長洲張記

營業中

休息中

今日去食魚蛋粉還叫一杯檸茶，但杯茶到時，茶質酸，成杯茶反咗，同佢講叫佢換一杯，變咗換杯水咁，因為都無換過，只倒咗小許茶加水比返我，跟本就無味，呢間嘢，越來越差，下次都唔會再去！

長洲的張記，已記不起多少年沒有來過。對上一次還是那些年讀書的時候，小人和同學們來租渡假屋的日子。今次是探完朋友，連甚麼街食大魚蛋炸雪糕都一一略過，一心到來尋找昔日味道，喜見店舖還在，就吃碗麵才上船吧。多年前吃的是牛丸魚蛋麵，多年後也是叫同樣的牛丸魚蛋麵。雖則湯底淡而無味，但神奇地加些辣椒油竟會提升味道。牛丸依舊彈牙，魚蛋仍然爽口，兼且調味適中，但丸子都細粒了很多。其實除了丸子之外，小人也很喜歡這裡的麵條，好像特別爽煙靭似的，不過亦細碗了不少。可能這些年來小人大食了，以前吃得飽的，現在卻未能滿足呢。

生為一個香港人, 而又多次踏足長洲, 但我真係第一次光顧「張記」。其實來到長洲, 都會食好多街邊的小食檔, 甚少去食麵店。但因為當天, 可能個人太攰, 想揾個地方休息, 坐一坐, 所以選擇了這一間老字號。就眼所見, 地方也算是乾淨了。牆上面, 很搶眼的一個警告標示, 令人幾不舒服... 雖然長洲近年來, 幾乎每到假期都份外多人, 而內地旅客又的確不太守規矩...但每樣外來的食物收HKD 10.00 都不是太合理吧? 因為不想食得太飽, 所以我同肥膏都無叫麵, 怕食吾到更好味的小食。我們都是點了一些丸同雲吞, 過一過癮。肥膏的牛丸墨丸兩隻丸都幾好味, 有水準, 不錯不錯。我的墨丸雲吞墨丸有咬口亦都有少量墨魚肉, 真心不錯。另外就是雲吞了, 其實我個人對雲吞都幾有要求...食落口, 岩吾岩我嘴型一啖就知。而「張記」的雲吞不是我喜歡的, 因為太多肥肉之餘, 味道好咸。忘記食了多少錢, 但回一回氣之後, 又再出發去覓食長洲了!

因為有一段時間冇來過長洲，見到都開左啊少新嘅食店，但又怕週末人多，於是專登搵左個平日，同幾個朋友一齊黎。興致連連，大概中午時間黎到，喺附近繞了一圈，食左啲小食。因為肚子餓了，就想搵間餐廳坐坐，順便休息一下。一行四人對海鮮冇太大興趣，於是繼續往前行，黎到張記，友人話，呢間張記都挺有名的，雖然我未聽說過，但因為我都幾鐘意食魚蛋、粉麵，加上見到店內客人唔多，於是定下來，心諗食碗粉麵唔需要好長時間，可以好快繼續行程。坐低嘅時候係2:30pm，我地就睇下食啲乜。不消一會我地就點單後，相信前後不足5分鐘。點單後，分別有4人同6人嘅客人前後腳入黎。佢地明顯喺我地之後點單。我地眼光光坐左20分鐘，都有啲疑惑，點解喺我地之後人黎嘅4人遊客，都已經有食物，而我地比佢地早下單，但仲未有得食？本來正考慮著要不要問一下店員，見到後來嘅6人都已經陸續上麵，於是朋友好聲好氣問一下啊姐：姐姐啊，我地會唔會係漏左單？黎得長洲食野，行下，我地就抱住悠閒嘅心態，唔係話下下都催，問心，真係向你詢問一句。啊姐好有霸氣：唔會漏單，因為我地順單做的！下？啊姐你好意思嗎？我地喺你食緊飯嘅時候入黎點單，你都食完飯，我地都仲未上一碗麵。

相信去過長洲既朋友都有去過係碼頭既張記魚蛋粉。呢間曾經極具人氣既魚蛋粉，因為彈牙既魚蛋見稱，但今日既拜訪，感嘆呢個老字號已經大不如前。各類粉麵價錢已加到同市區咁上下我點左一個豬手魚蛋撈幼麵（$36），魚蛋仍然保持彈牙，但size細得可憐。豬手不夠軟稔無味道。重點份量太少，食完更肚餓$36呢個價錢實在有點貴。至於男友點既牛腩河份量更少，一個正常男性根本無可能食得飽牛腩又靱，腩汁不夠以前濃及香,失望。

唻長洲，永遠只得一個目的：食！ 今次帶埋個仔同朋友共2個家庭唻玩水玩沙，無疑令「食」呢個節目大大受阻，所以只去咗我最掛住嘅張記 食魚蛋墨丸河、糯米茲同燒魚春。 片頭墨丸河 其實我係想食魚蛋墨丸河的，不過最後轉咗。 份量細細地，但適合掃街人士。 墨丸依舊爽口彈牙，非常好食 但可惜片頭就一般，麻麻地，有ｄ失望。 另外要提嘅係，佢嘅辣椒油真係好正！辣得唻唔太搶喉！ 而且服務很好，去的時候仔仔瞓咗係bb床，都即刻執咗枱俾我地慢慢食。 有去過張記都知間鋪幾細，我地4大2bb都俾哂成張枱我地，令大人可以安安樂樂咁食呢！ 長洲張記 長洲海傍街83A地下

長洲之旅我地一邊玩一邊食都食左唔少街頭小食 見有點攰，就來這間張記坐低食個麵！墨丸河粉小小的一碗 份量確實不多但剛剛好夠醫肚又可以留肚出去再掃街 河粉 夠爽、不會煮得過腍最怕食到像麵糊一樣的河粉⋯墨丸 爽口彈牙 如果有多幾粒好喇🙈加埋菜脯好好味丫不用$30就食到長洲張記依間次次都坐無虛席的小店好抵丫！下次可以試下招牌菜魚蛋粉

衛生一般，味道普通，無服務態度可言。最令人難忘的是我們本已搭枱，一枱五人，後再大聲叫喊我們讓出位置，話：「我依家要有兩個空位！」，尤如欠左佢咁......食物來的時間慢，叫了個雲吞河，雲吞小粒，麵條較寬，湯底清淡，有若有若無的魚味，家人叫了魚片頭河，魚片頭鹹而硬，份量不多，食量大的未必足夠，食到尾河粉頗容易碎，我家樓下河粉舖都比佢好味。今日天氣晴朗，人多，接近天后誕，但舖內未至於爆滿。如此態度，覺得不能接受。因此不會再光顧

-PART II Food hunting at Cheung Chau-Cheung Kei is on part of my *Cheung Chau To-Eat list* tooOld-school traditional HK noodle placeIn love with their chili oil! which is the SOUL when it comes in with Chinese noodles and fishballs!(Crispy fish skin is highly recommended too!!!)OK~ and time for some dessert now!Catch later~

還記得第一次來長洲的時候第一餐就是張記 那時候真的很不錯於是張記就變了每次入黎必食嘅地方今日再一次黎到 魚旦不旦腥 還有點好似骨的東西4粒我吐了2粒湯底 加了腩汁仍然清淡無味倒左好多醋都蓋吾過魚旦嘅腥味價錢亦吾係平真的不會再光顧 老字號？不再。

老字號？可能以前好，但現在真的很差！一個墨丸撈麵$36（外賣），麵，極少，且有刺舌的䶨水味；墨丸，4小粒，是彈性強，但毫無墨魚味；湯......無！撈麵無湯，你賣什麼「老字號」？舊式的雲吞、魚蛋麵檔中，必然重視的，就是湯底，但你居然撈麵唔包湯，服無味道（只有䶨水味）、無水準、無份量⋯⋯咁點解仲要幫襯？除非你同我一樣，比「老字號」3個字騙了

對長洲人生路不熟，係 open rice 見到依間似乎唔錯，衝黎試試先，當係食晚飯前既小食啦。步入麵店，又會只得三四個食客咁少既？六點未夠已經預備拉閘收檔，發現由樓面到廚房全女班，阿姐阿姨阿嬸睇場。食少少野就去搵間飯店食海鮮餐，原來魚蛋先係張記招牌菜，錯晒添，無食到！見個個食客都叫魚蛋囉，有緣再見吧。淨牛丸墨魚丸走蔥，魚湯底特濃勁鮮甜，比起大埔學利更利害呀，甜美可口，成碗飲晒！ 近海魚獲新鮮又豐富所以非一般好味？牛丸牛味濃又肉汁旺盛，微滑帶爽。墨魚丸香甜可口又帶鮮，真材實料，心滿意足。牛腩麵走蔥，牛腩其貌不揚又有點碎，好有屋企 feel 喎，屬清湯系。質地鬆化軟棉，不乾硬亦無渣，味道清新帶甜。搭上香噴噴濃郁湯底，並不是浪得虛名，果然食得過。一眼睇落辣椒油就知有料到啦，好野黎架喎！香辣無比，但又散發著微弱甜味，輕輕食得出麵醬香氣。將辣椒肉掛滿麵條，大啖大啖連湯帶麵盡啜入口，爽彈香甜極致，堅好食喎！

一碗好食的魚蛋麵絕不簡單，湯底無味精味，有微微大地魚香，魚蛋彈牙好有魚鮮味，墨丸牛丸都好食。值得一提係個炸魚皮，正宗門鱔味道，超香，超鬆，好硬身，浸湯都唔會霉，現在好難食得到。

兩年間光顧了近10次，還記得第一天的味道！好驚喜，真感動，招牌魚蛋和墨魚丸跟港九新界的味道果然有分別，山長水遠入長洲都值得！我當然不是所謂皇帝脷，純粹憑個人感覺：覺得魚蛋的確足料用魚肉去整，那種彈牙入味的口感，實在深刻。墨魚丸亦似乎沒有加入其他肉類，亦能夠食到有粒粒黑魚肉。就連魚皮，都食到內裡有經過特別製法。其他例如、牛筋、牛腩、牛丸 等，老土都要說句「其他地方吃不到」，自此就經常光顧。可惜，踏入2015年，發覺問題出現，而問題都非常之大，只光顧了兩次，受夠了。今年3月去食，跟女友二人各叫一碗雙併粉和一碟魚皮。滿心期待之下一食…嘩！究竟是甚麼味道？！魚蛋不彈牙，冇味；墨魚丸不見墨魚，冇味兼似食粉團；湯已加腩汁，但依然淡的；河粉冇味，似求其淥熱過數下就上碗；魚皮，應該不會出事吧，怎料味道腥而不香，不脆而且未浸湯已變淋。埋單竟然發覺加了價，如此一吃盛為HKD$83。（$25+$25+$28）老一輩說的「食完背脊骨落」就是這個感覺。給它最後一次機會，5月去食，真的，肯定不是錯覺，一食就知道已經完全「今時不同往日」！湯底、麵質、招牌魚蛋、出名的墨魚丸，全部失敗！以前好味到感動的味道 - 完.全

店名：長洲張記地址：長洲海傍街83A地下好味指數：8.3／10價錢：$23魚蛋河魚蛋河湯底鮮甜，配料有魚蛋和魚片，兩者均鮮甜且爽囗彈牙。河粉幼細嫩滑，配上蔥花和冬菜味道更好。