鍋心粥底火鍋 (已搬遷) 新店位置

好似呢幾年都冇乜食粥底火鍋，趁天氣仲係凍凍地，同事約埋一齊去打邊爐，可以揀五款海鮮，八款配料，最後食埋粥，正，佢哋嘅店員都幾醒目，地方就算清潔，應該有的火鍋醬料都應有該有，我印象中，佢飲品通常係膠樽一支裝俾你選擇，雖然我想飲正宗嘅酸梅湯雖，但好似都冇。我覺得蝦，蟹其他海鮮都唔錯，跟住佢嗰啲手打丸啊同埋肥牛值得推介，西班牙黑毛豬有啲驚喜，不過多寶魚有少少泥味，如果下次再去，我地應該唔會再叫。不過絕對值得再去一10個8個同事一起去打邊爐，真是一個好地方

朋友生日，第一次食粥底火鍋以為要大約$400埋單，今次來左這間$200 only! 佢仲係 $200 全日免加一！..$200係指定海鮮數量、蔬菜款式數量、另外可選八款配料海鮮係好新鮮好大大件，唔係hea貨！有鮑魚, 蛤, 扇貝, 肉蟹⋯食得出鮮味，唔落蔥、豉油都好鮮甜！..如果唔夠食，員工都有埋枱sell 時日海鮮～我地就另外加了 特大北寄貝，都係$30/2隻！..食晒之後員工會幫你煲粥, 有晒之前海鮮、蔬菜、肉類嘅鮮甜味，個粥好好食，好完滿！..記得一定要BOOK台，一晚開3場，都好FULL!

粥底火煱無得輸👍🏻每人$200，已可以食到好多海鮮，好新鮮😍亦食得好飽👍🏻員工亦好好，幫我們計時，不怕煮太熟但座位太迫，時間太趕，假如想慢慢食是impossible附近好多甜品，假如不夠飽，亦可以keep住食😍

其實粥底火鍋呢幾年係香港都非常之流行食過又平又抵又好食嘅真係冇幾多間鍋心係我食過最有heart既粥底火鍋多寶魚必叫👏🏻👏🏻👏🏻👏🏻👏🏻而且你間鋪嘅職員都好有禮貌服務超好

朋友請客粥底火鍋，在鍋心粥底火鍋食。 分幾個時段入座，我地食8半時段，陋時兩個鐘，準時收台for下場。平心而論，食物質素不算差，有鮑魚、蟹腳、黃金蠏蚌、象拔蚌仔選擇。但送野食及收野食速度快到呆左，座位陝小，一個普通茶餐廳二人座，放個爐已經冇左一大半位，擺食物碟上碟，未食完，冇位放食物，又叫人倒埋食物去滾。 而個粥底火鍋同個人想像有出入，在滾哂入有野食，放現成白粥入去煮。仲可能因該夠鐘，問我地仲食唔食粥，心想-真係有咁趕時間？

第一次食粥底火鍋. 無期望之下, 呢有野有驚喜, 2百蚊左右價錢, D海鮮好新鮮, 大件.圖中是4人份量, 有鮑魚, 蛤, 扇貝, 魚, 肉蟹, 魚, 蟶子皇. 全部海鮮都好新鮮, 有光澤, $200黎講好抵食, 食到好多款海鮮.如果唔夠食, 佢另外有得再點, 要收費. 食晒之後其實有個粥, 不過我果日提早走左, 無試到個粥.間野都幾多人, 一定要BOOK台. 另外環境比較窄, 呢個係美中不足, 其他野都好滿意.

日前與朋友一行10人去鍋心聚會，鍋心係粥底火鍋店界都很有名氣，無論海鮮定肉食都有質素。之前試過大圍果間，今次就再光臨佐敦店。每枱都有一張點菜紙可選5款海鮮同8款，牆上仲有煮海鮮時間表俾大家睇，就可以食到剛熟食物，唔怕過生或過熟我地點左 多寶魚 鮑魚 蟹 花蛤 同蜆樣樣都好新鮮 蟹肉鮮甜 鮑魚好爽口彈牙 推介！肉食一定要試自家製雞骨丸同黑毛豬肉丸最後將豬油渣 冬菜同芫茜放入火鍋精華度煮粥 非常滋味 每人兩百零蚊 份量好足 大家都捧住個肚走 好抵食

鍋心粥底火鍋 (佐敦)佐敦吳松街88-90號地下-----$200蚊-5款海鮮+8款肉or蔬菜😝5款海鮮全部非常非常新鮮 新鮮到不得了 好鮮甜 講咁多次鮮字你就知有幾鮮 🤣而肉同蔬菜就正正常常 全部都唔錯 海鮮味令到粥水非常鮮甜 食曬呢堆野之後 會有專人黎幫你用d粥水幫你煮粥 😌可惜煮粥ge人加太多野 例如豬油渣 冬菜等等 掩蓋最後個粥ge鮮味 🤷🏻‍♀️係成餐唯一令人遺憾ge地方-----B仔整體評價：8/個👍🏻B仔抵食程度：8/10個👍🏻B仔環境評分：7.5/10個👍🏻B仔味道評分：8.5/10個👍🏻（好味來自海鮮 扣分來自粥底）B仔回頭機會：8.5/10個👍🏻-----#swallowhk 跟住我一齊吞食香港啦！#swallownjordan

承上篇，鍋心有分粥底和蒸海鮮，今個月忽然兩種都試齊，上篇説到蒸海鮮令我小失望，今日位於佐敦的這間分店吃粥底海鮮火鍋，卻令人一試回味！和其他分店一樣，只分兩輪入座，這天我們六時來到。入座後，我們要選5款海鮮，但其實有6款，因為蟹是一定會有，另外吃完海鮮，還有8樣火鍋配料，以及一鍋粥，不用擔心不夠飽！鍋心牆上貼上一張時間表，表示海鮮要煮的時間，跟著煮，海鮮不怕過熟！每樣海鮮都十分鮮甜，最愛一定是肉蟹，啖啖肉且鮮嫩無比，鮑魚爽口彈牙。其他貝類魷魚吃完海鮮，還有8款配料，當中不少得肉類，如肥牛，黑毛豬等。雖然我是牛魔王，但鍋心的黑毛豬比肥牛美味和嫩滑，肥牛口感較粗糙，另外必選黑毛豬肉丸，加入豬軟骨製成的肉丸，給了肉丸特別的口感，骨膠原滿滿的感覺。最後，當然是吸盡精華的粥底，加入南瓜，芋頭和粟米，南瓜和芋頭完全溶入粥底，使粥底更綿滑，最後灑上菜莆粒和豬油渣粒，增添口感！咁多款海鮮和火鍋配料，食到飽飽都係200蚊一位，相當抵食！難怪即使店鋪環境一般，座位狹窄，且要一早訂位，但每晚仍然大班食客在門外等候。

我地係鍋心未出名之前已經成日嚟食，最近仲好似人多咗好多，可能係上網多咗人推介。咁六點係一定book唔到枱㗎啦，之前試過早兩三個禮拜問都冇枱，想食六點嗰轉嘅人應該要早成一個月book。一入座就會有沙白硯同蟹送，另外我地要左蝦，鮑魚，帶子，硯，好似有五樣野可以揀。海鮮無之前食咁新鮮，但總算都洗乾淨哂處理好哂，當食個方便。配菜都有幾十種揀，響鈴必叫，仲有花膠仔，梅豬肉，豬肉丸，花枝丸。個粥底好難搞，一時多水一時小水。應該成餐食哂啲配菜都飽，粥底反而麻麻。仲有坐樓上原來無酒牌，唔可以買酒，要落街買，有啲無奈。佢個土耳其汽水有啲偏貴，唔值呢個價，但無辦法無酒飲。不過老實說，佢啲質素好似有下降問題，希望可以改善。

凍凍地又係打邊爐嘅季節想食鍋心好耐了， 上次book因為星期六所以好full， 今次提早一個禮拜打電話去預約， 終於book到了我們一行八人， 去到門口還要等叫名， 難為侍應姐姐， 擘大喉嚨叫八人座的檯 像茶餐廳的座位一樣， 一邊四位， 中間一張方形枱， 我們食八點半的一輪侍應給了一張 海鮮紙， 可以點其中的八款另外 牛肉豬肉也限 款數， 我們 聽別人說不用加餸， 一定食飽先有兩個粥底火鍋， 不是太多水， 海鮮非常新鮮， 我們點了蝦蟹 帶子之類， 個個讚不絕口最後 加煮熟咗嘅米粥，葱和 芫茜， 粥非常鮮甜豬肉其他配料我們吃不下， 侍應 推介我們帶走， 這個提議非常好， 起碼不用倒掉， 可以珍惜食物， 不過加錢買 外賣盒埋單非常抵， 每人 200元，正下次會再來

星期三晚訂了6點時段的鍋心粥底火鍋！佢有好多間分店，我訂了佐敦的店，到了店鋪感覺有點迫，座位亦坐得不太舒服！但服務員總算是有問有答，隨傳隨到！火鍋包肉蟹同白沙蜆，粥底包楠瓜、芋頭同粟米，另外可選5種海鮮同8類肉或蔬菜！每位人頭收費200.......我們4人食到抱著肚子，很滿足，除了收費合理外，食物的份量都很足！而最最最重要的是食物質素很高！海鮮新鮮，又鮮甜，而肉類亦唔hea.....肉質美味.....坦白講，200蚊食到這樣的質素而又夠飽，真心覺得平靚正，掋食！絕對會encore!

有次同男友經過門口，唔明點解咁多人排隊，男友勁想闆排隊既人，點解咁多人排，最後問左個女人，個女人答：因為好食囉，又抵食。成件事好尷，但見到呢個價錢，又可以食新鮮海鮮，有次平日walk in，佢話要等到6點半先知有冇位，有位就打比我地。咁岩就有位，唔洗提前訂，因為睇食評都話要提早訂，總之呢間野真係好新鮮又好食！可能我男友又識揀調味。最後又有臘味飯，飽到痴線食唔晒，仲有鮑魚，聖子等。值得一讚，姐姐都超好服務態度，又幫我地分埋野食，又問洗咪影相，呢個價錢，咁新鮮！！！仲可以挑剔咩？唔講咁多 去圖！！！

聽左呢間鋪既評好耐, 今次終於試到啦。海鮮有: 多寶魚, 蝦, 蟹，鮑魚, 蚌, 蟶子; 另外加要左碟蠔; 海鮮鮮甜味美, 蝦好生猛, 仲識跳, 係食蟹麻煩d, 要自己扑。至於個粥底會有專人幫你隔渣, 再加飯粒同配菜(豬油渣, 菜甫等), 不過我覺得未加飯配菜隔渣前好味d甜d; 反而個粥比想象中冇咁好食

某夜跟友人聚會，友人建議encore佐敦的鍋心粥底火鍋粥底火鍋？聽起來好像很新穎呢，未知味道如何呢？每位包7款時令海鮮及自選5款火鍋配料…開頭睇落覺得好似分量少，但坐底後啲食物不斷送上已經feel到超抵！一開始會有碟沙律送嚟開吓胃先！然後就開始送上海鮮…今次我哋有蟹，多寶魚，蝦，鮑魚，大蜆，花甲，黃金蜆，沙白…全部新鮮同超甜！肉蟹又肥！隻鮑魚勁大！啲蝦係仲跳架！一路食一路有人幫你執碟，提你計時落海鮮，因為每枱都有個計時器，跟著牆上面張猫紙就會有教你煮海鮮時間！