係好高，每一樣海鮮都好生猛，如果係死海鮮食到最尾個粥，真係麻麻哋好食，但佢哋用了新鮮海鮮，每一啖都係鮮味