鍾菜 (已搬遷) 新店位置

之前聽朋友講話呢度好食，所以就來試下喇...... 魚香茄子：好香，好熱，好有獲氣，不過就超級油呢....... 石榴雞：隻雞的皮好脆，d 石榴汁好清好甜，仲好特別添......而且，佢仲有一片片的石榴，同一片片的蘋果夾埋一齊食，好正呀...... 豆腐 + 蝦(唔記得左佢個名添)：佢個賣相好靚，個蔬菜汁的顏色配搭好靚.....不過個味道就一般，冇乜驚喜 瑤柱xx菜苗 (又唔記得個名)：um............好一般啦.........雖然 d 食物唔算好有驚喜，不過個環境真係好舒服，d 坐位又大，最岩朋友傾計......所以一定會再來。

和媽及朋友來飲茶.媽打俾我, 話坐了在卡位一上到去, 嘩, 全場都係卡位, 咁大整古呀...結果都找到了.都係叫了正常的點心食, 包, 腸粉, 餃等.全都ok, 好快上, 食物也不錯.炒飯勁足料, 食了多碗, 必食!以為會勁貴但又非如此, 5人都係食了$350.服務要讚, 真的很好.叫辣油仲有d 似xo 醬的物體, 正!

剛剛琴日先食完3日減肥餐, 點知今日就同班好朋友食團年飯, 唉, 乜都有用啦.....我地本來去時代既金滿庭, 但等左好耐, 都未有位, 所以我地就去隔離既"鍾菜", gloria 話見到有$198/位, 有鮑魚, 翅, 好似好抵, 咁就入去囉...本來我地諗住散叫架, 但係發覺冇乜小菜可叫, 因為佢係貴價野, 如東星斑呀, 大麻鮑呀果d 囉, 點食呀.....咁貴....., 所以諗諗下都係叫返佢$198既餐單囉, 點知個waiter 介紹佢地$1488既餐單比我地....(嘩....唔駛呀....)後黎我地梗係唔要啦, 咪要返個$198既餐囉, 但都好好食喎~~~我地見係團年, 一於飲杯紅酒先....(個餐包埋)首先佢個湯, 竹笙翅, 10個讚, 真係好好飲, 夠晒味, 又多料, 我地個個話好~~~個湯係奶白色架..... 之後黎個豬頸肉, 我就覺得麻麻地, 因為比較"un"囉...每人一份, 份量剛剛好....哈哈, 中間碟菜係我地散叫架, 因為覺得冇菜....不過炒得幾好食主菜就係個鮑魚同海蔘喇, 兩個做得超"lum", 冇錯, 個鮑魚都係超"lum"囉.....等左好耐, 又

薑家提早在星期日晚吃做冬飯， 是晚店內熱鬧非常， 也推出有不少套餐供應， 我們揀了個$2080的龍躉八人餐。在菜的次序錯晒， 首先來的不少乳豬而是豉油皇煎大蝦。豉油皇煎大蝦果然夠大夠肥美， 鮮甜肉爽。乳豬拼海哲 – 海哲很碎， 不是一條長長彈口的橡筋。湯帶點花旗參的甘香，湯渣大大碟另上， 有雞有肉， 很清甜。翠肉瓜炒龍躉肉 – 龍躉肉帶點彈牙，但有點油膩。節瓜瑤柱圃 – 清新不油， 可惜瑤柱味不香不濃。蒸龍躉頭腩 – 味道香濃， 最愛煙韌龍躉皮， 墊底有雲耳和麵筋， 可惜是太油了。什菌浸油麥菜 – 最愛清甜什菌， 奇怪是菜油腍腍但湯反清。瓦罉豉油雞香濃入味， 肉質不鞋。臘味糯米飯軟硬適宜， 不算太油膩。糖水是紅豆湯圓， 少甜， 湯圓皮較厚。冬暖、冬暖；團圓、團圓。

11-11-2009超級客氣的 C 氏伉儷又請我食飯, 帶路嚟到呢間靚裝「升呢版」稻香, 因為 C 太太話「一人套餐 weekday $198 咋, 仲免加一茶芥 tim 呀, 星期六日要 $396 0架; promotion 到 11 月 15 號咋!」*, 結果一行 4 人就叫了 4 份「鍾菜一位餐」. 先嚟一杯「健康果汁」(亦可選紅酒), 揀的係西瓜汁, 的確鮮搾, 又無落過糖水的痕跡, 不過唔甜不特止, 味道仲怪怪的 , 飲剩唔少.朋友的「蘋果蘆薈」就係 Fruit Tree 牌 "Apple & Aloe Vera Juice", 真係...自家製甘筍蝦湯魚翅: 賣相十足 lobster bisque , 飲落帶點紅蘿蔔的清甜味, 又有「蝦殼」濃湯味, 質感有點 creamy, 感覺係勁似西湯; 蝦肉大大舊, 肉爽脆結實, 仲有唔少細細「梳」的魚翅增添咬口, 好飲喎 蠔皇鮑魚扣遼參: 用刀叉 serve, 主菜旁邊仲用 yellow mustard (!!) 劃了點花紋, presentation 勁法國菜 feel... 蠔油芡汁唔算杰亦夠味; 鮑魚就好軟滑, 味道濃郁

咕嚕肉 :本身唔想叫, 平平冇奇.街邊都有得食啦 -口-點知一食 , 外脆內香WOR , 個個夾完又夾 好快食晒 翠肉瓜豆腐OKAY啦, 好家常便飯 石榴脆皮雞好香牙真係 !! 唔算太肥膩 ,見其他人讚我都讚 瑤柱蛋其實都係好普通 唔知點解D人讚-____-5個人食, 4個人俾錢開開心心, 一人$110, 唔算太貴祝你一路順風啦 我的好朋友

星期六，炎炎八月嘅其中一天。與太座嘅中學同學晚膳，順道讓大家觀摩一下大咗肚嘅太座。其實類似嘅活動近月不斷發生，太座亦習以為常。素聞此店嘅小菜相當有水準，太座亦希望發掘一些新食點，一行六人，便各自提議幾款小菜。先論外貌，食物擺放得工整，雖份量不多，但賣相確實是頗討好的。總共點了九款菜：爆燒脆腩仔($80)精緻的以四乘四嘅方陣排列，頗有心思。每「粒」燒腩仔份量只是一口，豬皮炸得甘香且脆，豬肉亦層次分明，除了份量真的太少之外，可以投訴嘅地方不多；東瀛生煎大蝦($98)煎軟了嘅蝦殼，一剝便與蝦肉分離。蝦肉煎得香甜爽脆，簡單的配上薄薄嘅茨汁，都幾惹味；話梅骨($68)碟中不見有話梅，但見一大塊菠蘿。排骨經酸酶嘅處理，骨肉已醃得分離，去骨全無難度。醬汁固然是酸的，但欠缺了話梅嘅香氣，稍有不足；瑤柱肉碎蒸水蛋($80)水蛋蒸得頗滑，蛋中不見氣泡，肉碎及瑤柱分佈亦均勻，是送飯佳品；干煸四季豆($80)單看價錢，是有點嚇人的，但四季豆炒得十分均勻，不會有些較淡，另一些較鹹，香氣四溢，夠鑊氣之餘，師傅嘅炒功是不馬虎的；荷蘭豆珊瑚雪花蚌($90)珊瑚蚌用料不是最新鮮的，從皮膚反應可知一二，不過肉質算是爽甜；

[Dear Everyone,The follow is the true with happen this afternoon on the 31/Aug/09: Me and my family always go for yum cha for family gathering. First of all we have always choose Time Square for Lunch and Dinner cos is convienence for parking.We were at this restaurant at 12:00pm which the restaurant is not full and not much ppl. I approached reception Desk with my BB which is 2 months old in a baby troller and asked receptionist (Ms XXXX Lau/ 5.5 feet/寸face) for a table of 5 pax. However, she i

今日我哋五個人同朋友L慶祝生日，呢度都幾寬敞，坐得舒服，服務又唔錯，仲免茶免加一，幾柢食喎。川貝燉鵪春($188) - 味道幾好，不太濃，青青哋都幾好飲。拍蒜青瓜海蜤($48) - 青瓜爽脆，但唔夠味，海蜤就OK喇。麻辣口水雞($68) - 呢個唔錯，味道好，重麻醬味，但唔夠辣，如果辣D會更好味。瓦撑豉油雞($120) - 雞肉尚算滑，喺偏甜嘅豉油味，有部份唔夠入味，overall都唔錯嘅。瑤柱遼參炆伊麵($120) - 伊麵淋咗啲，但味道幾好呀。東瀛生煎大蝦($78) - Sauce 咸咗D，只要唔食拈在蝦殼上嘅 sauce，都唔錯嘅，隻蝦都幾爽口。菠蘿沽嚕肉($80) - 沽嚕肉脆脆哋，甜酸汁又好味道，正！鮮茄菜苗($70) - 菜心和什菌吸咗上湯嘅味道，所以好好味。桂花炒瑤柱($90) - 呢個餸青青哋，芽菜爽口，瑤柱脆卜卜，炒蛋也很香，材料好似很簡單，但合埋一齊又幾好味喎。水晶桂花紅豆糕($30) - 味道OK，有桂花味。杏仁荼(Visa送) - 有杏仁朱味，味道OK嘅。芝麻糊(Visa送) - 甜品之中，呢個最好味，芝麻味重又唔太杰，好味道。紅豆豆腐 pudding(Visa

Went shopping in Times Square with hubby. Have not tried this restaurant with him for dinner, so went and tried the 鍾菜一人餐. This set menu was on special offer, for Mondays to Fridays, it was only $198 per person, whereas for weekends, it charged at $398 per person. The menu was rather sumptuous and it was like having western dinner, the dishes came one by one. I would prefer this way as we could consume the dishes while they were all hot. 古法雞湯魚翅. The soup was nice. I would always prefer cle

薑餅人媽媽就快生日， 於是趁星期六晚上和打八號風球前出去銅鑼灣為薑媽慶祝。在吃飯之前， 去了會展看救參96小時， 影片蠻不錯， 多謝OR啊～～看完戲逛了一會便肚餓了， 一行四人去鍾菜開餐了。今天是第一次來， 感覺環境舒服寬闊， 有吸引的大卡位， 可惜今次沒有機會坐在那裏，惟有待下次吧！由薑餅人發辦， 叫了以下餸菜：小食有涼伴皮蛋和炸素鵝， 我不吃皮蛋， 但看見皮蛋晶莹通透， 有些剁碎蒜蓉， 芹菜和辣椒在面， 相信也開胃。 炸素鵝不會吃到滿口油， 外皮脆卜卜， 餡料也清淡。紅燒滑豆腐不會有杰撻撻的獻汁， 豆腐如其名是滑滑的。鍾菜炒牛肉其實是菜心炒牛肉， 但它是加了梅菜碎同炒， 頓時增添惹味， 牛肉嫩滑有肉質。想吃清淡些，侍應推介什菌冬瓜上素， 賣相不錯， 冬瓜清甜入味， 還有我愛的菇類， 雲耳， 竹笙和麵筋， 一點也不寡。瓦撑豉油雞給薑餅人吃不停口， 味道也不賴， 雞肉連胸部位也嫩滑， 但我覺得豉油味不算香濃， 雞肉還可以醃得入味些。菜肉餃子咬下有汁， 不會乾爭爭， 餡料也香。生日少不了壽包， 一籠三個， 要了兩籠， 熱辣辣吃味道也不會差得太多， 鬆軟香甜。預祝薑媽生日快樂， 身體健康

難得一日假期..同老公去CWB搵個地方嘆茶先..本身想去聘珍樓..但見無咩人食...反而隔離0個間<<鍾菜>>好多人食緊喎...咁就去試下啦...呢間酒樓仲要係三免...咁食D貴少少0既點心都唔怕啦...碧綠鮮蝦腸: 見到真係嘩一聲..好靚呀...滑滑既皮包住好大隻既海蝦..仲加左菜粒0係入面..更加爽口..,..推介蝦餃: 薄薄既皮同樣包住2隻大海蝦...每咬一啖都充滿鮮味...正...XO醬炒蘿蔔糕: 蘿蔔糕炒得好乾身..唔油膩...XO醬唔算好辣...怕辣既我都食到...皮蛋瘦肉粥: 係沙米黎架...即係比平時食既白米更細粒...所以煲起上黎..D粥更綿更易入口...潮州粉果: 出面係既潮州粉果都會偏咸..但呢到造既就岩岩好...皮好薄...餡夠多...服務都好好..侍應好有禮貌..一定有下次

有SOFA位坐得舒服啊點心不會太油膩還有西式甜點,不比西餐廳的差仲記得上次食了蟹粉小龍包!!!GOOD真係足料!唔似得其他酒樓,得個小小小小蟹糕

端午節一家人前來做節，原來是大集團旗下品牌，由於地理位置及裝修環境，價錢比他的兄弟店略高一點。京式素鴨微脆的腐皮包住大量的冬菇絲，入口爽脆。燒乳鴿色澤較深，特別之處是淋上特製的醬汁，吃起來除了皮脆肉嫩外，還加添一份汁多味香。蜜汁叉燒蜜汁超豐富的厚切叉燒，保存了極多肉汁；半肥瘦的梅頭肉，入口超鬆軟外，口感較豐滿肥膩。梨山醬汁骨每件肉排也滲出山楂的醒胃甜酸，由於加入了大量了蒜頭乾蔥，幾乎與肉排一對一的比例，所以特別散發出蒜蔥的香氣。桂花炒瑤柱十分簡單的菜式，雞蛋、瑤柱及銀芽，蛋炒得金黃但有點乾身，而瑤柱只是灑在面頭分佈不均，缺乏了鮮香。蝦干野菌什菜煲普普通通的一味。壽包一客6隻，即叫即蒸，端上枱時還是熱騰騰的，包皮極為鬆軟，而蓮蓉饀軟滑清香，滑到差點似流沙效果。桂花紅豆糕除了桂花紅豆外，還有一層椰汁，由三種味道而組成，由於桂花是清香，椰汁是濃，兩者很大對比，故此恨恨被椰汁搶去所有味道，當切去底層的椰汁糕後，才可清晰的桂花的清香、紅豆的甜蜜。原來是免收加一及茶介，而且當晚不是叫貴價菜式，每人只是$100左右，十分抵食。

去鍾菜飲茶幾時都咁平,因為沒有菜介和+1,尤其係人多真係慳好多!!叉燒飽包 叉燒軟滑,醬汁還有蜜糖味蝦餃 好大隻蝦,皮又彈牙燒賣 大隻到嚇死你芋仔餅 脆bokbok,又大塊,而芋粒大小適中蠔油鮮竹卷 蠔油唔會好多淋上面亦唔會滿滿的浸住,可以食到本身味道, 又唔會張住個口不過廚房出品就好一般la至於坐位方面,椅子大張而唔怕好林,卡位好大好有氣派!!