鏞記酒家

營業中

休息中

由新升職女經理介紹茄汁九節蝦🦐但係要收$540/4隻，有介紹當然要試吓⋯⋯中伏😨⋯⋯連加一要$600😝但貨不對辦啊⋯⋯懷疑係雪藏蝦因唔爽口彈牙，新鮮又使乜要茄汁呢？最重要唔係九節蝦，連蝦頭只有大約6吋長只有4隻，咁$150隻咁嘅貨色😰！味道可以，以後都係叫餐牌上有的比較穩陣🫢

口味：主要係想食燒鵝，果然冇令我失望，皮脆肉香，作為招牌菜肯定係無可挑剔環境：裝修風格係比較傳統嘅港式風格，有房間，不過我哋人少就坐散台服務：基本都係話頭醒尾，都幾周到

開頭以為好似鏞記呢啲咁嘅高檔粵菜餐廳分量應該會幾的適，完全錯晒,分量比我想象中多好多，我哋两個人先點咗3個餸已經食唔晒，真係食到超飽，其實我哋應該齋點燒鵝加個青菜已經係完全夠食，服務態度真係一流，推薦燒鵝同埋乳鴿

週末同屋企人嚟到鏞記食飯，燒鵝咁啱已經賣晒，有啲可惜，好彩其他菜式都唔输蚀！脆皮三絲炸春卷外脆内嫩，入口层次好丰富，卜卜脆嘅外皮好香口，唔会觉得油腻。秘製咖喱牛崧飯，味道啱啱好，甜辣分明。洛神花山楂骨腩，酸酸甜甜好开胃，芝麻西檸煎軟雞，超好送飯。點心我個人比較鐘意蛋撻多啲，食得出係新鮮出爐。

價錢講真真係唔算平，不過確實係好食，物有所值！最有特色嘅係燒鵝上台之後淋嘅花生醬，食到最後口味就有咗層次感，冇咁膩滯。另外單點嘅黑椒蝦都好好味，又大隻又新鮮，蝦肉彈牙得嚟又夠實淨

Although the restaurant is famous for its roast goose, we almost never eat roast goose here. Instead, we normally ask the waiters to recommend seasonal dishes which are normally very fresh and tasty. Dim sum here is also very good and the tea like Pu Erh very refreshing.

同朋友約咗係中環shopping，食晏我哋選擇咗鏞記呢間以傳統粵菜聞名嘅餐廳。珊瑚白玉千萬縷，呢道菜淨係個菜名已經十分有意境，口感層次豐富，勾芡得嚟唔會覺得滑潺潺咁，好好送飯，XO 醬帶子粒煎蛋好夠鑊氣，咬落去帶子粒粒分明，煎蛋嘅香氣有啲以前細個開飯果時嘅回憶，養生黑醋鮮斑腩醬汁配搭啱啱好，好開胃！

超過8️⃣0️⃣年歷史，樓高4️⃣層嘅鏞記酒家經過翻新之後裝修都幾有格調🎖️，曾經數次獲得米芝蓮一星餐廳推介💮，更加入選過全球百大最佳中餐廳💯，相信佢哋嘅招牌燒鵝大家都有聽過💫。〰️🍽️ 炭燒蜜汁叉燒 | Barbecued Pork | 💰200 🌟本身想嗌另一個肥燶叉，不過當日已經賣晒，而依個叉燒雖然唔係肥叉，但食落肉質十分之腍，一啲都唔乾，而且成個邊都燒得好靚唔會太燶，蜜汁都啱啱好，份量都足夠。 🍽️ 佛山汾酒鹵燻蹄 | Preserved Pig’s Knuckle | 💰110入口係有淡淡嘅汾酒香，唔會過鹹，而且肉同啫喱嘅比例都好平均。 🍽️ 正宗炭燒黑鬃鵝(例牌) | Signature Charcoal Roasted Goose (Regular) | 💰260話晒鏞記最出名嘅就係燒鵝，所以我哋一心嚟到就係為咗食佢，本身去到一坐低嘅時候服務員就話燒鵝已經賣晒，咁我哋都諗住叫其他嘢食，點知轉個頭又有服務員行過嚟同我哋講仲有最後一份例牌，結果我哋就好好彩咁可以試到。但可能因為係最後一份，所以入口個皮唔脆，鵝肉亦都唔算嫩滑，食落係有燒鵝味但又唔係好香，配搭嘅亦唔係一般甜酸醬，而係特制嘅燒鵝醬汁

講到本港美食，點可以唔提鏞記酒家！今日朋友請食飯，一早就係鏞記book定靚位，環境雅緻，服務周到，仿佛置身于舊事嘅豪門盛宴！當晚最喜愛嘅當屬炸子雞，外皮酥脆，肉質鮮嫩多汁，每一啖都係對味蕾的極致寵溺！松子大良炒鮮奶，口感順滑，絕對係值得下次嚟再食多一次！

嚟到鏞記，燒鵝肯定係一定要食嘅，鏞記嘅燒鵝同埋廣東其他地區嘅燒鵝相比較，呢邊嘅係偏鹹口咗啲，而且唔係用酸梅汁，係用返佢哋自己特製嘅醬汁，係另有一番風味！除咗燒鵝，其他嘅粵菜小炒同埋點心同一絕，只不過係燒鵝名氣大啲，有機會下次都想試多幾款佢哋嘅粵菜！

相信港島人夜晚間唔中都會去鏞記食個便飯！其實鏞記都有家常菜架！一份例牌燒鵝，加兩個小菜都非常滋味！上次就叫左蒸肉餅同西蘭花！肉餅內有馬蹄同吊片作為配料，馬蹄富有口感，吊片帶出海鮮鹹香鮮味，肉餅肥瘦均勻，送飯一流！西蘭花都系爽身飽滿，冬菇要讚下！睇得出有經過精心挑選，隻隻都大同厚身，咬落去好似食緊肉咁，冬菇味都好足！所以去鏞記食飯唔一定要大時大節慶祝，家常便飯都非常ok！

父親節前問爸爸話想食燒鵝，就當然即刻book鏞記啦，爸爸總結食得非常開心！我總結系食咁多次都仲系有驚喜！前菜叫左個滷水清爽大尾魷，滷水味道岩岩好，唔會過鹹，仲要有香料味。魷魚就爽同彈牙，食到魷魚鮮味，大塊兼數量足，非常推薦！另外仲叫左份乳豬，非常驚豔！乳豬皮非常脆，卡卡聲，豬肉唔臊仲要有肉嫩有汁，乳豬醬都同唔會過甜，作為點綴恰到好處！燒鵝就一如以往咁皮香肉嫩！員工都好好服務，仲有同我爸爸講父親節快樂，非常有心！呢個父親節晚餐食得非常開心滿足！

端午節嚟鏞記食燒鵝，一上台香味已經撲鼻而來，馬上已經將我哋吸引住啦，每一舊燒鵝都係鮮嫩多汁，火候恰到好處，夾雜住迷人嘅炭燒味道，醬汁同鵝肉完美配搭，底下仲墊住啲蜜豆。除咗燒鵝之外，服務都好貼心，基本落單時好快就可以答到你想食乜。

端午節，鏞記推出了「至尊燒鵝裹蒸糭」，售價要$298 一隻起（買6仔以上），好似買6隻有1隻鹼水糭送。屋企人買了，分了一隻給我。包裝很好，真空包裝，另外獨立有冰袋。Size 唔細，不過裹蒸糭嚟講又唔算好大，底部大約係女仔手板咁大，不過好厚，當應節小食的話，足夠兩個人食。調味唔錯，最揼本係裏面有一粒大乾瑤柱，另外有兩塊燒鵝皮，冇錯，是皮，不是兩件燒鵝。另外有鹹蛋黃，肥豬肉同埋蓮子，仲有一粒栗子。好食嘅，不過二百幾蚊足夠出去食餐飯，最值錢就得粒乾瑤柱，叫得至尊燒鵝裹蒸糭，好心俾多兩件燒鵝，唔好得層皮，我自己覺得最多值$80。

傳說中的鏞記，誰不知只得一個字「貴」。燒鵝的皮不脆，鵝肉好韌；蘿蔔糕不熱，話煎但係冇煎，洋蔥條竟然變成主菜；雪菜沒有味，蛋撻仔不脆不熱似隔夜番叮。最特別是，我們要求一碟甜醬點蘿蔔糕，竟然四個職員討論什麼是甜醬，最後上了一碟傑撻撻的乳豬醬。甜醬完來係全店最珍貴的菜。一碟蘿蔔糕、兩粒蝦餃、一碗燒鵝瀨粉、一碗雪菜肉絲米粉，和一碟蛋撻，總共495元。我哋由山上千裡迢迢落去中環，仲搭錯車去左薄扶林，再捱住肚餓返去中環，諗住食餐好啲的安慰下個心同肚，點知結果竟然係：垃圾。