鐵牛台灣牛肉麵 (翡翠中心)

營業中

休息中

亞洲菜系中，食得最多嘅就喺台灣菜，最鍾意飲嘅就珍珠奶茶，所以，今晚約咗老友出嚟食飯兼「開會」，因為嚟緊禮拜日搞活動，順便傾下啲細節嘢，佢話就我地點，所以，揀咗晌公司附近嘅「鐵牛」。好多人都話中環一入夜就好靜，其實睇下邊個位置，蘭桂坊、半山自動扶手電梯呢幾截其實好多遊客，而入到嚟「鐵牛」近乎可以講座無虛席嚟形容，只不過喺平日晚上，都坐到咁爆。講返個環境，一室木系，光猛整潔，而講到最佳位置非卡位莫屬，因為零舍闊落，舒服好坐。枱側就放齊豉油、豆瓣醬、辣椒醬俾大家自行再作調味，仲有牙簽、紙巾放晌度自由取用。先翻一轉餐牌睇吓有咩揀，餐牌製作幾精美，大部分菜式都圖文並茂，以分類而言包括臭臭鍋、台灣便當、湯麵、拌麵、小食、飲品，而惠顧任何火鍋套餐、便當、麵食，飲品都有減$10優惠。天氣仲有少少寒，所以，目測所見，有唔少人嗌火鍋套餐。鹽酥小拼盤 $56小食都有好多地道台式嘢，而呢一款拼盤就可以試勻3款小食：台農57號甘梅地瓜、逢甲鹽酥雞、酥炸花枝丸。啲嘢炸得唔錯，食落唔喺好油，地瓜粉甜，灑咗啲甘梅粉，酸酸甜甜幾好食，鹽酥雞外脆內軟，花枝丸好有魷魚味，整體確喺唔錯。綜合滷味拼盤 $56另一款小食亦喺台式

推介指數 Recommendation Level : 🔥🔥🔥這間連鎖台灣食肆，除了午市設有套餐外，還有超值的下午茶套餐，多款的台式食品可供客人選擇。雖然是特價餐，但是食物的質素仍然保留不錯的水準，而且可以讓客人自由搭配，增加了新鮮感。This chain Taiwanese restaurant not only offers set lunch menus but also provides excellent value afternoon tea packages, featuring a variety of Taiwanese dishes for customers to choose from. Despite the discounted prices, the quality of the food remains at a commendable standard, and guests are free to mix and match their selections, enhancing the dining experience.下午茶餐 ($42)Tea

-台灣小吃下午茶set $42可以揀滷肉、擔擔麵、湯麵或乾麵，我就揀咗麻醬乾麵，小食可以八選三，我就揀咗小黃瓜、鹽酥雞、牛肚絲，份量以下午茶黎講真係岩岩好！麻醬乾麵麻醬都多，撈起上黎唔會好乾，鹽酥雞香脆可口，小黃瓜都醃得好夠味，不過就得兩條，椒麻牛肚絲都好入味。之前食過佢哋lunch set，今次試埋下午菜，覺得可以再黎！-珍珠大甲椰椰芋香 $21(跟餐)芋香味好濃郁，飲個陣椰味都好香，不過偏甜少少，建議小甜，但呢個價錢飲到杯廢水算係咁🤣

今晚夜咗收工，所以去咗公司附近食嘢，今晚想食台灣嘢，所以就嚟咗呢度食。我哋兩個人前後叫咗兩個主食同埋兩個小食，我哋叫咗小食拼盤，有鹽酥雞、花枝丸同埋椒鹽薯條，另一個小食就係炆牛筋，主食分別係燒汁炸雞髀肉燥同埋炸芝麻雞腿海苔便當，同埋加咗杯台式奶茶。先講下個小食，個小食花枝丸食落好夾，入邊嘅肉就非常之彈牙，鹽酥雞非常之滋味，啱啱好一口一嚿，十分有口感，而個炆牛筋非常之彈口食落好開胃。主食看起來好誘人，大碗炸醬麵，麵條彈牙，上面鋪著黃瓜絲，增添清爽口感，醬料味道濃郁，炸雞外皮酥脆，撒上芝麻更添香氣，雞肉鮮嫩多汁，仲有個豆漿，可以係食呢d較厚重的食物時起到解膩的作用，整體搭配豐富。而另一個主食睇起來好豐盛，大塊既烤雞腿色澤誘人，表皮酥脆泛著油光，撒上芝麻後香氣更添一層，雞肉鮮嫩多汁，米飯上鋪著大片海苔，既美觀又可以係咀嚼時帶來獨特的味道，配菜豐富多樣，有色彩繽紛的什錦蔬菜粒，營養均衡，仲有炒粉絲，營養均衡，整體葷素搭配合理，是一份好有食慾既晚餐。

鐵牛台灣牛肉麵 (中環翡翠中心)地址: 中環蘇豪威靈頓街98號翡翠中心2樓A及B號舖中環扶手電梯，每次行過都見到呢間台式餐廳。今日放工心思思想食台灣菜，第一時間就腍到來呢度啦！有麵飯便當同火鍋，我就點了雞髀肉燥湯麵，芝麻雞髀有甜味幾，個麵就彈性十足，加上肉燥又是提升了層次小食點皮蛋肉鬆豆腐，攬到爛曬拌均吃，加了柴魚碎更香呢！飲杯無糖香水檸檬紅茶，大滿足#central #dinner#dining #taiwan

今日同個同事放工食呢一間。總舖師私房牛肉麵($88): 自己第一次食，所以叫咗呢個，貪佢有牛肚絲，牛筋，金錢鍵，牛肋條，四樣野。個湯底都算幾清甜，而且自己覺得佢嘅金錢鍵好正，煮得夠，食落軟熟。 牛肚絲亦都夠入味。麻辣擔擔夜市小香腸拌麵($82): 同事叫咗呢個，如果食唔到辣嘅就唔好叫啦，因為個麻辣都幾辣，我自己呢個可以食到少少辣嘅都覺得太多。不過佢鍾意食麻辣嘅就覺得好過癮。小香腸就正正常常，平時喺台灣食到嘅夜市香腸差唔多。麻醬淋青菜($36): 呢個反而幾有驚喜，喺香港好少食到用麻醬去點菜咁樣嘅食法，再配上蠔油，又幾特別。而且我鍾意佢嘅醬都俾得幾多，唔似出邊淨係喺上面兩三羹就算。鹽酥小拼盤($56): 同樣都係因為可以是三種嘢，所以叫咗，有鹽酥雞，炸墨魚丸同埋番薯條配話梅粉。三個之中自己最鍾意就係佢嘅炸墨魚丸啦，因為真係見到有好幾粒嘅墨魚喺入面，好足料。鴨屎香狂打檸檬茶($38): 近排呢啲手打檸檬茶咁勁，所以叫咗試吓，不過就冇得自己叫少甜嘅。其實同普通出邊嘅冇乜分別，不過見到檸檬嘅比例都幾多，真材實料嘅。桂花烏龍冷泡茶($32): 呢個就用上茶包冷泡嘅方法，同出邊好多餐廳嘅做法都係一

前日放左工同朋友係中環食飯, 餐廳位於翡翠中心, 主打台灣料理, 店內環境寛敝, 用餐環境幾舒服。我哋叫左幾款食物, 鐵牛臭臭鍋配安格斯牛肉片, 湯底濃郁微辣, 十分惹味。火鍋用料豐富, 有臭豆腐, 鴨血, 響鈴, 大腸, 芋頭貢丸, 蜂巢豆腐, 燕餃, 蟹柳和金針菇等, 其中芋頭貢丸口感鬆軟, 咬落去有芋頭粒, 彈牙鮮甜, 芋頭味香濃。米血糕口感煙韌, 鴨血亦好嫩滑, 吸引晒湯底既味道。兩款小食味道也不錯, 滷水牛筋入味炆得軟淋入味, 蘿蔔亦好清甜。鹽酥雞炸得非常香脆, 雞肉嫩滑, 台式烤香腸配合蒜片食, 味道更佳。如果朋友係中上環返工, 可以過黎試下。

哈囉大家好!我今日嚟到中環蘇豪區嘅鐵牛台灣牛肉麵,試吓佢哋嘅人氣台式料理😉餐廳裝修走簡約木系風,幾有台灣小店嘅感覺,加上柔和嘅燈光,整體環境都幾舒服｡雖然地方唔算好大,但座位安排都算闊落｡不過,呢間餐廳真係好!爆!人!🔥 建議大家可以用Gulu app攞定飛先,如果唔係真係等到你阿媽都唔認得呀!😅鐵牛臭臭鍋:臭得嚟又好吸引!😈今次叫咗個招牌｢鐵牛臭臭鍋配安格斯牛肉片｣,嘩!一上枱就聞到陣濃郁嘅臭豆腐味,真係｢聞到臭,食到香｣嘅最佳演繹!湯底辣度啱啱好,唔會太嗆喉,反而帶出咗臭豆腐､鴨血同大腸嘅香味｡配料方面,除咗臭豆腐､鴨血､大腸呢啲臭臭鍋必備三寶之外,仲有芋頭貢丸､粉絲､蜂巢豆腐､蟹柳､魚餃､魚豆腐､響鈴､娃娃菜､金針菇､蔬菜､米血糕､冬菇､蘿蔔等等,真係多到數唔晒!安格斯牛肉片肉質都唔錯,夠晒嫩滑,索晒湯汁之後更加惹味!😋台灣本味麻辣鴨血鍋:嗜辣者必試!🌶️另一款｢台灣本味麻辣鴨血鍋配安格斯牛肉片｣就啱晒鍾意食辣嘅朋友!湯底麻辣香濃,辣得夠過癮,但又唔會蓋過其他配料嘅味道｡鴨血滑嘟嘟,入口即化,真係好正!配料方面同臭臭鍋差唔多,同樣豐富,食落好滿足!🤤小食拼盤:台式小食嘅精髓!🍟小

早幾日去咗中環一間台灣餐廳😎環境乾淨企理，呢個地段嚟講價錢都唔算貴食物質素仲要唔錯，值得推介🤍柚子蜜香雞排便當 + 配滷肉飯入口應該有啲甜香帶啲酸，雞排外脆內嫩😍好正～滷肉飯滷汁夠濃郁，成個便當感覺又香又飽肚，79蚊算係幾抵食🥰肉燥排骨乾拌麵排骨炸得好好食，不過份量就唔算好多🥹但係拌麵麵條好彈牙～都非常好食！酥炸花枝丸外層脆卜卜，咬落去啲花枝彈牙～欣賞隔離會有啲辣嘅調味粉俾你夾埋一齊食😝滷蘿蔔牛筋滷汁牛筋滲透得夠入味，蘿蔔又淋又吸晒滷汁香味😋感恩珍珠奶茶南投縣百香果QQ

中環呢間鐵牛台灣牛肉麵，又係我lunch成日嚟嘅一間。每次嚟都大排長龍，我成日都係gulu app拎定飛先去，如果唔係都未使旨意入到去。店舖外觀充滿住濃濃嘅台灣風情，木質裝潢，感覺舒適。我最常叫嘅就係鐵牛台灣牛肉麵，轉蕃茄湯底同米粉，佢哋嘅米粉幼細得嚟，極之入味，將蕃茄湯嘅酸甜鮮美全部吸收，每一口都好滋味。牛半筋半肉部分，牛肉軟嫩多汁，牛筋則軟糯有嚼勁，口感層次好豐富。至於佢哋嘅珍珠奶茶，一飲就知用料唔馬虎。茶香同奶香融合得剛剛好，珍珠煙韌彈牙，真係有種好似去咗台灣嘅感覺。難怪咁受歡迎，每次食完都好滿足😌

Ooo台灣牛肉麵ooO店內有多款台式食品牛肉麵、便當、臭臭火鍋、台式飲品 應有盡有OooooO總舖師私房牛肉麵 $88金錢腱筋肉比例剛好 大大件但可以做到唔韌牛肋條入味口感一流 仲有牛筋、牛肚絲豐富有質素 絕對是物超所值可加$3轉刀削麵 女士可以SHARE 2個人OooooO牛筋牛肚絲新竹米粉 $81台灣麵個人喜歡轉新竹米粉 幼幼彈彈的牛筋足料 大大件 牛肚絲是台式的一絲絲幼幼的牛肉湯香甜不太濃配米粉正OooooO魚酥皮蛋豆腐 $45大量肉鬆魚酥配皮蛋豆腐 必點台灣小食OooooO綜合滷水味拼盤 $56滷蛋滷大腸豬耳爽 滷水汁入味大腸不會太多油脂OooooO閨蜜紅豆珍珠奶茶 $46茶味香濃 入口順滑 紅豆及珍珠 有咬口 OooooO丁椰果綠茶 $36使用100% 台灣新鮮果汁調配 清新口味配椰果更好飲！

Weekday時間總係過得好慢呢晚收工同舊同事喺中環食飯吹水去咗我哋以前成日食lunch嘅飯堂鐵牛牛肉麵而家menu仲有一人小火鍋同臭臭鍋吸引咗好多人嚟食 每枱都會叫全場差不多坐滿晒 果然厲害👍🏻雙重芝士牛奶鍋配安格斯牛肉片$158雖然話係一人鍋 但份量都好大湯頭呈奶白色 上面有大量芝士粒 勁吸睛車打芝士味道突出香濃 但唔會覺得漏火鍋配料勁多勁豐富 有響鈴、冬菇、蟹柳、生菜、雞蛋、芝士丸、芋頭貢丸、金菇、魚皮餃、蜂巢豆腐、魚腐、娃娃菜、粉絲、蘿蔔、米血糕當中最愛米血糕同芋頭貢丸 係台灣地道風味安格斯牛肉肥瘦適中 雪花好靚夾起時掛起芝士 食落去嫩滑 牛肉汁同芝士夾埋一齊食好香跟主鍋仲配飯 +$8有滷肉飯滷肉肥瘦參半 食落好有彈性嚼口 正同事要咗香濃蕃茄爆蔥鍋配安格斯牛肉片$148佢大讚湯頭好蕃茄好濃郁 蕃茄控必點！佢嘅芝麻海苔飯都好香 好開胃牛三寶小拼盤$70有金錢腱、秘制牛腩、牛筋、蘿蔔好香濃好足味金錢腱超級爽彈 牛腩軟嫩 牛筋香滑得嚟爽脆蘿蔔吸滿晒牛香同牛肉汁 勁正鹽酥小拼盤$56有鹽酥雞、脆薯、花枝丸鹽酥雞外脆內嫩 鎖住到肉汁脆薯香脆 加埋調味粉勁台灣！花枝丸真材實料 香脆有咬口大

原本同朋友想食台灣牛肉麵, 就去咗鐵牛, 去到見到新推出咗幾款台灣小火鍋套餐, 正好呢幾日天氣凍, 急不及待order試試。鐵牛中環店環境光鮮整潔, 座位算幾寬敞, 坐得舒服。新推出嘅台灣小火鍋套餐每款均包含豐富配料, 款式大致上差不多, 只係湯底上有所分別, 而套餐本身包豚肉, 轉牛就要額外加錢升級, 另外亦可因應個人喜好追加食材配料、飲品。【雙重芝士牛奶鍋】HK$148+$10 安格斯牛肉片鮮嫩安格斯生牛肉佈面, 上檯點火將鍋物加熱, 因應個人喜好煮成其熟度。面層兩款碎芝士慢慢被熱熔, 熔於湯底中, 令湯底味道奶味更突出而且溫順。而鍋物中仲有大量配料, 包括有彈牙貢丸、芝士丸、米血糕, 仲有盡吸湯汁精華嘅蜂巢豆腐、蟹柳、雪枝揚、響鈴、娃娃菜、 金菇、粉絲、冬菇等等….另+$8 升級鹵肉飯:飯底淋上咗少少鹵肉汁, 微微鹹甜有肉香。而朋友叫咗個【鐵牛臭臭鍋(微辣)】HK$118+配安格斯牛肉片+$10配珍珠白飯湯底微辣惹味, 同樣包含了豐富配料, 我地食到好似尋寶咁, 而呢款湯底就多咗燕餃、鴨血等…【鹵味拼盤】HK$56每款鹵物都鹵得入味而不會過鹹, 包括有好林嘅豬腸、爽骨軟骨豬耳同埋

鐵牛臭臭鍋（微辣）今日試咗呢個鐵牛臭臭鍋，微辣嘅味道剛好，鍋底香濃，令人胃口大開！除了配置的芋頭丸、臭豆腐等食材，可以選擇安格斯牛肉片，肉質鮮嫩，非常入味。配料仲有新竹米粉，吸收咗湯底嘅精華，味道一流！🍲🥩🔥 台灣本味麻辣鴨血鍋（辣）$174 呢個辣鍋真係唔怕辣嘅朋友必試！非常惹味！我覺得有T仔小辣。鴨血滑嫩入味！今次配上西班牙豬肉片，搭配珍珠白飯，非常好味。湯底令所有食材都更加出色。🌶️🍚🍹飲品方面，我叫咗柳丁椰果綠茶$36，少糖少冰，清新之餘又唔會太甜，正好平衡咗鍋嘅辛辣。朋友就飲百香果QQ，裏面有珍珠同椰果，一樣好fresh！再加埋綜合滷味拼盤（$56）同鹽酥小拼盤（$56），非常滿足嘅一餐！🍗我最鍾意係豬耳同花枝丸❤️

我在某個普通的午餐時間點了這道肉燥炸豬排飯，完全沒有特別的期待。這道飯的份量還算足，豬排炸得金黃，外酥內嫩，口感還可以。肉燥的味道偏鹹，搭配白米飯還不錯，米飯煮得挺好，粒粒分明，也吸收了一些肉燥的味道。配菜方面有些簡單，不過還算新鮮。整體來說，這道肉燥炸豬排飯並沒有特別突出之處，讓人覺得普通，但也不至於失望。對於想要快速解決午餐的人來說，這道飯還是能夠填飽肚子。雖然我不會特別想再點，但偶爾吃一次也算是無可厚非。如果你對這道菜有興趣，可以試試，但也不要抱太高的期待。總的來說，就是一頓平平無奇的飯，能吃飽就好。