鐵飯碗咖啡屋 (已搬遷) 新店位置

無服務員帶位，qr code落單，qr code比錢，水要自助斟，上菜仲要執埋位比佢上，但係收加一👎🏻出個餐汁個枱就要收加一？？？啲待應行行企企，拎埋電話企係到玩👎🏻服務態度大快活仲好過衣到👎🏻個咖央多中間牛油淋到食爛屎咁👎🏻👎🏻👎🏻杯唔知咩奶茶甜到漏👎🏻👎🏻👎🏻一碟菜98蚊，手掌咁大，洋蔥多過菜，仲要生洋蔥👎🏻👎🏻👎🏻其他食物毫無特別👎🏻慘過食蠟👎🏻👎🏻👎🏻食M記都無咁嬲👎🏻性價比零👎🏻

Weekday Dinner 旺角新開的娘惹菜，裝修充滿特色，處處有不同的可愛壁畫，色彩繽紛，印尼炒飯 $98印尼炒飯很豐富，香濃炒飯上有太陽蛋，伴酥脆雞翼、惹味沙嗲雞串燒、香脆蝦片及青瓜。祖傳秘方肉骨茶 $82份量十足的肉骨茶，配白飯及香脆油條，有鮮濃的肉香，配上藥材的獨特香味，有豆卜、枝竹、冬菇、排骨、豬手及豬肚等等入味的材料，暖胃滋補。如果喜歡再濃味一點的人，可以加入碎紅椒和生蒜蓉，或者沾點醬油，有另一番風味。馬來風光秘製馬拉盞通菜 $62爽脆的通菜加入香辣馬拉盞調味，鹹香惹味，而家表面更灑上豬油渣，增加口感與香氣。班蘭咖央牛油多士 $38邪惡的半融牛油配搭香甜班蘭咖央及香脆麵包，是滿足的飯後甜品。文冬薑母茶 $22養生的朋友表示薑味濃郁，喝完有一股暖流🤣🤣新鮮椰青 $38椰青冰凍清甜，椰肉嫩滑，配娘惹菜一流。

下午茶時間行到攰攰地想搵個地方坐吓唞吓佢叫做咖啡室就諗住上嚟試吓其實開始都唔知佢係食咩菜不過上到嚟覺得地方都好大坐得都幾舒服原來係食南洋嘢感覺幾特別對面有啲嘢飲都唔係周圍都有大家不妨你試吓坐喺度吹吓水，飲吓嘢應該都幾唔錯！

旺角開左間勁大嘅馬來西亞餐廳，足足有兩層，裝修有特色，環境寬敞坐得舒服😻坐低用完QR code落單要先付款後上菜，幾方便快捷~✨祖傳秘方肉骨茶 - 都幾大碗，佢唔係用一字骨嘅位，而係有d似排骨咁，肉質幾腍身入味；個湯唔算太重藥材味，可能調配返啱香港人嘅口味🍲 ✨吉隆坡肉碎江魚仔板麵 - 覺得呢個麵清清地幾好，唔需要特別調味，江魚仔已足夠提味👍🏻✨蕉葉烤鮮魷 - 好足料下，食極都仲有🤭彈牙有口感，唔會太韌🦑個底用左秋葵墊住幾特別🤩✨班蘭咖央多士 - 特登走左牛油減低邪惡感，就咁班蘭咖央都好香甜🌿 ✨班蘭拉茶 - 可以揀甜度、冰度同奶量，確保味道啱心水😻✨班蘭桔仔薏米水 - 係夏日特飲之一，賣相幾靚，味道好清新，啱晒夏天飲🍹

今日同家人來到一間充滿南洋風味的餐廳「鐵飯碗咖啡屋 」。裝修以紅磚牆和木製元素營造出獨特的氛圍。步入其中，彷彿置身南洋小鎮，手繪壁畫展現傳統彩色排屋，帶來娘惹街頭美食文化的熱鬧場景。🔸肉骨茶配白飯🔸滋補暖胃的肉骨茶配上白飯和油條。豬肉口感軟腍，沾點黑醬油，更好味道。🔸檳城蝦湯麵🔸 鮮甜的蝦湯搭配彈牙的滲滲麵條，實在好滋味。入面亦有魚片，腩肉等，好豐富。🔸海南雞半隻🔸肉質鮮嫩多汁，搭配著特製醬汁，好惹味。🔸秘製馬拉盞炒通菜🔸通菜炒得夠鑊氣。好香的馬拉盞味道！通菜鮮甜爽口。【 鐵飯碗咖啡屋 】📌旺角豉油街36-42號榮高大廈地舖至2樓

呢間主打娘惹菜嘅咖啡屋樓高三層 糅合馬來西亞老街壁畫同復古霓虹燈設計 散發濃厚南洋風情✨菜式由馬來西亞華裔主理 還原經典地道風味👨🏻‍🍳.📌娘惹檸檬葉炒鮮魷魚配白飯 $68全新午市套餐🆕魷魚新鮮爽嫩 彈牙唔韌🦑加入檸檬葉同多種香料炒香 酸酸辣辣 惹味開胃🍋🌿搭配甜紅椒, 洋蔥同秋葵 清新健康🫑🧅仲有三款前菜: 香口花生🥜爽脆青瓜同芽菜🥒白飯夠乾爽 粒粒分明 撈汁食都唔會太濕🍚.📌海南雞(半隻) $108半隻雞好大碟足料👍🏻肉質嫩滑有韌勁 雞胸位都唔鞋 雞味濃郁 底下芽菜都索滿雞油香🐓配搭三款醬汁: 惹味酸辣汁, 辛香薑蓉, 鹹鮮黑醬油 各有特色🌶️🫚🍶.📌娘惹咖喱雜錦蔬菜 $72南洋風味咖哩同印度唔同 複合多種香料 集甜酸辛辣香 味道清爽惹味 加上質地偏稀 就咁飲都得🥘雜錦蔬菜種類多元化 有茄子, 椰菜, 蕃茄, 秋葵, 青豆 再加埋炸豆卜 口感好豐富🍆🥬🍅🫛健康清新輕盈之選💚.📌香酥飛餅/塊 $18飛餅外層薄脆 入口鬆軟煙韌 酥油香味濃郁🫓微鹹味搭配咖喱 真係好夾 仲降低油膩感🍛.📌斑蘭咖央牛油多士 $38用左雙色多士 好有心思 賣相吸引仲增添黑麥味🌾斑蘭咖央醬好香甜 配上鹹香牛油冇得

裝修環境唔錯，份量又足料既馬來西亞菜式。環境夠大，坐得舒服，適合一班朋友聚會坐低傾偈🗣️✨海南雞飯套餐 $88成個調色板咁，造型好可愛😆 仲有海南雞嘅靈魂，醬汁三寶，薑蔥蓉撈飯是必須的😋 套餐會包埋雞油飯及雞湯，雞件份量多，對於細食女仔嚟講係一種挑戰！✨黑叉燒撈麵配雲吞雞湯 $70麵條彈牙，條條分明、有少少似平時食開嘅雲吞麵口感，撈麵調味本身幾入味！✨蜜汁燒雞全翼 (2件) $53色澤金黃，咬落多汁嘅雞全翼，口感幾好，蜜汁甜度適中。✨手打馬蹄墨魚餅 (4件) $52 😋推薦！咬落去爽口有嚼勁，裏面有細碎馬蹄增加口感，配埋酸酸醬汁幾好食！

睇YouTube有人介紹過嚟食嘅，但就10分失望，佢價錢係唔貴，但QR code落單又要收加1 ，水都冇比杯，啲Staff行行企企吹吓水咁，走都冇講聲多謝，體現到依加香港既餐飲服務態度😂冇服務都算啦，食物真係唔掂，試過肉骨茶，啲料煮得好腍，但完全冇味嘅。肉骨茶都唔夠味，一大煲，感覺八成都係水，味道淡，亦冇乜藥材味。另外榴槤多士，個樣幾靚仔，但擺咗一陣啲包就腍晒，口感一般。奶茶好大杯，但甜到阿媽都唔認得，如果想飲記得要減少煉奶。仲有個炒貴刁，算係成餐比較正常，似辣嘅炒河粉，無肉嘅，係有臘腸。總結，成餐飯都唔覺係馬來西亞風味，似港式茶記質素，不會回頭了。

每憑經過旺角街頭都會比呢間餐廳嘅外牆裝修所吸引，感覺點到要試吓幫襯吓。今日（23/7）終於到餐廳睇過餐牌，食物種類都多同價錢都合理，咁二話不說狗衝去試喇。坐低店員就解釋需要自己用電話QR code落單同先比錢後用餐（唔理解呢個做法），水都需要自己去攞，但餐廳都要收加一服務費（唔理解服務喺邊度）服務一般唔在話，連啲食物質素都唔掂！我哋order咗個甲必丹檸檬葉咖哩雞一食就發現每一舊雞都帶有粉嫩色，好明顯喺唔熟，唔熟嘅雞肉就放咗喺自己隻碟到，就搵職員協助，有一位身穿恤衫嘅職員過嚟，向我哋解釋啲雞喺一煲過咁煮嘅（即喺點？已經解釋咗啲點解雞唔熟？）但最終佢話幫我哋換過過咗一陣另一位職員送返碟雞返黎，點知佢地只喺翻滾返原本嗰碟雞（份量好明顯係少咗 因為未熟嘅雞仲喺我哋隻碟到）但剛剛個職員話喺換過碟比我哋而唔喺滾返熱比我哋）簡直離譜！再留意到隔離枱兩位食客言談中講到，都未食完就已經有三次職員想收佢哋啲碟，但個刻又唔喺爆場又未到收工時間 （around 8點尾到9點） 試問咁嘅服務同食物質素，憑咩去收加一服務費！ 呢次喺第一次食，亦喺最後一次食！麻煩貴公司慎重留意服務同食物質素，唔該

一開始想試呢間餐廳係因為佢嘅外牆好吸引好靚，點知入到去嘅裝修昏暗，雖然都有壁畫 但係整體環境唔係特別靚 再講吓啲嘢食 叫咗一個肉骨茶 一個炒貴刁 貴刁嚟講，非常之油膩 油得來又無味 大蝦大約有六至八隻左右唔算話太多 食落去都爽口打牙嘅 但係成碟過分油膩 唔會想再食另外肉骨茶有送一個白飯 味道都偏淡 雖然話係招牌 食落去都幾失望 分量嚟講就中規中矩 肉量唔算多 材料仲有金菇 豆腐卜等 唯一可以讚嘅係 佢嘅油炸鬼係脆口 點湯嚟食都OK唔錯 而且呢間餐廳係自助點單俾錢嘅 相對嚟講，我都睇唔到點解佢要收加一總括嚟講我都唔會再幫襯下一次😂

坐擁兩層的鐵飯碗位於旺角鬧市中央，平日下午決定去食午餐。老實說星期一至五限定的午市套餐並不吸引，我們還是上去看一看會不會有其他選擇。最後我們從單點餐牌選午餐。巴生肉骨茶($68)整盤送上看似幾豐富、擺盤吸引。肉骨茶是香港相對上沒有那麼受歡迎的馬來西亞式，湯底是以大量藥材製作，因此味道比新加玻式的較濃厚。肉骨茶的味道未至於蜻蜓點水但是偏淡，只有微微的藥材味，水加得太多不濃郁；裡面的材料有豬腩肉、支竹、豬手等，的確是弄到很軟淋，裡面也有點藥材味，只是肉不太多，豬腩肉太肥弄得湯的表面長期有層油脂。正宗檳城蝦湯麵($72)的蝦味撲鼻香，麵底吸收了突出的蝦味，喜歡辣的朋友可以拌拌面頭的辣醬，重口味的朋友亦可加入附上的參巴醬，而裡面的配料是雞蛋、魚片等，兩隻蝦偏細不新鮮。這裡的食物不差的，但有點做得不夠到位的感覺。其實餐廳的食物選擇不少，可是不太吸引的午市套餐用來作招來起不到太大作用，可能因此而失去一批本身想吃南洋菜但感覺午餐餐牌不吸引的客人，餐廳可多想想可如何吸引客人到樓上光顧；在附近有興趣的朋友也可以來一試。

就是讓人覺得奇怪，我都係有個句講個句啦。首先寫到明要落單收錢先ok既，我得現金就要起身經過下難位去收銀比錢，再番坐位超煩。要杯水又要去老遠自己拿，但又寫著另收加一服務費。點咗麻辣海南雞同薏米水，飯係夠熱既，但雞過生肉少骨多。青瓜又放到干哂無食到。食食下見到，枱枱都要解釋要落單先付款。本來唔夠飽想叫多個，但淋起又要出去，再坐番低就走人，去食碗餃子好過。我就唔明機乎零服務，但就係要收服務費。之前泥過一次食晚市，又貴又唔飽又食唔慣，今次再次失望。如果你地唔改就一定gg,我話既。 

我最近幫襯咗一間新開的馬來西亞餐廳，餐廳內的裝修充滿了南洋風情，入門口上一層之後發現原來別有洞天，原來餐廳係喺2樓同埋3樓，見到佢哋座位充足同埋寬敞，坐低都令人覺得非常舒服。😌**秘製沙嗲雞肉串拼魚蛋湯河粉**上枱秘製沙嗲雞肉串那股香氣便撲鼻而來，瞬間讓我懷念起昔日遊走馬來街頭的小食攤檔。每一串雞肉都烤得金黃油亮，表面微微焦香。雞肉外皮酥脆，內裡卻依然保留著肉汁，咬一口下去，外脆內嫩。🍖接著上桌的是魚蛋湯河粉，一碗熱騰騰的湯河粉總是能給人一種溫暖的家庭感覺。這碗魚蛋湯河粉湯底清澈見底，透著一股淡淡鮮甜的味道。魚蛋則是這碗湯粉的亮點，每顆魚蛋都彈牙爽口，內裡帶有淡淡的魚香，咬下去還有一絲絲的鮮甜湯汁。配上些許蔥花和炸蒜蓉，味道更加層次豐富。🍜鐵飯碗咖啡屋 (旺角)旺角豉油街36-42號榮高大廈地舖至2樓

尋日做gym之前就去咗鐵飯碗咖啡屋食飯🍽🔹黃金炸雲吞（4件）炸得金黃酥脆嘅雲吞咬落去嘅口感真係好正😋 好值得一試！▫海南芋絲春卷芋絲同春卷嘅結合好好味！芋絲嘅鬆脆同春卷嘅香脆簡直係Perfect match 😍🔺鮮果油條蝦油條配埋鮮蝦，酥脆同鮮甜嘅組合，清新開胃🤤🔸海鮮滑蛋鴛鴦河成個搭配好出色，有啲似乾炒牛河🔥 但係唔同嘅係用咗兩款麵去整成，幾特別！▪馬來風光即係馬拉盞炒通菜，健康又好味😬🔻斑蘭咖央多士有斑蘭味嘅多士好香甜，成件事好享受😌🔆新鮮椰青我好鍾意椰子味嘅飲品，好解渴同開胃🥥🎈紅番石榴茶（凍）清香爽口，紅番石榴茶嘅味道有d酸同富果香🍹喺旺角搵唔到嘢食嘅話都可以去試下☺

朋友鍾意食馬拉菜見喺旺角開咗間新嘅我哋一於去食吓好大間鋪，好多位坐得幾舒服佢嘅裝修好特別，好有特色啲場好似塗鴉咁好靚仲會有啲立體嘅物品掛喺度同埋佢係用QR code落單跟住可以用電子消費或者去櫃檯俾錢食完就可以離開，非常方便🤎蕉葉烤加州鱸魚佢有唔同嘅廚師推介呢個鱸魚好大條椒鹽烤得好香，再加埋佢秘製嘅醬啲魚好滑好惹味🤎馬蹄墨魚餅（4件）呢個墨魚餅，超級大嚿嚟到熱辣辣超級足料食落口啖啖肉🤎海南燒雞（半隻）呢隻燒雞好似酒樓嗰啲紅燒雞咁個皮好脆，啲雞又好嫩滑仲有唔同嘅醬可以點🤎黑叉燒雲吞撈麵好特別嘅撈麵叉燒用咗特別醬汁煮好濃味碗湯仔入邊仲有兩粒雲吞添🤎海南斑蘭咖央多士多士都好厚，入面有好多斑蘭咖央熱辣辣食加埋啲醬好香脆鬆化🤎凍斑蘭咖啡斑蘭加咖啡原來味道都好夾就算啲冰溶咗，都仲飲到斑蘭咖啡嘅味最重要係佢有煉奶呀，係精粹呀！🤎椰青椰青好大個，飲落好fresh