阿木台灣麵 (豉油街)

營業中

休息中

噚日（1-3-2025 Sat）晏晝，同老公出到嚟旺角攞嘢前食個晏，我哋走嚟呢喥，嚟到時都有人等位，攞完飛等位，喺等嘅時候睇吓有咩特色嘢食，見到有普通炸物，蛋餅外，重有蚵仔酥，台式泡菜同黃金泡菜，好想試。我哋等咗12分鐘就有位，坐低掃QR code落單，我哋揀咗兩個都係$65.00嘅便當，再以半價要嘢飲，再要埋$30.00嘅黃金泡菜。2. 半價$20.00嘅芝士岩鹽奶蓋四季春茶走冰飲落，味道甘甘地唔太甜，奶蓋質地比較稀，而由於走冰，所以近乎室溫唔凍唔熱啱啱好。3分3. $65.00嘅鹽酥肉便當我揀咗肉臊另上，試吓先，味道唔錯而且肥嘅部份唔多，啱我，但啲肉都唔會太嚡。鹽酥肉炸得外脆，不過味道唔算好夠，可以自己加放喺枱嘅鹽酥粉食。珍珠飯軟硬度適中，冇問題。醃菜嘅小黃瓜好味；紅色嗰啲唔知咩嘢係爽口，但冇乜味；左邊應該係菜脯嘅嘢，我覺得唔好味。3分4. 半價$17.00嘅金鑽鳳梨四季春茶少冰味道對版冇問題嘅。3分5. $30.00嘅黃金泡菜原來又唔係炸，但加咗蛋黃嘅台式泡菜，食吓先，佢仍然凍，唔辣，只有酸味，泡菜爽口，但蛋黃都起唔到咩作用，普通咗，但最終都解到膩。3分1. $65.00嘅炸排骨

四點都坐滿人，確實是最具人氣的台灣料理店。雖然餐廳座位比較狹窄，但是出品的確優良，尤其是他們的蛋餅可說是全港最好食。🧡芝士肉鬆蛋餅（$49）～外皮柔軟不是預製貨色，內餡超級豐富，肉鬆份量十足。🧡紅燒牛肉牛筋麵（$79）～牛肉牛筋都係軟腍腍，牛肉軟中有少許軟根，口感非常好。最欣賞是湯底，濃郁得來清甜。另外酸菜和蔥花份量十足，整碗可以喝完一滴不留。🧡炸雞扒（$42）～即叫即炸，非常香脆，雞肉嫩滑有肉汁。🧡金鑽鳳梨汁（+$17）～清甜有果肉🧡熱原粒烏梅汁（$30）～熱辣辣酸味味，好正

阿木台灣麵喺香港都幾出名，講開邊度食牛肉麵，總有人會提起阿木。近年仲好多內地客嚟旅行，都會嚟試吓，所以就算下午3-4點嚟，都有機會要等位！蕃茄牛鍵肉麵蕃茄湯底好濃，以真蕃茄熬製而成。牛鍵厚切，軟熟入味，牛味濃郁。鹽酥雞雞件保有水嫩感，椒鹽香口。炸粉唔厚，香酥裡嫩。肉燥時菜時菜用菠菜，好開心😆而菠菜堆到成個波咁，份量好多。淋上肉燥汁，有台式風味。金鑽鳳梨四季春（凍） 微糖 少冰 加仙草金桔檸檬話梅汁（熱）微糖 加仙草個人喜歡檸檬話梅汁，入邊仲有粒話梅可以食。加仙草增加膳食纖維，更加健康。

每次出旺角，如果路經這間「阿木台灣麵」門外都會看到有人在排隊等位，今天在平日下午難得有空過來一看究竟。先點了一碗紅燒牛肉牛筋麵，真係唔錯，牛肉同牛筋都炆得好腍，而且好入味，濃濃嘅湯底配上彈牙嘅麵條，難怪是必點之選！小食叫咗邪惡嘅台式炸大腸，香脆可口，餐牌已寫明需要15分鐘，因為是即叫即炸，而且入口鬆化，值得等的。還有肉燥地瓜菜，充滿台式風味，好正宗。飲品也是地道的台灣口味，例如金鑽鳳梨汁，好fresh! 還有桂圓紅棗茶，暖粒粒冬天最啱飲。

嚟到呢間勁多人讚嘅台式餐廳， 有一種小店嘅感覺，最開心係食到心目中嘅紅燒牛肉牛筋麵，又真係冇令我失望。🤍紅燒牛肉牛筋麵，感覺佢就係鎮店之寶嘅存在，個湯底好正，我有加$3轉關廟粗麵，煙靭滑溜嘅面好夾個湯。牛肉有兩大塊，鋪上榨菜同蔥粒，而牛筋軟腍。整體好高質。小食唔使諗就揀🤍芝士肉鬆蛋餅，肉鬆超足料，塞滿內餡，蛋香味足，作為芝士控嘅我覺得如果再多啲芝士做到拉絲效果就完美啦。🤍古早味炸排骨即叫即炸嘅排骨，炸粉唔厚，一面皮脆，一面則偏淋，枱邊有鹽酥雞粉可以自由加，呢點超讚。 作為台式餐廳飲品真係要好飲先得 🤍芝士岩鹽奶蓋四季春青茶同🤍金鑽鳳梨汁，都可以微糖走冰少冰，啱晒我嘅胃口，特別鍾意微鹹濃厚嘅奶蓋呀。

阿木台灣麵 (豉油街)地址: 旺角豉油街60-102號鴻都大廈地下3-4號舖電話:一直都想岭試呢間人氣台灣餐廳，佢特別在於有台灣食材賣，喜歡下廚架人可以買料返屋企煮。星期日我叫來食個early dinner 炸雞扒便當，飯有淋肉燥，要了多肉燥盡情吃！雞扒連皮都是脆卜卜，雞肉很嫩好入味小食點了個醬油時菜，健康外食四季春去膩平又好食，好掛住台灣美食呀！今年年尾有機會再飛轉去食食食！ yummy taiwan food

已經第2次來幫襯了呢間真係唔錯好好食牛肉麵是必食嘅真係厚切大舊牛肉😍而且湯底好濃牛味面亦好好食😍怪不得會得獎😁蛋餅有少少乾但味道很正常鹽酥雞飯，肉燥好食鹽酥雞有九層塔香味😊而且香脆，又唔會好咸😁炸雞排飯，絕對是性價比高之選雞排是好大塊好厚肉肉燥又勁好食絕對是精選😍美中不足是佢d位比較窄建議大家12點前來食會比較少人12點半後，就要開始排隊同埋同人搭台要有定心理準備😮最後，今次帶朋友來試食朋友都好鍾意今日真係好開心😊

好耐冇飛過台灣，唯有喺香港尋訪台灣古早味，止下食癮🤭今日lunch約朋友再訪旺角”阿木台灣麵”晏晝嚟到坐無虛席，不用宣傳生意已不錯，好彩我地咁啱坐到最後兩個位✌🏻💥麻醬拌麵雖然個麵望落去好似咩都無，其實真係咩都無🤣但佢有濃濃嘅麻醬，而且混合左花生醬，所以真係超級香，而且真係會好飽🤭麻醬比例較多，個醬會愈食愈杰，入口非常順口，鍾意食麻醬或食腸粉要加好多麻醬嘅朋友實好鍾意❤️稍有厚度嘅麵條熟度剛好，好食👍🏻💥台灣小香腸台灣香腸比其他香腸嘅分別係更香甜，食落夠juicy😋咬落去腸衣爆開𣊬間有油香，入口Q彈，肥瘦均勻唔會死鹹或偏甜，搭生蒜片一齊食爽！💥梅子地瓜條外層酥脆，梅子粉嘅酸甜加蕃薯嘅香甜出奇地夾，梅子粉亦可以去油解膩

好耐冇食台灣菜，經過旺角，見到呢間都幾好評，就嚟試吓，確實不錯、份量大。呢間有啲家庭小店feel，個人最推薦係蛋餅同埋牛肉麵，食得出廚師嘅心思。飲品：鳳梨冰同埋青檸梅子冰，兩個都好清爽好飲叫咗肉鬆芝士蛋餅，裏面嘅肉鬆超多，芝士味都幾濃，食完好有滿足感。呢個係紅燒牛肉牛筋麵，啲牛肉（牛腱）同埋牛筋都煮到好淋，好啱我口味，至於湯底就偏清淡，有淡淡酸菜嘅味值得一提嘅係呢度有自家製辣椒醬，食落去係食得出有粒粒蝦乾，香、麻但不算辣，撈埋落個面度超好食😋

食完 貴公司嘅牛肉麵之後，返屋企瀉咗三四次。一問之下，竟然發現朋友都曾經有相同嘅經歷，推介所有想減重嘅人去食佢哋嘅牛肉麵👍味道方面，確實係可以。但食完需要騰一日時間出嚟排泄（屙到好似放炮仗咁，幾有新年氣氛🧨）

由台灣太太主理嘅阿木台灣麵主打正宗台灣菜式，60年台灣家族傳承，質素有保證所以開業咁耐都係人氣之選。佢哋嘅麻辣牛肉麵沿用家傳老店配方，以高筋麵粉每日手工製作；麻辣醬超香夠麻，湯底無比麻辣，依然飲到牛骨同蔬菜嘅鮮香。牛肉炆到入口即溶~鹽酥雞套餐 麻醬拌麵 – 麻醬香醇濃郁，麵條夠晒彈牙，每一條麵都裹滿麻醬香氣迫人；鹽酥雞外脆內軟香口惹味啖啖肉肉鬆芝士蛋餅 蛋餅Q彈，蛋味香濃，包住半溶芝士同埋肉鬆，口感豐富簡單美味台灣腸便當 肉燥飯 - 台灣腸口感紮實，飽滿多汁，夾埋啲蒜片一齊食勁有夜市風味~肉燥肥瘦均勻，用嚟撈飯都唔會油膩佢哋仲有好多台灣雜貨可以食住買，台味滿滿的一餐~

成日經過呢間台灣野，終於有機會入去試下。門口都有賣台灣特色產品，經常成日心思思想買想食🙈紅燒牛肉牛筋麵🍜食台灣野梗係要試紅燒牛肉牛筋麵。首先，湯底好濃郁，但又唔油，飲左幾淡🤩牛肉牛筋好軟腍、口感好好。另外，最重要個麵好好食，彈牙得黎又掛湯！好適合我食❤️台式炸大腸即叫即炸，講到明等15分鐘，見到實物覺得等得非常值得🥳份量多之餘炸得好靚，食落十分香口，外脆內軟，忍唔住一淡接住落另外國淡，好快清哂芝士肉鬆蛋餅🥚估唔到蛋餅好太條🙈有六大舊，就咁睇好飽滿，果然入面好多好多肉鬆。蛋餅煎到金黃色，而且外皮薄，餡多，芝士亦溶溶地，所以口感豐富，推薦👍🏼👍🏼提外話，個辣醬好好食🔥金鑽鳳梨紅茶(凍)味道唔算酸但好開胃，底下仲有鳳梨粒珍珠奶茶(凍)Q彈既珍珠配搭奶茶一流🧋阿木台灣麵 (豉油街) (旺角)旺角豉油街60-102號鴻都大廈地下3-4號舖

喺旺角行到咁上下 想坐低食吓下午茶醒起呢間人氣台灣菜 好彩呢啲時間唔使排隊 🐷台式炸大腸炸到脆卜卜 好似食緊蝦片咁睇得出洗得幾乾淨 🍳芝士肉鬆蛋餅蛋餅煎得金黃肉鬆爆晒餡 筷子功差啲就跌咗一半肉鬆出嚟芝士厚厚一塊 拉到絲配埋蛋餅醬味道幾濃 🐮紅燒牛肉牛筋麵麵幾彈牙 可以揀腍啲或爽啲牛筋有5-6嚿 牛肉厚切2大塊夠腍湯底牛骨味幾重鍾意食辣可以配埋自家麻辣醬 🧋黑糖珍珠奶茶茶底夠濃🧋黑糖珍珠鮮奶 小朋友都啱飲總括飲品珍珠好有咬口

阿木台灣麵係一間充滿台灣風味嘅餐廳，佢哋嘅菜式真係令人垂涎欲滴😋😋已經多次回訪😁紅燒牛肉牛筋麵係必試之選，牛肉煮得軟嫩入味，牛筋更係彈牙，湯底濃郁，配上彈牙嘅麵條，根本停唔落嚟😋芝士肉鬆蛋餅蛋餅外皮薄，內裡包住香濃嘅芝士同肉鬆，咬落去時，芝士配肉鬆效果令人驚喜，味道香濃，真係好滿足🤤梅粉炸地瓜條外脆內軟，地瓜嘅天然甜味加上梅粉嘅酸甜，口感非常特別，係一個好開胃嘅小食，無論係當作前菜定小食都好合適👍芝士奶蓋烏龍茶芝士奶蓋四季春茶兩杯都係非常受歡迎，奶蓋滑順，茶香濃郁，芝士嘅鹹香與茶嘅清香完美結合，飲落去特別清新，令人感到無比滿足🤤📍阿木台灣麵 (豉油街) (旺角)旺角豉油街60-102號鴻都大廈地下3-4號舖#阿木台灣麵 #人氣餐廳 #必食牛肉麵 #台灣美食 #旺角美食 #必食推介

見網上吾少foodie都有recommend, 又見餐廳依幾年有啲獎項,就去左試. 嗌左紅燒牛肉麵同肉燥飯, 兩樣係十分普通, 甚至係難食, 比分既話會係3/10, 兩樣都淡而無味咁, 絕不需要嚟浪費quota