阿叔泰麵 (積信街) (已結業)

呢間大圍好出名嘅泰國餐廳雖然叫「泰麵」但係我覺得除咗麵類 其他嘢都唔錯店舖唔算好大 但係氣氛幾好餐廳會播放熱門泰國歌 環境幾有特色窗邊嘅位置最適合一個人食 可以望吓出面食物選擇豐富 小食 面類 主菜類 大部份都係幾十蚊冬陰功湯，份量係平時見到嘅Double勁多海鮮好足料 包括有芥花魷魚 青口 大蝦 蜆肉海鮮都好食 冬陰功湯冇椰漿 啱晒鍾意正宗口味嘅我另外一款推薦的就係蛋炒咖喱蟹肉唔會太辣 炒蛋中和咗咖喱味但係又食到蟹肉同泰式咖喱的融合香葉肉碎蛋飯 $68大大碟 好多肉碎 超級適合送飯隻蛋仲煎得好靚 滿意！

放假去大美督踩單車，順便喺大圍嘆過午餐。見呢間阿叔好出名，橙色鐵閘，一大片graffiti 牆～午餐都幾抵食，一於食完再去運動🚴‍♀️冬陰功湯麵仲可以加$5轉mama麵非常吸引～午市套餐本身已經送三款嘢飲，但我加$12加咗泰式奶茶留意番係冇得少甜少冰，因為配方是完美比例，又真係啱啱好，唔會驚太甜。冬陰功都冇得少辣，對我食開BB辣嘅人嚟講就覺得辣咗少少啦🙈牛肉船麵湯底超級超級濃郁, 有幾舊大大嚿牛肉, 不過我覺得唔夠腍同埋肉比較多唔夠脂肪。另外杯蜂蜜菊花蜜就真係可以試吓少甜😝小食叫咗魚露雞翼同炒通菜，兩樣都不過不失~另外因為椰汁西米糕咁啱售罄轉咗做千層斑斕糕，暖暖哋好好味。食埋個芒果糯米飯做甜品就啱啱好😋📍阿叔泰麵 (積信街) (大圍)大圍積信街31-51號安信樓地下Q號舖

꧁ 𝗔𝗦𝗢𝗞 𝗧𝗵𝗮𝗶 𝗡𝗼𝗼𝗱𝗹𝗲𝘀 ꧂ 📍 Hong Kong | Tai Wai地址：大圍積信街31-51號安信樓地下Q號舖好味指數：🌕🌕🌕🌘🌑………………………………………………………………………………聽講呢間餐廳主打船麵，湯底係用左30斤牛骨再加上藥材熬足12個鐘！飲落去真係幾濃郁😍< 牛肉船麵 > $72 - (🤤：3.25/5)麵底可以揀金邊粉、米粉同粉絲，而我就揀左米粉。米粉用左泰國米粉，好掛汁，所以每啖都食到湯底既味道！湯底真係好濃好正！仲有花生香味😍但牛丸同牛腩就比較普通，牛丸冇咩味，牛腩既份量就比較少，質感有d硬。整體份量都偏少，食完一碗個肚都仲空空地😭< 青咖喱牛肉飯 > $70 - (🤤：3.25/5)青咖喱汁好掂！！甜甜地、辣辣地、仲有花生香！撈飯一流！不過牛腩份量都係偏少，得3舊！同埋都係偏硬身。

【大圍•阿叔泰麵】@ππππππππππππππππππππππππππππππ大圍橙色風情泰式料理豬肉船麵（新鮮牛骨湯配豬肉片及豬肉丸，附有芽菜通菜花生碎及炸豬皮）馳名揚叔叔豬手飯布吉蛋餅Rotee with curry chicken thugh and sunny side up egg 泰式奶茶香茅菠蘿特飲豬肉船麵，新鮮的牛骨湯搭配豬肉片和豬肉丸，散發出迷人的香氣，而附上的芽菜、通菜、花生碎和炸豬皮更增添了食物的風味。揚叔叔豬手飯，這道菜絕對讓人難忘。豬手肉質鮮嫩多汁，口感十足，搭配著香氣四溢的米飯，讓人回味無窮。而布吉蛋餅和Rotee配咖哩雞肉和荷包蛋，更是給了我們驚喜。咖哩的香氣縈繞，配上煎熟的雞肉和熟透的蛋，口感豐富，讓人回味無窮。泰國的泰式奶茶和香茅班蘭特飲，清涼又香甜，為整餐增添了不少亮點。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 300✨✨✨✨✨✨✨✨✨✨✨✨✨#大圍美食 #阿叔泰麵 #web3大圍阿叔泰麵 (積信街)大圍積信街31-51號安信樓地下Q號舖

📍 阿叔泰麵 ASOK Thai Noodles🌍大圍積信街31-51號安信樓地下Q號舖 Shop Q, G/F, On Shun Mansion, 31-51 Chik Shun Street, Tai Wai📝整體評分：9 ／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝雖然好近大圍地鐵站，但位置比較隱僻，唔係咁岩經過都發現唔到咁正泰麵，特別係佢啲小食，大件夾抵食！▸ 阿萊燒豬頸肉 ◂＄６８ ✿ 唔知係咪全港最抵食，但一定係我食過最划算最好味嘅燒豬頸肉 ！食親$８０—１００價位，呢到平D仲要份量Double。咬落去香濃香茅味，十分焦脆爽彈，勁厚身，必食！！！！▸ 肉碎生菜包◂＄６８ ✿ 自家味道生菜包，清新嘅青檸郁香，肉末比較細碎，好有肉汁，不過用左炸乾蔥就無鮮乾蔥咁香口。▸ 泰式椰子雞湯麵◂ ＄６８ ✿ 之前去泰北旅行一試難忘，香港比較少見，，呢家竟然有！椰子雞湯同冬蔭功基礎一樣，加入椰奶，令湯頭順滑香甜，帶陣陣魚露味。▸ 冬蔭功湯麵◂ ＄６８ ✿ 冬蔭功既有南薑和檸檬葉的香，濃郁開胃，辣得起勁，酸到醒神，味道猛烈～ 魷魚鮮好彈牙，估唔到仲保留到鮮味！

大圍呢頭真係好多好嘢食。今日有機會試泰式小店。首先比出面個裝修吸引左，小屋仔咁好特別。今日同朋友分別試左三款湯底好唔同嘅麵👍🏻👍🏻三款都各具特色。有湯底濃厚嘅冬陰功海鮮湯麵。濃濃嘅紅油使整個湯底深橙黃色。好吸引！湯底唔會好甜，香料味十足👍🏻椰子雞湯白雪雪😍超濃椰汁味，配上陣陣雞味，真係好清甜，鍾意椰子嘅朋友唔可以錯過！阿叔牛肉船麵好似熬製咗好耐嘅濃牛肉湯咁，香味十足。同朋友一齊share 呢三款麵，味蕾真係大滿足！

今日去男朋友屋企，求其搵間餐廳食少少嘢，見到呢間好似係Asok Thai 集團嘅泰國餐廳，但呢間價錢好似比較平民，就入去試吓～🍤炸蝦餅肯定係新鮮炸嘅，因為係非常燙口，外皮脆卜卜，加上肉質爽脆嫩滑，係幾好嘅餐前小吃～🍜牛肉船麵見到好多人推介牛肉船麵，就即管試吓，本身嗌咗金邊粉，不過好似比錯咗粉絲😂但係粉絲就更加能夠吸收湯底精華，非常入味。而且牛肉嘅份量都幾多，都幾嫩滑。🍳香葉肉碎蛋飯肉碎份量超多，係送飯之選！而且炒得幾惹味香口，超快就已經清晒成碟飯🤣🧋泰式奶茶泰式奶茶不過不失，同出面飲嘅都差唔多，唔會太甜👍🏻

泰國菜又來了，夏天不想吃飯🍯｜阿叔船面｜HKD 70豬肉/牛肉二揀一，豬肉中，新鮮牛骨湯配豬肉片及豬肉丸，附有芽菜，通菜，花生碎及炸豬皮。湯底味道似肉骨茶。🍯｜旦炒咖哩蟹肉飯｜HKD 78朋友的咖喱飯足料，咖哩香氣四溢,搭配鮮甜的蟹肉和滑嫩的蛋。🍯｜香茅魚露雞翼｜HKD 58雞翼味道咸香微辣,雞翼香脆，夠邪惡。🍸｜香茅斑斕特飲｜HKD 30這款香茅斑斕特飲清爽怡人,香茅的香氣,非常解渴開胃。適合在炎熱的夏日品嘗。🍸｜荔枝梳打｜HKD 40荔枝梳打清新爽口,荔枝的天然甜味和梳打水的酸爽感相得益彰,非常適合在炎熱的夏日享用。

阿叔船麵 聽講佢個湯底係用30斤牛骨熬12個鐘煮出嚟，確實香味好濃郁，少少甜唔會太鹹。而且好多料，牛丸彈牙多汁，牛腩半肥半瘦，一啲都唔柴，同個湯底好夾。另外仲有炸豬皮嗦曬啲汁，煙韌得嚟咬落去啲汁爆曬出嚟。另外啲金邊粉都好好食，好有咬口，同埋整體份量好大，抵食！泰式椰子雞湯麵 個椰子湯真係超正！！好香椰子味而且好清甜，米粉細細條可以更加充分咁吸收啲湯，每一啖都係香濃嘅椰子味🤤 仲有唔同種類嘅菇，同樣好juicy，好好食。如果佢啲雞可以濃味返少少就完美喇！肉碎生菜包 食親泰式嘢都會叫生菜包，佢咧度嘅生菜包都好唔錯。同其他餐廳唔同嘅係佢會比2塊青檸你自己擠啲汁落去，個酸度可以自己調較～ 啲肉碎唔會好肥好油膩，而且加埋泰式香料同青檸酸酸哋咁，配住爽口嘅生菜真係好好食！！阿萊燒豬頸肉 豬頸肉燒得啱啱好，有啲焦香味又唔會黑曬。而且肉質彈牙爽口，入口滿滿嘅豬油香～ 佢仲有個特製嘅泰式醬汁，酸酸哋咁，食起嚟無咁肥膩

泰式船麵（牛肉）配料非常豐富，有大大嚿嘅牛腩牛丸同炸豬皮，金邊粉超級有咬口好煙靭，湯底都好濃郁，唔會太鹹偏清淡，食完都唔覺得口渴炒蛋蟹肉咖喱飯飯晚餐份量嚟講啱啱好，咖喱蛋炒蟹肉超級香濃，但係唔會太辣，呢個超級好下飯，而且蟹肉同埋蛋超級吸收咖喱汁味道生菜包肉碎味道濃郁，唔會太辣，配埋面頭嘅青檸超級好味冬陰功湯冬陰功湯入面超級多海鮮，包括有青口、蜆、魷魚同草菇，呢個湯同一般泰國料理舖頭嘅冬陰功湯味道好唔同，而且一啲都唔辣，個人認為呢個一般般芒果糯米飯糯米飯煮得好軟糯，配埋表面嘅椰漿一齊食好濕潤，旁邊嘅芒果都好甜

見OpenRice介紹位於大圍積存街阿叔泰麵，係一間特色美食小店，主打泰式船麵及泰國菜。今天係大圍，見店舖裝修特別，好有泰國風味，而且今天店內還有座位可供進食，不用等位。平時見到好多人排隊。✅聖芭東酸辣泰式鳳爪$58酸酸辣辣👍✅炸魚餅$58份量都唔少㗎🥰✅阿叔豬肉船麵$70濃郁深啡色的湯底。薄薄嘅豬肉條及豬肉丸。好味👍✅芒果糯米飯$60泰國餐廳必要的食品👍✅地踎炸豬皮 30脆卜卜💥👌總括：「阿叔船麵」價錢較為平易近人。想簡簡單單，快速又好味的泰國菜必選餐廳之一。

喺大圍嘅一個轉角位搵到呢間阿叔泰麵，主打泰式船麵同埋經典泰國美食、餐廳內嘅裝修色彩繽紛，又播住輕快嘅泰文歌，充滿泰式風情～阿叔船麵(牛)💰HK$72牛骨湯湯底濃郁鮮甜，特別之處係有埋花生同埋蒜茸嘅香味！牛腩同牛丸份量多，金邊粉口感咬落去麵質比較煙韌，掛湯能力亦好高～阿叔船麵(豬)💰HK$70薄豬肉片同豬肉丸都充滿豬肉嘅香甜味，同濃郁鮮甜嘅牛骨湯湯底好夾！粉絲掛湯能力高，吸收晒湯底嘅精華！另外仲有炸豬皮、通菜同埋芽菜增添成個船麵嘅口感～炸蝦餅💰HK$92蝦餅外酥脆內彈牙，而且蝦味濃郁，味道好出色～泰式奶茶💰HK$28泰式奶茶味道正宗，煉奶味香濃，令奶茶口感更絲滑～

大圍嘅泰式美食!🇹🇭🤎阿叔船麵Asok Boat，即係呢間店舖嘅名稱，相信亦都係主打產品濃郁既牛骨湯呈啡色，聽聞係用左花費十二個鐘熬製而成，飲落口充滿牛骨香味，非常濃又清甜，幾舒服我哋叫咗金邊粉，面配軟淋淋又入味既牛腩&牛丸，加上花生碎、炸豬皮、芽菜、通菜，好豐富呀🤍泰式椰子雞湯麵 另一碗唔辣嘅湯粉，椰子味非常香，落啲青檸🍋‍🟩、荷葉，更加有清新嘅感覺雞既份量都唔少，食得好滋味 🐷阿萊燒豬頸肉，外脆內軟， 爽口彈牙、香口又惹味，份量仲好多💚熱青檸蜜💛荔枝玫瑰特飲

週末朝早同朋友👩‍🦳一齊去咗行山⛰️，行完山⛰️落咗大圍，喺呢度附近行咗一小個圈，見到呢間泰國🇹🇭餐廳🍽️，咁就決定喺度食個午餐🤣$68「冬陰功湯金邊粉」：冬陰功湯底幾濃郁，金邊粉就滑脫脫🤣$62「飛天通菜」：「飛天通菜」有啲餐廳叫「泰式炒通菜」🤣，呢間餐廳嘅「飛天通菜」新鮮爽脆，加咗蒜蓉、炸蒜片、紅辣椒、麵豉醬一齊炒，幾好味😋$68「阿萊燒豬頸肉」：香口幾好食又燒得幾靚仔🤣$58「香茅魚露雞翼」：6隻雞中翼都大大隻脹卜卜幾多肉🤣$18「青檸可樂」：可樂加青檸就梗係好飲啦🤣

放工又搵好野食啦～今晚同友人去大圍食泰國菜。阿叔泰麵，呢間餐廳外觀同內里都有特別裝修，都期待船麵會唔會好食？朋友點了他們的招牌【豬肉船麵】，麵條鮮嫩有嚼勁,搭配上豐富的餡料如豚肉、炸豬皮、丸、芽菜、通菜等，湯底唔咸，有香葉，同花生碎，每啖都有少少唔同味道。而我點了【香葉肉碎蛋飯】，肉碎鮮嫩多汁，加埋煎蛋配白飯，送飯一流。我地都心思思想試唔同小食，就叫左【Sharing Platter】，包括香茅魚露雞翼、魚餅、蝦餅、雞棗、炸豬皮。每樣都即炸，燙口熱辣辣，每樣都有三件，份量都好足。最鍾意食蝦餅、雞棗、炸豬皮。飲品，我點左【香茅菠蘿特飲】，清新爽口，配埋我小食同主菜，絕佳搭檔。整體來說，每道菜色都極具泰式風味，服務人員也相當親切專業。如果想食泰國菜，呢間餐廳係非常不錯的選擇。