鑽石餐廳 (已結業)

今個星期五收工後跟好友行旺角，有段時間冇行征服世界的我行到條行見到間餐廳show的晚餐價錢ok，加上燈光鮮明，所以決定在此用餐。原來呢間餐廳剛改名唔夠一個月，在openrice 搵唔到個名，係我主動問才知道間餐廳的舊名~~~見到個酒吧仔感覺幾特別~~~望到餐牌真係覺得有好多選擇~~~我和好友最後決定食卡邦尼意粉和牛仔髀果個餐~~~我就點咗可以任添的柚子蜜，感覺甜咗d，所以我要自行加水溝淡~~~我地的餐湯，賣相倒不錯~~~沙律有麻醬幾好食~~~卡邦尼意粉賣相和味道不錯~~~我就食薯菜，牛仔髀唔會韌，算易入口，但我唔食矮瓜，所以俾好友幫手食晒，如果唔配黑椒汁就更好，因為我對辣係好敏感~~~總共用咗$182埋單，感覺唔算貴，算可以一試的餐廳

以前在這區工作，經常來吃午餐，那時候覺得質素不錯，價錢適中，事隔數年來看看它變成怎樣了。午飯時間已過，客人非常少，很多單獨來的客人都可以獨佔卡位，坐得很舒服。以前即磨咖啡還不如現在普遍，很多餐廳用上茶餐廳式咖啡，所以這裡的即磨咖啡是吸引我來的重點之一。這次的咖啡聞起來挺香，是即磨咖啡才有的香氣，然而味道反而近似茶餐廳咖啡，質感偏於稀薄，沒有以前好，但也不是很差。點了什菌汁薯仔炆牛脷，原本餐牌上只有紅酒薯仔炆牛脷，但我不喜歡紅酒的味道，就問侍應能不能改，他說可以，而且送上來的時候還說不夠汁可以再給我添，服務態度很好。以前咖啡是吸引我來的重點之一，另一重點則是意粉，以幾十塊錢的價格來說，這裡的意粉吃起來不像便宜貨，爽口有嚼頭。這次卻不如從前好，選用的意粉貌似比以前粗，口感不及以前有嚼頭與爽口，不過比一般茶餐廳依然要好。薯仔煎得焦香很好吃，就嫌只有兩件太少，四季豆也是煎過的，有些菜吃着總比沒有好。牛脷給挺多，沒花什麼功夫加工，但本來牛脷肉質軟嫩，富有口感，什麼都不做也好吃。什菌汁味道清淡，微甜，味道溫和，多吃也不會膩。總括來說，質素沒有以前好，不像以前覺得物超所值，但價錢尚算便宜，還是值得吃

Food and service far surpassed my expectations. 200 minimum for credit cards but manager graciously made an exception for me. Will definitely return!

其實我對食物要求不嬲唔高，行過女人街連續幾間餐廳都差不多食呢類西餐，而價錢亦大致相同。行左一陣，見呢間野環境幾靚就入左去，叫左三文魚長通粉set,加$20配埋一塊蒜蓉包，一少碟沙律，睇落都幾好，但食落就中伏，個湯真係好咸，三文魚長通粉d三文魚又乾又冇味，紅豆冰飲半杯要放棄，係塊包同沙律正常dd...如果再去呢頭食飯，真係要好好考慮其他選擇了！

好耐無幫襯呢間今晚同男友經過見有好多位又有價錢實惠的晚市套餐就入去試試點了兩個set沙律同湯好快到當我想放沙律菜入口就聽到男友大叫原來佢發現佢個沙律有隻反轉咗嘅曱甴曱由腳仲郁郁吓好生猛有無攪錯好彩乜都未放入口侍應話換過俾我哋無晒胃口啦～仲食？即時走人

午餐唔知食咩好，又想食得清爽一點，見佢有菜沙律食就試下啦今日係煙雞胸胡麻醬沙律，煙雞胸既份量比較多左少少，如果唔係夾埋菜一齊食特就覺得都幾咸，同埋可能係雞胸既關係，肉質真係鞋左d, 好彩個沙律既菜夠新鮮爽脆，食落仲好有水份唔係擺到乾哂果d, 胡麻醬夠香，整體夠清爽，午餐想食得健康，可以一試

日日出街食飯，都唔知食咩好，落街行下見到好似都幾多野食就入去試下啦！日日食肉，好少食菜既我見有菜沙律食仲要唔係沙律醬果d，咁健康，一於就試下先，係牛柳粒菜沙律，醬汁係胡麻醬，食落菜都好新鮮，胡麻醬唔會太多都唔會太少香味十足，牛肉同菜既比例都幾岩，牛柳粒食落唔會太乾，肉汁鮮味，多菜少肉，仲有車厘茄，以後午餐想食得健康d可以食呢間食沙律

本來見到呢間餐廳裝修唔錯！企係出面個啊姐態度都唔錯！所以就入去坐啦，咁我哋坐咗係個卡位度，就開始打開個餐牌睇有咩好食呀！咁我見到佢哋啲餐牌個樣唔錯就覺得唔會中伏啦！咁我同男朋都叫左E餐試吓啦！咁個侍應問我地你想要個沙龍係要ham定係要煙三文魚，咁我地就揀咗ham啦！同埋問我塊牛排要幾多成熟，咁我地就話5成就啦！要跟飯意粉定係薯菜重有要紅湯定白湯，我地就話要白湯同飯同薯菜啦，咁好快就啲野飯到啦，首先黎果個唔知係好笑定咩啦！竟然用點心籠黎載着個蒜蓉包，咁個蒜容包同埋個湯都可以接受既，點知沙律同塊牛排黎啦，沙律佢比左煙肉我真係唔知想點之後見塊牛排個樣同張相都好似既又出囇煙咁以為好熱啦！點知放入口係凍既重要係血紅色，之後再揭開塊牛排食啲薯菜，點知原來薯仔加菜唔知好嬲定好笑！咁我男朋友果份佢啲飯係一半有飯焦一半係正常既，塊牛扒燒焦晒既咁我地已經好嬲，諗住比個機會佢識埋個甜品啦！我話要朱古力慕絲同牛奶布丁，點知食落口係泡泡味原全難食到一個點！之後埋飲埋個熱咖啡，點知又苦到嘔，埋單比左379真係唔低食又難食以後唔會埋去，真係差到嘔，第一次寫食評可能1999

咁大過仔食過最難食嘅餐廳，兩件牛扒一份就爖曬，另一件就生嘅，完全唔熟。之後女朋友叫左薯菜，點知真係比薯仔加菜我，大佬啊，你茶餐廳扮西餐廳都比啲專業啊，唔好咁hea啦，咁我就叫左跟飯，出到黎仲搞笑，都唔知嬲定唔嬲好，成個飯每一淡都有飯焦，食完好似無食咁。好啦當你主菜好難食，難食到我食完藥都比你激到咁精神，你嘅甜品同野飲一定係天衣無縫啦，哈！我屌你，原來一切都係我為佢諗得太好。叫左一個幕斯同奶凍，點知就比左兩個唔同味嘅幕斯我，我算啦，橫掂成餐飯都唔知食緊咩，諗佢可能都ok好味，一食落去feel到有啲啲洗潔精味，以為自己同女朋友都食錯啦，跟住我地再食，真係一淡起兩淡止。成日都係洗潔精咁撚樣啊。算數啦，已經想快啲走就算，飲埋杯咖啡走人啦，點知個咖啡真係落曬成個奶同幾包糖都係咁苦，苦口良藥啊我知，但係都唔係中藥咁架，唔講仲以為自己飲緊24味啊！最後埋單個價都真係唔想提，總之就係唔值咁嘅價，完全成件事係錯曬！

舊牛柳好似食湯渣咁，仲難食過大家樂啲平價牛扒。舊cheese cake得個甜字，無cheese味的，仲要勁甜。成份晚餐得杯凍奶茶係正常，我未試過食飯係難食到梗唔落。我哋三個人去食，個個都食唔落，仲要成$148一個set dinner，痴線，永遠不會再去😡😡😡😡😡

星期日的晚上，行了半條女人街，老公又肚餓開始發脾氣，最後給這一間餐廳門面騙了進去，不用等位已知中伏，就坐下吧！餐廳環境可以，坐位也寬闊。開始點餐，老公點了個薄牛扒長通粉，份量超少，女士食也覺得少，味道不怎麼樣。我點了個羊架茄子闊面，份量及味道較正常。其實以它這個價錢做一個茶餐廳式西餐食物在女人街選擇多的是。最後埋單加一是必定的了吧，收銀員找來了7個1蚊2蚊的，我知道是飲食業收銀員慣常做法，對於一間覺得中伏的餐廳沒有必要額外俾tips吧，但令我首次要寫差評的原因是，客人還未離開座位，那收銀員大聲的拋了一句＂哈，一個都唔留低＂這是什麼態度，對於這樣一間食物及服務都沒有水準的餐廳只有這一句＂哈，睇你幾時摺埋＂

雖然在油麻地返工, 但因為午飯時間怱忙, 所以甚少在中午時出外用膳, 除非是因為要歡送同事, 又或是有人升職之類. 今日因為要歡送同team的兩位同事, 所以來了這間鑽石餐廳. 我們都愛稱這間DiF做"玻璃屋", 因為地方光猛, 周圍又裝上了不少鏡子和玻璃, 所以得此稱號!因為我們Team一行七人, 而全餐廳只有一張八人枱, 所以特別提早來"霸位"! 因為時間尚早, 剛踏入午飯時間, 所以店內只有三兩食客. 而侍應也主動來介紹餐牌.餐廳內有不少水晶燈, 光芒仿似鑽石, 所以環境光猛, 地方整潔又不算擠迫. 這個也是餐廳特色, 因為女人街內的小店. 通常都是偏暗又擠迫, 地板又有點滑.餐牌上的午餐選擇也多, 有日式, 台式, 當然也有港式西餐, 定價由四十元起, 比附近的店子略為貴一點. 今次點了個穩陣的豉油西餐: 洋蔥煎豬扒! 皇牌懷舊洋蔥煎豬扒意粉上枱時被豬扒的份量嚇了一跳, 居然有兩大塊豬扒, 而且賣相也不錯, 看起來不會很乾身. 豬扒比平常吃的厚一點, 好像有預先略走油, 之後再單純地用豉油和洋蔥去煎, 所以吃起來與以前吃過的煎豬扒有點不同. 豬扒走油後肉汁被鎖在豬扒內, 所以一

上回來到旺角女人街的尾段（近登打士街），經過了這一間以吃西餐為主的餐廳，可是當時已選定了目標，沒有內進，到了今天便走了入去。這餐廳的名字是 D.I.F. 鑽石餐廳，室內都幾光猛，做到一家西餐廳的模樣，還原本以為是一間港式西餐廳，但看到餐廳盡頭是一個酒吧位置，放置了不少酒精類飲品及酒杯，是一間不折不扣的餐廳酒吧。從門外的餐牌得知，當中有沙律，扒類等西式食品，售價也較高。無論是裝飾和餐牌上的因素，而對餐廳的觀念也改變了不少。不過，從午餐的餐牌看，午餐確是有點親民，不會太貴吧。餐包。在下還是第一次見到餐包由竹籠盛載，感覺上是煥然一新，而且麵包塗上了牛油和蒜茸，也有被烘過的，因此口感上是脆脆的也只有輕輕的蒜茸味道。菜湯。是在下一貫以來所點的餐湯，也是多數點來的湯頭。餐湯沒有辛辣，也只有微微的酸甜味道，這也可以醒一醒胃納。懷舊香煎豬扒飯。豬扒略為厚切，沒有配以茄汁，黑椒或蒜茸等港式醬汁，只是用上了醬油做汁，而且沒有那麼的稠結。豬扒上加了洋蔥，使豬扒更有睇頭。吃起來豬扒有鬆化現象，而且富有勁嚼感覺，蘸上豉油汁，使豬扒有更多的食味。熱咖啡。自從在下不落太多糖以來，往往都會喝到加了淡奶後怎咖啡，雖不至

係女人街, 行下行~行下行~ 最後都係想去d舒服少少既餐廳坐~呢間餐廳, 睇上去好靚~ 睇下佢個dinner menu, 對比其他女人街既餐廳, 佢都算貴貴地~不過上次旺角上樓個d仲貴啦, 本住一試既心態就入左去。裝修好光, 感覺ok。 今日又想食d比較creamy既野, 所以就點左個smoke salmon 既pasta。goodness! 我平時超細食, 但呢個pasta真係好好食!  睇上去,佢sauce 好似太多太水, 都冇咩expectation, 但入口個下, 嘩! 味道好夠, cheese好正, cream都多, 而唔係水黎架!!! 再講個smoke salmon同蟹籽真係重料! 我係不斷食食食... 竟然差唔多食哂...同場既朋友都呆左... 應該都好少可見到我食多過半碟既。 到呢家仲好想食多次呢~唯一不足~ 就係個洗手間~需要清潔多d呢.......

 有幾年無光顧，今次晚餐重温舊地郤大失所望.老公叫咗一個漢堡扒意粉, 意粉分量比兒童餐份量更少, 兩塊扒煎到像餅乾一樣咁乾.我叫的一個虎蝦忌廉長通粉更離譜, 蝦是滾水烚熟的, 沒有任何調味，沒有任何拌碟.每個餐要$12X (未加一), 其實旺角區哩個價錢的西餐還有很多選擇. 但係哩間餐廳俾返D咩食物客人? 唔怪之晚飯時間不用等位就可以入座。