影片
營業時間
今日營業
10:00 - 23:00
星期一至日
10:00 - 23:00
以上資料只供參考, 請與餐廳確認詳情
真係完全味道又差，服務態度又差，環境又差，完全唔知點解有人會嚟食，話係沙嗲牛肉麵，但係冇牛肉，d麵又係劣質公仔麵，話係牛乳炒蛋，但係完全feel唔到有牛奶，口感完全唔好，講吓環境，有好多飛蟲，啲碗仲黐立立，糯米糍又完全唔值呢個價，呢間真係第一間喺旺角完完全全比我同我啲friend blacklist嘅一間店，見佢糯米糍係手工製造，諗住攞一舊試吓，結果三個人都覺得唔好食，三個人食一舊都食唔到，唯一優點就係啲歌幾好聽，總之為咗大家好，強烈勸退。
繼續閱讀
行行下旺角，有d累，又餓，隨便搵間餐廳醫肚，點了2個下午茶餐，日式炒烏冬和公司三文治，烏冬好好食，色澤吸引，但因肚餓，好快食完冇影相，公司三文治就等左一陣，但上菜時真的有驚喜，因為一般茶餐廳多數用午餐肉，但Uncle4係用雞扒，較小地方食到，炒蛋又夠厚，份量十足,凍檸檬我order小甜，味道剛好，清甜，茶底清澈一啲都唔混濁
繼續閱讀
我叫左個咖喱雞飯，配羅宋湯。都知道外賣唔會有好大期望，但一打開飯盒，成舊拳頭咁大既飯喺面頭，一拎起，硬既，用筷子篤都篤唔散。算啦！食餸啦唔食飯，啲咖喱雞，咖喱無味，連咖喱都無味？真係不得了！雞又老，又無肉，全部都係骨。羅宋湯都好難唔得啦掛？又結又無味！最後，連奶茶都無茶味，死得！永不超生
繼續閱讀
又到了星期日晚上，今次我選擇在「旺角」找食店享用「牛腩飯」作為晚餐，不過原本預備想光顧的食店未有開門營業，所以我被迫改變計劃光顧的食店，偏偏我在「旺角」已經試過不少餐廳。所以我一看見自己曾經光顧的「阿四快餐」，在「旺角」「通菜街」也有經營運作的時候，所以決光顧「阿四快餐」，試食看看「阿四快餐」廚房製作的「咖喱牛腩」實際味道跟口感水準如何。結果我發現「阿四快餐」「咖喱牛腩煲」裡面的「牛腩」實際體積偏大，但是口感爽脆程度，感覺卻只是一般程度，不是我心目中的「爽腩」，反而夾雜少許脂肪偏腍口感，感覺有點像「坑腩」多一點。至於「阿四快餐」製造的冰凍飲品「凍奶茶」，奶茶飲品裡面有不少冰塊，所以冰塊融化出來的水份，間接稍為沖淡「奶茶」裡面的淡奶甜味。但是「阿四快餐」「凍奶茶」裡面的「紅茶」味道實際濃度感覺只是一般而已，所以「阿四快餐」「凍奶茶」雖然份量頗大，但是飲品甜味跟茶味味道濃度，卻非我喝過最濃厚的食店。至於「咖喱牛腩煲」裡面的「牛腩」體積頗大之餘，實際口感的感覺不算腍，也不算彈牙爽口，加上咖喱汁的實際香味和辣味都只是僅僅感覺到相關香味辣味程度，還未至於很香很辣的濃味咖喱汁。就連餐廳隨晚餐而附送的餐湯，疑似是「羅宋湯」的餐湯飲品，我在「羅宋湯」裡面完全找不到任何跟「牛肉」或者「豬肉」的肉碎，只有感覺一般的鹹味跟酸味而已。所以我飲完餐湯，反而覺得餐湯像「雜菜湯」多一點。而且「阿四快餐」侍應端着餐湯出來的過程，看似有點不小心，「雜菜湯」裡面的餐湯不斷從餐碗裡面倒瀉出來，跌落餐碗底下的餐碟上面。結果侍應把餐湯放在我檯面上的時候，餐湯至少已經流失接近三分一，加上餐湯裡面味道偏鹹和酸，所以我享用餐湯去到一半，都已經沒有興趣再喝下去了。雖然「阿四快餐」「咖喱牛腩煲」裡面的咖喱汁實際味道未夠辣，「牛腩」實際體積偏大，口感也煮得未夠腍，但是至少還有很多塊「牛腩」，份量比「馬鈴薯」更多，令我在晚餐食到牛腩飯，價錢賣七十元左右，已經算是不差了。
繼續閱讀
第一次打食評，很久以前試過去呢間餐廳食晚餐，本身價錢及份量都算抵食，今次幫襯感覺各方面已比以前每況越下。因本身想去另一間餐廳食早餐，但發覺沒有開門因此來到此餐廳食，一入門口的感覺已感覺環境的衛生不好，地面及枱面肉眼已見到「痴笠笠」既感覺，入門口已表示自己是一位客人但員工完全沒有反應，想自行入坐時才出聲要量體溫，準備入坐時望到吧位員工沒有戴好口罩。坐低後餐牌都未睇就趕住落單，拿起餐廳完全係「痴笠笠」既感覺，叫了豬扒麵配炒蛋，感覺很沒有誠意，麵似福字麵加熱水碌熟，蛋很普通，豬扒也沒味道，牛油方包的牛油就只有一個一蚊硬幣的面積，奶茶味道很削，感覺坐熱太耐令其變質。食罷覺得感覺很差，出收銀埋單時幾個員工企哂係收銀處附近一動也不動，等另一個所謂的「收銀員」自行發現客人的存在，最後埋單時因為知道黑白奶在此間餐廳有蓋印章的活動，因此也順道詢問，但收銀員俾既反應係支支吾吾，表示很少人會蓋印，也表示活動已經完結，我也不再詢問，反正她俾我既感覺就係唔想做既感覺，再問也沒意思，反正以後也不會幫襯。
繼續閱讀