長發海鮮酒家 (已結業)

驟雨來臨，突然想起食吓火鍋，早排經過鰂魚涌，見到長發推出｀任飲任食火鍋＇！今晚去試試，星期一至四價錢＄158全包，假日加＄10。都算合理！入座後發覺飲品系細樽庒可樂，雪碧……啤酒都系細樽青島light 添都算少少驚喜！至於食物都系例牌果Ｄ啦……肥牛／鲜蝦／脆鲩等等！值得壹提就系每款食物都好新鮮，而且永不漏單，不像其他任食火鍋般，叫極都無或者Ｄ丸子未解凍就擺上枱俾人食！至於每碟份量不多，但系逢叫必到這樣才是保持質素的不二之法。火鍋質素整體喺物有所值

舊年年尾第一次去食佢嘅蒸氣石鍋，印象唔差，自嗰次後，間中都去食一次，每一次都好好食，係我食過嘅蒸氣石鍋中最好食！但唔知點解個場成日都係小貓3﹑4隻，所以我要同大家推介吓，利申：我無股分，又無佣分㗎呢張菜單係上一次影，今次無影，分別只係多咗個北寄貝價錢無變Serve 我哋個阿姐食到熟晒，佢控制火候控制得好好，阿姐其實係經理，佢話老細講明，唔新鮮包換每次上枱嘅海鮮雖然已經劏好，但隻隻都仲會郁，好殘忍款款都好大隻，鮮味到唔停得口，可惜掛住食，淨係隻蠔記得影相我最鍾意就係隻鮑魚同貴妃蚌，鮮甜度爆登，最後食嗰煲粥，又係非吃不可，集合所有海鮮精華近兩次去都係食498一位嗰個餐，睇落有啲貴，但食過翻尋味每次去都有coupon送，下次又可以用，真係好過去鯉魚門

一班中女走去酒樓食下午茶，個個大食積, 單食點心點會飽，梗要食d粉麵啦！我就叫左碗燒鴨瀨粉，瀨粉滑嘟嘟又爽口，湯底好鹹感覺成口味精，燒鴨都幾厚肉，但係食落感覺有啲蘇蘇地，乜胃口都冇曬。

經過一日不知所謂的辛勞工作後，放工後相約幾位同事一齊去打個邊爐輕鬆一下。其中一位自稱食左十幾年既同事話呢間野幾好。。。立即去試。到左晚市時段，正常百幾蚊邊爐仔好食極都有限，但呢間裝飾豪華的“十多年”老店更令人意外！一行人一上樓，天公做美，晚市都可以做到大半樓面也空空如也，侍應比客人多的佳景，不錯。坐下來填完食材，筆還未放下，“忙碌”的侍應急不及待收走order紙，還好由於食客數量不多，食材很快上檯。當大家像餓鬼投胎般搶夾完第一轉的食物準備放第二輪食材時，侍應以9秒9的速度倒了大半壺湯底到爐中，只吃了一隻蝦卻餓到半死的我只好暗笑侍應哥的風趣。。。ps.那裡最出名的任食生海蝦只上了十多隻就（賣晒），好不可惜。當然，百幾蚊貸仔不要有要求，其實這餐也算還可以，一般茶樓邊爐有的都有，像筋牛肉，爛邊生菜，苦味蘿蔔，在客人背後說經理隨時炒他而回家吊頸的侍應一，指客人未食完檯上食物不能再order而隨手丟掉order紙的侍應二。想想真是很平常，但還是想寫下來。令一眾喜歡看千奇百趣的人去試試看，發掘更多有趣事~

晚飯, 預早訂了檯 ....乳豬拼盤有乳豬、油雞、叉燒、燒鴨 及 海哲絲, 各款都只得六件, 溫度凍, 味道也相當一般 ~瑤柱扒時菜時菜--白菜仔, 味道清甜兼有菜味, 但有瑤柱的瑤柱汁, 竟然吃不出有瑤柱味 .... 真有趣 ~金鑽花姿球包含六件花姿球及六件炸鮮奶, 炸鮮奶炸得好大陣粟粉味, 花姿球炸到顏色較黑, 吃到有些彈牙口感 ~錦繡糯米飯 & 吉祥伊府麵糯米飯, 不夠香、不夠油潤、飯也不軟糯 ~ 伊麵煮得軟硬適中, 不油膩, 調味得宜, 味道頗佳, 乃當晚味道最佳的一道菜 ~本篇完 ~

是日與老伴行港島徑六段，乘二元地鐵往鰂魚涌，先在附近找茶樓解決早餐，見有長發海鮮酒家，就在此試一試。該酒家還算大，但見茶客差不多都是老人家，而部分侍應及清潔員工也是上年紀者，像是入了老人中心。整體服務還不錯。點了兩飯、一包、一粥。鳳爪排骨飯 $11.8鳳爪夠濃入味，排骨肉質幾好，蒸的時間剛好，唔覺得老，不肥膩，作為調味的豆豉、紅椒略少。飯用米普通，份量稍為少一點，收費雖然不貴，但香港不少酒家早飯都有特價，故收費亦不算便宜。鱆魚雞柳飯 $11.8鱆魚份量太少且略韌，要牙力夠先好叫。雞柳味道欠佳，好像忘記調味，雪得稍過，較為失敗。薑味雞包仔(孖寶之一) $27.8包皮鬆軟不糊口，餡料雖不多，且有點小，但肉質鬆化，食落還可以。魚腩滑雞生滾粥(孖寶之二) $27.8魚腩及滑雞都好味，但魚腩僅有一小件，雞是骨多肉少，明顯是雪藏貨。但粥底唔錯，夠綿，整體算是合格。 

今日(24-10-2015 Sat) 為男友o既正日生日兼佢養母出殯日,尋晚同佢一齊守夜,佢問啲親戚今朝要幾點到靈堂.佢o地冇正面回答,只叫我o地7點到長發酒家飲茶.我o地今朝就準時到達,但唔見佢家人,於是自己攞個位開茶食住等.我o地先叫o左$22.80o既早晨自選孖寶,要潮州粉粿同安蝦鹹水角,另一個係$13.80o既鮮竹牛肉球.等o左好耐,鮮竹牛肉球同潮州粉粿終於到o黎,鮮竹牛肉球size細啲,但見到啲料都幾多;潮州粉粿就正常大件.我先食潮州粉粿,但一夾黐住筷子同另外兩件,要男友幫手,放落個碗後找拎開筷子就爛o左 ,食啦,味道一般唔惹味,而且冇沙葛,個皮腍但重有少少煙韌.之後食鮮竹牛肉,口感都正常,味道一般啦.然後安蝦鹹水角到o黎,呢個熱騰騰脆口,五香味夠,OK.味道係2.23分而最後,只有養母同鄉會o既人o黎,佢家人就冇到.我o地為此兩個坐o左人o地一張8人枱個半鐘,重攪到人o地陀陀擰,真係唔好意思.環境:好新淨,連啲凳都係新o既,明顯係翻新o左冇耐.服務:開頭有個男部長好有禮貌同醒目,不過之後唔見o左佢,啲侍應o既服務明顯冇咁好,但都係唔差,差就差在啲傳菜麻麻.由於我同男友都嬲