阿來泰式地道風味

營業中

休息中

泰國菜嘅精髓與紅咖哩嘅由來🌶️泰國菜以其獨特嘅風味和豐富嘅食材而著名，融合酸、辣、甜、鹹四種味道，再加上各種香料，令人每一口都充滿驚喜。而紅咖哩嘅由來，係因為泰國人喺咖哩中加入紅辣椒、椰奶、香茅同檸檬葉，製成濃郁香辣嘅醬汁，再搭配各種海鮮或肉類，味道真係超讚！🍛 泰式香葉肉碎炒河：肉碎炒河加入香葉，香氣四溢，肉質嫩滑，河粉口感彈牙，濃郁嘅醬汁滲透每一條河粉，令人一試難忘。五十幾蚊足夠兩個人食仲送埋嘢飲，真係超值！🍲 冬陰功豬頸肉金邊粉：冬陰功湯底鮮香撲鼻，酸辣開胃，豬頸肉口感爽滑，金邊粉吸滿湯汁，每一啖都係味覺享受，絕對值得一試。🍗 泰式酸辣鳳爪：鳳爪酸辣適中，入口無骨，25蚊一份超抵食，絕對係小食嘅好選擇。🥬 泰式飛天通菜：新鮮嘅飛天通菜加入蒜蓉調味，口感脆嫩，味道獨特，只需25蚊，性價比極高。🍛 紅咖哩海鮮：紅咖哩醬香濃惹味，搭配各式新鮮海鮮，每一口都充滿海洋氣息，濃郁嘅椰奶香同辣味互相融合，層次豐富，令人食指大動。🍗 泰式海南雞例牌：雞肉嫩滑多汁，配上特色泰式醬料，味道鮮美，每一口都係幸福嘅滋味。📍 地址：旺角通菜街97號#阿來泰式地道風味 #旺角美食 #泰式料理 #香葉肉碎炒河

之前好似嚟過呢間食，今日行路好肚餓唔使搵 想食啲屋企食唔到嘅味道，所以就求其搵咗間附近嘅泰國舖頭，又見到幾多好評，入到去法國午餐價錢實惠，但係當你想嗌啲小食嘅時候同埋細心品嚐，就知道佢用嘅材料非常不符合價錢，好似冬陰功湯咁，我哋嗌咗個大嘅冬陰功湯，入面有六隻蝦，但係喺好肚餓嘅情況之下食 都係覺得好明顯的雪貨 預咗係冇蝦鮮味，但係佢係個頭都半粒，啲腳又黑黑地，好似有啲明顯係下架嘅貨色，唔係好符合150幾蚊嘅價錢，成餐飯俾得最慷慨就係蔬菜譬如菇類… 就算咖喱海鮮收貴啲$86 ，入面都係得指甲咁大嘅 墨魚仔 泰式蝦餅成$78 ，都係得三件切成六粒嘅墨魚餅，雖然個味道OK，真係太少太孤寒！整體嘅食物都係咁，只有五$60嘅午餐係抵食！就算係海南雞，佢都不是太有滑雞嘅感覺，只有 雞髀或少少，雞胸比正常海南雞擦。。。環境我哋自己要求想坐上面，闊啲 但係就會變咗冇侍應服務，自己行去同佢落單個侍應竟然唔耐煩嘅語氣話有啲咩一次過落，佢哋放緊飯….雖然間嘢食嘅調味都唔錯，好似青咖喱咁其實我幾欣賞，不過整體就覺得價錢偏貴不符合食物質素 環境服務都係欠佳.. 係有獨立廁所呢啲唔錯 下次應該都唔會嚟食了

旺角阿來泰式地道風味真係唔錯又抵食海南雞例牌 隻雞皮滑肉嫩，雞油香飯粒粒分明，雞肉入口即溶口感滑嫩，無咩骨或碎骨食落啖啖肉。點埋佢哋自家調配嘅醬汁酸酸甜甜好惹味。飛天通菜，炒得好香好爽脆，馬拉盞味都好香。串燒沙嗲半打（豬肉，雞肉各半） 沙嗲汁醬好香，豬肉雞肉燒得啱啱好，外皮脆 肉唔會過老，非常惹味。芒果糯米飯強烈推介。芒果超甜，糯米飯即做仲暖 夠黏口唔會硬刮刮。配埋個椰漿，好似係泰國食嘅芒果糯米飯。椰青甜可以刮埋d肉食。咸檸七都好飲

旺角必食地道泰國菜🇹🇭價錢實際，味道有保證，服務又到位，確實係要encore 既泰菜之選👍🏻頭盤🥢✨ 泰式無骨酸辣鳳爪沙律📝 融合了酸、辣、甜的風味，口感清爽而刺激。每一口都能感受到新鮮香料的香氣，讓人欲罷不能。✨泰式鮮蝦冬蔭功湯📝呢度個冬陰功湯幾出色，鮮蝦的鮮美與香料的濃郁完美結合，每一口都能感受到檸檬草、青檸和辣椒帶來的清新刺激，用料豐富，令人回味無窮。主菜✨✨泰式肉碎生菜包📝 生菜包口感清脆，肉碎的香氣與香料的微辣相得益彰，讓人每一口都感受到層次分明的風味。包裹在新鮮生菜中，既爽口又帶來一絲清新，令人回味無窮。✨ 辣椒膏蝦頭油海鮮炒飯📝 辣椒的微辣與蝦頭的鮮味交織，讓每一口都充滿海洋的滋味。炒飯粒粒分明，配上新鮮海鮮，口感豐富。配撘生菜包肉碎一齊食就更美味。✨泰式鐵板蠔仔蛋📝 蠔仔的鮮甜與蛋，牙菜香完美融合，份量勁多，口感豐富。搭配特製醬汁，讓每一口都充滿海洋的滋味。飲品🍸✨龍眼冰📝 龍眼冰清爽甜美，龍眼的自然果香與冰涼的口感相得益彰，令人感到無比舒適。✨椰青📝食泰菜必order 的椰青，呢度特別清甜椰味重，連椰青肉都特別嫩滑，好正。

今日收到天文台通知，夜啲會掛八號風球。所以收工即刻出旺角搵好嘢食，途中發現呢間泰國菜，價錢唔貴，所以試一試。兩個人叫左4個主食，2杯野飲。1:生蝦刺身每次食親泰國嘢一定會叫，呢間個蝦肉好彈牙，爽口，個汁比平時食開既淡，但我幾鐘意，因為唔會搶左生蝦既鮮味🥰2:香芒蟹肉炒飯呢個係第一次食，估唔到芒果熱左會甘香，同淡淡既蟹肉同炒飯一齊擺入口，個芒果味會有好有驚喜👍🏻3:椰子雞湯平時飲開冬陰功，開頭會以為椰子雞湯係好清淡，但發現原來佢個味道會同白咖喱有少少相似，入口好香椰汁味帶小小辣，同埋雞肉唔會煮到老晒，好值得試下。🥥🐔4:生菜包同行朋友最愛，呢個會有家庭味道，好香既香料味，但唔會好咸同好辣，以前食開都比較辣，配合爽口嘅生菜可以沖淡油膩感👍🏻5:龍眼冰，青檸梳打呢個就無咩特別，正常發揮👏🏻

平日搵地方lunch，見前面得兩team人排緊隊就排下，等左10分鐘都無就入得。泰式SUKI炒粉絲$68- 份量好足夠，粉絲好入味。佢有得揀豬牛雞。青咖喱豬$77-呢個勁好食，強烈推介必食！一啲都唔辣，勁香泰式咖喱味，啲豬舊舊都勁大嚿，又唔嚡。另外再叫咗薄餅配，一流。豬頸肉炒通菜$78-又想食豬頸肉，又想食通菜。叫太多又怕食唔晒，叫呢個就啱啱。好通菜好有鑊氣。薄餅（4件）$38 - 叫咖喱一定要叫薄餅！泰式奶茶$25 - 小小偏甜，同泰國嘅味道一樣。西米糕$58 - 佢有六粒，明明食到好飽諗住食唔晒拎走，但係因為太好食都係忍唔住。總結：佢性價比好高，每一樣嘢都係幾十蚊，叫多幾款都唔肉赤。味道拍得住九龍城，地點又方便。下次再嚟。

阿來泰式地道風味真係唔錯！我同朋友一齊食咗佢哋嘅二人餐，每樣食物都令我驚喜。⭐️鮮蝦冬陰功湯湯底酸辣得來仲有三隻新鮮魚蝦，味道超級正，令我一口接一口。⭐️泰式炸蝦餅外脆內彈牙，咬落去好有口感，蝦味十足，絕對係開胃小食之選。⭐️青咖喱雞味道濃郁，青咖喱醬汁配上嫩滑雞肉，真係好入味。⭐️飛天通菜炒得好爽脆，如果辣啲就更惹味。⭐️油飯粒粒分明，咬落去超有口感又香飯味。⭐️蒜蓉包香脆得一流，滿滿嘅蒜蓉牛油，加少少青咖喱汁簡直係完美嘅配搭！再加埋椰青同鹹檸七，解渴又好飲。整餐真係令人滿足，值得再來！

睇戲之前 突然之間心思思好想飲冬陰功湯搵咗間泰國餐廳食飯😝好彩因為都算早去 啱啱好有位所以唔使排隊見到之後就已經開始排長龍😆- 泰式肉碎生菜包而家好似每次食泰國菜都一定會叫生菜包今次個肉碎 有少少青檸味喺入面食落會好開胃 而且仲辣辣地😍- 冬蔭功湯成餐飯重點梗係冬陰功湯啦😍入面嘅料都好足有兩隻蝦 仲有啲菇喺入面添好香椰奶味❤️好好飲- 燒豬頸肉豬頸肉唔會整到好乾身 而且10分入味口感仲好爽口添仲可以配埋個醬汁點落去🫶🏻- 泰式炒金邊粉金邊粉炒得好香❤️而且份量十足撈埋旁邊嘅花生碎 仲好味啲😍

阿來泰餐廳位於九龍旺角通菜街97號地下,餐廳裝修簡約,牆上貼有餐廳菜牌相片,環境光猛乾淨衛生,餐廳主打泰國菜,餐廳設有全日套餐,性價比高,服務員招呼態度親切友善。酸辣鳳爪沙律沙律配料有香蔥.車厘茄,辣椒,洋蔥生菜,芹菜和泰式酸辣汁,鳳爪份量都不是少,食落爽口彈牙,酸酸甜甜好醒胃。黃咖喱火山軟殼蟹法包法包配料有紅椒,洋蔥,芹菜,青椒,香蔥,生菜和蛋漿,廚師烹調軟殼蟹炸到香脆,將食材放入法包內,法包吸收咗黃咖哩蛋醬汁,微辣,食落煙煙韌韌有口感。芒果糯米飯糯米飯被椰醬完全覆蓋,微甜,入口軟糯,芒果清新香甜。飲品有熱檸水和咸檸七。

旺角的泰式餐廳，阿來泰式地道風味，裝飾充滿泰式風情溫馨氛圍。泰式溼炒豬肉河粉，裡面配菜有介蘭、秀珍姑、粟米芯及紅蘿蔔……等，河粉細膩滑爽，豬肉嫩口不鞋，而且整個溼炒河非常多湯汁，搭配特製的醬料，味道層次豐富。泰式鹵水豬髀，肉質酥軟，鹵汁香濃，配有鹵水蛋，及與酸菜、生菜的清新相得益彰，帶來酸甜交織的美妙口感。鹽燒鯽魚頗大條，廚師已將魚皮揭露才上枱，內裏魚肉鮮嫩，魚肉食得出的鮮，鹽香配著魚肉的非常鮮美。椰汁三色冰，椰香濃鬱，冰爽清甜，爲炎炎夏日帶來一絲涼意。冰凍的可樂，清新解渴。

旺角阿來泰式地道風味餐廳真係好正！😋 我哋今次試咗幾道招牌菜，真係每一道都好有驚喜。首先講下辣椒膏蝦頭油海鮮炒飯，呢道炒飯真係色香味俱全。🍚飯粒粒分明，🍤蝦頭油嘅香味好濃，辣椒膏嘅辣度啱啱好，唔會太辣但又夠味，食到停唔到口。海鮮好新鮮，配埋炒飯真係一流。跟住就係泰式明爐冬蔭功烏頭魚，呢道菜嘅湯底酸辣開胃，🐟烏頭魚肉質好嫩，吸收晒湯底嘅精華，真係好味到不得了。冬蔭功嘅香茅、🍋檸檬葉同🌶️辣椒嘅香味交織埋一齊，真係好正。青咖喱雞都唔可以錯過，咖喱汁好濃郁，雞肉好嫩滑，仲有🍆茄子同青豆，口感好豐富。🍛 青咖喱嘅香味真係好吸引，食到你食指大動。最後，我哋揀咗整個椰青做飲品，清甜嘅椰汁為呢次嘅美食之旅畫上完美句號。🥥 椰青嘅清爽口感，真係好似置身泰國海灘咁🌴，享受住🌞陽光同海風。總括嚟講，旺角阿來泰式地道風味餐廳唔單止提供正宗嘅泰國美食，仲有濃濃嘅泰國風情。每一道菜都充滿驚喜，係鍾意泰國菜嘅朋友必去之地。🇹🇭🍽️

食物味道正常，份量正常，睇相有二樓唔開，谷哂啲客坐地鋪，食到一半被要求調枱。收加一，價錢唔係特別平，旺角嚟講好多選擇。環境舊，少少污糟，地下好油。侍應傾完計會應你。

前幾日去咗阿來泰式地道風味，佢喺旺角地鐵站附近，好容易去到。入到去見到有好多客人，差少少就冇位，如果想食真係要早啲。還原餐牌覺得佢啲嘢食好似都幾抵食，價錢唔貴。我哋分別左一個雞肉青咖喱，飛天炒通菜，泰式Suki炒粉絲配海鮮，同埋炸蝦餅。嘢飲方面我哋叫咗一個泰式奶茶同埋檸檬梳打。先講吓個青咖喱雞肉，青咖喱個味道好濃配埋雞肉食剛剛好，好惹味。另外飛天炒通菜炒得好香口，亦都好好食。鹹到十分適中，值得再encore。另外泰式Suki炒粉絲都好好食，味道好特別，口感亦都好好，裏面有好多海鮮配料，粉絲亦都好夠，成個餸好飽。最後佢嘅炸蝦餅味道都好唔錯，最重要係好有蝦味仲好彈牙，亦都炸得好脆。嘢飲方面都冇咩好挑剔，算係好地道嘅泰式嘢飲。整體嚟講性價比十分之高，值得推薦，下次會再去。

以前大家都泰國菜都淨係會食到去九龍城，但係從呢間餐廳開咗之後喺旺角都可以食到正宗泰國風味嘅泰國菜啦。呢間餐廳極方便喺旺角地鐵站附近，所以成日晚上都大排長龍勁多人幫襯，好在餐廳有兩層座位都足夠多。講返食物味道方面佢哋唔止保留泰國正宗風味，性價比更加超級抵，今次我就食咗佢哋個抵食二人晚市套餐。🥳**海南雞例牌**隻雞皮滑肉嫩，仲有陣陣雞油香，雞肉完全唔鞋，入口即溶，配埋佢哋自家調配嘅醬汁，酸酸甜甜，簡直係完美組合。份量都幾大，啱晒2個人食。😋**燒豬頸肉**豬頸肉燒得好香脆，肉質彈牙，肥瘦適中，完全唔會覺得膩！咬落去卜卜脆，勁滿足！我個人覺得佢哋嘅燒豬頸肉調味啱啱好，唔會太鹹，亦唔會太淡，簡直係完美嘅火候同味道！🤤**生蝦刺身（6pcs）**蝦肉爽甜彈牙，入口即化，新鮮程度爆燈！我平時都幾驚食生蝦，但呢間餐廳嘅生蝦真係好新鮮，完全冇腥味，食落去好放心。仲要係大大隻，非常滿足。👍**泰式肉碎生菜包**肉碎調味得好惹味，配埋爽脆嘅生菜，一啖咬落去，口感豐富到不得了！肉碎唔會太油膩，生菜又夠新鮮，包埋一齊食，真係停唔到口。😂**椰汁三色冰****龍眼冰**椰汁三色冰夠晒冰涼解暑，椰汁味濃郁，三色

2024.10.17今日放工同朋友係旺角行完街就去咗呢到食晚餐🥣因為餐廳除咗地點鄰近地鐵站🚉而且食物款式多價錢又親民💁🏻‍♀️今次我地兩個人叫咗⬇️💟泰式炒金邊粉 $68超大碟又夠鑊氣🔥仲有大大隻嘅鮮蝦🦐💟飛天炒椰菜苗 $68十分嫩綠爽口💚💟椰汁雞湯 $68/小兩個人已經好夠分😉酸辣得嚟好開胃🤤而且超多嫩滑雞肉同秀珍菰🍄‍🟫💟生蝦刺身 $88每次食泰國菜必叫‼️一碟有6️⃣隻🦐冰震🧊超新鮮爽口😊💟椰青🥥 $38超清甜又解膩🤍