閨•家 (美基樓) (已結業)

今日收工入咗屯門搵朋友食飯，佢話淨係見到呢間舖頭都排長龍，可以試吓。感覺上唔茶餐廳類型嘅街坊食堂，大裝修就感覺比較年輕啲。就咁睇佢呢度應該主打湯水，每一晚都有唔同嘅湯，只要嗌飯餐就跟個細湯，但其實就咁買個大湯都只係$28。今晚嘅係五指毛桃淮山煲雞，睇落都好足料，而且飲落都冇味精。我哋試咗佢個招牌豬扒蓮藕餅飯，佢個豬扒真係醃到好入味，肉質都好腍。而蓮藕餅就唔係爽彈嘅口感，比較林身少少。另外我哋仲揀咗個醉雞麵，佢嘅醉雞係有骨嘅，不過就會俾咗一隻雞脾，肉質比較實，但係就唔夠醉。而佢嘅麵唔係普通嘅麵，而係甘筍面，所以味道好香。原本想試佢個紫薯面或者波菜麵，但係通通都已經賣晒，但係呢個甘筍面色落都有驚喜，因為佢麵嘅本身帶有點點甜味。另外我哋額外叫咗個手撕雞做小食，佢呢度嘅手撕雞係用麻醬撈，略嫌佢唔係好夠味，不過如果對口味清淡啲嘅人嚟講應該都唔差。佢呢度嘅嘢全部都冇落味精，而且價錢實惠，以飲湯來講性價比真係幾高。

之前已經喺深水埗食過佢嘅分店，印象唔錯，於是喺屯門見到，又再幫襯。午餐時間都幾多人排隊，我等咗十五分鐘左右先有枱，好彩今日無落雨。同深水埗店一樣有「見字飲湯」😆之前已經試過佢哋嘅手工麵，所以今次揀咗人氣推介香煎蓮藕餅配豬扒飯，豬扒醃得好入味，藕餅又食到粒粒蓮藕，兩個餸都好啱送飯😋而今日個湯係五指毛桃淮山煲雞，我之前已經想試，可惜嗰日唔係星期五，今次飲到真係好開心，果然好好飲！加$12嘅油菜好大碟今日我加油菜又加飲品，埋單都唔使$70，真係好抵食啊！

屯門區有新店要支持，平時食黎食去都係個d，真係太悶。由於我去個陣係五月，岩岩新開係人氣店，所以就叫外賣返屋企慢慢嘆，唔駛熱著排隊咁辛苦呢到價錢都好良心，五十零蚊仲包湯真係性價比幾高鹹魚煎肉餅豬扒飯肉餅質地偏淋，味道偏鹹左少少，用黎送飯岩岩好棒棒糖滷鴨飯見個名好得意就叫左黎試，個鴨肉唔老仲好入味，仲好sweet驚你食太多肉就比d沙律菜你，算係幾均衡飲食了 以出去食黎講麻辣雞腎個人覺得辣度岩岩好，幾香同惹味另外佢送左個湯，湯料十足，雖然出去食飯都難得可以飲到湯水。

屯門牛終於去左依間重開💛店啦，成日經過都見排長龍，今日都唔例外，但好在排左三個字左右就有位啦店舖主打無味精靚湯同家常菜，今次叫左豬扒紫薯麵同五香肉丁炒飯，豬扒冇落梳打粉或者鬆肉粉，但都一樣鬆軟唔會柴。炒飯就岩晒重口味人士，夠穫氣又夠料，而且飯粒較濕身，粒粒都上晒色。紫薯麵係手打麵，顏色賣相吸引，個湯底仲要有啲驚喜添，唔係普通清水味，而細心既店員會提你要盡快食，唔係索左湯就好快腍架啦。重點係個無味精靚湯，明顯好足料，又甜又潤喉，啖啖都有屋企既感覺（叫飯就會送，叫湯麵就要另外加錢了）🥢招牌豬扒紫薯麵 （$42）🥢五香肉丁炒飯+湯 （$48）

#閨家 💛之前睇杜生節目有介紹，都已經勁想食，今次預早去排隊先，又真係幾多人☺️馬卡龍粉紅色牆身配高級灰色梳化有種以為去咗cafe嘅感覺，仲有草草牆「見字飲湯」，係幾sweet嘅❤️ 好想講句「我返嚟喇」嘅歸家感！食物方面完全係高質輾壓一般茶記，真係要講句痴線㗎，收你$50一碟飯會送靚湯（冇味精㗎），啲豬排🥩明顯人手加工好易咬，蓮藕餅超級好味😋，豬軟骨炆得勁入味，點算呀咁好味，你叫其他茶記點做😂 個炸饅頭即叫即整，啲煉奶多到唔駛錢咁💕 手撕雞就冇其他嗰幾碟咁咁咁驚艷，都好味嘅✨ 不過下次我會叫多多多啲蓮藕餅🤤佢鄰近係戲院街，大家真係可以當飯堂咁食，係香港茶記中絕對係性價比極高嘅店🤫 📍 閨•家 (美基樓) (屯門)屯門河傍街148號美基樓地下A號舖🉐🌕🌕🌕🌕🌗➰#YouAreWhatYouEat·· ·· · ·#foodie #travelfoodie #hkfoodie #foodiehk #foodblogger #foodcam #foodchannel #foodies #foodpics #foodstagram #FoodieKirs #travelfoodie #trave

呢間野既沙爹牛都有D少貴...$40, 仲要唔跟多士.可能原本個餐食日本一丁, 成本打左入去. 我改食通粉都無我平D. 沙爹牛欠花生醬味. 牛肉厚薄OK, 份量都可以. 一片片, 唔係碎. 辣左少少 (我OK, 少少辣唔得既就認真考慮下先叫)咖啡, 係非常唔掂. 建議飲其他. 暫時唔會再回頭....呢個價錢, 好多 choice

今日約咗一位住屯門嘅朋友食飯，佢就介紹咗我嚟呢間餐廳度食，話性價比好高，而且健康之選。果然去到門口已經排晒長龍，無論堂食嘅都好多人，排外賣嘅亦都好多。咁我都相信佢有一定嘅原因先會有咁多人支持，咁排咗一陣就已經到我哋入去食啦，咁睇佢嘅餐牌都係主打住家菜。最吸引嘅係每一個餐本身都會附送一碗湯，令你好似返屋企食飯嘅感覺。咁我就叫咗個香煎蓮藕餅豬扒飯，我朋友就叫咗蓮藕餅飯，我哋另外在再加左一個海蜇手撕雞。香煎蓮藕餅好值得推介，我諗都係佢呢度嘅推介菜，在場所見都見好多人嗌蓮藕餅。另外個豬扒都幾估唔到嘅，個豬扒好入味，為咗佢豬扒我會再返嚟食。個手撕雞就一般啦我覺得個味可以再重一啲。個湯真係好似屋企煮嘅湯咁冇加味精，值得推介。

睇完戲，見有啲肚餓，咁啱對面有一間叫閨家嘅嘢有好多人排隊，多人即係好食啦！去排隊先。好，坐低睇吓有咩好食先！合掌瓜粟米猴頭菇老火湯，個湯好足料，飲落好甜，有粟米淡淡嘅香味，有合掌瓜嘅甜味，好飲！咖哩牛腩飯，一啲都唔吝嗇，有好多舊牛腩，而且大大舊，咬落好腍，咖哩好香，辣辣地，有椰香，正！柱侯牛筋腩飯，牛筋腩炆得好好，牛筋有滿滿嘅骨膠原，另外不得不提嘅係佢嘅蘿蔔，一樣炆得好入味，而且食落好甜，又唔會有渣，唔錯。食個飯後甜品先，炸饅頭配煉奶，饅頭炸得好脆，外脆內軟，仲要沾上煉奶，完美配搭！凍檸茶凍檸蜜，食完啲熱氣野，飲返杯凍嘢，爽

今日下午到這店食下午茶，食物超正，鴨腎超正，豆腐超正，波菜麵超正（這個麵的湯底是一絕），蓮藕餅超正，但感覺去了北極似的。三個人坐了中間枱位置，兩部冷氣風口對正我係咁吹。吹呀吹讓這風吹⋯⋯吹到我頭都暈！但係D食物就真係正到冇朋友，唔怪之得日日任飲何時段都大排長龍啦！正所謂香港地D食店只要是好味，一定有大把人嚟幫襯。請繼續努力，加油💪🏻！

手剁香煎蓮藕餅配紫薯麵 $45我想講佢係超級大碗麵，仲要$45勁抵。朋友夾滿左一個細碗比我，佢個大碗仲有勁多麵。果然餐牌介紹蓮藕餅真係出色，香口得來又唔會話好油。除咗紫薯仲有甘筍同菠菜，colorful得黎又健康。慢煮豬軟骨飯 $48本身係想試佢限量嘅豬手，但點知真係賣曬所以試咗去過慢煮豬軟骨，慢煮呢兩個字真係會吸引到我，食落去幾香藥材味，食得出真係真材實料慢煮，如果有機會下次想試埋豬手飯。飯佢係配左湯，而湯嘅類別佢有個表，有得睇返餐牌星期幾就係乜嘢湯。我哋嗰日就係山藥南北杏合掌瓜煲豬展，啱晒啲咁炎熱嘅天氣，我同朋友一致認為好有屋企嘅味道面同飯可以加$5要熱飲炸饅頭配煉奶 $20我見到餐牌小食話有一樣嘢我好想食，朋友懶神秘咁問我想食咩叫我講，佢話有樣嘢佢都想食。當我一講完炸饅頭嘅時候佢就勁大反應咁我都係想食呢個🤣我係炸饅頭控，去到邊都想食🤣🤣🤣佢真係好好食，仲要勁多煉奶啱晒我💓麻辣雞腎 $28幾香，食得出有麻油同辣油嘅味道。總括嚟講雖然舖頭細細，但係裝修好啱年青人去食，同埋味道有家嘅感覺，超級建議食蓮藕肉餅，如果下次經過我一定會再食。

香煎蓮藕餅豬扒飯 $50 飯除咗蓮藕餅同豬扒之外，仲有跟蔥油同酸菜。香煎蓮藕餅係軟淋淋冇咁實，味道方面正正常常；豬扒就睇過介紹係用人手揼嘅，好薄好薄所以口感偏淋，食落都有啲油膩。另外蔥油同酸菜，個人覺得有蔥油配住食都足夠，因為酸菜陣味同啲食物唔太夾，有少少浪費咗。整體而言，成個飯嘅味道中規中矩。唔知係咪因為唔落味精所以怕食物唔夠味，調味都偏鹹咗啲，再加埋嗰飯都淋咗幾多豉油落去。同埋自己睇太多網上食評，所以都抱住好大期望去食，食完反而覺得只係似普通碟頭飯，冇咩特別驚喜。不過老火湯真係幾好飲👍🏻而當日嘅員工即使好多客人都keep住有禮貌。

生於此根，歸於此根，無忘初衷，堅持初心！這就是此餐廳帶給我的印象，遺憾昔日還是小店尚在屯門時未有機會品嚐，高興已變成小型連所店後無忘屯門根源，歡迎帶著初心凱旋歸來，口碑如此好的餐廳決定光顧一試大約7點多到達門口已人頭湧湧，內裡座無虛席。以粉紅色為主色調的中式餐廳的確小有，但卻充滿一份溫暖、平以近人的感覺，牆上的壁畫畫著香港各區特別地方，富有本土香港風。天氣實在非常炎熱，佩服還在大熱天時在門口等待的食客，我決定外賣回家擺了豬扒為餐廳經典食物，當然是必點無誤，飯盒內一塊豬扒、二隻雞翼，梅菜配料、薑蔥及淋上醬汁的白飯。豬扒薄身大塊如手掌，肉質非常腍身，聽聞採用了雪梨汁醃製，雖然嚐不到雪梨味，但隱約浸出清甜味，而且香茅味香濃。雞翼味道正常，不甚特別，煎炸後保留到肉汁，略嫌煎得過龍，有點焦燶伴菜相似，同樣有梅菜配料，沒有薑蔥換上炒許沙律菜與番茄仔，蓮藕餅共兩塊。蓮藕餅大小如杯墊，咬下時嚐到蓮藕絲絲得口感，蓮藕絲剛好增加口感同時不會兀突，更不會影響豬肉質感，蓮藕絲與豬肉比例剛好，與豬肉連系著同時不會鬆散，當然蓮藕餅配白餅稍覺乾身，幸好有足夠油份減少乾旱感。原本飯類套裝跟餐湯，但數量不足未能派送，確

屯門新墟開了一間好多人排隊的餐廳聽說以前在屯門已大受歡迎之後搬到九龍再回到屯門我之前係未食過的不過試餐廳係我嘅嗜好加上最近迷上寫食評❤️排隊都要試一試😆😆😆😆排了十五分鐘左右肚子餓了加上餐牌食物琳琅滿目所以點了很多東西🐱香煎蓮藕餅豬扒飯 （連湯）$50份量很大，飯很多。豬扒飯係招牌菜。豬扒煎得很香但不會太乾。醬汁很特別鹹鹹甜甜的，很開胃。蓮藕餅係手打的，是鬆軟香脆的。蓮藕和豬肉比例很好，很可口。推薦度：👍🏻👍🏻👍🏻👍🏻🐱麻辣口水雞飯 （連湯）$48很驚喜！雞很滑，全部都係雞髀！上面的特製薑蔥非常特別！簡直有貴價私房菜的水準😍推薦度：👍🏻👍🏻👍🏻👍🏻👍🏻🐱山藥南北杏合掌瓜煲豬展 $0每日跟飯的老火湯都唔同。很清甜足料😍非常喜歡！推薦度：👍🏻👍🏻👍🏻👍🏻👍🏻🐱涼拌海蜇手撕雞 $38海蜇和手撕雞係很好的配搭，份量挺多。特製芝麻醬很開胃，不過手撕雞不夠滑，同埋明顯吃得出來是雪藏雞的味道。相比起來，厚興渝記的好吃很多🤔推薦度：👍🏻👍🏻👍🏻🐱油菜菜心 $12新鮮翠綠，挺大碟。推薦度：👍🏻👍🏻👍🏻👍🏻🐱 凍檸茶/凍奶茶$7大大杯，茶味足！推薦度：👍🏻👍🏻👍🏻👍🏻總結而言，係一間性價比極高的餐廳。茶餐廳

這店開張以來，門外都會有人排隊。曾食過早餐，下午茶2:30開始供應，趁週末可以試試。下午茶可供選擇的種類算多，今日未食午餐，點了手刴香煎蓮藕餅，紫薯手工麵，凍檸茶。落單後見旁邊食客飲檸蜜，問職員可否更改，如果來不及，檸茶也會欣然接受，結果職員很配合，給我送上一杯檸蜜。喝了幾口才發覺忘了拍照，少少少冰已溶掉。檸檬及蜜糖，一酸一甜是很好的配搭。麵身幼細，入口質感實在，天然紫色，紫薯與麵粉已融為一體，感覺清新。這裡推介的蓮藕餅有兩大塊，伴了酸菜。 味道清淡，滿滿的蓮藕。個人意見，如果加點蝦米碎或煙肉碎，不知會否提升味道。總體味道不錯，員工有禮，價格適中。缺點是要排隊等候入座，如能改為派籌會更佳。

之前喺炮台山分店食過閨家，今日嚟到屯門朋友屋企探BB，竟然佢屋企附近搵間新分店，當然要力撐黃店！😬地方方便，西鐵站過去3分鐘就到！星期六兩點幾都仲係好多人排隊，大概等咗15分鐘左右，店員好有禮貌值得一讚👍👍座位都算多，好大隻 見字飲湯，飯歺會免費送細湯的，完全冇味精🥳🥳點左豬扒蓮藕餅飯，聽店員講係人氣No 1😜豬扒大塊非常難入味，伴蔥油和雪菜，下飯一流，豬扒揼鬆之後更加鬆軟真係好味😋仲有餅好多一絲絲蓮藕啊，真材實料！另外點左棒棒糖涵鴨飯，呢個有驚喜有台灣口味感覺，入味！嫩嫩的點多個小食香茅雞翼，呢個正常水準！縱觀來講，真的很不錯，用心製作平民價錢！😊