鐵板 (已結業)

放工同女朋友響apm行街, 之後搵野食. 響food court行左個圈, 好多人喎, 兼且來來去去都係果d野食, 見呢間未食過, 於是就試下.之但係, 未入去已經奇怪: 星期六夜晚七點幾響apm點解間野會得幾臺客o既?我地叫左肉眼扒, 牛肉鍋, 帶子燒餅. 女朋友另外叫左杯野飲.肉眼扒我地要medium rare, 係幾好食o既~ 醬汁好味~ 重有薯條, 番茄同埋一碌粟米. 不過, 件扒係極其細件o既...$110一件咁細o既扒, 我覺得唔抵囉.牛肉鍋我地揀麵豉湯底. 湯底都唔錯~ 不過佢\唔係好似人地有個爐\"慶\"住咁樣, 所以食到半路個鍋已經唔熱...同埋, 你叫做牛肉鍋, 個鍋入面, 大概係有五件牛肉仔囉...帶子燒餅就最差勁! 基本上味道係ok的, 不過...係, 佢\係搵個鐵板上, 拎黎果時waitress姐姐重好貼心咁講句:\"小心鐵板熱喎\". 之但係食件燒餅o既時候我覺得佢\係\"室溫\"囉! 最弊係, 件燒餅凍左食, 好\"巷\"...我女朋友話好似食緊擦紙膠...咁樣都食左$320.另外食到半路有個waitress重無厘頭走埋黎:\"多謝三百二十蚊\"...下?

早兩日夜晚，老婆生日，佢話想去apm食，咪上openrice 網睇，已經見到佢的評語並不好。點知道老婆响apm行行下就話要試下佢。無辦法啦，生日大晒。入到去人客不多，由於它的負面評語，稔住叫住幾樣試下先。我叫了1/魚生飯，2/韓風燒汁牛肉，3/ 帶子魷魚燒餅。如果好食再叫其他。先來個魚生飯，d魚生仲有冰的感覺，跟住個燒汁牛肉差到死，收人$50 得幾片肥牛肉，唔係要好靚，但唔好差到甘難食，d牛肉又肥又多根，食都食唔到。最後個帶子魷魚燒餅仲離譜，唔知道d帶子切得太細，食唔到，又用八爪魚鬚當魷魚。成班侍應傾計多個做。唔會睇下你杯水有無水。仲有，d味精好勁，攪到好口渴。埋單共$190，仲送張$30 coupon，如果好生意，駛鬼送呀! 以後請都唔去。希望佢地睇到d評語去改善啦。

第一次去食....冇諗過咁失望叫咗5-6樣野只有一樣野ok其餘都唔掂首先黎咗碟韓國汁牛肉(全名唔記得)d牛肉"鞋+un"都爆>>>唔掂跟住一碟所謂的特式雞肉炒面飯又係唔掂.... 好淡, 同埋d汁味好怪串燒豬頸肉同雞軟骨又係冇味, 只有面層的鹽味...d壽司....尚算可以, 但好貴, 為起1x元一件最後係八爪魚海鮮餅...呢個係其中一樣係ok的唉....間舖當時冇咩人但d侍應都唔會主動幫你加水次次都要叫....兩人總共食咗330元, 超唔抵貴都唔緊要, 最衰係又貴又唔好食搵老襯!!!!

有次朋友叫我去鐵板試下，話覺得這間餐廳好過以前. 其實我之前只係去過沙田鐵板食過，但APM 個間就無去過~ 咪去試下 星期一晚同左兩個朋友仔去食~ 我地已經見到門口放左塊dinner set menu. 好似好多野食咁~~我地叫左個海鮮刺身二人套餐& 一人便當餐. 我覺得最好食係鹽燒秋刀魚，而家這個季節最岩食秋刀魚，不太油，d 汁酸酸地，整得唔錯!! 其次係海鮮鍋，材料都好足，湯底幾鮮味~ 冬天食熱鍋物最好不過. 個炸蝦天婦羅都幾好食，仲有埋甜品~ 一人便當叫左照燒帶子，帶子份量適中，個便當包埋刺身，都幾厚下…如果男仔食一定勁飽價錢算抵，食到咁多野食~ 3個人都係俾$90以下, 服務不錯~ 我地問左個waiter 有d咩推介，佢都好polite & 介紹一至兩個dinner set 俾我地~ 下次應該會再去

星期二晚屋企人等埋我放工後去APM食晚飯，媽咪想食日本野，我地這陣子未去過食，再加上我地未食過這間.所以去左這間食，見佢門口有幾個套餐，同埋好似好多野食，幾吸引!我地係3人行，我地order 左個咩都有得食ge二人餐，唔記得左個名，只記得$198那個，再叫多一個鐵板牛舌，因為我地驚食唔哂，所以叫住多先我最鍾意係海鮮燒餅，熱騰騰的，材料豐富，燒餅汁酸酸地，點埋d汁都幾好食，不錯! 刺身都幾新鮮& 餃子都好夠熱~ 同埋食到好飽喔!! 好在三個人食,有d items 佢無set 死，可以俾人choose 下都好^^ 同埋可以食到不同野食~ 服務ok，serve 我地個女仔員工時常同我地smile，態度親切, 我地問佢有咩好食，佢都答得到，佢介紹ge燒餅真係唔錯lei我唸下次都會回來!

星期五晚去食左鐵板牛排定食晚餐$11x, 加一個特厚羊排$9x, 先講鐵板牛排定食晚餐, 主菜所謂的鐵板牛排, 我諗差唔多係4吋長, 2吋闊左右.. 同我平時食牛排食兩淡大少少.. 個所謂特厚羊排.. 比我食過既羊排仲要細塊.. 真係唔知點為之厚.. 有被欺騙的感覺.. 所以一定唔會再幫襯

聽身邊朋友講這間食市無咩人去or 在open rice 都見到有好多劣評，是否真係咁差?我本身都鍾意食日本野，前日個朋友在附近放工，我地都唔知去邊度食dinner好，所以決定去鐵板試下~ 睇下係咪真係咁差 我地在門口見到好大塊Menu，幾attractive ~ 門口有位姐姐禮貌地問我地有無book位& 帶我地入去，佢笑容燦爛~ 我地被安排坐係二人cart 位，在open kitchen 對面，望到sushi bar & 廚房的運作~ 其實從中都可以睇到點樣整燒餅, 整sushi, sashimi quite interesting^^ 我地都有d 肚餓，叫左炭燒羊排，甜蝦Sushi，香蒜牛肉捲，鐵板牛舌，芝士迷你雞鎚，鹽燒秋刀魚，帶子魷魚燒餅& 揚八爪~ 最令我地驚喜的是可以嘗試到美式煮法的食物，炭燒羊排，d 薯角幾脆，我本身唔係點食羊排，因為怕“蘇”，但食落都ok~ ”蘇”味都接受到，但如果羊排的賣相唔係咁”loan”就好好多有埋我至愛的粟米&蕃茄做伴碟~ 味道整體唔錯! 另外最欣賞帶子魷魚燒餅，兩個人食真係夠飽la~ 燒餅好夠材料，配合埋個醬汁就好食d～　服務態度都ok, 主動倒

我係apm 附近返工,經常到apm 食lunch有一次去呢間野到食一個刺身定食真係又貴又唔好食lor!!!個定食有5-6 款刺身但每款刺身只有一件,每件都好似紙咁薄!!仲要其中一款係半條蟹柳!!份量咁少, 又唔新鮮, 但價錢一d 都唔平, 呢個定食要成七十幾蚊!!如果要食甜品. 係要加錢....我個fd 0個個係牛肉鍋定食, 但鍋入面好少料好差... 都唔平的, 都要差不多六十蚊個餐呢個lunch 真係食得好唔滿足, 好後悔去左!!!

正午我同兩個朋友放左學肚子餓，在APM搵野食~ 在遠處見到好大個Menu牌，咪過去睇下~ 原來係鐵板，印象中沙田都好似都有一間~ 門口有位姐姐幾好笑容，向我地介紹有咩lunch set. 我們唸住未試過咪去試下食我地3個人叫左汁燒牛肉飯定食，雞扒湯烏冬定食& 鹽燒秋刀魚定食，大家share食~ 上菜時間唔耐，侍應有禮貌地傳菜，並且提點我地”小心，睇熱，請慢用!“佢地對客人都幾細心^^汁燒牛肉飯定食最豐富，包三文魚刺身, 麵豉湯, 前菜及甜品, 仲有飲品/// 食到好飽喔// $ 52 都抵@@ 三文魚刺身都幾新鮮& 不錯的牛肉飯!! 雞扒湯烏冬定食包兩件三文魚壽司, 前菜及甜品/// 三文魚如果厚番少少會較好~好似薄左d ~ 鹽燒秋刀魚定食: 秋天最好食的食物是秋刀魚，so 我地咪叫左試下// 熱騰騰的秋刀魚幾好味+ 表面有燒味，配埋酸汁，不錯的配搭^__^下次會同成大班朋友去食晚餐，睇下好唔好食~~

星期五晚睇完film同朋友去左APM Teppan 食晚飯因為有朋友食過話唔錯，咪去試下食~ 門口有個女仔遠遠見到我地行緊過去的時候，已經好有笑容welcome 我地，仲問我們幾多位入到去，佢地安排我地坐二人位，靠邊位，環境不太嘈，傾計都幾好個度有d富日本式彩色掛畫，我地仔細睇d畫入面原來有Teppan 的字眼，都幾特別坐低左，好快有staff 拎熱茶俾我地~ 接著，經理禮貌地主動行埋來向我地介紹d二人套餐，秋季小食，叫我地慢慢choose 經理幫我地落單，我地叫左三文魚壽司, 豚肉鍋, 墨魚咀串燒& chicken拉面~~ order 一落左，有個waiter 主動幫我地倒豉油幾細心& 主動^__^ 第二度通常都係自己倒豉油多 總括而言，壽司方面，水份充足，味道幾新鮮熱騰騰的豚肉鍋，冬天食最岩~ 份量足夠，佢仲有埋粉絲，好味!! chicken拉面好大碗~ ~ 食到好飽***兩個人食到好飽^^ 下次會再去嘗試其他食物!!

星期二同同事去左Teppan(Apm) 食lunch. 大家唸住未試過咪試下~ 我地驚lunch多人, so 十二點幾打去book 左3位~ 接線生都幾有禮貌, 仲reconfirm 我d information~ 同事叫我去拎位先, 我去到, 間野都有70% full ~ 我一坐低, 有一個waitress立即拎綠茶俾我, 仲幾好笑容> 到我兩位同事到左, 有一個男仔waiter 主動問我們有無需要轉去sofa seat ~ 我問佢頭先初初why 無得入坐, 反而家有? 佢話因為見到我其中一位同事幾高, 驚原本個位頂住佢隻腳, 會坐得唔舒服, 同埋我來ge時候, 無哂sofa 位~所以而家有得轉~ ^ ^佢都幾細心, 有留意顧客ge需要~ 抵贊!! 我地無叫set lunch menu, 就咁散叫左6碟野: 三文魚&甜蝦&海膽Sushi, 軟殼蟹捲, 鐵板海鮮炒烏冬, 金菇肥牛捲& 帶子squid 燒餅+ 三杯special drinks三文魚&甜蝦Sushi>>>> 細舊左d , 同埋有d唔新鮮海膽Sushi>>&#

星期四約咗 朋友喺 apm 食飯,原本都唔係想去呢間,不過見有位,環境又好似OO 哋 咪試吓 囉!初頭見人客少都有少少驚,以為都唔方好嘢,點知......先講服務,四眼經理態度傲慢,剩係行來行去,點菜時又寸寸貢,好聽D 咪話佢有態度囉,不過係唔好嗰 隻...再講清潔,當侍應生攞 碗俾我o地時,有朋友見到個碗入面有一粒粒嘅嘢,咪問係咩啦,個侍應生即刻話係洗碗機洗得唔乾淨,即刻換番俾我o地,真係唔知係咪要讚佢夠坦率好,不過佢都好有禮貌嘅...至於食物,唉!我o地點咗 以下幾種:串燒冬菇-- 有沙!! 串燒墨魚咀-- 唔熟,不過D 醬汁OK!海鮮炒麵飯(唔記得係咪呢個名) -- 唔熱,好濕唔乾身,麵條好碎,味道一般!豚肉鍋-- 最正常,可以接受!壽司拼盤-- 冇乜特別,不過不失! (我食咗 一嚿 咋!)xx煎餅-- 醬汁OK!三文魚手卷-- 好大嚿...飯,都可以,冇諗住有驚喜!南瓜湯-- 正常!可能因為肚餓,又見唔係好多客人,但總係覺得佢o地好慢先上菜,手卷就等了20 分鐘...總括而言,如果對食物冇乜要求,又想一定有位坐,又唔怕會有物非所值嘅 感覺,都可以到這裡試試!

the manager greed us with bad manner, keep push us to order quickly and then hand over to another waitress to take our order. I don't think we were slow in ordering, just happened one of the dish sold out and we need to rethink another dish. The restaurant wasn't even half full.The best dishes was the pan fried beef which was hot. Our dishes was cold.

前晚朋友請食飯，之前去左apm N次都未試過，咁本住唔駛自己俾錢既心態，就一於做晚白老鼠啦！嗰時已經7點幾，完全唔駛等位，而餐廳只係得幾枱坐左人，我地叫左以下食物：1. 三文魚刺身(無甚特別)2. 清酒煮東風螺(真係好清酒，無乜酒味，東風螺有少許沙)3. 軟殼蟹卷(隻蟹唔熱，唔得)4. 煎蟹肉餅伴薯仔(都幾多蟹肉，但又係唔夠熱，啲薯仔勁乾)5. 厚燒魷魚帶子燒餅(又係唔夠熱，睇下圖都可以見到個燒餅真係好厚，中間好似唔係咁熟，不過加左啲長芋，感覺幾特别)不過環境對於我地兩個喺度傾計既人就尚可接受，幾夠靜，但個侍應成日走埋黎加水，又扮晒傻走埋黎問啲食物到齊未，但到最尾埋單就反而叫幾次先到囉！

正因為看他不用等位所騙...其他地方又爆滿,所以便進去了!裝修,侍應都OK但價$貴(其實應該說是不值),因為食物質素不好,有點被騙感覺.其實如果食物達至基本水準,整體會大大改善呢~