影片
營業時間
今日營業
12:00 - 01:00
星期一至日
12:00 - 01:00
以上資料只供參考, 請與餐廳確認詳情
有關獎賞計劃
約咗朋友放工後去旺角打邊爐，見到創興廣場有間吃到飽台式養生火鍋！原來鍋霸已經五周年，都係第一次去試，有得揀120分鐘任食，甚至無限時都係加$40！慢慢食慢慢傾，唔洗急住食！我同朋友兩個人揀咗美國Prime Grade極上牛頸脊及西班牙伊比利亞黑毛豬套餐，正價時段(晚上7:30至9點入座)，無限時，成人為$413一位，7:30前離座或者9點後入座會平啲，7:30前離座嘅話，成人價格最平嘅120分鐘套餐$219，勁抵。小童價格任何時段都平過成人價格，所以帶埋小朋友都好抵食！如果揀高一個級別嘅套餐，每兩位嘅食客就會送多一碟價值$168嘅手切安格斯Prime Grade牛肉，不過我同朋友兩個女仔就冇咁大食😆所以都係揀咗第二級別嘅套餐。好多台式特色湯底可以揀呀！揀咗個藥膳椰子雞涮涮鍋，湯底奶白色，勁香椰香味🥥仲有雞件，好足料。另外揀咗台灣麻辣牛肉涮涮鍋🌶️又係好足料，夠辣夠惹味！鴛鴦鍋+$48🍲一坐低就有Shake Shake鹽酥雞送！勁多款火鍋配料選擇，點咗好多蝦🦐仲有好多海鮮揀！另外有好多手工丸、蔬菜等等，有好多款飲品揀，最後仲有雪糕食🍦我地揀咗Haagen-Dazs同Movenpick，飽到捧住個肚走🤰🏾
繼續閱讀
我地好鐘意打邊爐一諗唔到食咩就會去打邊爐😂今次我地就揀左開幕五周年既鍋霸吃到飽台式養生火鍋 佢地推出全新時間自主吃到飽火鍋套餐 除左有120分鐘可以揀仲可以加多$40就可以無限時任食而選擇左120分鐘套餐係7:30前離場最平只需$219就食到啦我地揀左Prime Grade 牛肩胛肉 及 西班牙無激素豬肉片之後揀埋湯底，有成20 款湯底，梗有一款啱你😝而我地揀左養生椰子雞 （好清甜）和 藥膳沙茶牛肉（好濃郁既沙茶，茶膳味唔太重，連平時唔肯食藥膳既老公都話個湯底好得👍）之後每枱都會送一客鹽酥雞/花枝丸有香辣🌶️芝士🧀海苔同梅子4款味道既shake shake粉任你揀火鍋配料方面有70多款任叫任食最欣賞係佢d自家製手工配料有d好特別既丸係好多地方都唔見有例如手工香菇雞軟骨餃、手工梅菜豬肉丸、手工黑松露墨魚丸等！亦有海鮮精選等選擇，食材都好新鮮👍👍👍飲品種類都好豐富，除左有多款汽水，仲有自家製冷泡茶、烏梅山楂茶和黑糖冬瓜檸檬茶等甜品仲有每人一杯雪糕🍦 有HaagenDazs/Movenpick/ Dreyer’s 可供選擇另外鍋霸選擇第二個級別牛肉套餐（每四位額外送多一碟價值$168既手切安格斯primegrade 牛肉），選擇第三個級別牛肉套餐，（每兩位便送多一碟價值$168既手切安格斯 primegrade 牛肉）🐮真正時間自主，用餐時間由自己決定既餐廳，鐘意打邊爐既朋友仔仲唔快啲去試下😉鍋霸吃到飽台式養生火鍋📍旺角彌敦道601號創興廣場4樓
繼續閱讀
難得放假 休息日同fd諗住舒舒服服食返餐 打個唔洗趕既邊爐 所以去左創興廣場既鍋霸打邊爐 鍋霸吃到飽台式養生火鍋 佢既吃到飽真係無限時 無取巧 我同朋友慢慢傾計慢慢食 不知不覺 12點食到4點先走 非常適合我 掛住講野加食得慢既人黎嘆邊爐呢次係我地第一次黎鍋霸所以試下佢 第一級既吃到飽養生火鍋套餐 肉類有Prime Grade 牛肩胛肉同西班牙無激素豬肉片 兩個部位都唔肥有肉味肉質都幾軟身 配上店內推薦既混醬方法 湯底都唔馬虎 好真材實料 叫左兩邊湯底 一邊叫左估計清d既菇菌湯底 黎到裡面超級多菇菌 另一邊叫左蕃茄湯底 湯底幾香甜 所以落咩落去都真係幾好食 除左肉類仲有海洋選擇 鐘意叫蜆 蝦 都新鮮 食落幾彈性 出面多數邊爐都係有鯇魚片但呢度竟然有鱔片 丸類仲有手打滑咁既丸仔 全部都好有質素 係好食既丸 真開心 除左湯底食物 想講講佢飲品方面都幾好 自家樽仔飲品 都有6定8種 有我平時打邊爐都會想飲既四季春茶 桂花烏龍茶 洛神花飲品呢度都有供應 所以都好岩我心水 甜品有得揀我平時都幾鐘意既哈根達斯曲奇味雪糕 呢個價位打邊爐 合格有餘大滿足
繼續閱讀
之前同朋友食過佐敦嗰間鍋霸覺得幾抵食，想encore左好耐🤭🤭呢兩日凍凍哋同男朋友就嚟左旺角分店，環境裝修比佐敦更舒適，一樣係120分鐘/加錢無限時任飲任食。不得不提呢度所有店員都好有禮貌，服務好好，一坐低店員就送上小食鹽酥雞同炸花枝丸，再幫我哋點湯底。另外重要一讚佢哋出菜又快又齊，食物質同量都好好！🌟湯底🥘20款藥膳養生湯底任選🍲我哋要鴛鴦鍋，揀左「藥膳養生花膠雞涮涮鍋」同「蕃茄濃湯豆腐雜菌涮涮鍋」。蕃茄湯🍅勁濃郁，重有大量雜菌，豆腐卜同凍豆腐；花膠雞認真足料，除咗雞件重有大大塊花膠，湯頭香甜重有少少葯材味，要趁未落火鍋配料前飲返啖補一補🤭🌟肉類🥩🍖🥓揀左美國Prime Grade極上牛頸脊+西班牙伊比利亞黑毛豬套餐。另外，美國Prime Grade安格斯肥牛同西班牙無激素豬肉片都係任點。我最鐘意牛頸脊肉厚牛味濃脂肪少，男朋友唔食牛但就大讚黑毛豬好正🥳🌟火鍋配料超過60款，丸類、自家製手工配料、海鮮類、蔬菜類、粉麵主食類…應有盡有，而且每款都非常新鮮。✨私心推薦✨✴️流心芝士小籠包✴️芋頭貢丸✴️手打三寶丸✴️足8吋長蟹棒✴️海鮮拼盤✴️炸魚皮（可配海苔/香辣/芝士/梅子Shake Skake粉）✴️粟米🌽 (勁甜!)🌟飲品多款冷熱飲品任飲，重有支裝自家製茶類(桂花烏龍茶、烏梅山楂茶、冷泡四季春等等)，健康又解渴👍🏻👍🏻🌟甜品打完邊爐，呢度重每位贈送一款雪糕，選擇都唔少，Haagen-Dazs，Movenpick，Dreyer’s等品牌都有。我就食左Movenpick espresso ☕️ 味，完美咁為呢餐畫上句號🤗
繼續閱讀
天氣凍凍地最適合打邊爐，中午係旺角搵到間地點方便，又多食物款式揀嘅台式邊爐，發現真係好正。發現鍋覇主打台式養生火鍋，冇限時任叫任食，而且裝修時尚，位置寬敞，食物質素十分好。😌😌食物有高質美國牛肉，炸物，手工配料類，火鍋配料類，面類及蔬菜類一共60幾款，選擇多不勝數，飲品部份設有凍飲及熱飲，熱飲區十分貼心，啱晒養生的人。😊😊午市都想有個空間可以坐低慢慢同朋友聚會，又唔使自己出去攞嘢食，想有人招呼，而家可以多個非常好的選擇，人氣火鍋鍋霸集團而家開發埋午市火鍋優惠，由12點至下午4:30，食足四個半鐘頭🥳🥳食物內容同晚市一樣，唔會話午市同晚市出嘅質素有分別，價錢非常優惠，兩點後入座仲有八八折，值得留意，係個玩法，如果你兩點後入座，就即係食兩個半鐘頭，三點後入座就食一個半鐘頭，如此類推因應你自己嘅時間2:30後先至嚟，咁你可以揀返佢哋傳統120分鐘或者無限時嘅放題，非常極之彈性一直以來鍋霸最大嘅賣點，就係嘢食，唔使自己拎有人招呼，食物質素又同散叫嘅火鍋餐廳差唔多😋😋
繼續閱讀
您可能會有興趣的...