阿牛哥清湯腩.咖哩專門店 (已結業)

我用求證既心態來到呢一間食店，雖然冇講到咁差，但係的確比不上好多地茂既牛腩麵店。我相信，佢地既湯底做得唔好，d 湯亦唔係用新鮮腩 + 牛骨來煲，而牛腩煲既時間亦唔夠耐，所以佢地比我既印象只有呢d ：貴痴牙唔入味我諗單單係以上三項，其實已經可以同佢地say goodbye

番茄牛根米線=熱水+鹽+半個生番茄+兩條疆+幾舊米白色條狀又硬又冇味物體, 食兩口,放棄............果然夠哂清.........清湯嘛.......好似清水的湯......貨真價實熱奶茶飲兩啖成個口又鞋又劫.......救命............

先唔好講味道..講衛生叫左個牛腩飯碟邊竟然有血漬,我唔知點黎啦,叫個姐姐睇下佢同我地講無野架,係茄汁,仲無意思換過囉張廁紙幫我地抹下就算咁都算叫野飲咩都要加錢唔在講,飲品應該最快到食曬D野都未黎,吹第一次個呀姐話等等呀,好快過左10MIN我地話唔要,佢唔肯取消話已經沖左不過都等多5MIN囉,D冰即刻雪呀?!!!!!兩杯凍0賓淡而無味囉!!!!D野又貴又難食睇你幾時88!!!!!!

第一次食清湯腩,只有一個字"正"!可能新開張會用心製作!!之後一直都好想再黎食!!點知近日連續2次.....d水準已經差到難以入口!份量已經夠少!牛腩黐牙又乾又鞋!上台時已變成肉碎!!可想像下好似煲完湯果d瘦肉咁~求其去一間普通餐廳食果d牛腩都好食過佢!!以後都唔會再黎呢間店~快關門!!

係國慶日經過阿牛哥, 之前經過時係超多人等位, 而呢日居然唔使等, 咪入去試下囉, 點知就出事啦!呢日天氣都好悶熱, 咁諗住間舖都應該會涼d 啦, 一入去就feel 到好焗咁, 我地就揀中間位坐, 因為間舖係打開門架喎, 而冷氣又唔夠勁, 所以都知陣間實食到一身汗! 我就點咗濃蕃茄湯肉片米線, 男友就點咗牛腩牛根飯, 再加一個蘿蔔小食同黑豆漿, 一路食就一路滴汗, 卒之我忍唔住叫個侍應埋黎問, 可唔可以開大d 冷氣, 因為越食越熱.... 哼.... 佢走去問個光頭老闆, 老闆話冇架, 最大架啦! 咁我男友咪大大聲話" 嘩.... 咁叫最大, 咁係咪叫d 人唔好夏天黎食吖, 冬天先好黎食吖" , 當然係冇人理我地啦, 我地咪唯有慢慢咁食, 冇計啦~講真, d 嘢食又唔係話太差, 只係一般囉, 不過個豆漿太甜, 同埋環境差d, 所以我地係冇下次啦

講之前要講一個邏輯題:如果凍飲要加$2, 咁一般凍奶茶檸茶正價要$12, 凍黑豆漿要$8, 咁一般餐廳既餐加凍飲都應該可以揀$12以下既凍飲去呢間阿牛哥食, 叫左一個餐加凍黑豆漿, 個waiter拎錯普通豆漿,換返之後佢話要加$2, 咁咪以為係佢之前打漏單, 食食下先發現佢加左兩次$2, 問返個waiter,佢就叫左個疑似係老闆既skin head叔叔, 佢話係要加$2, 咁我問佢係咪打多左, 佢竟然話唔係, 我用以上既邏輯題查詢佢, 佢竟然話係因為凍黑豆個成本貴d, 即係total要加＄4, 咁但係既然成本高d, 點解一般凍奶茶檸茶正價要$12, 凍黑豆漿只係要$8? 咁我就問佢點解唔係個set menu 唔寫明, 佢好唔願意咁先改返$2, 仲用罵人既語氣叫我地"下次唔好嘥佢時間" wor當然, 我地唔會下次一定唔會嘥佢時間, 因為一定唔會再去食lor.為左$2懶改單可以罵d客, 真係識做生意lor

呢排天氣咁熱，出街最好梗係響商場地方涼冷氣啦，入商場涼完一陣，諗住去搵野食，最後黎左阿牛哥，一入到黎坐低已經覺得好熱，入到黎諗住可以有得涼下食得舒服D，不過冷氣好細，而且開住到門，坐響道食野真係辛苦。之後叫左魚蛋雲吞粗麵黎食，碗野都未黎到已經成頭汗，一邊食一邊仲熱，味道一般啦，魚蛋都算彈牙既，不過又唔係特別好食囉，雲吞同粗麵都一般啦，不過環境實在太熱啦。

真係好差,地下又多油,牛腩又少又唔"林",D大哥服務就更加.......廿幾皮一碗,你有冇良心架!

基於我同男友都是牛腩迷, 所以當呢間野一開張我地已經急不及待試. 如果一試就賴左野 .... 我地一人一碗清湯腩河, 我食左一啖D河粉已經唔想再食, 但基於環保同埋有衣食既原則, 我地都勉強食, 結果, 我地好盡力食, 食左半碗再撐唔落去. 佢既腩河堪稱我呢世人食過最難食既.. 名副其實既清湯.. 個湯清到無輪.. 跟本就係滾水, 加多兩滴鹽都好啦我叫坑腩 ... 作夠膽死比柴皮瘦腩我, 又唔新鮮河粉極碎又發 ... 夾都夾唔到 成碗野都唔知想點, 結果我地兩個人食到發哂難渣..一定唔會再比機會佢 老板, 你咁做生意會唔會唔係幾好呀 ?唔該阿牛哥 比 d heart 做啦 ...

成日去補習經過都覺得好香,,,,所以同朋友補習之前決定黎1試!不過1入到店..香味就無哂-_-可能心理作用.我地叫左招牌牛腩面!牛腩似係脂肪太多......無牛味.......面就有好大陣x水味.......1d都唔好食...加上地方好dirty..地下勁油勁滑..我地走個時都要小心........另外,個男人,唔知係咪老闆啦..態度認真ma ma.....對我地落單時的慢條斯理同埋3心2意好似好唔gur咁...............唔會再去同埋唔值得去...價錢又唔係平...$25 1碗..無野飲-_-

OPENRICE D食飯得咁少但D FRIEND 又話呢到成日排隊,為左証實龍與鳳,所以同老公決定一試!抱住"試下"0既心態,所以淨係叫左一碗爽腩米.......D牛都OK呀,有牛味,份量比想像中多,個湯,清LAW,又唔係冇味GE...不過我本人都係比較中意食柱侯牛腩多D!埋單$25,以佢0既水準,真係仲未收得呢個價!!

淘大商場是九龍灣的三個商場中最細的一個，要突圍而出，就要在商店上多花心思。阿牛哥是新開張的店子，眼見很多人吃，牛味也常湧出來，又是那些用香味引人去試的食店。幾次經過也沒有吃，今次經過淘大吃晚飯，就二話不說入去試試。招牌清湯腩河粉，分坑腩，爽腩，全瘦，多肥，半肥或淋身，店員也一一談到六款的分別之處，今次就點了半肥。清湯腩先上，可能自己最近吃過很多好味的牛腩，這個牛腩也帶點鹹香，也真的有肥膏位，眼見肉做得一絲絲的，但咬下去覺得做得不夠淋身，有點痴牙，為什麼六款中不能有mix 呢，半肥加淋身不是更好嗎。湯底方面，是清清的湯，當有下一碗來到，湯底就比下去了。蕃茄濃湯豬潤米線，一想起蕃茄湯底，就想到同是淘大食店的越旺，這個比較來說是濃度不高，蕃茄加了牛的化學作用還是有的，就是因為不夠濃，所以今次蔥的味道就太搶了。豬潤數量算多，四四正正。甜品是女人的專利，見有人眼晴發光，就點來一試吧。要了杞子桂花糕，鮮呂宋芒果糕和紅豆糕。這三個糕也很容易做，自己在家中也常吃，三樣也是大菜糕吧。芒果是最配合的一款，在糕中也有點芒果味，桂花糕也是挺香的，紅豆就不是太match 了。與自己說過很多次，我不會受到其他人的

睇完e生行下..見到呢間野新開一向喜歡清湯腩的我就來了這裡試試點了..牛腩米線~ (坑腩) $26佢個湯底都幾清甜0既, 不過就唔係好夠味所以我都落左d鹽, 胡椒粉不過又有d似天后華姐果d..都係淡淡的牛腩都ok啦, 稔稔地但牛味就真係爭D我都係喜歡官塘果到多D另外,點了熱豆漿同桂花糕桂花糕 $10都幾大件不過不失啦!! 服務OK~~

lunch和同事一起食飯, 我叫咖喱牛腩飯, 他叫咖喱雞飯, 咖喱無咖喱味都算, 但牛腩很少又無味, 卻有蘿蔔味和起渣, 雞很多但無味, 卻有極重的梳打粉味......食唔食得過, 自己想想吧......

間野開左一兩日之後我黎過試下...聽人地講都ok...結果..真係好一般...上到黎睇睇..好多人都話佢唔好食..(我都心諗會唔會咁)講野食啦我叫左個清湯腩 + 雲吞麵...雲吞就ok..有雲吞應該有既味..食得過...但係...問題黎..佢個賣點應該係清湯腩...但係真係好清....清到爆..我諗除左清同啖都唔知點形容...真係傳說中真正既清湯腩...我諗佢應該係雪..因為真冇味...口感就一般..比較軟..感覺有D"稅"個清湯腩真係清到真係咩味都冇...真係連基本既牛味都冇...啖到咩咁..所以唔好意思講句....~好難食~