阿四快餐

營業中

休息中

真係完全味道又差，服務態度又差，環境又差，完全唔知點解有人會嚟食，話係沙嗲牛肉麵，但係冇牛肉，d麵又係劣質公仔麵，話係牛乳炒蛋，但係完全feel唔到有牛奶，口感完全唔好，講吓環境，有好多飛蟲，啲碗仲黐立立，糯米糍又完全唔值呢個價，呢間真係第一間喺旺角完完全全比我同我啲friend blacklist嘅一間店，見佢糯米糍係手工製造，諗住攞一舊試吓，結果三個人都覺得唔好食，三個人食一舊都食唔到，唯一優點就係啲歌幾好聽，總之為咗大家好，強烈勸退。

行行下旺角，有d累，又餓，隨便搵間餐廳醫肚，點了2個下午茶餐，日式炒烏冬和公司三文治，烏冬好好食，色澤吸引，但因肚餓，好快食完冇影相，公司三文治就等左一陣，但上菜時真的有驚喜，因為一般茶餐廳多數用午餐肉，但Uncle4係用雞扒，較小地方食到，炒蛋又夠厚，份量十足,凍檸檬我order小甜，味道剛好，清甜，茶底清澈一啲都唔混濁

我叫左個咖喱雞飯，配羅宋湯。都知道外賣唔會有好大期望，但一打開飯盒，成舊拳頭咁大既飯喺面頭，一拎起，硬既，用筷子篤都篤唔散。算啦！食餸啦唔食飯，啲咖喱雞，咖喱無味，連咖喱都無味？真係不得了！雞又老，又無肉，全部都係骨。羅宋湯都好難唔得啦掛？又結又無味！最後，連奶茶都無茶味，死得！永不超生

又到了星期日晚上，今次我選擇在「旺角」找食店享用「牛腩飯」作為晚餐，不過原本預備想光顧的食店未有開門營業，所以我被迫改變計劃光顧的食店，偏偏我在「旺角」已經試過不少餐廳。所以我一看見自己曾經光顧的「阿四快餐」，在「旺角」「通菜街」也有經營運作的時候，所以決光顧「阿四快餐」，試食看看「阿四快餐」廚房製作的「咖喱牛腩」實際味道跟口感水準如何。結果我發現「阿四快餐」「咖喱牛腩煲」裡面的「牛腩」實際體積偏大，但是口感爽脆程度，感覺卻只是一般程度，不是我心目中的「爽腩」，反而夾雜少許脂肪偏腍口感，感覺有點像「坑腩」多一點。至於「阿四快餐」製造的冰凍飲品「凍奶茶」，奶茶飲品裡面有不少冰塊，所以冰塊融化出來的水份，間接稍為沖淡「奶茶」裡面的淡奶甜味。但是「阿四快餐」「凍奶茶」裡面的「紅茶」味道實際濃度感覺只是一般而已，所以「阿四快餐」「凍奶茶」雖然份量頗大，但是飲品甜味跟茶味味道濃度，卻非我喝過最濃厚的食店。至於「咖喱牛腩煲」裡面的「牛腩」體積頗大之餘，實際口感的感覺不算腍，也不算彈牙爽口，加上咖喱汁的實際香味和辣味都只是僅僅感覺到相關香味辣味程度，還未至於很香很辣的濃味咖喱汁。就連餐廳隨晚餐而附送

第一次打食評，很久以前試過去呢間餐廳食晚餐，本身價錢及份量都算抵食，今次幫襯感覺各方面已比以前每況越下。因本身想去另一間餐廳食早餐，但發覺沒有開門因此來到此餐廳食，一入門口的感覺已感覺環境的衛生不好，地面及枱面肉眼已見到「痴笠笠」既感覺，入門口已表示自己是一位客人但員工完全沒有反應，想自行入坐時才出聲要量體溫，準備入坐時望到吧位員工沒有戴好口罩。坐低後餐牌都未睇就趕住落單，拿起餐廳完全係「痴笠笠」既感覺，叫了豬扒麵配炒蛋，感覺很沒有誠意，麵似福字麵加熱水碌熟，蛋很普通，豬扒也沒味道，牛油方包的牛油就只有一個一蚊硬幣的面積，奶茶味道很削，感覺坐熱太耐令其變質。食罷覺得感覺很差，出收銀埋單時幾個員工企哂係收銀處附近一動也不動，等另一個所謂的「收銀員」自行發現客人的存在，最後埋單時因為知道黑白奶在此間餐廳有蓋印章的活動，因此也順道詢問，但收銀員俾既反應係支支吾吾，表示很少人會蓋印，也表示活動已經完結，我也不再詢問，反正她俾我既感覺就係唔想做既感覺，再問也沒意思，反正以後也不會幫襯。

今天去旺角吃個下午茶 😎😊叫了一個芝士蒜蓉焗雞扒飯 雞扒有兩塊大大塊的 🐓🐓 價錢也相當合理只是$45 下午茶時段也不用等位 整體上覺得也很好味 但吃完後覺得有點口渴 可能味精也較多 如下次經過可考慮再來

今日本身諗住喺旺角轉車去西貢, 咁就喺旺角附近搵啲嘢， 朋友一早到咗叫佢 睇下有啲咩啱食佢就搵咗呢一間阿四快餐係轉食扒嘅， 佢之前食過話大件夾抵食咁就試下啦。入到去間餐廳都係普通快餐店， 跟住啲扒都係60蚊一個鐵板牛扒其實係幾抵食嘅，因為分量真係好大，但一個人真係未必食得曬。 我哋兩對情侶一齊去食，男朋友們就一人一客牛扒我同另外個女仔就share咗一個炒烏冬其實份量都好多。 個鐵板一上到嚟跟住一淋啲黑椒汁上去嗰種滋滋聲就已經令到好想食，當然佢唔係 rib eye嗰啲靚牛扒，但係60蚊嚟講咁大塊其實真係已經好抵食好滿足。食飽我哋就出發搭車去西貢！

經過肚餓就試下啦 ，叫左個滑蛋蝦仁焗飯，等左差不多25分鐘先到，吾緊要，一路食一路見職員用微波爐叮熱飯，不輪係堂食用既膠碟底還是外賣發泡膠盒都係放入微波爐，其中隔黎大叔食食下飯 都叫職員再叮熱d個飯，話d肉吾夠熟，究竟係哩間餐廳既玩法還是食物一早煮好翻熱呢？味道還好吧，剛巧見到$60有飯有湯有飲品就隨便了。蝦仁飯吾太吃到蛋味，普通餐廳不能要求太高吧 但起馬不應該一直聽到微波燈不停響，如果以$60 相信有更好選擇。

今日午餐叫阿四快餐🍴🍽☺️☺️點了🐔🍚切雞飯走汁，忌廉粟米湯🍵，茶走☕$44忌廉粟米湯🍵~滑滑的忌廉湯，粟米甜，👍白飯🍚有嚼口,👍切雞🐔走汁~🐔好味，肉嫰皮滑，茶走~熱辣辣香滑，正🤗🤗整體食物美味'下次會再幫襯

此店店名好親切，先畀個like佢❗ 餐牌精美詳盡，選擇又多，又俾個like佢❗ 餐紙印有logo，再畀個like佢❗ 店內環境簡約，唔擠迫，坐得舒服，又再畀個like佢❗侍應親節落單，點了一個“星洲炒米”，餐湯竟然可以選擇西湯或中湯，太體貼喇❗還有餐飲，點了一杯奶茶❗太“確幸”啦❗餐廳OK，但味精或鹽落多了一點； 星州炒米賣相唔差，但咖哩帶甜，唔通用咗日本咖哩，但味道仍可接受，配料亦合格❗ 最後是價錢，總算經濟實惠❗

叫左個鐵板雜扒餐,夜晚才67蚊! 已包餐湯,同飲品。叫左中式青紅羅白湯, 好飲GE,不過應該加左味精。 鐵板好有驚喜!因為好大碟!!! 有一塊大雞扒, 1塊火腿, 同2塊細GE豬扒!!!黑椒汁味好出, 多黑椒, 正! 淋落去之之聲, 好開心呀 (有D 餐廳GE鐵板拎出來已凍, 無之之聲...)雞扒正常, 豬扒就咸得滯, 意粉果D都正正常常,唔會煮得太林。我地耐唔耐都去其他茶餐廳食鐵板, 暫時覺得呢間最大`份, 泊得住SSP 某間夜晚唔開GE 舊式餐廳。真係2個人先食得哂我見其他台叫焗飯, 睇個樣好似都幾吸引

同d同事放工打完波,大家都覺得好肚餓,就諗住係附近食埋飯先散,咁就去左阿四快餐度食。我叫左個焗咖哩黑椒牛扒飯,其他人就叫左焗咖哩豬扒飯同黑椒牛柳炒意粉,焗飯真係無得頂,好好食,黑椒汁焗住流入炒飯底度,非常惹味,牛扒軟嫩,堅正

平時都唔食早餐,今日返工之前突然間好想食早餐,於是行左去通菜街間Uncle 4,平時都有食開佢d焗飯,食早餐都係第一次。叫左個雪菜米粉配雞扒煎蛋麵包,味道好好,鷄扒煎得好香口,抵食夾大件,下次都會再黎

今晚同朋友去開旺角，又到晚飯時段，就當然要揾吓野食啦。一向喜歡食鐵板餐的我，就梗係找間有鐵板餐的食店。晚餐時段，這食店也坐滿约7成客人，內地人為主。店內冷氣好涼，好舒服，最適合怕熱的食客，看完餐牌，叫咗個K5什扒鐵板配黑椒汁餐，配薯條及忌廉湯。忌廉湯份量很多，但味道一般，配料也很小。什扒鐵板餐熱力十足，份量也很多，可惜薯條林咗，口感一般，香腸新鮮好味道，黑椒汁也很濃味及多。雞扒也很新鲜和入味。飲品是凍奶茶，味道還是可以的。價錢约65元，還可以的。但旺角太多食店選擇了，未必會再光顧。

terrible and disgusting. what can I say? this isn't food, that's what I can say. why would you serve a customer a soggy chicken that tastes like vomit? I asked how they cooked it, they said they pre- grilled it hours ago.before they served it, they reheated it. the outcome of it? soggy and disgusting.as for the other order, it took almost an hour and when I said cancel, they didn't let me which I had to wait for. their staff? terrible attitude.