阿德廚坊 (已結業)

又係過期食評。以前老婆住紅磡，不時都會來阿德下午茶，今次重臨則是晚飯。同樓下位朋友一樣是兩人餐，兩餸一湯加白飯和飲品，但我們要的是咖喱羊腩煲，而不是海南雞。豆腐肉碎粉絲湯：我地就覺得好重味精好鹹，而且好多油，老婆飲左一碗已收手，我就捱義氣飲左兩碗。咖喱羊腩煲：咖喱幾香，分量算多，但羊肉較硬和乾。金銀蛋時菜：相比之下，這個最好，夠清淡。和老婆吃後都感到口乾，而且飽飽滯滯，還有點胃痛。可能是味精太多，那個湯也太多油。都會再來，但下次都係揀第二樣野食。

多年前在黃埔已經發現了這間店舖,但一直都沒有試過昨天約了朋友就試試這間,入到這食府後,發覺地方幾大,幾光猛同幾乾淨,之後打開餐牌,有中餐,西餐,蒸魚,咖哩......等,種類都唔少,我和朋友點了個二人餐,兩餸一湯如下:湯:豆腐肉碎粉絲湯老實講味道就一般啦,買相就似將啲肉碎,豆腐,粉絲加埋啲味精湯一切飲咁餸:海南雞半隻這個反而唔錯,唔錯架原因係隻雞唔肥,隻雞啱啱好啲肉唔,雖然有乜雞味,但啲肉唔鞋同埋都幾多肉餸:金銀蛋時菜我覺得似金銀蛋菜湯,明明叫兩餸一湯,而家變咗兩湯一餸(哈哈),皮蛋同咸蛋唔多,太約各有半隻架份量啦,菜係生菜,啲蒜頭炸得唔夠香,啲水出黎都幾似湯再加兩杯嘢飲同白飯總括黎講都ok抵食,有下次,因為我見到隔黎枱鋸排都幾大塊份量都唔細,下次試下先,同埋值得一提啲侍應都幾好禮貌同幾有快手.

26/1今日同女友行街, 去到紅磡又未諗到食咩,咁岩行到去呢間餐廳門口就走入去試下,我地叫左兩個平價鐵板餐, 出乎意料份量十足,豬扒拚火腿扒有2塊豬扒+1塊火腿扒,牛扒拚腸仔有3塊牛扒+3條腸仔,雖然唔係什麼頂級好味既牛扒豬扒,但係味道的確唔錯, 絕對唔失禮!不過餐湯就差了一點點, 湯唔夠濃,仲有就係薯菜好明顯炸得太耐唔好食!侍應服務都OK , 人手充足揮揮手就有人埋黎!總括黎講呢餐又平又抵食, 食物種類繁多,環境又舒適, 非常適合一定大少去聚餐!

21蚊Lunch Size!尤推咖哩雞扒...老實說...差唔多全部下午茶都食過!

昨天去光顧了晚上套餐：牛眼扒飯和雞翼焗意粉入味，量多，吃得很飽最欣賞個湯上菜都快手，服務尚可不過價錢貴左少少

身為紅磡街坊，似乎也應對這餐廳提一些意見。之前經常於星期六日幫趁那裏的早餐，叫的是雪菜肉絲米粉，味道不錯，但現時胃口小了，吃不下一碗，所以沒有在那裏吃早餐，反而多於晚飯時光顧。小菜很家常，梅菜蒸鯇魚腩超正、沙薑雞亦不俗，反而麻油雞有點硬。下午茶時段選擇亦多，是值得一試的。

話說今日去左阿德度食…咁我就叫左個黑椒牛柳餐…配薯菜.…但係個餐黎到果時….冇薯條….得D好似薯蓉既菜就當係薯菜….我叫左個WAITRESS黎….佢話係咁架WOR….下….唔係話…我食過咁多次…都係第一次聽到薯菜係衣D黎….咁我即刻叫左另外一個人黎搞掂佢啦…..衣件事都未完…..咁我之前諗住叫多個”送”…最後都冇叫到….但係果個WAITRESS又照出WOR…..我又唔要啦….佢又黑晒面咁據理力爭話我有落到單…..我話冇呀…..本身件事好簡單既……但係佢過左一排又行番過黎…可能佢比KITCHEN 師傅鬧啦…想搵我出下氣…..果時我已經嬲嬲地架喇…聽到佢係度串我仲更加火滾…..初初都唔想理佢架喇….但係都忍唔住同佢嘈左幾句…….仲有….坐我隔離枱既食客咁岩都有COMPLAIN…..果個WAITRESS又唔理……最後搞到果個食客好火滾咁要求個HEAD黎…….我覺得D服務態度完全唔得….希望可以去改善一下!!!

食過兩次lunch一次食牛+雞鐵板, 一次食咸豬手意粉隻牛煎到柴皮咁......雞都可以, 但d黑招汁有難食喇.,....唔明d黑招汁解可以整到咁既味咸豬手意粉..豬手一d都唔咸....但勝在夠林, 肉質都可以不太想再去食...

小肥:我同大肥平均每星期都會o黎一次呢度晚飯o架~ 呢度o既食物真係平,靚,正, 扺食夾大件!呢度比普通茶記坐得舒服, 價錢都比一般o既茶記高少少, 但如果係好味又坐得舒服o既, 比多少少都無妨呀!今晚我同大肥叫o左2個小菜套餐, 個set包一款小菜, 一個湯同一大碗白飯, 個湯就係一般例湯質素, 但都好在唔係好勁味精, 小菜方面我地揀o左魚鬆炒油墨菜同粟米斑塊, 個菜炒得唔錯, 但我不嬲都唔太好茶記o既炒菜, 因為太油啦, 而粟米斑塊個汁好好味, D斑塊都好夠熱又夠脆. 呢度o既份量一向唔細, 所以我都食淨食半碗飯, 但D餸就比我地清晒!另外值得一提就係呢間店o既選擇係非常之多, 真係想食乜都有, 我地都成日叫佢o既set dinner o架! 真係好豐富又好味!閒日如果晚飯的話呢度真係算附近好好o既選擇, 比起好多中式酒家抵食, 舒服同好味o架!

作為紅磡街坊既一份子，我其實有一個介紹紅磡各食肆既心願，始終我屋企算「無飯家庭」，我地係紅磡區食盡大小茶記、大酒樓、世界各國風味等，紅磡作為一個都叫做出名多野食既地方，其實都真係有d係不俗既。好啦，我會努力寫多d，等大家對紅磡有多d認識!入正題﹕阿德廚坊其實係一間不俗既茶餐廳。環境舒適、企理，你叫佢餐廳亦可。而價錢只要你選既係套餐，就可以講係平、靚、正。我最鍾意既係佢地既咖哩，因為真係幾好味，杰杰地、好香濃，送飯係一流既。不過薯仔就少左d，最好食既係咖哩雞，而斑腩就唔好試喇(不過我覺得好多地方既斑腩都好難食- 做得斑腩，多數已經唔係靚魚，又腥d肉又怪怪的)。另外晚飯我地鍾意叫小菜，梅菜蒸鯇魚最好味，佢地d魚好大條，你可以揀要頭、腩或者尾。不過小菜餐就唔包飲品，我地通常都唔另外叫，十幾蚊一杯唔抵，而其實佢既飲品一般過一般，不飲也罷。仲有千祈唔好飲佢地既中湯，因為我覺得只係落左鹽既水，從來都唔知係咩味，反而羅宋湯中規中炬一d。今日午餐又係同細佬去開飯，我唔信邪再叫咖哩斑腩，再一次confirm自己，細佬叫椒鹽骨飯，d切開既豬扒又幾好味。不過佢地星期六、日要加一，有少少倒米之嫌。otherw

超過半年冇黎幫襯阿德廚坊, 今晚係星期五, 入到去超多人, 卡位已經全滿, 伙記示意我們坐二人枱, 但我地一袋二袋, 指住張四人枱話坐, 佢\又比喎打開餐\牌, 所有菜都已經加了大概$2至$4蚊, 我們2人點了滑蛋蝦仁, 菠蘿咕嚕肉及上湯浸白菜. 點菜後, 先來一碗例湯, 一個菜是包一碗例湯, 我們叫了三個菜, 所以會給我們一大碗.青紅蘿蔔湯, 十分清甜, 就算有味精相信也是很少的份量. 再來就是這個上湯浸白菜, 還附上小小菇類, 味道是不錯, 菜也很嫩.接著便是滑蛋蝦仁, 蛋是十分滑, 蝦也十分多, 只是不夠大隻, 這碟菜的份量十足, 估計起碼同上3隻雞蛋. 最後就是菠蘿咕嚕肉, 雖說是菠蘿咕嚕肉, 碟上還夾雜著不少的蕃茄和青椒呢叫左3個菜, 應該有3碗飯, 但係得兩個人, 點食得晒呀, 咪要住兩碗先, 最後都係食左一碗半到, 真係好飽好飽. 唔係話好好食, 但係好似阿媽煮o既菜, 反而有種親切感. 我係呢間鋪都食左差唔多6年, 水準都冇跌, 希望佢\唔好執o拉. 而家做街坊生意o的鋪頭, 一兩年就執一間, 食開o個o的都執得七七八八.

雖然格局唔錯,但原來都係食茶餐廳的野。幸好叫左個豬扒米線做下午茶，味道都唔錯呀！老公叫左個星洲炒米，還算合格。我地應該會再唻幫趁

20070630又是四個人，上次試過四人晚餐A不錯，這次順住來，叫B餐。番茄豆腐海鮮湯：海鮮其實不多，倒也無所謂，一早預咗，只是原來設想它應該酸咪咪的，但結果加了太多糖，整個的味道變得怪怪的……咖哩班腩煲：終於被我找到一樣不適合用咖哩來煮的肉類了……而且炸漿厚、芡汁重，不知道在吃什麼……沙薑雞：最正常的一道菜，肉質不錯；腐乳通菜：正常，沒什麼好說。總體感覺麻麻，不知是退步了還是點錯了……看在以前的經歷份上，應該還會再來，看看其他的會不會好些。

20070527去完Outward Bound，食返餐正常的，感覺好像放監一樣：）四個人，就試了它的四人套餐，三餸一湯跟四個飯四杯飲品，因為價錢格外抵，選擇也格外少些，想吃蒸魚的話就要加錢了。我是上菜之後才到，所以對下列菜名不是很肯定。豆腐冬菇粉絲肉碎湯：大大盆，清清啲，不會太鹹，都幾好；西蘭花斑片：西蘭花不錯，斑片略油了些；咖喱牛腩煲：典型的港式咖喱，香料足，濃得有點像葡汁，從牛腩到配菜，都軟腍而入味，這道菜應該也很難煮得難吃；三杯雞：也是用一個煲仔上的，所以一直很熱，肉質幾滑，醃得入味，看得出雞的身形很小，這樣也好，很怕吃那種被肥料催得大大件卻寡淡無味的東西。環境是一樣的嘈雜而人流如織，侍應也是一貫的街坊感的親切笑容，感覺幾滿意，但好像不夠上次特別，下回還是吃蒸魚：）

20070414四人晚餐，來到的時候七點九個字左右，需要略等幾分鐘，而在我們享用晚餐的整個過程中，也一直座無虛席，原因其實很簡單，如題。鹽焗雞：半隻，肌肉無比鮮嫩，鹹度剛剛好，什麼也不用點，放在嘴裏簡直以一下子滑進喉嚨裏去；梅菜蒸烷魚：選的是魚尾那一半，很新鮮，梅菜也靚，蒸的火候把握得很准；魚鬆炒油麥菜：大大碟，有鍋氣；上湯菜心：十分清，菜心很嫩；中湯一大碗：有佛手瓜，愈發鮮甜，不過還是有些味精。尤其是雞、魚兩味，自己買餸回家煮，也便宜不了多少，還未必有這裏的好吃：）下次再來幫襯。