影片
開飯介紹
無限時的任飲任食台式火鍋店，其中麻辣湯底設有4種辣度，照顧各位嗜辣之友；配高質肉類、逾60款火鍋配料、多款飲品等，選擇豐富。
繼續閱讀
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
以上資料只供參考, 請與餐廳確認詳情
有關獎賞計劃
相關文章
感覺好耐無打過邊爐🍲 特別掛住台灣既養生火鍋😆 呢間位於佐敦同旺角都有分店既「鍋霸吃到飽台式養生火鍋」🇹🇼🥢 最近佢地開幕五週年🎉 推出左無限時火鍋套餐 岩哂一眾大胃王啦🤪吃到飽養生火鍋套餐 第二級 (無限時) $352 / 位由於我地當晚9點後先入座 所以價錢比晚市正價時段平啲😙 而我地揀左第二級 可以任食「美國Prime Grade極上牛頸脊 及 西班牙伊比利亞黑毛豬」同埋「美國Prime Grade美國安格斯肥牛 及 西班牙無激素豬肉片」🐮🐷有20款吾同既湯底提供選擇 我地最後 +$48 轉鴛鴦鍋🤩 我地揀左超足料大大件花膠同雞既「藥膳養生花膠雞涮涮鍋」同辣得夠過癮既「台灣麻辣牛肉涮涮鍋」🍲 因為我地吾太食豬肉 所以全力食牛😂 極上牛頸脊肉質相對結實 有彈性 而且肉味較濃 而安格斯肥牛 肉質鮮嫩而不油膩😌叧外套餐除左精選肉類🥩 仲有海鮮 炸物 手工配料 火鍋配料 蔬菜 麵類 全部都無限追加 非常豐富😍 另外飲料款式都多不勝數 大量台灣既飲品提供😳餐廳會送上鹽酥雞同炸花枝丸 配上四種口味既Shake Shake粉 好過癮😆 最後記得要食埋每人一杯既雪糕先好走啊❕
繼續閱讀
天氣凍咗，最啱約朋友一齊打邊爐，吃到飽就暖笠笠，去鍋霸吃到飽台式養生火鍋，食足120分鐘，有20款養生火鍋湯底任揀，可揀藥膳湯底、麻辣湯底同養生湯底。前菜有Q彈花枝丸、鹽酥雞，同埋開胃小菜，麻辣青瓜同麻辣木耳，麻辣得過隱。我哋點咗鴛鴦鍋：花膠雞鍋同椰子雞鍋，花膠雞鍋嘅湯底味道濃郁，花膠大塊兼軟綿綿，雞肉大塊，湯底好足料； 椰子雞湯都好鮮甜，聞到椰子香味，配料有粟米、雞肉、椰子等等，非常養生。再揀咗任食 Level 2: 美國 Prime Grade 極上牛頸脊及 西班牙伊比利亞黑毛豬。牛頸脊都鮮紅色且口感嫩滑，帶濃郁嘅牛肉味道；黑毛豬嘅油脂分佈均勻，食落帶豬香味得好靚，涮幾下就食得，入口融化添呀！下單時掃二維碼就落單，有好多配菜揀，時令海鮮、手打肉丸、蔬菜類同麵等，按需要份量下單，上枱速度都好快。點了鮮甜大蝦、凡立貝、白鱔片都好新鮮。再點蔬菜類有菜心、南瓜、粟米等。飲埋台式飲品就perfect，雪櫃有多款樽裝台式飲品，特式烏梅山楂茶、黑糖冬瓜檸檬茶，都喺我嘅favourite。最後，食埋甜品有Movenpick雪糕、Dreyer雪糕。鍋霸吃到飽台式養生火鍋佐敦彌敦道219號莊士倫敦廣場6樓
繼續閱讀
呢間鍋霸係一間開咗好耐嘅火鍋吃到飽餐廳，最特別嘅係佢呢度主打無限時，食足成日都得🤣一入到去就聞到好香嘅打邊爐香味，令人食慾大開，佢哋嘅湯底都有好多選擇，有成20款咁多，除咗普通嘅蕃茄湯，麻辣湯之外，仲有啲養生湯底，例如藥膳花膠雞，椰子雞等等🐔我哋今次就揀咗中間比價位嘅set，肉類會有Prime grade安格斯牛頸脊、西班牙伊比利黑毛豬、美國安格斯肥牛等嘅選擇🐮店員首先會送上一啲涼拌小食，同埋每枱一份嘅炸花枝丸/鹽酥雞，枱面仲有啲shake shake粉可以加埋一齊食添😆而除咗肉類仲有其他海鮮、丸類、蔬菜等，我哋最鍾意就係佢嘅沙白同埋鱔片🐟各款嘅手打丸同埋自家製餃子都係誠意之作，特別係雞軟骨餃，真係食得出入邊有一粒粒嘅爽口軟骨😎飲品方面同食其他放題差唔多，都係有一大個櫃嘅飲品例如冷泡茶、盒裝飲品等可以選擇🍵呢度特別貼心嘅係仲有啲常溫同埋暖笠笠嘅飲品🥰基本嘅醬料都有齊，counter乾淨企理，食到最尾仲有每人一杯雪糕，我哋就揀咗Movenpick嘅薄荷朱古力雪糕同埋Dreyer’s開心果甜筒🍨
繼續閱讀
呢排天氣咁凍，最啱就係打邊爐。呢間台式養生火鍋，主打養生湯底，仲係吃到飽，非常抵食。 Shake Shake鹽酥雞/花枝丸先嚟個台式小食，Shake Shake粉有海苔、芝士、梅子、香辣味選擇，炸雞好嫩滑，花枝丸彈牙。 台灣養生醉雞鍋/藥膳椰子雞鍋二人一鍋，想食兩款湯底，加$48揀咗鴛鴦鍋。湯底材料豐富，除咗大大件嘅雞件，仲有粟米、木耳、紫洋蔥、豆卜等。醉雞鍋酒味濃郁，椰子雞鍋則有淡淡椰子味。 Prime Grade美國安格斯肥牛/西班牙無激素豬肉片牛肉用肩胛部位，唔肥膩，牛肉味重。 海鮮類海蝦、蜆、脆肉鯇、白鱔等都好鮮味。 蔬菜類好多選擇，娃娃菜、皇帝菜、萵筍、淮山等蔬菜夠新鮮。
繼續閱讀
｛食盡佐敦之台式 — 鍋霸吃到飽台式養生火鍋｝————————————————天氣凍，短短一個12月我就已經食咗幾次打邊爐啦🤣 相比起日式嘅邊爐，我個人就更加鍾意台式嘅火鍋啦， 主要係因為佢嘅食材比較多元化， 而且湯底選擇都比較多🤔 今次食呢一間足足有成25款湯底咁誇張😂今次我試嘅就係藥膳養生雞涮涮鍋， 佢嘅雞食落去都幾嫩滑，每塊都非常大塊又多肉， 煮耐啲都唔怕鞋👍套餐我揀左最平既prime grade 牛肩胛肉同埋西班牙無激素豬肉片，牛既質素一d都唔差wo! 佢唔係普通嘅肥牛，所以食落去牛味重啲脂肪又少啲👍最後total食左好似5，6碟😋個人推薦嘅有幾款食物，首先係前菜嘅麻辣手拍青瓜👍 青瓜爽口得嚟有少少辣度， 食得好過癮😆 然後就係魚骨腩，係爽口嘅脆魚肉🤩仲有佢嘅是日海鮮，就係蜆啦😃啲蜆新鮮到仲識得郁㗎好少見🫢 嘢飲方面佢一樣都係有成四五個雪櫃畀你揀，而值得讚揚嘅一點係佢另外仲有一個暖飲櫃tim呀！ 啱曬想飲暖嘢嘅女士們😆 而最後佢仲有得一人揀一款雪糕，由häagen-dazs，Dreyer's同movie pick都有㗎!Overall comment: 餐廳坐得幾舒服，職員手腳好快每次見到你食完就會即刻清酒檯面嘅空碟，而so far成餐飯都冇試過漏單而且啲嘢食都上得幾快㗎🥸
繼續閱讀