阿純山東餃子

營業中

休息中

叫左茴香餃,因為少Ｄ地方有, 餃子偏細, 皮就唔薄唔厚, 入面真係有好多茴香絲, 唔算好濃GE香料味, 不過我覺得剛好。如果餃子大隻D 就好。另外叫左九菜餅, 好熱辣辣! 入面九菜同肉各半, 好惹味, 雖然是煎GE餅, 但唔算好油。酸辣湯叫左細的, 一個食飯碗SIZE, 個人覺得都好辣下, 中意辣GE岩哂, 料唔算好多, 咁細碗都正常GE。

朋友介紹哩間食羊唔錯，我都係一個羊肉迷，搵朋友陪我去食，叫左羊肉餡餅＆手抓羊排，兩者都好有羶味，我超鐘意哩種味道，另外叫多份手撕雞，一樣唔差，好惹味，賣單大約150蚊左右。

突然間又好想食羊肉，第一時間就諗起哩間，佢羊架超級好食，今次試埋佢個山東燒雞，又唔錯喎，雞肉唔鞋口，味道唔識形容，跟住叫埋酸辣湯，味道同其他店差唔多，不過不失。

廣東人吃水餃追求皮薄餡靚，包餃子的方法也五花八門，突出一雙靈活巧手。北方餃子給人的印象卻是皮厚、不花巧，但同樣餡料豐富多汁。隱於太子一條不起眼的街道，卻連續幾年成為米芝連餐廳的阿純山東餃子，令人難忘的不只是餃子，還有拔絲甜品。我這個港島人其實不識在油尖旺覓食，不過是因為在太子看中醫，看完後想起識食同事提過在太子有一間甚麼山東餃子小店，還說那裡的拔絲甜品是她在香港吃過最好吃的。如此極力推薦，我又怎能錯過，於是帶著老公去找小店。原來就在中醫診所附近，門面實在不起眼，我們走過了還沒留意，裡面的裝潢都是很平實，有幾位操普通話的嬸嬸邊說邊笑熟練地包餃子。我們點了一份例牌山東燒雞，我還以為燒雞的皮會是香脆的，沒想到是軟腍的口感。雖然如此，例牌會有雞腿，而且肉質嫩滑入味，一定要沾秘製醬汁，味道更香更濃。我和老公一人點了一碗水餃麵，他吃韭菜豬肉餃，我吃薺菜豬肉餃。薺菜在香港街市不常見，所以我很想試一下。薺菜切得細碎，與豬肉混合得很均勻。薺菜味道較清，聽說有清熱健脾的功效，熱天吃很適合。水餃渾圓，但皮不算太厚，餡料飽滿多汁，必試！韭菜豬肉餃會較濃味，我覺得普通一點，因為常吃，沒有甚麼特別。麵質較腍，不過

經好太子見到鋪有羊食，就入去立刻叫個羊架，羊架好好味，夠”蘇”，不過唔平而且份量都唔算多，之後點左雞絲粉皮，一樣唔錯，店鋪環境比較舊式，女士們可能未必鐘意入去食。

好耐無嚟呢度啦忽然想食辣子雞，所以又嚟幫襯吓其實裝修完後就少咗幫襯，因為覺得水準無以前咁穩定希望今日可以重拾信心四川擔擔麵@呢個我仍然覺得不錯，麵身爽口彈牙，小小辣，適合不太食得辣的我。然後加埋肉燥、青瓜絲點綴，增加口感，不過略嫌芝麻醬較少，如果可加多一點增加芝麻香會更好川香辣子雞@雞件大小適中炸得透徹鬆化，而且辣度好夠麻麻又香口...用嚟送飯送麵都一流不過今次好似唔夠咸，如果咸返少少D蔥花會好正

喺屋企附近行下睇下食咩，行行下就見到呢間食餃子同山東燒雞，就入去試下，原來都幾多人來食，好彩早一步行入來，過左陣已經坐滿晒成間鋪，呢度有好多唔同嘅嘢選擇，男友叫左個山東燒雞例牌，例牌竟然有脾食，確實幾好味。2款餃子：魚餃同墨魚餃，魚餃幾好味，可能因為入面有九菜，而墨魚餃D皮係黑色，D皮其實幾厚，賣相真係幾差,味道係完全冇味，不過質感幾滑下！酸醋大白菜，呢個一入口確實幾....酸，不過食食下又幾好味，但如果唔太喜歡酸味嘅，唔建議食呢款！仲有一樣唔記得係咩茶葉炒蝦仁，味道幾清新下，點講呢，味道係清淡嘅，但又唔算冇味，我個人覺得唔錯！我見好多人都叫西洋菜餃子，應該幾好味，我諗住下次去試下！

聽講太子有好多出名嘅餃子店，今日午餐就試咗呢一間阿純餃子，離太子鐵路站唔遠，唔難搵。但我今日就冇試到餃子啦，因為俾佢嘅手撕雞飯吸引左。我叫咗一個手撕雞飯餐，送一碗紫菜湯同埋一杯麥茶。手撕雞飯非常之唔錯，夠晒大碟，而雞都好滑，汁亦都好香，非常嘢味。紫菜湯都滾得好好味，茶都好好飲！小店最緊要仲有人情味，店員好多都好好人！環境又尚算闊落，午餐價錢唔貴，餐牌選擇都好多，下一次經過開呢頭都一定要再食呢間阿純！

山東菜？？？ 中菜唻講，香港盛行上海菜，廣東菜，好少聽人講山東菜，今日行經就去試吓。一入門見到三位姐姐喺度分別負責整餃子皮，包餃子同煮餃子，邊做邊傾計，好有家嘅感覺。西洋菜餃湯麵：餃子即叫即整。西洋菜餃好少食肆供應，皮薄，餃子多肉汁，味道可以，但湯底就較淡，即使。建議非大食嘅人只叫餃子，而非湯麵，兩樣同價。燻魚湯麵：煄魚幾入味，但有少少咸，肉多，少骨。燒雞：全部都係雞脾肉，又燒得入味，肉質滑，但由於現時好難買到新鮮雞，所以呢度都係用冰鮮雞，雞味一般。食完成餐，都唔太知山東菜有咩特式。但建議大家可以試佢嘅餃子，性價比幾高。

曾連續三年獲米芝蓮車胎人美食推介的阿純山東餃子一直令我耿耿於懷，上次於晚上到訪時招牌黑白餃子已售罄，無功而回，更令我心癢癢必定要試一次。這趟午飯時間未開始便到達，馬上下單要一份招牌餃子雙拼，今次志在必得餃子即叫即包，需等候15-20分鐘。先送上一碗熱騰騰的酸辣湯。酸辣適中，配料豐富，稀稠度剛好，做得不錯。期待已久的黑白餃子終於送到面前! 黑色的是青島墨魚餃，白色是青島鮁魚餃，不知是否煮太久，餃子皮有點糊口，欠缺韌度，餡料亦偏軟爛欠口感，能吃到海鮮的甜味，但兩款餃子味道上分別不大，令人失望。吃過一次了結心願便好了。

差到要第一次寫食評同男朋友行街行到累, 夜晚八點幾, 想就地搵野食.街尾同佢打對台個間排哂長龍, 見呢間都出名, 就走入黎試下一入去問下有冇位啫, 個員工姐姐都好肯幫你入去睇, 但老闆用佢嘅山東廣東話霸氣拋下一句: 冇位喎, 出去等一陣, 當然要個姐姐翻譯終於“擠到個位出黎比我倆” (其實唔係滿座), 叫個樓面姐姐黎落單, 一個字, 難~仲要好似好多人落唔切單咁叫左一碟馬鮫魚餃子同個客飯 “X子茶炒蝦仁飯” (唔記得個字點寫)魚餃無論賣相同味道上同街邊隨便一間冇分別, 明白魚可能有碎骨, 但條骨大到盲嘅都睇到, 叫人點夠膽再食? 個客飯同茶餐廳叫餸食飯差唔多, 仲要個 “獻” 厚到似分泌物性價比同值唔值呢家野好個人嘅, 我答你就見人見致啦跟住經典啦~剛食完最後個啖飯, 我地都已經攞起張單睇下幾多錢, 老闆就曹操上身, 快到似閃電俠咁一手搶左張單, 冇錯係搶, 再加一句“出去埋單”, 除左犀利真係唔知比咩評語去到收銀又唔同你計幾多錢, 問下埋單幾錢啫~塊面黑到你, 你估你明鏡高懸包青天咩?找完錢個下仲要大力bang埋個 “錢兜”, 係咪唔想做生意先?我黎食野啫, 唔明點解好似我得罪你咁我

呢間餐廳，見好多食評都係負評。自己轉登去試都怕中伏。響太子兜兜轉轉，迷失方向，著住對高踭鞋行到腳斷都揾唔到，都係因為個map導航係度fa黎fa去，最後唯有聽朋友話，跟著條行車天橋方向，最後仲要轉彎先到，唔係個頭出沒或住個頭真係完全迷失。兩個人，叫了墨魚餃拼番茄蛋餃，素餃拼韭菜豬肉餃，拔絲地瓜以及涼拌皮蛋。首先利益申報一下，我本身就對韭菜無興趣，味道好奇特，不感興趣。素餃，餡料有椰菜，紅蘿蔔，木耳屬於基本配搭，調味夠餡算多，手桿的餃皮帶一種特有的韌性，皮也不算厚，可以接受。番茄雞蛋餃：和我早前在龍鳳吃的有點分別，龍鳳的較香蛋味，而這裡的番茄較多，沒有好與不好，視乎自己口味。墨魚餃：原來有韭菜！原來有韭菜！原來有韭菜！（重要的事情說三遍）這韭菜毀了一切！我不喜歡不喜歡不喜歡，撇除韭菜，墨魚味道還不錯，敗給這韭菜，不知道魚餃是否也有韭菜。涼拌皮蛋：皮蛋幾好，黃都熟透呈漿狀，份量應該有兩隻皮帶，係好味嘅。拔絲地瓜：呢度菜去全晚最驚喜既一道，被瓜甜，拔絲脆，好食過出邊大牌子嘅餐廳。呢度算係我去香港食嗰拔絲最好味嘅一間。其實佢上台嘅時候都冇用冰水浸，但又出奇的脆。最後賣單200幾

多年前已經試過阿純嘅手藝啦～～非常唔錯！自從得到Michellin後價格都開始上漲，今年再去就真係Feel到阿純餃子已經唔算係平民價位啦！今晚同漂流男撐抬腳，食左10隻薺菜餃子、10隻白菜餃子、招牌流亭豬手、雞絲粉皮、蔥油餅、豆漿；兩條紅衫魚都唔夠買單呢！不過順帶一提，薺菜餃子唔係經常有嘅！薺菜嘅營養價值高，纖維素又高，仲可以防癌啊！漂夫人一直都喜歡食東北菜，而阿純就真係幾正宗嘅口味，充滿蒜頭香味嘅醬汁就係點睛啦！今晚去都幾爆棚，將近9點都要等位，而且都維持爆滿狀態呢！希望呢D誠意小店唔會比地產霸權打敗啦！加油啊！！

原來是米芝蓮得獎店，怪不得老闆/員工都趕客似的，下單時拋下一句「餃子要等非常久」就走掉了......所以我也走了。回到公司跟同事說這件事，同事說他吃過，但超級難吃本來是一肚子氣的，但現在倒慶幸老闆趕了我走~

裝修完之後都未嚟過，趁有空閒時間就帶大小公主再嚟試吓擔擔麵同水餃🤤芥香木耳@涼拌汁充滿醋酸味，夠哂開胃，但我就覺得木耳未夠爽脆半份白菜餃+半份西洋菜餃@外皮未算特別厚，包著的菜肉餡很鮮甜，肉餡味道都算鬆軟不俗，當中的菜量算多。就口味而言，小弟喜歡西洋菜餃多一點四川擔擔麵@一碗份量十足，麵條有嚼勁，上面鋪滿花生碎和其他配料，帶辣味的擔擔麵是細麵，口感很好，有入口即化之感。雖說是辣味的擔擔麵，但是吃起來沒有那麽辣，屬於一般人都可以接受的😍