鐵牛台灣牛肉麵 (希爾頓大廈)

營業中

休息中

天氣凍，就想同friend打邊爐，喺尖沙咀發現咗隱世嘅台灣牛肉麵店。服務好，裝修好精緻，性價比超高。香濃蕃茄爆蔥鍋（加安格斯牛肉片） $138蕃茄湯底好濃郁，用料非常豐富，有金菇、娃娃菜、豆腐、芋頭貢丸等。份量非常足夠。可以配白飯或者新竹米粉。招牌珍珠奶茶珍珠好多又彈牙，奶茶都好大支，罐裝非常精緻。柑橘愛玉冰茶愛玉Q彈，酸酸甜甜，解膩一流。鹽酥雞拼香腸鹽酥雞外脆內軟，好juicy，肉質鮮嫩。香腸好入味，非常地道。台式花枝丸非常足料，每啖都咬到墨魚粒配埋麻辣粉，非常過癮。三寶麵有齊牛筋、牛腩、牛肚絲，十分足料，配上掛湯嘅新竹米粉，十分滋味。總括而言，一間幾好嘅台式餐廳。

最近天氣開始降溫開始心思思想打邊爐，是日同細妹來到平時幫襯開既鐵牛叫左兩份一人邊爐，lunch time 唔洗加一好抵香濃番茄爆蔥鍋(加安格斯牛肉片)$138超級濃郁既番茄味加埋適中既份量👍用料豐富，有豆腐，蟹椰，娃娃菜，金茹，冬茹和台式火鍋特有的米血糕和芋頭貢丸等；主食方面可以選新竹米粉或白飯；飲品方面當然係要招牌紅豆珍珠奶茶(+$23) 珍珠奶茶都幾大枝，珍珠好有咬口唔錯細妹比較鐘意食辣，就要左小辣既招牌臭臭鍋($118)用料和番茄鍋相似但多左鴨血小食麻辣鴨血和鹽酥雞拼香腸

忽然好crave台式牛肉麵👅尤其是冬天想食暖笠笠嘅湯麵▶️ 鐵牛台灣牛肉麵 (半筋半肉麵)($78)揀咗牛肉湯湯底，味道甜甜地唔油膩😋簡單配上酸菜同香料調味牛肉份量充足，三大條，唔係平時見開一片片嘅牛𦟌肉🐂半肥瘦，啫喱同瘦肉相間👍🏻口感好正唔會好韌，而且有牛味牛筋一條，入口軟淋，比牛肉入味唔係最好食嘅牛筋但唔錯麵質煙韌彈牙🍜同時好索湯，好食▶️ 小時候排骨台灣便當 ($79)配滷肉飯，特登整成台灣地形旁邊配上三種伴菜炸排骨好大塊🐷不過相對薄身-個台灣牛肉麵的確幾好食，欣賞佢個牛肉用料環境舒服，鋪面大又多位服務唔錯，落完單2分鐘之後上菜😂不過價錢以台灣菜嚟講唔抵食，$90/人但唔係set，冇包飲品前菜等食完碗麵未係好夠飽😅

食物飲品尚可，但員工會用盡辦法：1) 每張卡位坐最多既人，5/6個男人都話坐得落2) 塞最多既人入VIP房，加2張凳係主席位坐都唔係無可能3) 搭檯少不了，三人幫襯一定搭多個唔識既俾你一齊坐圓凳4) 50分鐘用餐時間，人釘人食完就幫你清走，杯嘢未飲完都想你帶走飲咁款老闆真係好彩，請到班好員工，全部都行動一致，務必做到翻檯再翻檯。

今日去了有三間分店的鐵牛。第一次來到尖沙咀分店，店內裝修簡潔及闊落而且非常光猛，讓人一種好舒服的感覺。服務員態度正常。餐廳的食物及飲品選擇也很多，也有一些套餐提供。紅燒牛肉麵：每次去吃台灣菜餐廳必點。但鐵牛的紅燒牛肉麵不是個人喜歡的味道。湯不太濃，有點像香港的柱候牛腩湯底。麵條是彈牙的。牛肉有少少硬，不過入味的。逢甲鹽酥雞：剛剛炸起的鹽酥雞好脆口，跟酥雞附有一小碟醬汁，像泰式酸辣醬，酸酸甜甜的，很開胃。但不像台灣的風味。

路過見到餐廳幾靚，同同事食個下午茶。下午茶都幾抵食，有好多選擇，選一款主食和三款小食，下午茶嚟講都算多和大份。主食麻醬撈麵，小食 - 台灣腸、豬耳絲、甘梅粉地瓜主食肉燥飯，小食 - 台灣腸、炸豆腐、甘梅粉地瓜下午茶餐有熱飲，唔使加錢，叫咗台灣奶茶整體嚟講，環境寧靜舒適，下午茶唔多人，價錢算平，食物質素不錯。

諗住可以坐得舒服啲，同飲杯台式奶茶先去，但呢間野越嚟越唔掂…平日下午兩點幾去，成間得幾個客，大把吉枱，個侍應竟然仲要我搭枱！叫個炸豬排飯，啲炸粉就厚，塊肉薄到… 食落仲有陣怪味。唔怪得香港人北上消費。

又四圍摷嘢食、去到一個食肉澡架台灣店、所以入左去食啦、睇到門面好靚、成間鋪都好光亮、入到去空間感好大😀格與格之間都闊落、五會過度擠迫成個台灣地圖架飯、造型都幾特別、有埋炒米、、個雞髀就係蜜糖燒雞、甜甜地😀、整體都五錯😆另外叫左個自選、要咗肉燥麵：肉燥味唔好咁突出。甘梅地瓜：甘梅冇甘出色、不過都鬆脆可口。逢甲鹽酥雞：一般般。涼拌小黃瓜：酸酸甜甜、引起食慾。草莓味突出、有埋爆珠、可以體驗到兩種口味😆

牛肉麵還可以，保持水準。鹽酥雞肉燥便當非常差。飯硬又乾，肉燥只有兩滴。我問侍應拿肉燥，她十分驚訝。我說肉燥飯，沒有肉燥。有什麼值得驚訝？最後我說沒有肉給我汁也可以。她真的只給我汁。10分佩服肉燥那些肥豬肉值多少錢？星期六日沒有套餐單點70至80元不化算終於明白為什麼來的時候一個人都沒有。中環和旺角分店也吃過人流都還好。覺得主要原因是店員10分敷衍。希望可以盡快改進。7,80起碼送一杯飲品，才算合理

🤑午餐時間黎到尖沙咀鐵牛，以台灣菜黎講，佢地既價格係偏貴，⏰仲要限時每位食50分鐘，令人非常趕急🏃 🐄鐵牛牛肉麵（$72）🐄🍜麵入面既牛係紅燒半肉半筋，炆得好淋好入味，有驚喜！🥣湯底濃郁且不膩，值得一試！🤭🍱小時候便當（$69）🍱🐷呢個有得揀跟古早排骨或者柚子蜜香雞排，今次試左雞排，🐔味道酸酸甜甜幾開胃，但肉質偏老，有D可惜。🫱🏻而飯可以選擇紫菜/鹵肉飯🍚😋總體 (味道, 性價比, 環境, 服務態度) : 7/10——————————————————————————————🤑The lunch menu at Iron Cow in Tsim Sha Tsui is quite expensive, ⏰ and they only allow 50 minutes time for customers to sit and eat🏃🐄Braised Beef Noodle Soup ($72)🐄🍜There are half braised beef and half braised tendon in the noodle, they were tender, soft and fl

昨天晚上，21:20左右開始進食，冇幾耐傳嚟一陣陣嘅滴露消毒水氣味，原來店員不停拖地搞清潔。身為一個食客，感覺完全失望滴露消毒水氣味，完全破壞食物本身既風味不明白，公司管理層點解唔安排，在清場之後先進行店舖清潔。如果真係要節省成本的話，可以將店舖劃分區域進行清潔，盡量減少對食客嘅影響，而唔係不停喺客人與客人之中，係咁拖地。令食客食唔出原本嘅味道，浪費咗廚師嘅一番心機。因為昨晚嘅食後感超差所以想用這篇食評，反映給經營者知道。

平時得閒都鍾意去尖沙咀搵餐廳食下飯，今日咁啱經過，覺得呢間餐廳啲座位都幾舒服，所以就入去食晚餐。我哋兩個人食飯，都有一張四人嘅卡位，坐得好舒服，裝修都好新淨光猛。👍👍👍嚟到台灣舖頭必飲嘅珍珠奶茶🧋🧋，同埋鹽酥雞配台灣腸。👍👍另外仲叫咗台灣牛肉麵🍜🍜，加咗$6轉蕃茄湯，唔算太油膩，份量都適中，牛肉幾爽口。仲叫咗個沙茶貢丸新竹米粉，米粉幾好食，但係貢丸就冇驚喜，但係都OK，湯底偏油膩。

他們的下午茶套餐，包括一杯飲料、三款不同的小食和一個主食，非常適合喜歡嚐試多種美食的人。我選擇了滷肉飯配鹽酥雞、木魚炸豆腐和台農57號甘梅地瓜。滷肉飯的米飯蓬鬆香濃，滷肉則鮮嫩多汁，帶有濃郁的滷汁香氣。配上鹽酥雞，外皮酥脆，內部肉質嫩滑，口感絕佳。木魚炸豆腐是其中一款小食，這道菜以炸過的豆腐，豆腐質感柔軟，外層炸得金黃酥脆，味道令人驚艷。😋🍗這個下午茶套餐非常適合喜歡多樣美食的人，可以一次品嚐多種不同的菜餚。😋🍚🍗🍢🍠

繼續係趕時間做嘢，所以買外賣比較快，不過最矛盾就係有朋友好想食鐵牛，所以我哋就走咗去買，點解覺得矛盾？因為鐵牛唯一嘅問題就係外賣嘅時間等得比較來，如果朋友早啲話嘅話就可以一早電話叫咗先，就唔使等咁耐，不過都覺得值得嘅。我哋都係嗌咗排骨滷肉飯，睇落份量好似唔係好多，其實好夠食，佢個排骨真係好好味，又唔會覺得油。另外一個朋友就叫咗柚子雞排配芝麻海苔飯，食過佢個雞都算可以，不過我覺得會比較乾身咗少少。另外我哋全部都係叫咗佢個感恩奶茶，坦白講其實冇乜特別，奶茶嘅選擇出邊實在太多。

估計大部份人都應該食過呢間，連我自己都數唔到係第幾次🤣呢日仲見到好多人叫臭臭鍋，下次試下先😌▪️ 鐵牛台灣牛肉麵（半筋半肉麵）+ 感恩珍珠奶茶 💲78 + 21 牛筋腍身微黏，肉條軟嫩🐮幼身麵條保持韌性，都掛到下湯既🍜大骨湯既湯底色澤清徹，雖然唔係藥材味嗰種，但都重口味，接近尾段會覺得略鹹，配上啲溫和既酸菜，唯獨係份量比較少🫣加配左杯珍奶，奶同茶既比例平均，起碼唔會淡而無味，珍珠亦算係有咬口🥤🔎 整體評分（7/10）