開心餐廳 (已結業)

沉晚同屋企人食飯。去左呢間開心餐廳。好多年都無黎過。細個讀中學既時候已經係度咁多年都係咁抵食。又好味。我地叫左5個餸。鎮江豬排。沙薑雞。椒鹽鮮魷同2碟菜沙薑雞好好食。係個椒鹽鮮魷個粉怪怪地。不過味道ok既。

I used to dine here frequently when I was in the area.https://www.openrice.com/zh/hongkong/review/happy-restaurant-and-happy-food-e1913270However, decided to dine here again instead of trying something new and it was a bad idea.The gravy tasted really weird, it just tasted like coloured oil and the chicken wings were too burnt and crunchy.The black pepper sauce was also disappointing, it just tasted like peppery sweet and sour sauce.

說起荃灣，近日的焦點肯定是海之戀 （樓盤）。其實荃灣西一帶近年已發展成豪宅區，食肆也相繼upgrade, 方客不少喜歡去連所食肆的朋友。不過，其實荃灣舊區仍有不少地道食肆，例如是在華都中心的開心餐廳。看格局，華都中心應該是服務區內街坊為主，開心餐廳的裝潢簡單，估計都是做街坊客生意為主。在下午茶時段，點了一客日式雞扒炒公仔麵，雖然賣相不怎“日式”，但份量倒是十足，麵量多，當成正餐也足夠！性價比高之選！加2蚊配埋個凍檸茶（少甜），咁又一餐！

今天適逢端午節假期，一家大細行動，最後決定到荃豐商場陪老公買電腦，我自己又買了一大堆新的衣服，又有玩具，本是十分满足的，但最大難題是晚飯，四處也十分多人，最後無耐地回想起這地方，諗住求求其其，去到見到没有甚麼人，心諗都伏了，今日全日最失策，就係去到這食晚飯，結論係中伏多一次，連最基本的白飯都過不了自己，又菜頭加菜尾，無耐地回家食公仔麵，現時，好的廚師真係好難找嗎？!上次已經放棄左。下次提醒自己，切勿以身試伏!!

今日同朋友黎行街，行行下唔經唔覺已經差不多十點，估唔到咁夜都仲有地方比我地食飯。一坐低見到有個小菜套餐menu,我地決定一人叫一個小菜share食。每個餐有一碗白飯，一碗湯加一杯飲品，57蚊一個餐。豉汁排骨：即叫即蒸，所以等左20分鐘，但真係熱辣辣咁上台，好香嘅豉汁味一碟都幾大，排骨好入味，正！蕃茄蛋炒牛肉：牛肉都係有用梳打粉醃過，所以好淋。不過不失。咸蛋蒸肉餅：好味嘅肉餅，應該係手打嘅，仲要唔鞋又唔會太咸，一流！例湯當然係味精湯啦，但預左嘅。餐廳嘅員工服務好好，因為蒸嘅餸要時間，佢會問下d餸想一齊上定分開上，好細心。

這間餐廳於約半年前同老公行街無意中發現的，當時因為是星期日，而那個商場的食肆是很細間的，所以每間都要等位，之後誤打誤撞行上三樓，發現一間食西餐的餐廳(忘了名字)，看一看又要等，跟住行前小小，就見到開心餐廳，雖然都坐满人，但因為比其他大間，所以只等幾分鐘就有位了，那次是第一次幫襯，小菜套餐，五六十元，有湯有飲品送，我們倆口子叫了一個蒸肉餅、另外一個好像是京都豬脾仔、跟住一碟蒜蓉炒菜…上菜很快，但絕不馬虎，老公和我的評價都是覺得，絕對超越了大多茶餐廳水平，佰幾蚊埋單，性價比特高，自此之後，基本上我沒有煮住家飯的日子(一星期約&、5天)，都是跟老公到此一吃的，有時選小菜、有，，選碟頭快餐、有時選西式的焗飯或扒飯、湯飯……等等，值得一提的，這裛的雞扒也是值得一試的，而且小有失手，此後…有時和姐姐在商場內美甲完，都會帶她和姐夫到此開餐… 可惜前兩天，老公出國工作，我就帶奶奶到此吃晚飯，一邊行還一邊跟他推介，誰知今次點了兩個小菜，蝦仁炒蛋和我最愛的蒸肉餅，我和奶奶每碟吃了一口。肉餅有異味，炒蛋超超超咸!最後聽到樓面阿姐話換了另一班廚師，再見了…下次要揾別處吃晚飯了

大前日(22-3-2014 Sat)要同男友落荃灣買o野,由於朝早食o左好多個包,咁就食個tea當lunch啦,問男友想食邊間?佢答牛下,我o地行到o黎,竟然執o左=.=”.咁佢就諗起呢間,好的.我o地o黎到都有8成滿,坐o係一邊卡位,男友要$32.00o既水餃雞扒米線,加$2.00飲凍好立克.我要$30.00o既吉列豬扒雜果沙律,加$2.00飲凍奶茶.冇耐,兩杯o野飲到o黎,我o既凍奶茶唔夠奶,只飲到茶味同唔滑,唔掂.之後男友o既水餃雞扒米線到o黎,水餃唔係廣式水餃而係北方水餃,令男友有啲失望;而我嗅到雞扒好香,試o左一啖,都仍juicy,可以.然後我o既吉列豬扒雜果沙律到o黎,豬扒算大件,但唔厚,雜果沙律唔係開罐頭o個隻,內裡有青瓜,蘋果,蘿蔔同椰纖果等,有啲誠意.件豬扒內裡亦都juicy同鬆軟,係合格o既.今次味道分唔計男友o個份.

尋日(20-11-2013 Wed)爸爸回鄉一日冇晚飯,原本叫埋爸爸同我,同男友一齊出去食飯,但爸爸又係唔肯,所以都係得我同男友出去食.放工後,我o地先決定去荃灣,我想食西餐,就諗起森美,去到華都地下o個間,冇開門,要人去二樓o個間,我即刻失望,因為我幫襯過o個間麻麻咋.我o地照上去,睇睇餐牌,好貴,都係唔食喇.男友指住呢間,我o地就行o黎,係我o地有次食過,o個次食評: http://www.openrice.com/restaurant/commentdetail.htm?commentid=2247028&tc=sr2&con=rvwer咁是但啦,唔想再行喇.我o地坐低後,男友要$36.00o既香芋臘味飯,有例湯,加$3.00要凍檸茶.我要$35.00o既楊州炒飯,加$7.00飲凍好立克.落完單,男友o既例湯好快到,係紅蘿蔔菜乾湯,男友飲o左一半後俾我飲,呢個好甜好好味,我差啲飲晒.味道: 5分之後佢o既香芋臘味飯到o黎,快到冇人有,無他,因為呢啲係整定晒,只係舀上o黎.男友人讚好味,我試吓,由於我唔係咁食臘味,所以只試芋頭,芋頭好腍,亦有芋香,但我食到啲汁好似有奶味,一般;不過

一日之計在於晨，能夠有一個豐富嘅早餐，能令我充滿動力，今日外賣左一碗 回鍋肉餐蛋麵 ，雖然我只係外賣，但麵質一D都冇林到，返而 恰到好處，還有最愛的太陽蛋……正！！ 回鍋肉的份量都很多，味道都很濃， 另外加多塊 吉烈豬扒,勁大塊，而佢D炸粉一D都吾厚，剛剛好！！！豐富嘅早餐只需要三十六元……好滿足！！！

我係Openrice呢度開佐account都有好一段時間，通常都係search下邊度有好嘢食咁啦，不過我從未寫過食評，呢次係我嘅第一次! 處男作呀 (笑)果日落腳食lunch嘅地方係位於 荃灣西樓角路170-184號華都中心2樓 嘅 開心餐廳。 我食嘅係5號餐， 甜麵醬茄子斑腩飯碟頭就夠大，不過味度呢?  話到明係「甜麵醬」， 不過個醬就鹹到封頂! 果d茄子又唔夠腍又唔入味，斑腩就正斗嘞! 又入味又有魚味又夠大件!  不過算啦＞ 大佬，30蚊咋! 午餐係有配餐飲/是日湯，我就揀佐餐飲-- 奶茶。杯茶唔係話差嘅，不過唔係太好飲囉，落得太多奶嘞!哈!哈! 我三十幾歲人，先至頭一次寫食評，我係波牛一名，寫得差，希望各位唔好怪我喎 (笑)

相信荃灣街坊,一定認識「開心餐廳」,老公說這食堂在此良久咯。餐廳佔幾個鋪位,空間算坐得舒適。我看大部份食客,也是吃客飯、粉麵的東西。和老公在下午茶時段,來吃兩個輕食餐。先來兩杯餐飲: 奶茶 (茶味好得個苦字,唔好飲)；利實納(超「足料」,極甜)。開心公司三文治餐$26。看去顏色沒常見的奪目,因為沒有菜、沒有吞拿魚、沒有芝士。但食味倒也不錯。或許是麵包烘得平均,每片也很香脆,同埋午餐肉及蕃茄也是厚切。清新/濃味/脆口,成件事成 好好的化學作用。日式雞柳炒公仔麵$33。好大碟,好咸,唔日式甜甜地味。是勁咸豉油味。炒野夠鑊氣,但炒麵味道唔得。飲品都唔得。荃灣太多選擇,所以唔會再來。

晚上仍舊留在荃灣搵食，但就無須太講究，茶記亦可。這家開心餐廳我還是首次惠顧，四周看看有什麼東西吃，見有碟頭飯，也可叫餸食飯，倒不如叫幾味小菜更好。套餐有跟湯，是霸王花紅蘿蔔湯，清甜，最緊要是溫度足。先有蒸魚，是盲鰽，這味當然是豉汁蒸，火侯控制尚算不錯；另有白飯魚煎蛋，夠熱，也幾香口；椒鹽豬扒，同是熱呼呼的，又香又惹味，只是肉味差一點，不過茶記有這水準，已經唔錯的了。加三蚊可配熱飲，就要杯熱奶茶，茶味是濃，可是奶的份量似乎少了一點，唔夠滑身。

是日在公司工作，沒有出外用餐，可是每天都要吃同一飯堂的飯盒，認真厭倦。趁臨近下班，便諗定去吃下午茶，於是決定了去就近的荃灣開餐吧！來到荃灣，首站便去了開心餐廳，原因聽食友說這裡座位寬敞。走了入去後，就看看餐牌有甚麼好吃，但是主要是下午茶。之後便點選了一客蛋牛治加熱菜蜜。蛋牛治上桌後，是一般茶記的三文治，初時還以為是罐頭碎牛，可是牛肉卻是很滑，不像是罐頭碎牛，蛋也煎得熟透，沒有蛋汁。倘若要比較，新香園的蛋牛治的水準比這裡的高呢！菜蜜一如既往，是沖劑的菜蜜，味道可以說是標準化了一樣。論味道這裡的三文治算是不錯，環境也真的很寬敞，坐也坐得很舒適。

想食嗰間泰國菜館結業了, 在毫無選擇的情況下, 嘗試走上二樓睇睇開心及森美的餐牌。 橫睇豎睇開心餐廳的鋪面較大、卡座較寬、食物種類與價錢已算大眾化, 齋以上幾點都可提昇開心指數一般港式炒粉麵飯, 價錢3字頭已有交易, 想食豪d?? 小菜飯餐都只需$4X-$5X, 豐儉由人。今次就叫一中一西的飯餐來嚐一嚐, 睇吓會否成為熊家的下一個飯堂福建炒飯$36 (配熱飲加$5, 凍飲加$7) ... 首先, 第一個印象是「好滿碟」, 那燴飯餸料落得正宗與否, 已不是一件重要事, 因為聽聞福建根本是沒有這種濕炒飯, 現在至少還有蝦仁、雞粒、草菇片、紅蘿蔔片作餸 急凍蝦仁爽口但味淡、雞脾肉切粒至手指頭般大小, 有調味但沒有雪味, 燴餸芡汁的鹹味適中, 好送飯那蛋炒飯底是香噴噴及熱烘烘的, 粒粒都炒得均勻, 鬆散而且蛋都會黏在飯粒上, 所以舀起羹飯可以見到粒粒飯身上都會帶點點黃黑椒牛扒煎蛋飯$33 (包熱飲, 凍飲加$2, 紅豆冰加$5) ... 黑椒汁香帶少辣, 而且有少許甜味；那塊西冷牛扒當然有被鬆肉粉泡過, 但總算還吃到有肉味；對熊媽來說那煎蛋就不ok, 扒爐煎的蛋似終沒有煎pan煎得香口脆邊,

今(21-7-2012 Sat)朝同男友起身後去食早餐,又去邊o度食呢?呢間啦?坐出面咪出面囉.o黎到,o岩o岩有張o係舖內o既邊位,就呢張啦.我o地叫o左同樣係$25.00o既早餐,男友要漢堡豬柳煎雙蛋牛油多士,我要燒汁雞扒煎雙蛋牛油多士,同樣加$2.00要凍奶茶.好快全部到o黎,飲啖奶茶先,茶味夠但’o鞋’口,淡奶落得唔夠.而早餐呢?我其中一隻煎蛋煎到全熟,另外三隻都係半生熟,即係呢隻失o左手?件雞扒唔大件,男友o既早餐就一滴汁都冇,只有蛋汁.我食雞扒先,燒汁有少少酒味但偏甜,雞皮唔多脆,牛油多士雖然只有一邊塗上牛油,但都比翠苑多.同樣係扒餐,睇價錢,佢同荃滋味係平$3.00,不過荃滋味環境好啲,份量又多啲,所以我覺得係平手;而食物質素都各有一樣唔係幾得,所以都係打和.