阿來泰式地道風味

營業中

休息中

之前好似嚟過呢間食，今日行路好肚餓唔使搵 想食啲屋企食唔到嘅味道，所以就求其搵咗間附近嘅泰國舖頭，又見到幾多好評，入到去法國午餐價錢實惠，但係當你想嗌啲小食嘅時候同埋細心品嚐，就知道佢用嘅材料非常不符合價錢，好似冬陰功湯咁，我哋嗌咗個大嘅冬陰功湯，入面有六隻蝦，但係喺好肚餓嘅情況之下食 都係覺得好明顯的雪貨 預咗係冇蝦鮮味，但係佢係個頭都半粒，啲腳又黑黑地，好似有啲明顯係下架嘅貨色，唔係好符合150幾蚊嘅價錢，成餐飯俾得最慷慨就係蔬菜譬如菇類… 就算咖喱海鮮收貴啲$86 ，入面都係得指甲咁大嘅 墨魚仔 泰式蝦餅成$78 ，都係得三件切成六粒嘅墨魚餅，雖然個味道OK，真係太少太孤寒！整體嘅食物都係咁，只有五$60嘅午餐係抵食！就算係海南雞，佢都不是太有滑雞嘅感覺，只有 雞髀或少少，雞胸比正常海南雞擦。。。環境我哋自己要求想坐上面，闊啲 但係就會變咗冇侍應服務，自己行去同佢落單個侍應竟然唔耐煩嘅語氣話有啲咩一次過落，佢哋放緊飯….雖然間嘢食嘅調味都唔錯，好似青咖喱咁其實我幾欣賞，不過整體就覺得價錢偏貴不符合食物質素 環境服務都係欠佳.. 係有獨立廁所呢啲唔錯 下次應該都唔會嚟食了

前幾日去咗阿來泰式地道風味，佢喺旺角地鐵站附近，好容易去到。入到去見到有好多客人，差少少就冇位，如果想食真係要早啲。還原餐牌覺得佢啲嘢食好似都幾抵食，價錢唔貴。我哋分別左一個雞肉青咖喱，飛天炒通菜，泰式Suki炒粉絲配海鮮，同埋炸蝦餅。嘢飲方面我哋叫咗一個泰式奶茶同埋檸檬梳打。先講吓個青咖喱雞肉，青咖喱個味道好濃配埋雞肉食剛剛好，好惹味。另外飛天炒通菜炒得好香口，亦都好好食。鹹到十分適中，值得再encore。另外泰式Suki炒粉絲都好好食，味道好特別，口感亦都好好，裏面有好多海鮮配料，粉絲亦都好夠，成個餸好飽。最後佢嘅炸蝦餅味道都好唔錯，最重要係好有蝦味仲好彈牙，亦都炸得好脆。嘢飲方面都冇咩好挑剔，算係好地道嘅泰式嘢飲。整體嚟講性價比十分之高，值得推薦，下次會再去。

2024.10.17今日放工同朋友係旺角行完街就去咗呢到食晚餐🥣因為餐廳除咗地點鄰近地鐵站🚉而且食物款式多價錢又親民💁🏻‍♀️今次我地兩個人叫咗⬇️💟泰式炒金邊粉 $68超大碟又夠鑊氣🔥仲有大大隻嘅鮮蝦🦐💟飛天炒椰菜苗 $68十分嫩綠爽口💚💟椰汁雞湯 $68/小兩個人已經好夠分😉酸辣得嚟好開胃🤤而且超多嫩滑雞肉同秀珍菰🍄‍🟫💟生蝦刺身 $88每次食泰國菜必叫‼️一碟有6️⃣隻🦐冰震🧊超新鮮爽口😊💟椰青🥥 $38超清甜又解膩🤍

約咗朋友去食泰國菜，位於旺角嘅阿來泰式地道風味。餐廳環境充滿泰國風情，服務員親切有禮，weekend晚上仲需要排隊，可以睇得出口碑好好，價格實惠超抵食，下次仲會去食～✨冬蔭功湯湯底酸辣適中，可以食出椰奶香，蝦肉鮮嫩，搭配香茅及檸檬葉，令人一口接一口。湯中還有好多菇，吸滿湯汁，口感嫩滑增添了層次感，不愧是招牌～有小份好適合一人食～✨泰式粉絲蝦煲粉絲吸收了蝦的鮮味和湯汁，口感滑順。蝦肉又多又鮮美，可以食得出好新鲜，加上香料的點綴，使這道菜更具風味。✨炒通菜炒通菜我揀咗唔辣嘅馬拉盞醬，色澤誘人。通菜超爽脆，馬拉盞醬的香氣四溢，讓整道菜品更加開胃，是配飯的絕佳選擇。✨椰青椰青清甜可口，新鮮清爽無比，非常適合搭配辛辣的泰國菜～仲可以食新鮮椰子肉～

餐廳位置就近旺角先達廣場，不論旺角或旺角東站行過去都方便，餐廳主打地道泰國菜，價錢貼地，一路食都keep住坐滿。我地一行四人，分別叫左二人餐(A) 和二人餐(C)各一個。海南雞例牌油飯有油香味，粒粒分明。主角海南雞口感滑嫩，雞皮油脂味濃郁，值得一讚無咩骨或碎骨，食落啖啖肉。咖喱炒蜆蜆肉大大塊，份量絕對唔少，配上咖哩汁亦係一大特點，建議可叫埋蒜茸包點咖喱汁食用，咖哩汁有少許的三色椒和薑絲，食落會無咁油膩。冬蔭功湯份量足夠幾個人飲用，材料都幾豐富，有大蝦、香菇、蕃茄仔等，正宗冬陰功湯底，香辣惹味，椰香味亦十足。泰式炸蝦餅外皮炸得香脆，厚度剛剛好，蝦肉肉質彈牙，附有甜酸醬沾點。青咖喱牛咖喱是泰式青咖喱，辣度適中，椰香味特別濃郁，配上牛肉片、洋蔥、四季豆等配菜，口感豐富，味道香口惹味。馬拉盞炒椰菜仔馬拉盞味道香可惹味，通菜色澤翠綠通透，通菜厚實粗壯，食落相當有滿足感。蒜茸炒通菜跟餐原先係通菜，但可要求轉椰菜仔，口味亦可選擇蒜茸、馬拉盞炒，口感較結實。青檸疏打 / 泰式奶茶

今次已經係二訪呢間泰國餐廳，應該係旺角最好食嘅泰菜，一到門口已經見到好多人排隊，絕對係性價比好高嘅一間餐廳，今次我哋分別叫咗唔同嘅菜式，佢另外仲有二人餐，但今次就冇叫到，我地分別叫咗泰式火山排骨、泰皇咖喱炒大蜆、泰式鐵板蠔仔蛋、飛天炒通菜、薄餅，每一樣份量都超級多，兩個人真係完全食唔曬，每樣都好好食，唔小心叫咗4人份。泰式火山排骨（$118）：排骨嘅size比想像中大好多，份量都好多，肉嘅質感軟淋，煮得啱啱好，配上佢哋特制嘅酸辣泰式醬汁，真係超好食。泰皇咖喱炒大蜆（$128）+ 薄餅4件（$38）：咖喱香口惹味，帶有甜味，唔會好辣，咖喱入面仲加咗雞蛋，配埋薄餅一齊食真係好夾，蜆肉大粒，好有口感。泰式鐵板蠔仔蛋（$98）：蠔仔嘅份量完全冇吝嗇，每一啖蛋都食到蠔仔，蛋食落口感都好滑，入面仲有芽菜。飛天炒通菜（$68）：通菜清爽新鮮，帶微辣，充滿泰式風味。員工好有禮貌，環境乾淨，上菜速度超級快，大件夾抵食，大推！

今日去開旺角藥房度買日用品行行下啲肚餓入咗一間食泰國餐廳醫肚餐廳光猛 ，乾淨企理 餐牌款式多午餐供應至下午5:30食午餐幾抵食蠔仔蛋飯份量夠大 蛋邊位外脆蠔夠大粒而且蠔嘅份量都唔少 配搭辣醬 撈落飯同蛋夠曬惹味性價比高 飯粒粒分明唔會係啲爛飯 夠哂飽肚加六蚊可以有特飲椰汁三色冰 加16蚊又椰汁西米糕 今日放假獎勵下自己order泰式生蝦擺盤精美 生蝦新鮮彈牙 地方就腳地鐵站行兩分鐘就到 價錢經濟 店員有禮 地方試正絕對係打工仔聖地

呢間泰國嘢已經第二次食啦！仍然係咁平靚正😍今次叫嘅嘢同上次有少少唔同，同大家介紹返～❣️冬陰功湯(小） $78標榜鮮蝦嘅冬陰功湯，酸辣味都好足！入邊仲好多菇～加上有三隻鮮蝦，唔係雪藏蝦！🦐每人都飲到兩大碗🥰超級開胃❣️馬拉盞炒通菜 $68基本上食泰國嘢必叫嘅菜，出品穩陣👍而且好有鑊氣🤯份量超多😋❣️泰式串燒 6串 $88豬同雞各半，如果有埋牛就更好～沙嗲味香濃仲食到少少花生粒串燒都好大串基本上食完都飽咗一半😂😂❣️鹽燒鯽魚 $148呢味餸上一次已經食過，因為實在太鮮甜太好食所以encore💕超大條魚啖啖肉😍基本上啲骨都好分明，唔使擔心有碎骨簡簡單單就咁鹽燒再點泰式醬汁已經好好食唔點汁仲食到魚本身嘅鮮甜味😋呢條魚其實成家人食都夠，但我哋兩個人都清晒🤣🤣不過都記住燒魚都要等返30分鐘以上～回頭率：5/5 食第二次就知啦😙

好耐無去過泰國了，媽媽約我放工出旺角食泰菜，止下癮。店舖都幾多人，去到要等一陣位。雖然舖頭唔係好大，但係店員都會主動比張凳我放背囊❤️好窩心。 另外我哋叫咗幾樣嘢之後，唔使5分鐘全部嘢食都嚟晒，覺得好勁，點解可以咁快，而且度度菜都香噴噴😍黃咖喱$78太菜，通常都有黃、綠、紅咖喱揀，個人比較鍾意食黃咖喱，因為會濃郁一啲，而咖喱類嘅肉類有牛豬雞同埋海鮮，牛肉係薄片，但係有好多塊，加上有青椒，洋蔥，蕃茄仔等配菜，平衡下啲油膩感，牛肉片切得薄薄的，令咖喱非常入味！而且份量好足，抵食！蒜蓉包四件 $38依個係必叫的！勁脆口之餘，牛油分布好平均，蒜蓉有點焦香味道，點唔點咖喱都咁好食！豬頸肉炒椰菜苗$78豬頸肉片有焦香嘅味道，帶一點彈牙，而椰菜苗比較幼嫩，相當有咬口。相信依碟菜，係由鹹魚炒成嘅，食落鹹鹹香香，十分惹味。椰汁三色冰 $25我哋都叫咗椰汁三色冰，粉條不會太粉，少許呈啫喱狀，椰奶味幾香口，而且不會太甜，沒有油膩嘅感覺。泰式炸蝦餅 $88呢個幾乎係我媽媽去親食泰國嘢都會點嘅菜式，佢十分滿意，炸得剛剛好,好彈牙，唔會死實實，而且唔會炸得好燶👍👍👍今晚我地食得好開心，食物美味之餘，服務仲要好好，仲

同朋友去旺角行街，行行下又到晚飯時間，見到呢間泰國菜好似唔錯就一於入去試吓😀環境企理舒適，坐低之後職員好快比左餐牌我地睇！服務有禮！兩個人叫左4 樣野- 泰式生蝦刺身- 泰菜必叫既小食😎生蝦大隻又夠凍，配埋生蒜，泰式辣汁，超有風味！正！ - 串燒沙嗲（豬肉，雞肉各半）- 一黎到見到沙嗲汁上面有花生🥜粒粒，個醬好香，豬肉雞肉燒得啱啱好，唔會過老，非常惹味，食下食下又一串，勁快清晒😂- 泰式咸魚炒椰菜苗 - 朋友話想試下泰式咸魚，所以揀左呢款菜！又係勁惹味，咸咸香香！菜好爽脆！泰式咸魚同我地平時食既咸魚差唔多，要黎炒野又幾香口喎！- 辣椒膏蝦頭油海鮮炒飯 - 開頭驚辣但又想試下蝦頭油，好似幾特別！ 黎到見到蝦好大隻，試左一啖唔算辣，好香好味，又係勁快食晒👍🏻最後仲叫左椰青、咸檸七！椰青係可以刮埋d 肉食！正！ 咸檸七都好好飲！呢間無意中發現既泰菜絕對可以再黎！👍🏻

約左好耐冇見嘅朋友一齊食飯，佢話想食泰菜，我即刻帶佢去我最愛嘅泰國餐廳🍴😋餐廳價錢經濟又好味👍泰式燒豬頸肉飯豬頸肉經過精心燒烤，外皮酥脆，肉質鮮嫩多汁，沾上醬汁，帶有微微的甜味和香料的香氣☺️炒金邊粉呢道炒金邊粉色香味俱全，加入多種配料，包括魷魚、蝦仁、豆腐、雞蛋等等😋金邊粉炒得恰到好處，滑順而不黏，搭配各種配料的口感，讓人感受到豐富的層次感🥰蒜茸炒通菜通菜炒得脆嫩，蒜茸的香氣四溢，讓人食慾大增，跟午餐有優惠價，超級推薦🤤凍檸檬茶非常適合在炎熱的天氣中享用😍冰涼的茶水搭配檸檬的酸香，讓人感到清新舒爽，十分解渴。龍眼冰龍眼的果肉滑嫩，搭配冰塊，龍眼的天然甜味與冰的清爽，讓人感受到夏日的清新🥳泰式炸蝦餅炸蝦餅外層金黃酥脆，內部的蝦肉鮮嫩，口感豐富，令人越食越起勁，十分美味🤤咖喱炒軟殼蟹軟殼蟹的外殼酥脆，肉質鮮嫩，搭配咖喱的濃郁，讓人感受到豐富的口感層次，非常送飯🤤📍阿來泰式地道風味 (旺角)旺角通菜街97號地舖#阿來 #阿來泰式地道風味 #香港探店 #旺角美食 #泰國菜 #平民恭國菜 #泰國餐廳 #旺角探店 #香港必食餐廳 #香港泰國菜

今日經朋友介紹下去左阿來食野當日6.30PM到場 好彩早黎唔洗等位 ( 走個陣已經爆場 )-同朋友2個人叫左阿來既 燒豬頸肉/ 火山軟殼蟹法包/ 馬拉盞炒通菜燒豬頸肉燒得好香脆乾身 不過個人口味覺得如果JUICY啲會更加好味 !! ╰( ‘ω’  )╯火山軟殼蟹法包大推 上枱非常吸睛泰皇咖哩好似唔洗錢咁俾到滿瀉 🥰 俾咖哩浸到微微軟身既法包好食到痴線再加埋鬆脆既炸軟殼蟹真係好邪惡 ~ 連平日唔食面包既朋友都大讚另外馬拉盞炒通菜好夠獲氣食咁多煎炸野再嘆返個椰青清熱氣係必須的 !!-如果約左朋友去旺角諗唔到食咩好 阿來會係一個好選擇🌟

食過好多好多次 ，lunch $55 非常抵～推薦辣肉碎飯同喇沙海南雞米線，惹味香濃。金邊粉都炒得好食，不過無雞肉/蝦，得蟹柳同細蜆肉。有上下兩層，不過樓上通風就麻麻地。

抵吃之地道泰國美吃，店員很友善，滿滿泰國的菜式，融合香港風味，放鬆的好去處。海南雞飯肉嫩海南雞，棒，海南雞飯，大大件又嫩滑，帶點脂肪，自家調製泰式感滿，惹味～醫汁吸引，吃落酸酸又辣辣，不錯～即叫即切熱辣辣！肉碎煎旦飯招牌料理，份量多，肉碎惹味，配上泰國米飯更添美味。彈牙肉汁滿滿的口感，和香濃煎旦，旦黄汁令層次豐富喔。米飯包裹住惹味泰式肉碎，泰式肉碎口感豐富，開胃而不膩，棒滋味蠔仔旦熱中帶金香脆口的旦餅，蠔仔份量多肉質嫩滑，配上濃郁的旦香。份量大，不會有柴口感覺。椰青感到快樂的有美味，清甜又滿滿風味。青檸梳打爽甜服務質素非常高。店員服務態度棒，滿滿的選擇，氣氛舒適，放鬆心情的泰國夜也

今日本來想去九龍城試試泰國野，但遲左收工就搵間就腳D所以都係去返旺角食阿來泰😎😎😎😎～地鐵一出就係今次比壽星發板，揀左個蠔仔蛋！平時真係好少起泰國野揀呢D不過朋友呢排keep緊fit又生日就佢話事啦😌點知一試就有驚喜！首先佢係鐵板幾好，KEEP住熱辣辣第二就係，好～大～碟呀！！朋友表示好開心😂滿滿的蛋白質而且味道好特別，個樣似大排檔蠔仔餅但食落滿滿的泰國醬汁味之後又係繼續蛋白質😆全雞串~仲有豬同牛揀不過如果好似我朋友咁做GYM keep緊fit就全雞吧😎今次都係想叫下新野所以冇叫通菜，而係芥蘭！本人係超鐘意食芥蘭，不過芥蘭真係要睇季節唔係成日有～所以今次黎感覺又唔同左🩵因為今次比晒朋友揀如果自己揀一定黎黎去去都叫個幾樣😆😆今次好似試新野咁～有驚喜！不過兩個人眼闊肚窄最後打包走🤣