阿一豬扒酸辣米線 (湖光街)

營業中

休息中

因為趕時間，肚又餓，路過見到剛好有位，就入去坐低叫個飯。店舖環境比較迫夾，座位擺得滿滿，背靠背坐，舒適度得差！手撕雞肥牛滷肉飯($56) ，不包飲品，水都無一杯，都算了。飯好快奉上，可以多飯，汁都夠。可惜，手撕雞，肥牛係白烚，完全無味，丁點鹹味都唔覺，完全無醃過，只係靠滷肉汁撈埋至有味。好失敗，既懶，又懶，除了用懶，真係無咩字能夠形容呢個舖！無人氣嘅舖，真係有原因的！紅磡區食店也不少，看看這舖能企多久！

又嚟到紅磡搵食，唔知食咩好，就是但求其入咗去呢間阿一豬扒酸辣米線啦！餐廳設計以木系為主，環境乾淨闊落～✨豬扒蘿蔔撈米線豬扒幾入味，蘿蔔唔算太腍，個醬汁令人覺得有啲似甜豉油撈米線～✨胡椒豬肚湯手撕雞娃娃菜紅薯粉胡椒豬肚湯味道唔錯，好重胡椒味，仲有少量肉碎！手撕雞口感比較乾，娃娃菜就好入味！最可惜嘅係主食揀錯咗，啲紅薯粉好似完全吸收唔到啲湯咁～✨香炸魚餅魚餅即叫即炸，口感彈牙～✨凍奶茶唔小心比錯咗凍咖啡，好彩店員好快比返杯啱嘅～

超級大驚喜，今日八號風球一落波，我落街搵完嘢食先返工，點知發覺原來呢間餐廳已經開咗門，所以就即刻入嚟啦，橫掂平時成日都要排長龍。今日除咗叫咗個豬扒蕃茄湯底麵之外，都加埋個手撕雞，跟餐都淨係加$15 ，好抵食，份量剛剛好，手撕雞都算幾滑，而且好入味，不過最無敵都係個湯底！

今日嚟呢間阿一酸辣豬扒米線食晚餐，見佢價格抵食 就排住隊入去試一試 坦白講等候時間就真係有啲長 見佢外賣部機不停響 就知黃埔嘅街坊都成日食呢間 等咗好耐終於上我嘅肥牛酸辣米線 食完之後都覺得值得一試 可以成日食👍🏻

經過咗幾次間舖頭，覺得環境都坐得幾好！雖然menu已經有幾個set好左嘅餸菜，但最後都揀左自選湯麵😛🍜自選米線$33 + 豬扒$10 + 蘿蔔$6豬扒我諗係必嗌⋯豬扒肉質都嫩滑多汁，蘿蔔就清甜爽口！麵底就轉左上海麵，份量都多，而且爽口彈牙！湯底就揀咗酸辣湯(BB辣多酸)，清清地而且有好多酸菜！🍜自選撈麵 $39 + 豬扒$10 + 萵筍$6撈麵個樣都勁吸引，每一條嘅上海麵都撈得勁均勻🫢 雖然揀咗多麵但係好似冇乜太大分別，萵筍就得四小片，呢個價錢嚟講有啲少⋯⋯🥢麻辣海蜇手撕雞 另+$15細細碗，不過海蜇同手撕雞都好足料！另外好想分享吓舖頭嘅花生真係好好食🫢

阿一好多區都有～味道都有出入炸豬扒酸辣米線大大碟～賣相吸引～酸辣湯味道還好不過唔夠酸～如果多D醋或者酸菜仲好味～炸豬扒大大塊～已經切開三小塊方便食冇咁論盡～不過好大浸油炸味偏深色～有一大堆西芹粒、蔥花粒令湯底更加惹味～店舖裏面有花生粒～可以自助領取～食幾多攞幾多不浪費～花生粒幾脆～不過好多鹽偏鹹～個人鍾意食比較淋嘅米線～煮得軟我都接受到好似全鋪得1-2位識講粵語～其他都講普通話～服務、食物整體都OK嘅

話說呢間舖頭正正開咗喺屋企對面，個門面睇落好似會幾好食，我又都幾鍾意食米線，所以就買咗個外賣。。。點知換來是失望要咗酸辣湯腩肉米線，點知買到返去發現佢嘅米線係偏硬，而且係硬到基本上好似未煮熟一樣，所以我自己又重新煲咗一次先至食，咁我不如自己煮。。。何必要買外賣呢。。。唉個湯底係正正常常，又唔係話特別好，真係好普通嘅酸辣味唔覺得佢有特別炮製過腩肉就都係一般啦。。。只可以話係一碗普通到唔可以再普通嘅米線