鍋心粥底火鍋 (順寧道)

營業中

休息中

勁正既堂食體驗。和舖名一樣，非常窩心的服務；加上與價錢相稱的食物質素；合共提供了一個非常令人滿足的進食體驗。這裡的服務乾脆了當，不囉嗦不拖延，並且在服務中不忘給予一點點窩心，感覺真的是被人服務，而不是機械人。這裡的食物和價錢相稱，不會低於水平，也不會太大驚喜，付出多少就得到多少。蝦很新鮮，粟米在滾完海鮮的湯裡滾熟後勁好味。

有咩會爽得過涼住冷氣打邊爐呢。。窩心粥底火鍋食材新鮮，啲海鮮上到枱還再動，份量款式多，吃到捧住個肚。🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘🥘仲見到好多人訂左外賣，非常抵食。

需要你的支持喔🥺🙆🏻‍♀🐷💬每一篇食評都好認真打架—————————————————————📍 鍋心粥底火鍋 #chuchu推介🐷堂食同外賣都食過，外賣仲食過3 4次，loyalty customer😌一直都冇打食評今次就同大家介紹下，等大家係屋企抗疫都可以食好西🤤不過佢得外賣自取，佢哋會pack好曬，不過都幾大舊，最好搵啲壯男去拎，同埋的士出入啦🤣個盒出面會有個QR code比你scan，入面有曬每款海鮮煮嘅時間，等你唔會overcook!—————————————————————❣ 滋味5重奏外賣套餐 每位$200（兩位起）🐷呢到係3位份量，4人享用，因為真係好豐富，會太飽，比埋餐牌大家睇吓😚2款指定精選海鮮 (蟹/龍蝦 +蜆)5款自選海鮮 (蝦/多寶魚/沙白/魷魚…)8款自選火鍋配料(肥牛/丸類….)3款蔬菜 (南瓜/芋頭/粟米) 仲附送粥底同配料最後食海鮮粥魚蝦蟹都有，仲好多肉，絕對唔呃秤！食海鮮最緊要新鮮又乾淨，鍋心嘅海鮮絕對做到，🐷媽出名玻璃肚，不過咁多次佢都冇事，特別啲蝦真係好新鮮好大隻，次次食佢哋札札跳，打開蓋會跳出黎，好殘忍🥲食魚嘅話可以試吓多寶魚，好滑唔腥！推薦大家

呢一間餐廳真係非常出名，主打嘅都係海鮮粥同埋新鮮嘅海鮮！二百幾蚊就可以食得到龍蝦，沙巴顯，仲有幾款唔同嘅海鮮，我自己今次就叫咗鮑魚，帶子，多寶魚！呢啲都係非常鮮甜美味，用蒸氣嘅烹調方式可以食到原汁原味，最後仲有一個好入味嘅海鮮粥，真係非常滿足啦！

「Happy Friday 爽丫丫」系列之唔「滾」唔知身體好呀！天氣轉凍後個個都出黎搵食，火窩類既餐廳飯店特別受歡迎，可能係圍爐取暖卦。窩心粥店既粥底火鍋聽就聽得多，終於來試吓啦。好彩同事book定枱，唔係應該會冇位。一上枱先滾定個白粥水底，啲海鮮set 好新鮮，上枱上得好快，每人每款大概分到1-2 件。鮑魚同蝦都好大隻，好鮮甜，每次啲海鮮一撈上來，成班同事都低頭專心開餐。竹笙吸哂湯汁，變成精華所在。誠意推介鷄軟骨丸，爽脆滑！最後個店員會加粥膽落個粥底，清乾淨啲蟹殼同搞混後分俾每個人，唔使講都想像到個碗粥有幾咁濃同鮮甜，正！

媽子生日想打下邊爐見耐無食過鍋心 就早兩日打左去book位因為生日食豪少少唔怕諗住兩個set要蟹（$200）兩個set要蟹加龍蝦（$250）———————————————-海鮮整體黎講都唔錯 肉質結實 但無嘜鮮味蟹無嘜膏沙白細隻但算飽滿 可惜有少少沙魷魚片比較普通配料黎計 黑皮雞樅菇好特別我都係第一次食食落好爽口 菇味重韮菜餃就一般 餡料味道可以但皮比較厚可能今次中間加左三四次水食到後面煮粥個陣無嘜味 有啲可惜—————————————————————今次食落覺得無之前食落咁好食海鮮無以前咁靚配料既份量亦相對以前少但以打邊爐黎計 有海鮮又唔使加一的確係性價比好高

之前都食過一次鍋心粥底火鍋，今次再食都覺得餐廳維持到水準。 本來今次想食龍蝦，但竟然賣曬，只好食肉蟹+沙白蜆。 而時令海鮮就選擇了貴妃蚌，蝦，鮑魚，蟶子同日本蠔。 配料就選擇了肥牛，鮮淮山，萵筍，自家製手打馬蹄雞滑，韭菜餃，竹笙，蟹粉包，魚皮餃。首先要煮咗沙白蜆先，因為沙白蜆有好多沙，煮完要換左個湯底先可以煮下一樣海鮮。 沙白蜆雖然新鮮，但有好多沙。聖子都好新鮮，不過就好細隻。 而其他海鮮都同樣新鮮，所以都食得到海鮮的原味。至於其他配料個人覺得自家製手打馬蹄雞滑，夠彈牙及有微微的馬蹄味。韮菜餃就皮薄材料豐富。都食完所有海鮮及配料後，職員就會用剩下來的湯底嚟做一個粥。 職員會在席前將稀飯，芫茜，冬菜，大頭菜粒及豬油渣加入粥底。 這煲粥已經集合了海鮮及配料的精華，所以令人一試難忘。

上年試過一次佢嘅佐敦店，念念不忘，今次帶埋男朋友去試多次一次佢嘅深水埗店。Book枱只有兩輪時間選擇，係有啲限制。餐牌有三種set選擇，有龍蝦嘅set 數量有限。我哋好好彩可以叫到一set，另一個就叫最普通嘅set。餐廳貼咗啲poster ，建議客人首先食海鮮，之後落for粥底嘅配料，然後落平時打邊爐嘅材料，最後會配一個粥底俾你。店員好神速，海鮮都好快送到。每張枱都貼咗一張建議煮海鮮嘅時間。好好彩有呢張提示，如果唔係好易煮到啲海鮮太老。本身每一台都會有一timer，方便大家time住 haha 海鮮都好新鮮，好鮮甜。最推介係蟶子同肉蟹🤤好快食晒之後其他配料都陸續送到。推介魚腐同芝士豆腐！到最後個粥底好綿。不過可能今次只有兩個人，略嫌最後個粥嘅海鮮味唔夠。如果可以多啲人，個粥底應該會好正！P.s. 用手食完海鮮，影唔到太多相 xd

今次第一次係香港食粥底火鍋，啲海鮮都好新鮮，啲蝦擺上台都係跳跳紮，蟶子夠鮮甜，花蟹有好多膏，融入晒啲粥底好正，值得稱讚嘅係小籠包出奇地好食，服務員亦都好好態度，主動幫我哋處理粥底，價錢亦公到，呢間值得再去一次👍👍

朋友生日飯話想食粥底火鍋，佢推薦呢間火鍋極之好味，而且好多人追捧，所以想食嘅話一定要事前訂枱~於是我早半個月前就已經電話book枱，揀左最方便大家嘅長沙灣分店。我地一行五人，book左8-10pm果round，7:55pm去到門口已經見到人滿為患，當我以為門口嘅人係walk in嘅時候，我走上前同侍應講我地係book左枱嘅，點知佢請我稍等，會逐一嗌number入去咁，我先知道原來門口嘅人都係book左枱，連book左枱嘅客人都要逐一輪候，足見餐廳之受歡迎程度！每位客人都必須使用安心出行，我地一行五人掃左碼之後獲安排坐一張大卡位，唔使隔板。四人限聚下，五人一枱而毋需隔板嘅情況真係久違！食物方面，種類比起一般火鍋店嚟講唔算好多，但勝在用料夠新鮮；我地每人嗌左一款海鮮(沙白、鮑魚、蜆、蟶子同埋肉蟹)，按住餐廳嘅建議逐一放海鮮，佢仲設有一個計時器，俾我地計住落左幾耐，一夠鐘就即刻撈上嚟食，非常鮮甜！食完海鮮之後就到普通火鍋材料，有肉丸、蟹柳、小籠包等等，雖然野食唔係任嗌，但佢個份量都係按人頭計，所以一定夠食！(特別大食者另計lol)終於到最後嘅重頭戲 - 火鍋粥底，有一位師傅見我地食得七七八八

首先真係唔好遲到先去，因為分左兩節，遲到你會比職員chur到爆，開頭主食海鮮，之後就係正常打邊爐既餸，最後亦都係會令你返食幾次既海鮮粥，用上之前火鍋既湯底，再加上粥同配料，真係好食到唔想走，但都要走，因為職員會問你食完未，完

鍋心已經幫襯左好多次丶哩間真係超抵食而且食物仲好有質素! 而我哩排就已經光臨過4次🙈 首先你坐低之後店員會比張紙你先揀左食咩海鮮同配料 之後就會開始煲粥 上埋海鮮就可以開始打邊爐架啦海鮮方面我最近去個幾次都有少少差別的 第一次去既時候所有海鮮都非常新鮮!! 而且所有貝殼類海鮮都沒有沙 非常乾淨👍🏼反而第二次去貝殼類海鮮較為普通 而且食到少許多沙不過200蚊黎講小妹覺得食到咁多海鮮都算係咁! 都明白好難保證材料每日都咁新鮮‪而我覺得哩到必叫既配料一定係自家制手打雞骨丸😎😎食落去有好多軟骨粒 好有口感 而且肉好新鮮 如果大家去一定要叫黎試下😋😋最後最後就係個粥已經煲左勁耐既粥水充滿住海鮮既精華 加上南瓜同芋頭粒粒煲到溶哂 再將粥同菜圃放埋落去攪拌好味到唔識講

未試過食粥底火鍋，朋友介紹話呢間餐廳好抵食，所以就入咗去試吓！！果然係一間超級抵食嘅餐廳！可以揀五個海鮮再加八樣火鍋嘅材料陪粥底！海鮮有龍蝦，鮑魚，蝦，多寶魚，花甲就係呢啲嘅海鮮都已經值回票價！！！真係一間好有誠意嘅海鮮火鍋！

第一次食粥底火鍋 覺得幾新奇有趣叫咗個set有大約十款海鮮上枱嘅時候部分海鮮仲有郁吓應該真係好新鮮每一款海鮮佢都有教你要淥幾耐分毫不差 淥得啱啱好嘅海鮮真係好正好鮮甜最後食晒海鮮會有個粥煲出嚟好滿足 好飽會想再食

耐唔耐就會想食吓粥底火鍋 每次既首先都係鍋心 因為佢又平又好食 仲好足料 唔會因為人少就比少啲份量你 次次都會食到好滿足好飽一去到就會比張紙你揀要邊幾款海鮮同肉佢好貼心有寫每款海鮮要擺幾耐 可以跟返佢指引做 最後食哂啲嘢就會整個粥底 大家真係要留肚食個粥 真係好好味 前面海鮮嘅精華sok晒落個粥度 真係好正