影片
開飯介紹
餐廳由台灣人主理，主打正宗台灣菜式，提供各式各樣的台灣菜，牛肉麵沿用家傳老店配方，以高筋麵粉每日手工製作；麻辣醬亦為自家炒製， 無味精無添加。
繼續閱讀
營業時間
今日營業
11:00 - 22:30
星期一至四
11:00 - 22:30
星期五至六
11:00 - 23:00
星期日
11:00 - 22:30
以上資料只供參考, 請與餐廳確認詳情
相關文章
阿木台灣麵已經係二次回訪🤣即使平日，每次經過都有好多人等位😝掛住台灣既時候真係可以去一去😝-🥢 麻辣牛肉麵 $76食厭左紅燒味既不防一試麻辣味🙌🏻麻辣湯底唔會好辣，但小編認為相比紅燒味更有層次🤣滷牛腱肉質鮮嫩，非常大塊牛，煮得軟嫩入味，配上彈牙嘅麵條食唔停🤤-🥢 炸甜不辣 $32甜不辣炸到外脆內軟😆-🥢 家傳鹽酥肉 $40家傳鹽酥肉食落似炸豬頸肉😂肉質爽口彈牙，好似有少少爽口既肥膏，但又唔覺好油膩，仲得一試👍-🥢 芝士奶蓋四季春茶奶蓋滑順，茶香濃郁，芝士嘅鹹香與茶嘅清香完美結合，飲落去特別清新，令人感到無比滿足🤤
繼續閱讀
噚日（1-3-2025 Sat）晏晝，同老公出到嚟旺角攞嘢前食個晏，我哋走嚟呢喥，嚟到時都有人等位，攞完飛等位，喺等嘅時候睇吓有咩特色嘢食，見到有普通炸物，蛋餅外，重有蚵仔酥，台式泡菜同黃金泡菜，好想試。我哋等咗12分鐘就有位，坐低掃QR code落單，我哋揀咗兩個都係$65.00嘅便當，再以半價要嘢飲，再要埋$30.00嘅黃金泡菜。2. 半價$20.00嘅芝士岩鹽奶蓋四季春茶走冰飲落，味道甘甘地唔太甜，奶蓋質地比較稀，而由於走冰，所以近乎室溫唔凍唔熱啱啱好。3分3. $65.00嘅鹽酥肉便當我揀咗肉臊另上，試吓先，味道唔錯而且肥嘅部份唔多，啱我，但啲肉都唔會太嚡。鹽酥肉炸得外脆，不過味道唔算好夠，可以自己加放喺枱嘅鹽酥粉食。珍珠飯軟硬度適中，冇問題。醃菜嘅小黃瓜好味；紅色嗰啲唔知咩嘢係爽口，但冇乜味；左邊應該係菜脯嘅嘢，我覺得唔好味。3分4. 半價$17.00嘅金鑽鳳梨四季春茶少冰味道對版冇問題嘅。3分5. $30.00嘅黃金泡菜原來又唔係炸，但加咗蛋黃嘅台式泡菜，食吓先，佢仍然凍，唔辣，只有酸味，泡菜爽口，但蛋黃都起唔到咩作用，普通咗，但最終都解到膩。3分1. $65.00嘅炸排骨便當少飯老公落單時，話要等15分鐘，所以呢個最後上，不過都唔使等咁耐，呢個仍暖，外脆內裡juicy，好過鹽酥肉嘅。4分好彩我哋都叫做留咗肚，否則一場嚟到，就食唔到咁多嘢。環境：有少少迫，但接受到嘅。服務：端上炸排骨便當時，男店員竟然唔睇枱號送去隔離格枱，犯上呢啲低級錯誤。最後我哋食晒嘢，收嘢嗰個女店員都好有禮貌。3.5分抵食係2.7分題外話：呢喥重有其他台灣食材，調味料同茶包賣。而我哋都試咗佢嘅麻辣醬同鹽酥雞粉，都覺得唔太辣同唔太濃。
繼續閱讀
四點都坐滿人，確實是最具人氣的台灣料理店。雖然餐廳座位比較狹窄，但是出品的確優良，尤其是他們的蛋餅可說是全港最好食。🧡芝士肉鬆蛋餅（$49）～外皮柔軟不是預製貨色，內餡超級豐富，肉鬆份量十足。🧡紅燒牛肉牛筋麵（$79）～牛肉牛筋都係軟腍腍，牛肉軟中有少許軟根，口感非常好。最欣賞是湯底，濃郁得來清甜。另外酸菜和蔥花份量十足，整碗可以喝完一滴不留。🧡炸雞扒（$42）～即叫即炸，非常香脆，雞肉嫩滑有肉汁。🧡金鑽鳳梨汁（+$17）～清甜有果肉🧡熱原粒烏梅汁（$30）～熱辣辣酸味味，好正
繼續閱讀
阿木台灣麵喺香港都幾出名，講開邊度食牛肉麵，總有人會提起阿木。近年仲好多內地客嚟旅行，都會嚟試吓，所以就算下午3-4點嚟，都有機會要等位！蕃茄牛鍵肉麵蕃茄湯底好濃，以真蕃茄熬製而成。牛鍵厚切，軟熟入味，牛味濃郁。鹽酥雞雞件保有水嫩感，椒鹽香口。炸粉唔厚，香酥裡嫩。肉燥時菜時菜用菠菜，好開心😆而菠菜堆到成個波咁，份量好多。淋上肉燥汁，有台式風味。金鑽鳳梨四季春（凍） 微糖 少冰 加仙草金桔檸檬話梅汁（熱）微糖 加仙草個人喜歡檸檬話梅汁，入邊仲有粒話梅可以食。加仙草增加膳食纖維，更加健康。
繼續閱讀
每次出旺角，如果路經這間「阿木台灣麵」門外都會看到有人在排隊等位，今天在平日下午難得有空過來一看究竟。先點了一碗紅燒牛肉牛筋麵，真係唔錯，牛肉同牛筋都炆得好腍，而且好入味，濃濃嘅湯底配上彈牙嘅麵條，難怪是必點之選！小食叫咗邪惡嘅台式炸大腸，香脆可口，餐牌已寫明需要15分鐘，因為是即叫即炸，而且入口鬆化，值得等的。還有肉燥地瓜菜，充滿台式風味，好正宗。飲品也是地道的台灣口味，例如金鑽鳳梨汁，好fresh! 還有桂圓紅棗茶，暖粒粒冬天最啱飲。
繼續閱讀