開花結果 (已結業)

區內有誠意的食店，希望盡快重開一直都算我們屋飯堂之一小區有健康沙律餐，正下午茶炸雞脾是即炸的蕃茄湯炸墨魚卷螺絲粉 我都好鍾意午餐的質素都ok其實好多野都好食的！！

甘筍汁甜甜地，幾健康，第一次飲，無草青味，香芒雞肉牛角酥就芒果太多，搶了雞肉味道。沙律方面，吞拿魚火腿沙律真無太咸，要飲汁解決，蘋果就好新鮮、香甜，相當唔錯。但食物份量似地盤佬，一定食唔曬！建議下次都係食多份水果、叫少款沙律，唔係會飽到拉肚子。

我住係葵涌十年……因為返工返得早，平時無得去開花結果（放工佢已經收左，所以有時會趕返去食），幾乎一放假一定有一兩餐開花結果。星期日唔開，所以係等到頸都長。早餐、午餐、下午茶都食勻，都未厭……我真係好鍾意呢間鋪頭。沙律餐係一定食，我試過癲到去堂食，再外買個餐返屋企做晚餐……不過我想提ge係佢ge午餐，其實都好好味，我意思係佢d飯餐……好味之外，我見到佢好用心整！Tea同早餐比，我就鍾意早餐多d。老實講，呢間鋪個老板娘同伙記都黑口黑面，說話冷冷的，但食開又覺得佢地無野！因為佢地真係好忙，試過繁忙時間去，根本忙到無停手。我從來無同佢地傾過計，但係可能因為我食得太密，所以佢地認得我，見到我會問我，「放假呀！」，咁先難得少有見到佢地輕輕一笑……（伙記同老板娘都試過，你可以想像到我食得有幾密……）老實講，唔係嘜野貴價餐，但我見佢地用心做，密密做……唔係個種會同你Social慢慢傾ge人，快手快腳做多幾檯客。街坊小店，目標客戶係我呢d單身返工客。見到有人講佢地態度唔好，我覺得唔係，佢地係有自己ge性格遮………至於食物質素……我食得咁密，都無試過食到唔新鮮……我唔覺得係我好彩……清潔方面我又覺得唔太差

之前係荔枝角食過呢間開花結果，果邊大間好多。合宜合道細間好多，所以每次都一定要等位。不過佢d野食又大份又好食，要等都抵既。大份到食唔哂😛生果好新鮮好甜👍🏻呢間餐廳食極都唔會厭，每次去都一定食牛角包🥐

想食沙律時會諗起開花結果🥙雖然地點唔近🤣·🥐白汁碎蛋牛角酥.開花結果.吞拿魚沙律（$47）一款包兩款沙律加餐飲既皇牌套餐真係好抵食！！牛角酥微暖夾住爆餡碎蛋🥚勁滿足.食完其實都飽左🤣吞拿魚沙律混合埋火腿.粟米～賣相唔討好但味道唔錯😜 開花結果即係鮮果沙律.超健康超足纖維食到想搵廁所🤣·🍝鮮竹墨魚卷蕃茄濃湯拉麵（$43）眼闊肚窄🤣已經1人1份皇牌沙律套餐. 完全食唔落碗拉麵😂落單時店員好好提醒我地份量好大架，但我死都要叫（想食條墨魚卷😣）仲好衰話大食仔肚餓🤣🤣🤣🤣🤣（👦🏻-🙄）黎到時我真係知衰😣最後黑洞大食仔唔浪費食物！食哂🤣😍佢話飽到上心口😂😂·📍開花結果葵涌和宜合道166號地下9號鋪

成日食啲下午茶都唔夠飽肚，嗌個包個份量得小小🥺🥺但係呢間餐廳就岩曬大食既我😋佢地既三文治🥪同牛角包🥐真係大份又抵，配菜既水果同包係一樣咁多🤤食完佢當食左正餐咁最主要係佢地既價錢一啲都唔貴，大約都係$2x-3x就食到大大份下午茶，有包有水果，啲水果仲要切到大大件咁擺到成個碟都係佢地既配料沙律多到好似唔洗錢咁，夾曬成個包都有突未食呢個包前會覺得芒果配包會好唔夾，但係食落又唔覺，甜甜地好似食緊甜品咁，啲芒果肉仲要勁多，一啲都唔馬虎丫

開花結果葵涌和宜合道166號地下9號舖朋友喺葵涌呢頭返工，今日出開黎探佢, 所以就帶咗我黎呢間小店食下午茶，講真呢到係坐得幾迫既，不過食物真係唔錯下午茶有好多選擇，可能呢頭近工廠區普遍價錢都唔算貴，幾抵食2個餐都好好味，即叫即整飲品除咗奶茶咖啡之外仲可以選擇加錢換台式飲品

如題抵食夾大件...印象中第三次來幫襯..行過幾次門口都有人龍...聽朋友話都抵食架..所以見唔使排隊就入來試試..果然係好抵食...很喜歡她得沙律其中一款係可以選生果...因個人不喜歡沙律醬...一般沙律係唔會選擇...此店有淨生果不用加醬實在太合心了...下午茶生果通常給你五款每款大概兩件...今次食下午茶$33 滷水雞脾加生果及熱飲...滷水雞脾味道幾好不會過鹹算大隻..生果有火龍果菠蘿蜜瓜木瓜西瓜...生果正常..呢個價錢CP值高..今次下午茶無影相...圖為上次的全日餐

餐廳樓面唔算大，坐得迫迫地，有個店員嬸嬸超好服務態度又好笑容！lunch time 會好多人食，要等位，所以多數我都揀下午餐時段去食，價位唔高，份量好足，品質都 ok 佢食物同埋飲品種類都有好多，之前飲過佢既珍珠奶茶都唔差，比我想像中之中好飲啊，不過就唔會好台式。沙律餐可以雙併，上次我食吞拿魚同碎蛋沙律。前者會有 d 咸，後者就非常好味！今次黎，我叫左鹵水雞脾併雜果沙律。雞脾好淋又嫩又入味，而且無雪藏味雜果沙律係桃+蘋果+椰果，好 fresh 既。同事叫左有芹菜果款沙律，就係微咸既味道，都幾特別，我見格離檯叫左香芋珍奶，都幾吸引，下次一定會再來試，因為價錢抵食，哈哈

正所謂冬天不努力，夏天徒傷悲更何況依家都差唔多夏天午餐更係要食得清淡d呢間餐廳真係好岩女仔食由其佢既三文治生果餐可以自選一款餡料 加自選麵包可揀兩款沙拉我今次選的是 黑椒牛肉配牛角包 加新鮮水果 同菠蘿沙津。 真係好健康 食完一定有便便lol

工作經常經過此小店，在同事的推薦下，一試便成為喜愛小店！中午時份經常很多人，因此多在下午茶時段過來，但建議不要太晚，5時多已準備關門似的！最愛點滷雞脾沙律！雞脾肉厚入味！沙律新鮮，有蘋果，粟米，椰果，桃肉！另外點了火龍果汁！同樣是新鮮清爽！十分欣賞這樣的小店，堅持用新鮮材料！要多多支持！

Happy Friday 想食好d，就諗住去据排啦！本來想食胡麻醬配豬排，不過見到$52就有羊架食😍😍就比個機會佢啦！羊架食落唔會太乾，又唔會太蘇，大大舊食到好飽飽朋友減緊肥，就叫左個沙律餐，一樣大碟又飽肚

今日同兩個小朋友食tea, 叫左兩個餐，麻煩佢比兩隻碟仔啦，佢居然比兩隻放熱飲既碟我，仲要又污joe仲成兜水，我呆左，個呀姐叫我自己抺，我問無其他碟仔架？呢d係放熱飲碟，不是用餐碟，佢話係呢d架喇，食到無一半，另外個餐都未到，佢大大聲又話要埋數個個要即刻比錢，大佬呀，咩態度呀。未食過一間咁差既。食物方面，我叫左炸雞肶沙律，雞肶唔熟，而d蘋果沙律「叔」架, 佢呢間無論食物態度真係超級差，勁嬲，永無下次。

在附近做野紅過哩間店，門面都算光鮮就被引左，跟住見到餐牌有燒羊架飯，諗都唔諗就要哩個，份量好足，對男士黎講都絕對夠飽，有超重羊既羶味，超鐘意，45蚊一碟絕對唔貴。

新開食過一次，係幾好食！沙律選擇多，生果沙律仲算新鮮，試過食蛋沙律好大份，夠食二餐，牛角包係熱既，脆的！連埋飲品都幾抵食！佢既魚湯米線亦有水準，湯係好飲，份量即算多，算抵食！但可惜，再食時叫外賣可以等足超過一個鐘，打電話問可以用好差既態度同你講出左啦！等多陣啦！知你耐都已經早好多叫！但都可以等咁耐！一間態度唔好，等咁耐既餐廳，幾好食都唔會再敢叫！明白食飯時間多單，但多單到要等超過一個鐘就唔多合理，希望佢可以改善下！