阿牛 (已結業)

呢間係鴨脷洲嘅西式餐廳，呢排經常過黎幫襯，一開始頭兩次對佢無咩感覺，但係食多幾次發現都幾唔錯既。。。不過問題就係好特別，明明西式餐廳，但係我哋成日過黎食佢啲中式午餐🤣通常50蚊包埋飲品，算係幾抵食啦！今日又過黎附近做野，成朝都無咩野做，咁十點幾行過黎諗住早啲食啦，先發現佢開11點半🙈咁就等佢啦，途中職員都好友善唔會嫌我哋阻住佢哋開鋪。照舊食午餐set，今日係上果陣睇落好少，對於我呢啲大食之人黎講。。。不過食落岩岩好😊味道各方面都唔錯

遇到正正萬聖節，店內高朋滿座，熱熱鬧鬧，需然是嘈了一點點但氣分十分好，店長十分好客熱情亦十分關懷長者食客，另到我家長輩十分開心食物質素德國豬手100分之選但鵝肝多士和西班牙海鮮飯就一般般另加叫了一個二人套餐都好扺食有海鮮盤或生任選其一，主菜2個我們選了羊架和肉眼排另跟湯及餐飽和燒元貝及鵝肝多士還有餐飲及甜品任選，我們就選擇焦糖燉蛋套餐價錢就十分親民都是5佰幾有咁多嘢，店長還送了燒牛舌及蜜桃茶仲有梳芙呢做蛋糕給小女慶生仲帶動全埸唱生日歌，我女兒十分感動和開心，多謝店長令我們一家食得十分開心和盡慶，總括質數都算係中上之選值得再去。

#阿牛 (鴨脷洲) 📍：鴨脷洲鴨脷洲徑3號深灣軒地下2號舖 由於分咗兩台坐我淨係寫自己食過啲咩🤭🤭（懶）🎯牛舌串｜$FREE 店長請呢個都超好食😋🎯二人西式晚餐｜$538（⚠️絕對夠四個人食）🎯生蠔&海鮮拼盤 （可以half half 咁簡）海鮮都好新鮮～～～🎯酥炸鵝肝拼焗帶子 🤤🤤🤤🎯餐湯x3 +蒜蓉包-忌廉湯-蕃茄洋蔥-牛尾湯（👈🏻呢個係最好飲～濃郁😋😋）🎯主菜-日本殼飼黑豚豬胺 （個汁都好入味,厚厚的肉🤤🤤）-美國頂級安格斯牛肉眼扒🎯甜品（店長隨心製作～可能會日日唔同🤣🤣）🎯飲品白酒忌廉汁青口意粉｜$98呢個好冇特別，冇咩味，都冇白酒味鹹豬手｜$？ （唔記得）呢個極級大份 超好味～～皮脆肉嫩😋😋😋有加一服務費呢間舖都係主要接附近街坊嘅生意店長好風騷，好funny 🤣🤣🤣🤣會撩每一台客聊天吹水無啦啦每一台女士都送一支玫瑰花🌹（玩具）佢問我地台有冇人今個月生日之後又送咗支紅酒俾我哋又整咗個蛋糕出嚟請我哋食又送多咗份串燒俾我哋做前菜又無啦啦free左2杯 drink 都幾有趣係個好熱情好開心嘅人同帶比全店好多歡樂店舖 style 係嗰種👇🏻👇🏻好隨心～冇咩所謂～大家開心就好⋯嗰種🤔🤔服務

呀牛餐廳一向深得鴨脷洲及香港仔街坊支持，原因係老闆呀牛相當風趣幽默，每次前來用餐，老闆及職員都充滿熱誠地招待客人，老闆亦準備了禮物送給客人，例如餐廳會送給小朋友糖及座枱玩具燈，或有時會請人客食前菜或甜品，每次都令人客食得開心，所以我們每次來到餐廳都很期望見到老闆呀牛，生日或週年紀念時，餐廳會送上蛋白蛋糕，職員一邊播著生日歌一邊送上蛋糕，食客也會為你鼓掌，氣氛相當熱鬧，如果老闆在，他會跳着舞地送蛋糕到人客面前，全間餐廳都充滿歡笑聲😁這次光顧餐廳，主要是慶祝媽媽生日，我們一行四大一小點了兩個二人西式晚餐，一set大約$536餐廳送給我們生菜沙律，我們多點一份椒鹽魷魚酥。前菜有生蠔，我們追加多四隻，蠔身爽滑，鮮味十足第二道菜是鵝肝多士伴焗帶子，鵝肝不太油，帶子夠新鮮第三道菜是餐湯第四道菜是自選的，有牛扒、羊扒、豬扒、大蝦闊條麵、雪魚扒可供選擇我們點了牛、羊、豬及闊條麵，牛扒五成熟入口嫩滑、羊架也好味，豬扒及大蝦闊條麵較為一般第五道菜是甜品，小朋友一定會點雙球雪糕，我就一定點焦糖布丁，老闆話係用日本蛋做，所以好有蛋味，由於太好味只顧住食所以忘記影相（有次我同呀牛講個布丁好有蛋味，呀牛話：布丁緊

每次嚟到都係老闆幫我地決定食乜嘢，每次都食到好飽好飽，所以有時都好驚😂但老闆好熱情，又風趣。以前嚟都一定要食牛舌，因為入口即溶。今次覺得有啲普通。先來個海鮮拼盤，特別欣賞個鮑魚，腌製過味道好特別。西洋菜薯蓉湯，十分特別，要先飲完啲湯再食啲薯蓉。意大利飯中規中矩，飯略嫌熟咗啲出邊食過好多斧頭扒，覺得斧頭扒只係大份同多肉，唔覺得特別好食。所以當老闆推介斧頭扒時，我係say no 嘅，但係老闆盛情難卻，就試吓啦。點知切開嘅時候發現肉質鮮嫩，煮得剛剛好，食落去仲好嫩

慶祝家人生日，第一次光顧此店，入座後老闆已很主動推介食品，老闆亦會問我地想食咩，每位$250老闆發板。有斧頭扒，羊架，燒魚，海鮮拼盤及飲品任飲最後老闆主動唱生日歌食物質素高 ，很開心的一餐真心推介

以為呢個地方人少少有間西餐廳食午餐會幾好，點知叫咗個茄子班腩，上到黎啲班腩完全冇肉，基本上全部都係麵筋，食落好似食甜酸齋咁！又幾好嘅幾飽！之後午餐唔嗌ABC餐要52蚊仲唔包野飲！加埋成60蚊...任何一間茶餐廳嘅食物都好過佢！！最衰食完佢即刻就收走所有野，坐多30秒仲問你係咪差唔多喇？有人等枱！由上菜到埋單走俾得果15分鐘！之後未埋完單仲要叫下一枱即刻入黎出到出唔到去，完全冇服務！唔建議大家黎啦！

阿牛响屋企附近，但咁多年都只係食過幾次，皆因佢位置超'格涉'，吾係住佢隔離果幾座building的話，基本上吾會去，真係一兩年先會有一次半次特登行去食！🤣下畫3點幾....叫lunch又得叫tea又得，我地其實剛剛先食完野無耐，只係想坐一坐嘆下冷氣，所以叫左兩個lunch set 同一個 tea set 四個人share食。我地叫左個三文魚菠菜天使麵，三文魚原來係熟嘅三文魚切碎一粒粒，我本身以為會係煙三文魚，而菠菜天使麵我諗住會係綠色嘅，點知係白色普通麵，只係上面有兩條迷你菠菜，成件事都不似預期，可能係我自己誤會晒！😅呀妹叫左個西冷扒，佢煎到10成熟有啲硬，但其實塊扒係幾有肉味，俾佢咁煮法就浪費左了！😣仲有個西多士拼蝦多士，味道一般，吾覺得好食。整體而言，食物質素比以前差左，勝在價錢吾貴。不過'呀牛'嘅環境就認真麻麻，佢原先係走西餐廳路線嘅，但而家好似低檔次左咁，越黎越似一間茶記，又吾夠冷氣又無以前咁乾淨，加上佢食物款式同質素都係茶記果類，咁我亦會當佢係一間茶記，想鋸個扒或者食個似樣啲嘅西餐，吾會諗呢間！

阿牛位置係深灣軒附近，位置都幾僻靜，閒日晚上其實唔多人，如果想靜靜地食下野傾下計都幾好，因為今晚得兩個人食飯，所以叫左一個dinner set，另外加左一個海鮮喇沙，蒜蓉包，同埋雞翼，dinner set包前菜，湯，飲品，甜品，前菜既蒜蓉焗青口，青口香口惹味，仲有薯蓉鋪底，唔錯，跟餐牛尾湯，帶少少酸，湯既味道就一般，呢個湯既味道個人唔太喜歡~串燒雞翼，呢個即叫即燒，但味道唔夠，好淡，鹹番些少會仲好~海鮮喇沙，材料好豐富，有蝦，帆立貝，魚肉，藍貝，魷魚，豆卜仲有蝦片，而且醬汁做得好食，送飯或者蒜蓉包都一流，蒜蓉包焗得香脆，唔錯，本身係想食果仁焗羊架，但而家meun已經無左呢樣野，問過廚房亦話唔提供，所以唯有叫左焗羊鞍，還可以，但羊鞍較肥，而且較騷，最後，甜品係燉蛋，味道一般。是晚老闆唔係鋪所以較靜，無人攪氣氛，而且人客唔多，只得兩三枱，喇沙水準仲keep到，但羊架就有待改善，而且店內裝修真係開始殘舊，希望下次可以食到果仁焗羊架。

早排友人喺阿牛到包場慶祝，邀請咗我做其中一個座上客，令到我有機會試到呢到嘅美食😋😋頭盤係半自助嘅，外面有煙三文魚、沙律畀客人任拎，而每枱都有店員送上生蠔，圖中係第二轉，第一轉嘅生蠔仲更加肥美，每隻都好creamy，有少少海水味，但蠔一啲都唔腥臭👍🏻Main有牛扒同埋羊架，羊架有少少筋，稍微影響口感，牛扒就比較好，有少少黑椒調味👍🏻餐廳近海邊，加上有落地玻璃，而且食物質素高，店員又服務好好，我相信會係一個慶祝嘅好地方☺️

出遊到深灣每次到附近都會到One Island south找食店上網一找卻找到了阿牛跟相片中有點出入 駕車的話大概只看到數把暗紅色太陽傘原來附近也是司機聚腳點泊車也很方便因為下午以為沒有開透過暗暗的玻璃才看到有客人選了室外位置侍應也很快遞上餐牌選擇很多 也是一般香港人喜愛的菜式飲品先來吹著風的秋天在室外最舒服他點的紅酒燴牛尾意粉醬汁很濃郁有陣陣香氣牛尾也很軟稔 是配菜少了點我的海南雞套餐有油飯有老火湯及漬物海南雞不算滑但份量不少感覺有時比食物重要 環境是很重要的元素下次晚餐時段再試試 但下午茶也是不錯的選擇價錢相宜也不收加一服務費

慶祝妹妹的生日飯， 住在利東的我們 太懶懶閑唔想坐車 近近地食阿牛。我們這一家都熱愛喜歡鋸扒食西餐，一進入餐廳時店長就會送給女仕一朵肥皂花而男仕就會送可愛造型閃粒。起初每人點了個200左右的牛扒餐，店主幫我們點餐覺得我們好悶好搞笑，就提議我們來個店長推介幫我地設計一些菜單（所以我不知道菜名），店長又主動送給我們餐湯，飲品和甜品，都只收我們每位200+1，我們女生多所以食凈好多食物 好彩阿爸食量驚人 可以清枱。店長推薦的 味道都很好 份量大。下次會再來。

以為位置於深灣軒隔鄰，加上看了食評，會吃到比一般快餐店好些的午餐，可惜太令人失望。我二人午餐點了西冷扒和鮮茄焗牛脷意粉，餐牌列出餐湯和飲品要另外加錢。餐湯没有附上麵包，侍應回答要另外加錢！最想不到是餐廳要節省成本或要因貨就價，那薄薄一片的西冷扒像是用水燙熟再略煎一下，而牛脷條（不是一整塊）也是，像煲完湯後再用，食而冇味，還有一些魚的腥味，我只吃了兩口再也吃不下去。一個所謂特餐／午餐只有一個主菜，其他全部要加錢！真是踩地雷！

一位廚師沒有心機煮食物，這間餐廳等同於完了。來這餐廳不是第一次，之前都食過好幾次，不算太差，但係今次就真係勁差，以後都唔會來吃。如同食垃圾。非常憤怒！午餐都唔平 58元另加服務費。我平時食野已經要求唔高，味道唔好太差，食得飽便可，因為要開工。食西餐，意粉食物要脫蝦殼，真的第一次。 意粉還意粉煮，配料還配料煮，何來是一碟意粉呢？真的離普。店員話 唔脫蝦殼係美觀。第二個餐一樣，主菜和配菜都是冇味道，連杯凍檸茶都冇茶味，可想到有幾差呢？真係一次比一次差，只有更差。這個位置想搵間好食的，真係唔好想。反而上次朋友請客係 Clubs house食，真係好過佢好多好多。

我地兩個人叫左個二人餐，其實如果唔叫set, 都有好多選擇。二人餐中可揀五款餸，另外白飯可Refill, 白飯用砂鍋上，好保温，加分！我地揀左Ribs，蒜蓉粉絲帶子，薯蓉焗田螺，青口，銀雪魚。Ribs肉地剛剛好，有五條，兩個人都好夠食。帶子比我想像中大隻，兩隻擺一齊剛剛隻碟咁大，蒜蓉煮其實好穩陣，敗筆係啲粉絲太軟太碎。薯蓉焗田螺唔錯，無沙同好入味。青口正正常常，唔係必食。銀雪魚煎到塊皮好香脆，另有大量燒汁、木魚一齊食，好惹味！仲有兩杯飲品同兩客甜品，當日甜品係焦糖燉蛋同涼粉雪糕，食埋個甜品就完美了。餐以外我另點了一碗牛尾湯加薯蓉，個湯好濃好好味，個碗係用薯蓉做，飲完湯可以食埋佢，每次去都要叫呢個！好Like!此店好適宜慶祝生日，氣氛好好，食完飯都換左另一種心情！