影片
附加資料
不設外送
歡迎電話落單自取
堅尼地城卑路乍街西祥街分店
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
佢個地址啦，就係位於西環咁就呢間應該係佢哋嘅總店嚟嘅細細間乾淨企理嘅啲裝修係啲舊裝修店員嘅服務都好Nice嘅咁佢哋個上菜速度好快㗎佢呢度呢最出名呢就係食豬扒麵重可以配上海麵或者米線嘅佢哋嘅豬扒真係好好食～好入味另外呢如果想係到食辣嘅朋友呢呢度都要留意吓咁呢我就係食BB辣㗎咋食到都流晒汗呀如果想挑戰吓嘅朋友呢可以食中辣或者大辣 包你一試難忘我啲食得辣嘅朋友都係食中辣㗎咋都食到嗌救命呀 依間食過好多次可以一試再試
繼續閱讀
第一次嚟呢度食，叫咗豬扒酸辣米線，味道唔錯。令我驚喜嘅係店員嘅服務態度，真係好有禮貌，feel到係用心服務顧客，係而家嘅香港真係好難得🥲 不過店面比較小，唔可以坐好耐。我朋友食得比較慢，出面又有人排隊等位，所以店員叫咗我哋食完嘅人出去先（語氣好好，唔會有「趕人feel」）。如果想同朋友傾計傾好耐，最好揀過第二間。
繼續閱讀
食咗好多年，今日忽然間想分享吓！他們的水準一路都很穩定，特別是豬扒的質素完全冇得輸，近日叫多個小食試下，一試就愛上了這個炸韭菜餃十分脆口，好有以前街邊檔煎釀三寶的風味🥰
繼續閱讀
係附近番工 覺得呢間米線好好食 食過好多次今日難得同啲同事去堂食 如常叫番撈米線小辣點知係辣到完全食唔到.......明白唔同廚房師傅既手勢可能有啲唔同 但相差到咁又太過份了吧側邊同事更加唔食得辣 想話可唔可以攞碗湯溝淡少少 點知要收6蚊.. 勁細碗 係茶杯size...問佢有冇熱水 佢話淨係得支裝水😅😅😅請問正常廚房會唔會係無熱水？想講明明係佢哋廚房出品個標準不一我地只係想有個方法可以繼續食到個米線相信一碗湯或一碗熱水對一間餐廳的成本並不算什麼 可惜最後的結果完全係消費者無辜去承受決定以後唔會再食🙂↔️
繼續閱讀
<阿一豬扒酸辣米綫> 📍香港大學站🔸發現新大陸！！！🗺️ 好味到一星期翻啅兩次😋🔸手打鮮豬扒鬆化可口，食過返尋味 🤤🤤🤤Encore!!! Encore!!! 再Encore!!! 🤤🤤🤤 最近譚仔難食左，想食碗令人感到無負擔、零油膩感嘅米線，所以特登搵晚去西環試下呢間35年老號 😎✨ 薑真係越老越辣，多年來屹立不倒，果然有返咁上下水準！！！真味豬扒酸辣米線/上海麵 ($46) — 手打鮮豬扒，口感鬆軟，同時亦不失纖維咬口 😋 最重要係腌料唔會過鹹，冇肉鬆粉同豬蘇味。酸辣米線小辣，已經夠晒過癮 🌶️🌶️🌶️ 好比譚仔五小辣 🔥 味道平凡得來唔簡單。米線選用粗米線，口感實在，與譚仔不同。如果想再有充實啲，可以選擇上海麵 🍜精選白咖啡($14) — 似乎係馬來西亞手信啲白咖啡粉溝出嚟 🤣🤣🤣 十幾蚊黎講都算交足功課，唔會稀寥寥 🥤 用嚟解辣都相當唔錯。自從前幾日食過第一次之後好似上咗癮咁，今日帶埋朋友仔再翻啅 🤣 佢唔食辣都覺得正！！！難怪客似雲來，餐廳做到冇停手 ☺️ 我都衷心希望本土小店可以做得長長久久啦～ 題外話：唔知大家有冇覺得筷子筒十年冇洗好污糟，所以我永遠都揀啲筷子頭向外嘅筷子用 😆😆😆 Surprisingly 呢間餐廳，全部筷子頭都向外，咁我就唔洗揀筷子，真心有被驚喜到！！！（無聊小發現）
繼續閱讀
您可能會有興趣的...