長洲張記

營業中

休息中

入長洲閒逛，朋友話想食魚蛋粉麵。見張記門面懷舊而且有幾多客人，感覺食物質素應該有番咁上下。我本想叫魚蛋雲吞河，但店家話無雲吞(中午12點，咁快賣晒？)而改叫魚蛋墨丸河；朋友則點了魚蛋片頭麵，入長洲食魚蛋亦係朋友此行其中一個目的。我係第一次惠顧此店，但都幾失望。魚蛋沒有所謂彈牙嘅質感、成粒魚蛋死實實、而且偏咸。墨丸味道比魚蛋好、有些少爽口亦有些微墨魚味、但亦然偏咸。河粉係比較粗同厚身，用嚟炒會好過放湯。朋友以前幫襯過此店，都認為水準比之前差。

平時都會趁假期嘅時候，走去長洲行下、食下嘢 … 今日落咗船之後就施施然行去張記食碟魚片頭墨魚丸撈麵，㸃知一食入口，發現麵有鹼水味，魚片頭炸到超老，墨魚丸因為落得太多粉而變得好硬，真係好失望，食品質素比較之前下降咗好多。唯一冇變嘅係佢碗魚湯，仍然飲到鮮魚味。真係好可惜，堂堂一間長洲出名嘅老字號，食物質素差咗咁多，相信店家一定要好好提昇食物質素才可以保住客流，如果只係著眼短時間的不回頭旅客生意，而不保住現有客源，對於餐廳嘅將來完全冇好處。

事隔三年，再次光顧長洲張記。以前入長洲都會食佢，堂食都次，搭船走再外賣一次。所以入長洲前完全冇食野，就係為左留肚品嘗張記。受疫情影響下，遊客小左，所以好快可以入座。坐低就嗌左最愛既魚片頭河、豬手牛筋河同炸魚皮。粉麵上枱，已經覺得同之前既質素有出入，冇蔥花冇類似梅菜既野冇埋舊炸皮。一食落口真係覺得質素差左，魚片頭冇以前咁好食，冇乜魚味，不過都算彈牙；河粉變到好厚身；湯底都好似變到好淡咁。豬手牛筋河都係麻麻地，不過可能始終人地係魚蛋老字號，呢方面麻麻都正常既。最重要係價錢貴左，但份量少左！炸魚皮多係多，但就真係敗筆！價錢又貴而且少啲牙力都會咬崩牙！總結，質素差了！今次之後，我諗都唔會再去lu。

趁住平日放假，入長洲行吓，估唔到星期四都咁多人，成架船爆曬乜滯。半個鐘頭快船就到達長洲，一上岸嗱嗱臨搵嘢醫肚先，行過呢間張記魚蛋，望落好傳統，於是乎就中入去叫咗兩碗粉。我哋叫咗個魚片頭河($36)同埋一個魚蛋河($31)，細細碗份量唔多，一咬就感覺到啲魚肉好新鮮彈牙，充滿魚鮮味，絕對唔係溝晒粉嗰啲，河粉都算幼滑，但係個湯底就有啲淡，冇乜魚湯味，要自己加啲醋同辣椒油調下味。加埋兩杯凍檸樂，埋單$105，經濟實惠。

長洲出名食魚蛋，除左以小食形式一串串，仲有正餐魚蛋粉，睇你想食邊種形式啦，今次我就食正餐！其實，我可能食左三次，因為發現驚喜所以想寫！平時食魚蛋粉我都會叫牛腩或牛雜，因為其他太普通，所以我第一次都食左牛腩。都唔錯，夠腍，腩汁夠入味，肉身比較多，有d地方食平平地都做到少許牛坑腩的效果，呢個脂方同肉身明顯分開，所以唔算一鳴驚人！之後我食過魚蛋粉，魚蛋大概是白魚蛋似的，偏細粒，比圓淥淥果款還要細一點！不是炸魚蛋，然而顏色偏黃！咬落口不是非常彈，佢彈得黎唔係平時白魚蛋死實實果隻彈，而且有微微魚甜味，同白魚蛋比較，白魚彈變得腥！今次仲試埋魚片，因為我天生就是愛試！上碟超簿，諗住咁薄食唔到口感！又唔係喎！有魚彈嘅彈，再彈少少，加上炸過更香口！我其後光顧過其實魚片，賣相神似，薄薄的，有一個個窿，色水都似，就是食不出魚味同天然彈牙！提提一個發現，如果你叫魚蛋魚片當單併計！食埋個魚皮，每次都有食，同其他舖唔同，看得到平日魚皮白色嘅地方偏黃，應該魚種唔同！好食！香魚味，比外面的稍微硬一點！但今次好失望！竟然有大半碗都是漏風！未試過有舖頭咁失察！我本想係標題寫，但又唔想倒佢米，本身係好食，唯有係度講：「麻煩

去長洲一定會留意到呢間麵舖 因為佢好近碼頭而且佢嘅裝修有啲特別由於我去嗰日天氣太過好熱 所以我冇去平時去開係室外坐嘅面舖而去咗呢一間度食我叫咗佢嘅魚蛋河，清湯的確係清，魚蛋係幾好味既，但我覺得佢d河粉比較厚整體嚟講我覺得三十幾蚊一碗比較貴

去完蓮香，我地行左上PMQ，再去埋大館，然後就去長洲啦！去長洲點會唔食魚旦呢？之前已經講左我一定會食甘永泰，咁今日當然都有啦！ 不過無幾耐前講過，今次介紹呢間我比較鍾意食既長洲張記既魚旦粉!佢個粉麵底無咩野，個魚旦同甘永泰唔同，但都係魚重過粉! 佢既撈粗亦好好味，而且佢份量唔算冠(以遊客身份黎講ok，因為可以再食其他野,以local黎講記就會唔飽囉XD)佢既魚旦粉係會附送一隻炸雲吞，點解?無深究過，但其他好似係無既,可能係想你叫囉！可能今日天氣好熱，胃口唔算好好，我地本來係想試漁樂既其他野，但最後都只可以好似上次咁只飲佢個魚湯!

是日同朋友黎長洲一日遊，覺得食小食唔夠飽，想食少少粉麵墊肚，於是揀左呢間係落船位行兩步就到既麵檔，原來呢間野都好有歷史啦，記得好耐以前黎長洲都有食過呢間麵檔，果時仲俾人安排上二層，要穿過有歷史既窄樓梯先上到去，不過今次就俾人安排坐地下。比起以前食真係貴左好多，雙拼係三十八蚊，始終長洲都真係多左好多遊客去，所以由以前細個食既街坊價變左而家既旅客價。甘同朋友一人叫左一碗雙拼麵，我叫左牛筋雲吞河，佢牛類餸都會加左腩汁，因為有朋友唔食牛所以問左店員，話唔係牛既湯都係魚湯冇牛係入邊。雖然價錢貴左不少，但碗麵都冇咩變，都係幾好食，而且我最中意係佢既辣醬，餸麵一流，牛筋好腍有咬口，雲吞比起以前細隻左冇甘多餡，令人有啲失望，湯底都係甘唔錯。叫左油菜share，二十蚊一碟，只得生菜揀，汁就有3種，腩汁、蠔油或豉油，我地揀左豉油。一碗麵細細碗份量唔算好多，食完墊下肚仲有quota出去掃街。

之前黎長洲食過好多次張記，今次入到黎見到店員完全唔同晒，心諗唔通賣左盤？我叫阿姐寫魚片河，阿姐答我魚蛋河咪有魚片囉，友人幫我答阿姐「佢想要淨係魚片呀，你寫魚片河啦」，友人跟住叫魚蛋麵，我見張單寫住魚蛋河、魚片河、魚蛋麵，我同阿姐講我地要魚片河同魚蛋麵，無魚蛋河呀，阿姐話唔係呀友人叫左魚片河同魚蛋麵兩碗嘢食🤯，我再解釋多次我地只係叫左兩碗嘢，佢好難以置信咁樣。所以呢，點菜時真係要小心佢地點寫單呀。

放假，同屋企人去長洲半日遊，hea吓。入到長洲，第一時間梗係去張記。每次都必食佢嘅魚片同魚皮完全食得到魚嘅鮮味。魚皮完全係新鮮炸，就算浸咗湯成分鐘都唔會"淋"，勁有咬口今次未食早餐就入去，仲可以試埋佢嘅魚蛋。食落比魚片更加鮮甜食魚蛋粉，點可以唔落辣椒油！無記錯佢啲辣椒油係自家製，同出面大部份嘅死辣唔同。有好香嘅辣椒味下次入嚟一定再食過！

見去過咁多次長洲都未食過佢就入去試下叫雲吞撈麵同魚蛋墨丸河佢用魚湯底 都清甜雲吞係自己包嘅但就略細粒魚蛋係用魚肉整 但略腥反而墨魚唔錯但佢潮州口味有蔥我就唔岩試埋辣油 都好辣佢個豆漿幾香豆味

每次到長洲當打底也好，必吃也好，一落船都會先嚟張記食碗粉麵。大大個牌楝喺門口，絕對唔會睇唔到。 今次好好彩唔使排隊✌淨係望到個湯底已經感覺有幾濃味，豬手入味夠淋， 容易吐骨亦有口感。牛筋腩唔un唔散唔鞋口。滑脫脫得筋感覺足夠骨膠原。無牙都咬得郁!姨姨介紹我哋一定要試佢哋嘅辣椒油撈粉食😊究竟因為肚餓定係好味，總係覺得唔夠喉。 再加一碗餛飩! 以為碗湯咁清就冇料到，你就錯了😊外皮滑，內餡蝦爽彈，入口鮮香， 食完一隻又一隻。食完仲想食，但係要掃街就忍一忍等下次再食。

去長洲玩多數掃街邊小食，好少真喺坐鋪頭食正餐。不過哩間張記喺長洲都頗為有名，所以都值得一試。望望餐牌其實價錢都幾貴，一碗普通粉麵都要三四十蚊仲唔包飲品。不過無計，旅客區又有少少名氣，幾貴都總有人食。最後我哋點左碗魚蛋魚片河同雲吞河。望落去碗麵平平無奇，但喺食落又真喺幾好味。首先喺佢個湯底好清冇味精，飲落有魚香味。河粉就煮得岩岩好，好爽口。魚蛋同魚片就超級彈牙，好香魚味，相信真喺用新鮮魚肉打製。雲吞就皮薄餡料夠新鮮。不過份量就少左啲，食一碗真喺唔夠飽。不過作為遊客嘅我都喺一件好事，咁先可以食多啲繼續掃街邊小食。#留意返哩到每位最低消費$20。

玩完一輪又有啲肚餓啦 同男朋友去試吓呢間幾出名嘅魚蛋雲吞麵先！🤔🤔我哋叫咗個手切肉鮮蝦雲吞麵+淨魚蛋share☺️淨魚蛋男朋友就好鍾意食 因為真係用魚肉手打嘅 果然係真材實料 不過入邊有啲碎骨🙆‍♂️ 但係都幾彈牙又好濃嘅魚味🙆‍♂️🙆‍♂️ 我就覺得腥左啲🙈 所以畀晒男朋友食🙈😝😝 手切肉鮮蝦雲吞麵就有少少菜甫係面 幾潮州式嘅煮法💁‍♀️ 雲吞皮都幾薄 麵都幾爽口嘅 整體都合格💁‍♀️PS. 佢嘅辣椒油都幾香 落幾滴已經夠辣啦🤣

媽咪話好耐無去過長洲,今日天氣咁好,一於就帶媽咪去行下,食下野啦...一落船媽咪話有少少肚餓,咁就同媽咪去試下呢間老字號嘅魚旦粉店啦同埋間店舖離船站又好近..但可能太多人,人手又唔夠就要等得耐少少..牛肚魚旦粉,份量唔算太大碗,魚旦真係好爽口彈牙,牛肚煮得又夠淋,又入味,加埋腩汁嘅湯底幾濃郁,幾好味,河粉又滑..雲吞魚旦粉,湯底幾清甜,雲吞就唔算大太粒.皮都幾薄,但入面就無蝦,得豬肉餡,而且啲餡覺得少左啲.