開飯主義

營業中

休息中

非常喜歡這家餐廳食物，價格植物及環境都很滿意下午茶特別扺食每次都開心來開心走。已經介紹了很多朋友，有空來試一下。這邊的芝士及焗嘢特別好味，有時都特登過來吃環境舒服好重要謝謝店員招待希望可以繼續保持價格及質素這邊的午餐下午茶及晚餐都有試過。晚餐都不錯的，雖然價格會貴少少。因為有朋友住附近，所以間中都會來吃東西。有時就出大尾篤遊玩，回程經過，都會來吃點東西。下午茶算很貼心，不會很早截單。外邊實在太多餐廳，提早很多截單，不讓人order...所以感覺這間還是比較好。ps,發覺這個apps的相片功能，需要一起初的時候 預先點選照片權限，打完食評後，再點選才能上載。否則的話 不能後加相

早餐叫咗農場雞排奄列多士餐，連埋嘢飲$50，份量不少。雞扒差唔多有成隻手咁大，煎得好香。奄列入面有火腿絲、洋蔥、碎蘑菇，口感好豐富，好味🤤多士都烘得幾夠，配埋奄列食好正👍🏻👍🏻大大份，食完晏晝都唔太肚餓🤣🤣

這晚在大埔墟搵食，選了開飯主義。店內食客不多，但有兩枱都是6～8個學生哥。點了兩份dinner set，一飯一焗麵包。食焗麵包也有送餐包，牛角包好軟熟。餐湯選忌廉湯，稀稠度剛好。吉列炸蝦雞扒飯蕃茄汁，賣相不錯，有兩大隻吉列蝦，下方有大大塊雞扒及西蘭花，還有芝士鋪在雞扒上，幾豐富！吉列蝦鬆脆，炸粉不會太厚。雞扒嫩滑有肉汁，還有芝士，十分滋味。蕃茄汁飯酸酸的，令人開胃。咖喱降霜牛柳粒熔岩拉絲麵包，焗麵包好大隻，內餡是咖喱，以芝士鋪面，還灑上芝士粉，伴碟有牛柳粒、沙律菜及薯角。牛柳粒稍稍乾身，焗麵包有塗上牛油烘烤過，富牛油香，牛油麵包蘸芝士咖喱汁來吃，好味又不會膩。薯角香脆，好吃。食物份量大大份，價錢又不太貴，難怪有那麼多學生哥光顧啊！

極過份與餐牌不符，因為餐牌吸引，寫用250ml浴岩拉絲芝士，結果得面一片，詢問待應，話係龍蝦湯，所以入面用龍蝦湯，吓，你又寫250ml芝士，唔要求高都起碼多少少，但又跟一碗龍蝦湯，應該跟碗湯，麵包入面用芝士呀，看圖食，都係中意食芝士叫，最慘兩個餐都係入面冇芝士，未試過咁失望。味道一般，仲要龍蝦湯難飲，最終龍蝦湯及入面有湯点過嘅麵包都冇食，再講海鮮，就只有兩粒蝦仁、兩條蟹柳、兩個小青口。總之中意食芝士千慢不要去。最失望一餐。

係大墟搵食，想坐好少少，唔想搭檯，都唔知有咩選擇。但因為未食早餐，點都要搵一間速食，剛好有位。呢間開咗好耐，但好似第一次食，被老媽喊排骨吸引咗😂坐低，價錢合理，選了鹹排骨轉公仔麵，原來仲有腿蛋多士可配，份量都唔少👍🏻當時10點左右，我點完不久，聽到鹹排骨賣曬了，好似好受歡迎，不過係特別嘅，其他地方未見過早餐有着呢款😂點了凍奶茶，好似比其他大杯🙈奶茶唔會太甜太淡，不過凍奶茶試唔真，下次點熱奶茶試試👍🏻鹹排骨嘅味道係食開嗰種，好好味👍🏻唔洗加錢轉公仔麵，當然唔係出前一丁啦。多士烘得夠燶，唔想要多士嘅話可以轉配牛角包。正體嚟講，性價比好高，可以再來。

星期六上午行山，中午落到去大埔墟公園仔附近搵食，午餐時段，差不多間間食店外面都有一條小人龍，我們行了一圈睇咗外面餐單，就選這間取票等候，等了大約十五分鐘就可入座。環境一般也較狹窄，香港地貴無辦法，價格不算貴，份量也足，食品賣相靚，但食材就好一般，味道未能與賣相同步。朋友點了口水雞飯，只是微辣，口水雞汁唔掂，雞肉有啲鞋。炸蝦雞皇焗飯 - 唯一優點就是熱辣辣，炸蝦脆皮厚，雞肉無味，我嫌米飯過軟。唔知係咪受嘈雜環境影響，連啲飲品我哋都覺得麻麻😅。

今日天氣好好，朝早去咗大埔慈山寺參學！出返市區到已經3:30，喺廣福路有好多唔同種類嘅餐廳，有魚蛋粉，蒸飯，刀削麵，等等唔同嘅選擇！但我依然係鍾意幫襯西餐廳，因為可以坐得舒服啲！而呢間餐廳亦都係本人經常幫襯嘅餐廳！因為佢嘅焗肉醬意粉係神級好食！！唔知大家有冇食過以前哈迪斯嘅牛肉醬意粉？佢嘅味道有八成相似，再加上意粉上面有勁量芝士，焗完出嚟拉到長長嘅絲！實在太吸引！講返今次，除咗叫肉醬意粉之外，亦都叫多咗份焗豬扒意粉！佢呢度嘅豬扒係非常之林，阿婆冇牙都可以食到！焗豬扒意粉同肉醬意粉嘅芡汁都有所唔同，唔似普通餐廳，洋蔥汁，茄汁，蒜蓉汁都係同一味道，同一顏色，呢一點真係值得讚！另帶一題，呢度熱檸茶嘅茶底係與別不同，有啲雀巢檸檬茶嘅味道！好香！整體而言，經過既朋友千祈唔好錯過呢間餐廳！

由細食到大嘅餐廳，估唔到變成咁😡因為坐近廚房位 廚師竟然喺廚房食煙 大叫到全間餐廳都聽到食飯嘅時間大概夜晚21:00樓面態度都冇乜問題好正常，叫咗一個焗飯、一個焗農夫包，本來都好期待之後21:15左右出邊又入咗一台客人有個後生嘅廚師喺入邊發脾氣，係咁大叫：好辛苦呀！救命呀！好攰 好掛住屋企張床呀 x你老母😡之後就開始喺入邊唱啲粗口歌 大聲到成間餐廳都聽到😂 同埋茶餐廳姐 都唔係喺廚房擔住支煙煮嘢食呀大佬😂真係cls架喎😂最後頂唔順 個飯返嚟到食咗幾啖 就即刻走🤮以後都唔會再幫襯🙏總結：其實做邊行都辛苦㗎啦，麻煩保持返基本職業操守🙏如果接受唔到不如唔好繼續做 辛苦自己都無謂😂

之前來食過幾次，覺得唔錯，價錢又合理。估唔到隔咗一段時間再嚟就中伏。叫左個雜扒黑椒飯，有啲飯係完全硬既，好似生米咁硬。個扒又超咸！另外叫左個芝士包配炸雞，個炸雞有好多碎骨，每一件都有，食食下有硬物，又吐晒出嚟，真係食到好唔安心兼噁心！以前覺得呢間食物比較特別，味道唔錯，而家係咪轉左㕑師呢？最基本令食客食得舒服安心放心都未做到，變咗貼錢買難受，水準差左咁多，今次後悔揀左呢間，決定以後唔食呢間！！！！

而家先openrice有得自取,同埋早餐平其他app平好多,早餐有D平到30蚊內都有,豬扒漢堡扒唔會太咸,唔會太味精,呢間餐廳咖啡係值得推介,比其他同類型餐廳好飲,有時會散叫一杯走添!

早左起身，肚餓咩？係大埔墟看到一間茶餐廳有好吸引的咖啡，就走進去試試啦。。。。食物選擇都算多，好似一般茶餐聽咁，有咩食就唔洗講啦，好多人都po 過了，又有餐牌。。。。但我是被咖啡吸引進去的，就想講下果杯咖啡啦，咖啡係咪多國什麼什麼咖啡豆我就真係唔知道啦，但係我個人感覺就頂頂頂頂多係。。。。。。。多國優質即沖咖啡粉最最最多只能說比較起其他既茶餐廳泥講係好飲少少既。但唔好有咩期望呀，沒有其望就沒有失望。

今日食台式魯肉咸牛脷飯，不嬲都鐘意佢啲魯肉，有陣黑椒香辣味，但唔係辣果種香辣，都幾惹味，不過啲牛脷就🤣😂🤣係好味好大塊，但感覺好原始咁同隻牛打茄輪🤣🤣😂😅仲要食到牛脷邊有啲倒勾咁😂😂😂

搬了來大埔 立刻四處搵食，找尋我們一般常常會叫的茄牛通。我們試食了幾間，都不合口味。終於找到呢間開飯主義。這裏的羅宋湯通粉 很合我們的口味，一般我們是叫外賣的。已經返兜了N次，老闆娘都已經認得我老公。試過叫其他食物，都不是我們杯茶。呢個羅宋湯感覺是真材實料，見到有蔬菜在裏面的，還有數片薄牛肉，是真的牛肉片，沒有醃製得很厲害嗰啲，值得一讚👍🏻希望品質一直保持落去，免得我們又要再尋找另一間餐廳的茄牛通 😆 我們很嘴尖的啊 😅

大埔墟食lunch, 行過呢間餐廳，見有好多選擇，入去試吓。餐牌密密麻麻嘅項目，港式、西式、日式、大碗飯、芝士溶岩類別等，坐底揀緊食咩嘅時候除咗睇午餐之外，我都順便睇埋下午茶有咩食，諗住下次試吓，嗰時侍應見到我睇下午茶Menu，就同我講：你唔好睇呢啲啦，依家呢個時間冇得叫㗎！”。我心諗……依家lunch時段，我梗係知冇下午茶啦，只係想睇吓你哋下午茶有咩食啫。我冇理佢，過咗1分鐘到又有另一位侍應同我講，”依家冇下午茶㗎, 睇其他嘅嘢啦！”, 妖……..李露媚呀⋯⋯睇吓咋，我冇話呢刻要叫下午茶，而家lunch時間我睇定啫⋯⋯係咪睇吓都唔得呀！好喇揀午餐，熱到冇乜胃口，但始終要食啲嘢，咁就揀咗”花膠無骨雞湯泡飯”, 希望有淡好少少嘅湯入口。上枱，份量正常，湯嘅顏色就夠喇，味道比例湯好少少，鹹味多個雞湯嘅味。雞件·有六件已去骨唔使吐骨方便👍🏻，雞肉都嫩嘅，不過就冇乜雞味；花膠·大約有六件，size一嚿一啖細細嚿，都食到有花膠嘅味，不過帶有腥味, 不過呢個價錢，話晒都有花膠食，唔要求太高喇。最後以一杯正常嘅凍檸茶，完成當日嘅午餐。

晚市先有咖哩麵包！充滿咖哩風味嘅羊仔扒配埋芝士同麵包一齊，啖啖滿足感，仲有salad同薯條，都係百零蚊，性價比超高焗飯底夠乾爽，吉列包住烏賊同黑豚肉，酥脆又超級彈牙，加埋番茄一齊食，特別鎹飯！