鐵板大師

營業中

休息中

自從好運中心重新翻新之後，放工就好鍾意去沙田搵食。發掘了一間新鐵板餐廳，平民價錢，有質素的享受，份量大，性價比高。一系列人氣鐵板菜式，我的心水是鐵板芝士豬肉，牛肉漢堡，鐵板巨型雞脾，鐵板羊鞍。果然是鐵板大師 ，應有盡有。脆香巨型雞脾果然好巨型，有手掌咁大的雞髀，熱辣辣香噴噴，雞髀炸到金黃色，皮脆肉嫩又多汁，配菜也不馬虎，份量很大，值得回味。C.C.檸檬很久沒有喝，酸酸甜甜的C.C.檸檬，一邊食炸雞髀，一邊飲汽水，好爽呀！薯條新鮮炸起的粗薯條 ，灑上鹽，特別香口，沾上最愛的茄汁，簡單幸福的美味。黑椒牛肉飯真心平通街，唔使$50，粒粒牛肉，惹味黑椒汁，牛肉嫩滑，配搭白飯，豐富雜菜，一啲都唔頹，糧尾救星。香煎玉米香菇鴨胸飯香煎玉米夠晒健康，香菇黑松露汁濃味美，鴨胸厚肉，個醬汁幾好味，唔錯！烤肉腸拼盤德國腸仔，有我喜歡的紐倫堡，鐵板夠熱，幾款不同的烤肉腸，酥脆的外皮，爽口彈牙。內裡仍可保持滑嫩肉質多汁，有嚼勁，真的大滿足。府城蝦捲炸得幾香口的府城蝦捲，份量充足，蝦味香濃 ，抵食呀！朱古力炸彈（2粒起）最後食埋甜品，香甜軟糯，濃濃的朱古力香味。

好耐未見過$4x起可以堂食鐵板餐，所以專登過嚟試下食唔食得 👀👀👀 店位於沙田好運中心 （以前馬會個邊），有好多新食肆喎⋯⋯ 👀👀👀店裝修正常，新淨衞生舒服嘅 👌👌👌 偏向新式港式茶記格調，QR code 落單 📲📲📲 我哋3個人食咗以下食物，全部都係鐵板上 🥘🥘🥘：小食 ：- 酥炸軟殼蟹 🦀🦀🦀 炸得都幾香口 😋- 芝士大啡菇 🍄‍🟫🍄‍🟫🍄‍🟫 芝士充足菇味香濃 😋😋 盛惠每款$28，超抵食👍👍正餐 ：- 香煎牛柳配飯🥩🥩🥩 可以揀幾多成熟，我哋揀咗7成，味道都算唔錯😋😋 $98- 香煎珍寶虎蝦配薯菜 🦐🦐🦐 有2隻中size虎蝦，算厚肉，唔錯 👌👌 $88- 香煎粟米香菇鴨胸飯 🪿🪿🪿 個芝士汁配鴨胸幾好味，香濃味美～ $58 ⭐️⭐️ 抵食推介整體味道算唔錯，勝在夠親民CP超高~ 喺香港可能搵唔返第二間咁抵食 😂😂😂⭐️⭐️⭐️ 可+$22 upgrade 餐，有飲品/湯，及意粉/薯條/飯….⭐️⭐️⭐️ 再+$10 可以upgrade beer or 蛋包飯

有時想平平地食個鐵板，呢到都係一個唔錯選擇餐廳環境乾淨寬敞，坐得舒服所有主菜跟白飯/ 意粉 (無限添加）+$22可升級套餐餐湯 沙律/薯條飲品全日不設加一，價錢相宜，性格比頗高。當日係南瓜湯幾濃味，好飲薯條即叫即炸熱辣辣店員大力推介嘅一款特濃爆蒜牛仔骨牛仔骨份量都大件唔會太肥，肉質軟腍爆蒜醬幾滋味黑椒豬鞍架-配黑椒汁大大件豬鞍放係熱辣辣鐵板上面再加入黑椒汁，黑椒汁唔會過咸豬鞍都幾厚身清炒時蔬夠晒鑊氣，蒜香味超突出

「鐵板大師」，迎面而來的是一陣陣鐵板滋滋作響的香氣，伴隨著濃郁的蒜香和牛肉的焦香，讓人瞬間胃口大開😀香煎牛柳🐮端上桌時，鐵板依然熱氣騰騰，牛柳切得厚實，表面煎得金黃微焦，內裡卻保留了五成熟的粉嫩口感。肉質鮮嫩多汁，帶有一絲炭燒的煙燻香氣，配上店家特製的黑椒醬汁，濃郁而不膩，完美平衡了牛肉的鮮甜。份量驚人😆特濃爆蒜牛仔骨🐮這道菜可謂蒜香愛好者的終極夢想。牛仔骨選用厚肉部位，肉質軟嫩中帶嚼勁，表面裹上濃濃的蒜蓉醬，經過鐵板高溫炙燒，蒜香爆發得淋漓盡致，每一口都充滿濃郁的香氣和肉汁。搭配的旋風蛋飯更是驚喜，蛋液在鐵板上瞬間凝固，輕輕一拌，軟滑的蛋花與粒粒分明的米飯完美融合😄香脆雞翼🐔外皮炸得金黃酥脆，內裡肉質 juicy 不乾柴，輕輕一咬，雞汁在口中迸發，帶點微辣的調味令人回味無窮。作為前菜或配菜，這道雞翼絕對是點睛之筆，份量同樣慷慨，四五隻雞翼堆滿小盤，讓人感受到店家的誠意。鐵板大師以大份量、平民價格和毫不妥協的味道，完美詮釋了「抵食夾大件」。

鐵板燒之《鐵板大師》餐廳環境舒適，座位闊落，幾適合同朋友或者家人一齊去食。今次試咗佢哋嘅鐵板套餐同埋小食，味道同性價比都幾唔錯😋。鐵板香煎牛柳套餐(配白飯+野菌汁+薯條+南瓜濃湯)：薯條炸得金黃香脆，南瓜濃湯都幾creamy，暖笠笠😌！牛柳煎得啱啱好，五成熟嘅牛柳，肉質嫩滑，入口即溶，完全唔會韌！野菌汁好香濃，配埋白飯一流😋！鐵板豬鞍架套餐(配意粉+微辣洋蔥湯+是日沙律)：是日沙律新鮮，份量大，酸酸甜甜開胃。微辣洋蔥湯味道合宜，洋蔥味濃郁，但又唔會太辣，啱晒一啲唔食得辣嘅人飲！豬鞍架煎得外脆內嫩，肉質鮮甜，完全唔會乾！意粉煮得啱啱好，煙韌有口感，配埋豬鞍架食一流👍！芝士煙肉大啡菇：呢個小食好邪惡😈，大啡菇肉厚多汁，配埋煙肉同芝士，香濃惹味，食落去好滿足😊。提子汽水+檸檬汽水：提子汽水同檸檬汽水都幾解渴，大熱天時飲啱哂，配埋鐵板燒更加正😙。總結：鐵板大師嘅鐵板燒味道一流，而且價錢合理，性價比高！服務態度都幾好，員工有禮貌又細心，下次一定會再嚟試其他菜式😋。

兩位食肉獸呢晚唔想煮飯，又喺沙田四圍搵食，今次行過好運中心，見到呢間鐵板大師餐牌好吸引，款式選擇好多，價錢又唔算貴，一於決定去試吓，估唔到CP值咁高！😆特濃爆蒜牛仔骨店員大力推介嘅一款，牛仔骨份量夠多，而且整到啱啱好熟，所以唔會好硬，師傅特調嘅爆蒜醬超級香濃，鍾意食蒜味嘅我簡直食到心心眼 😍 絕對係重口味惹味之選，攞埋個爆蒜醬去撈個意粉嚟食，超級正 通咗屎😋香煎牛柳牛柳煎到啱啱好，食落非常之嫩滑，配埋惹味嘅黑椒汁，唔錯唔錯 👍🏻套餐仲包咗薯條或者沙律，跟餐嚟講份量都算比較多，飯或者意粉亦都可以無限任添，真係點食都會飽，好味份量又大，而且價錢都唔算貴，所以CP值真係好高！跟餐仲有埋湯，個人覺得洋蔥湯好有驚喜，香甜得來仲有陣陣黑椒嘅嘢味，幾唔錯！🤤脆炸芝士蝦球蝦球炸到脆卜卜，配埋入邊嘅流心芝士，幾正 😍

鐵板大師 Master Pan📍沙田橫壆街1-15號好運中心3樓3107-3108號舖今個星期到我去沙田陪下朋友啦，近排好運中心開咗唔少新舖頭、餐廳，邊行邊搵食嘅我哋被一間價錢優惠、門面乾淨、地方寬敞嘅餐廳—Master Pan吸引，排咗一陣隊，終於等到窗邊二人位入座。餐廳內有一家大細、亦有情侶、三五知己，基本上咩年齡層都有，就咁睇都知道適合唔同食客需求。最驚喜嘅係，呢度選擇多樣又大大份，但價錢經濟：全日不設加一服務費，但服務依然貼心，絕對係沙田區數一數二嘅高性價比之選！溫馨提示，所以主菜都可以選擇單點定配飯麵，後者仲可以無限添食，呢個市道下仍有咁益街坊嘅做法，真係抵讚！ 💰$68脆香巨型雞髀 🍗呢道脆香巨型雞髀可謂餐廳招牌菜之一，等位時見到雞髀密密出餐，金黃色又咁巨型，實在非常吸引。雞髀外酥內嫩，咬落脆卜卜，雞肉滑嫩多汁，一啲都唔乾柴！醬汁方面，野菌燒汁既creamy又惹味，唔似黑椒汁咁搶fo，又唔似燒汁咁普通，搭配墊底嘅雜菜都好夾，非常推介大家試試。巨型雞髀份量真心大，個人建議細胃口啲嘅，好似我哋咁分享，至於大胃王，當然要獨自挑戰啦！ 💰$88薑蔥爆田雞腿 🐸有無諗過鐵板餐都可以有

好運中心嘅外圍(第一次知原來嗰到仲有餐廳🤣)開咗間平民鐵板餐. 6:30開始就會坐滿晒人, 想食真係要早少少嚟！火焰波士頓芝士龍蝦店員會喺你面前倒下火焰酒精, 龍蝦和芝士嘅香味會隨着酒精散發, 非常吸睛，周圍嘅人都望晒過嚟😍套餐跟餐湯, 可以揀南瓜或者洋蔥湯. 洋蔥湯胡椒味非常濃. 另有三款薯菜. 另外可以揀要飯或者意粉, 我食唔晒所以就冇叫啦, 要咗薯條. 泰式豬頸肉跟一個特色調製泰式青醬. 豬頸肉大過隻手板，厚度驚人。第一次見原來豬頸肉係咁樣，朋友不禁問：豬條頸有咁大既咩？🤣🤣證明我倆有幾驚訝個份量🫢

沙田好運中心有間抵食鐵板餐，鐵板大師，有好多款式可以選擇，份量仲可以加飯同意粉，一定夠食～見到餐牌有個特濃爆蒜牛仔骨，睇落好吸引，超香濃，牛肉肉質仲有粉嫩紅色，肉質唔錯～我跟咗套餐，加錢轉咗個旋風蛋飯，幾靚；有碗南瓜濃湯，幾濃郁好飲，飲品可樂～另外朋友叫咗個黑椒豬鞍架，跟意粉，豬鞍厚肉，熟度剛好，黑椒汁好惹味～叫咗兩款小食，香脆雞翼同香煎鳳尾蝦～都唔錯，蝦肉幾彈牙～雖然呢度係沙田，地點近市中心方便，但價錢唔高，性價比幾高～

今晚同閨蜜約左去撐枱腳 食鐵板燒😍 餐廳環境乾淨寬敞 坐得舒服👨‍🍳 價錢親民🍴 南瓜濃湯口感綿滑，南瓜味香甜，飲完成個人都暖笠笠🎃❤️ 🍴 雜菜沙律新鮮爽脆，醬汁開胃，食完濃味嘢清清味蕾就啱曬！🥗✨ 🍴 醬燒原隻魷魚套餐魷魚燒得啱啱好，爽口彈牙，醬汁香甜惹味，仲有套餐可以揀，抵食！🦑🔥 🍴 旋風蛋飯蛋香十足，飯粒炒得乾身，仲有啲脆脆嘅口感，好滋味🍳🍚 🍴 火焰波士頓芝士龍蝦龍蝦肉鮮甜彈牙，芝士濃郁，仲有火焰表演睇，打卡一流🦞📸 🍴 芝士煙肉大啡菇大啡菇多汁鮮甜，加上煙肉同芝士嘅鹹香，焗到拉絲效果，邪惡但好好食🧀😋 🍴 心太軟外脆內流心，朱古力味濃郁，一啖咬落去爆漿，甜品控必試🍫💖 🍴 道地巨峰提子飲品清甜解渴，提子味濃郁，啱曬配搭濃味菜式🍇🥤

沙田好運中心有間平民鐵板餐廳，性價比非常高，仲要仼encore意粉，飯🍚男仔大食都無有怕一百蚊唔洗就食到鐵板餐，仲要唔洗加一🫨🫨小食方面 ✨芝士大啡菇表面有層濃郁芝士和煙肉，食落非常多汁juicy ✨脆炸芝士蝦球，有意外驚喜‼️外層金黃香脆，裡面仲有流心✨薯條粗身香口，份量好多主菜🐏香煎羊鞍食落冇咩騷味，非常juicy，肉質幾嫩口，配上野菌燒汁，羊味道會更突出，另外仲有薄荷醬，芥末醬多款配菜有粟米，金荀，車里茄個野菌燒汁好香菌味沾埋意粉🍝，真心一流！香煎五花肉，油香味濃，肉質食落唔算太嚡，油香配飯會更好不得不提係個南瓜湯，非常濃郁香甜南瓜味，飲落非常香滑暖胃，絕對有西餐鐵質素

自從沙田冇咗「扒王之王」🍴💭想食豉油西餐有新選擇啦😙～📍好運中心外圍開咗間鐵板大師👨🏻‍🍳🌟主打多款鐵板餐, 款式選擇多📜 最平$68 就食到！🍗有肉類, 🐟海鮮類, 更有素食🥦☑️所有主菜跟白飯/ 意粉 (無限添加)🆙 +$22 可升級套餐餐湯｜沙律/薯條｜飲品🔸洋蔥清湯🥣  7/10🔸南瓜濃湯🥣  7/10🔸特濃爆蒜牛仔骨(330g)  $118  6.5/10🔥鐵板熱辣辣, 即刻淋上爆蒜醬🧄吱吱喳喳好正😙🐮牛仔骨份量都大件, 約4-5件唔會太肥, 肉質軟腍🔸香煎牛柳(180g)  $98  6/10🐮牛柳可揀5成熟/ 全熟上剛好5成熟, 中間粉嫩, 肉味淡薄🔸清炒時蔬🥬   $38  7/10係平時屋企用開嘅蒜蓉🤣即刻好有家的味道🤣🔸薯條🍟  7/10🔸沙律菜🥗 7/10🔸可樂🔸烏龍茶

睇餐廳個名就知道係主打食「鐵板」呀❣️除左有豬扒、牛扒🥩外，仲有五花肉、叉燒、羊鞍，海鮮類就有鰻魚、八爪魚、仲有🦞龍蝦㖭啊😍平民既價錢就食到咁豐富嘅「鐵板」🥰主菜鐵板系列免費任加🍚白飯/🍝意粉，飽到捧腹🥰+$22變為套餐係有是日餐湯 (當日係南瓜湯🎃）、雜菜沙律或薯條🍟同罐裝汽水🔸火焰香煎美國牛柳-套餐 $130上桌點火超吸睛🔥 記住要準備好部相機📸好精彩呀😍 叫咗五成熟，所以肉質好粉嫩🤤🔸芝士和牛漢堡-套餐 $110首先會倒勁多芝士落去🥰🥰🥰 芝士控🧀大愛❣️塊和牛漢堡好厚身😘⚠️ 鐵板系列即叫即製，小心燙口🔸芝士煙肉大啡菇 $28菇汁爆漿x煙肉鹹香  🔸日本蟹肉忌廉餅（2件）$18外脆內流心，蟹鮮味濃！ 

沙田Master Pan主打玩味料理，今次試咗幾款人氣菜式，視覺先決但味道有得有失！ 火焰波士頓芝士龍蝦（半隻）上枱時淋酒點火，藍色火焰好IG-able！可惜龍蝦肉煮得過熟，肉質偏乾韌，芝士醬亦稍嫌厚重，遮蓋咗龍蝦鮮味，半隻份量啱啱好，否則會膩。 醬燒原隻魷魚套餐（升級旋風蛋飯）全場MVP！原隻魷魚燒得焦香，咬落爽口彈牙，秘製醬汁甜辣開胃。升級嘅旋風蛋飯有驚喜，蛋漿半熟滑溜，可惜略嫌淡左啲。 芝士煙肉大啡菇一咬爆漿！煙肉鹹香夾住拉絲芝士，大啡菇厚肉多汁，雖然熱量炸彈但值得點。 雜菜沙律＆南瓜湯沙律菜新鮮，柚子醋醒胃；南瓜湯濃稠天然甜，可惜跟餐只得半碗，飲完想encore～ 心太軟流心朱古力漿濃郁，平時好少食，呢到整得幾好，有流心感覺而且上菜仍然好熱。

沙田友又繼續去好運中心品嚐新餐廳，今次來到主打鐵板的〔鐵板大師〕西餐廳，看到餐廳門口的餐牌，鐵板菜式選擇真的很多，價錢平民，而且叫主餐牌鐵板系列，還可以任添飯或意粉，性價比高，份量一定會吃得飽。【香煎羊鞍】(套餐HK$130) 旋風蛋飯(+HK$10)叫了5成熟，羊扒煎得恰到好處，羊架有肥膏但羊羶味不算很重，入口不會太乾太硬，醬汁有3種薄荷啫喱，芥辣醬及黑椒汁，連同配菜吃味道剛剛好，沒有油膩感，配了旋風蛋飯，半熟蛋入口柔軟。【醬燒原隻魷魚】(套餐HK$110)原隻很爽口的魷魚，魷魚身切成圓環狀，醬燒味道惹味，配了意粉，意粉更可以無限任添食。【日本蟹肉忌廉餅（2件）】(HK$18)炸到金黃色，入口外脆內軟，咬下去有滿滿的薯仔忌廉蟹肉，惹味。【酥炸軟殼蟹】(HK$28)軟殼蟹炸得香口，蟹啖啖肉，炸得不油膩。【南瓜濃湯】(套餐)南瓜湯入口綿密順滑，味道香濃。【雜菜沙律】或【薯條】(套餐)雜菜沙律及薯條份量都不少，雜菜新鮮，薯條炸得香口， 正常發揮菜式。【道地鴨屎香檸檬茶】(套餐)【道地巨峰提子】(套餐)