阿純山東餃子

營業中

休息中

有日要去太子搵食，有少少難度，因為平時少蒲呢度，不過記起有食家講過「阿純山東餃子」質素唔錯，咁呢排都鍾意食餃子，就決定去呢度啦。好街坊的外表下其實係米芝連推介餐廳，有點睇唔出。來呢度除左餃子之外，我最想試山東手撕燒雞（例牌$38）。例牌分量唔多，最多夠兩個人分。雞髀肉都好滑，只係應該最入味的雞皮唔知去左邊，所以味道唔多足，要靠點醬增味。墨魚餃（$48）黑漆漆的賣相雖然唔討好，但好有墨魚鮮味，裡面亦有粒粒墨魚餡。除左特色餃子，仲有好多常見口味。白菜鮮肉餃（$40）菜同肉的比例都算平均，醃得夠味，因為有菜，所以都juicy d。食完清清地嘢，又食返d香口嘢，韭菜豬肉餡餅（$26）一睇已非常吸引，外皮微微焦黃，餡料甚多。一咬已感到外皮的麵粉香同脆脆地質感，餡料肉汁充盈，韭菜亦好香，很不俗。不過講到整餐最驚艷的一道菜，一定係香燒羊排（$88）。賣相係有點亂糟糟，但一放上枱已被香氣吸引。羊排充滿孜然粉的香料味，帶好輕微的辣，最重要係肉質非常酥軟，一咬已骨肉分離，近骨的位置帶點肥膏更為一絕，食到停唔到口，連帶墊底的洋蔥都唔放過，呢道菜必點！喜歡麵粉香者可以點個蔥油餅（$22），薄薄的煎得夠香口，只

老公o既男友人RK約我老公出o黎食生日飯,咁我o地就約尋日(4-11-2017 Sat)晚食,地點係我老公o係24-10-2017(Tue)晚同佢班friends食o既呢間,佢話呢間重新裝修o左,冇以前咁o個種舊.我o地去到要等位,但唔係好耐就有,3個人坐o左張卡位,我o地叫o左:1. $38.00例牌o既山東手撕燒雞味道同我同老公第一次o黎食o既一樣咁淡,而o衣o家睇返o個個食評,至發現原來冇俾蒜醋我o地.(o個個 食評: https://www.openrice.com/zh/hongkong/review/%E5%A5%BD%E5%A4%9A%E5%9C%B0%E9%81%93%E8%8F%9C-e2275266)3. $68.00細o既山東清潤滋補羊湯睇見個湯好清,見到有芫茜同芹菜,舀o黎飲,就見到有切成立方體o既羊肉同白色唔知咩o野o既o野.湯底好清,羊肉腍唔羶,白色o既係新鮮淮山,爽口.2. $38.00o既東北皮凍今次比較深色,而味道同口感亦同上次一樣.4. $28.00o既京蔥羊肉餡餅上枱時已幫我o地分成四份,揭開睇,餡料夠,食落,冇羊羶味,京蔥味亦都唔濃.5. $48

三個字（伏，伏，伏）食物伏，服務態度伏，價錢伏。聽聞這店舖有拔絲地瓜，就非常興奮，更有米芝蓮做評級，便滿心歡喜地去試菜啦。。。一去到門口，已滿佈人龍，但都要企梗試下，結果等了半小時，我和小愛人終於有位入坐了。入去前，已搜尋好食評推介之食物，更有必食的拔絲地瓜啦，看見餐牌上拔絲可以雙拼其他食物（地瓜又只配白藥），只配白藥已經有點不願意，仲要雙拼+10，合共$88 都照落單，並且，叫西洋菜豬肉餃子，炸爆冷麵和西蔥羊肉饀餅，一於食齊他的招牌小食。怎料，一個字（伏）,只是一般的食物水準，沒有米芝蓮的級數，令我大失所望。店舖老闆山東版林𡶶，態度無禮，沒有笑容，常常表現不耐煩。

燒雞，可能外賣，賣相差咗D，好味!有酒香味!嫩滑，豬手，世侄女都食唔停口，羊肉餃子，皮脆多汁，素菜饀餅，地道美味，二父子，刷嘥!😍😍裝修過後環境好咗好多，不過老細，冷D，冇乜笑容，日後會多D幫襯!😍😄

我個人都好鍾意食山東菜，因為有羊排同羊湯，無奈女友唔食，唯有叫少少野試食下。先嚟杯酸梅汁，酸度岩岩好，冰爽又開胃。跟住嚟手撕雞，出奇地好食，係有少少鹹不過好入味，配埋佢個醬汁更濃味。再後馬交魚餃和墨魚餃，即叫即做，皮薄，不過餡料無乜特別。整體都算唔錯可以一試。

來吃下午茶，送凍酸梅湯，矮矮一杯加長長膠飲管做乜？即說走飲管，阿姐咪黎手掉咗，我想起誤吃飲管從鼻孔出的海龜，作孽。擔擔麵： 湯淡，乜有梅菜肉醬？無麻香。魚茸水餃： 無特别。劣醋成敗筆。臨走有個豬肉佬大熱天時拿來四袋豬肉醬，隔袋都見肥肉多過瘦肉。送來的肉醬怎會不夾雜劣肉肥餘。好彩我們一向不在外吃豬肉，因大多是中國打針豬。鋪如食材，中國製造質素低。人手包水餃又點？好心自己買肉剁啦！又見到一罐罐鷄粉明明專做水餃，都咁馬虎。簡直係劣幣！

新裝修後去食轉，晚上七點三左右就走左入去，自行揾位。見餐牌墨魚餃自己對墨魚製嘅有特別喜好，所以依個已經係我首選，男友選了涼拌土豆絲同雞絲粉皮，再加多個未食過嘅炸醬冷麵。涼拌土豆絲夾埋口就嗅到有麻辣嘅香，質地爽脆帶好少嘅麻感而不帶辣，我就十分喜歡雞絲粉皮都不錯，兩份都係盛滿喺手掌咁大嘅小食碟上。墨魚餃料夠充實，有葱香，好味炸醬冷麵送到黎，但唔記得影因為無醬汁，比較乾粒粒狀拼麵。。。食得麵黎就夾唔到肉粒豆乾粒。。。無好難可以一口過食晒

無論係路過定特登去，唔知點解每次去都係無開舖!今次終於食到喇~山東人阿純主理~(之前報導有訪問過老板阿純原來係男人，我成日以為係女人)小店位於荔枝角道，雖然喺路邊但算喺較偏嘅位置。舖面較舊，佢度門好似就甩就甩咁好攪笑!舖頭主打山東菜，北方餃子當然係賣點!一入舖𥚃面就見到張包餃子嘅枱!即點即包?係真唔係呀?無留意到喎!下次睇清楚d先!地方唔算大，一般茶仔格局。酸辣湯見有人飲緊酸辣湯，有分大細，15蚊一碗細叫碗試下先!可以辣少少就更好!涼拌海帶絲差緊d咸味!香辣海蜇差緊d咸味，辣味都唔夠山東燒鷄全晚之最，加埋個汁超正!尖椒皮蛋我麻麻地個汁極醋韮菜餃皮都唔算厚，中規中矩啦!羊肉餃拼鮮蝦帶子韮黃餃有人终於食到羊咩咩喇!羊肉餃我冇食，朋友冇特別意見，只係今次呢轉餃子皮厚咗dd !鮮蝦帶子韮黃餃d韮黃又唔夠香!食完成餐餃，除左個酸辣湯同燒鷄不錯，其他都一般!不過呢度出名嘅……係我唔食既羊咩咩!可能羊真係做得出色我唔知!講到底都係2013米芝蓮推介，餃怪點都要朝聖下!

從來，初戀都是最難忘，最刻骨銘心的。感情如是，吃東西其實也如是，飲食男女，都是一樣。每次吃山東燒雞，我都會特別懷念早已結業多年，在佐敦彌敦道二樓開業的「北京酒樓」。還記得第一次吃惹味香濃的「山東燒雞」，就在那兒。當時的「北京酒樓」，生意極好，又夠氣氛，各款大小菜式，都做得有板有眼，讓人吃得津津有味。特別是它的招牌菜式之一「山東燒雞」，醬汁與雞肉融為一體，出色吸引的味道，讓當時初次吃到這道山東菜式的我不禁為之驚豔。事隔多年，「北京酒樓」早已煙消雲散，聲沉影寂，坊間雖有三數小館子，打著山東菜的旗號，也有「山東燒雞」這道菜式在餐牌之上，但無論那間館子，也似乎尋不回昔日的味道。單吃「山東燒雞」還好些，也許還能有七分往日所吃「山東燒雞」的影子，但好像這次我在這間其實山東菜水準已算不錯，自己也偶然會光顧的「阿純山東餃子」吃的「山東燒雞麵」，雖然燒雞份量頗多，整體味道也過得去，但燒雞沒有了濃香的醬汁作伴，就似像牡丹沒有綠葉扶持一樣，縱然美麗，也難忘打了不少折扣。 初戀總是特別難忘，失去了便只能永遠埋藏於回憶中，食物，也是一樣。

米之連2017既食店之阿純山東餃子✨ 佢既山東燒雞（例牌）hkd 35 😊無可否認佢既雞係我食過最嫩滑既一間！啲雞加埋啲醬汁好香好滑好好食😍啲雞皮又係好好食😈連埋肉真係very good👍🏿去到一定要叫！食半隻完全唔夠喉😌京蔥羊肉餃 hkd44 煎餃再加5蚊✨有10隻😏 唔想成日食豬食下羊都唔錯架🤔 雖然佢既羊肉餃有陣蘇味..但佢既煎餃係做得好出色✋🏿皮厚可以鎖住啲肉汁，而且更足料..蘇味唔大但食唔慣既人就會覺得比較難接受🙂順帶一提佢既豆漿hkd7蚊，豆香味濃，甜度剛好😏又係一定要試呀！

如果唔係有 friend 嚟過都唔知有間山東野開喺呢度。一入去就見老闆娘包緊餃子，牆上貼滿食物相，花多眼亂，樣樣野都想試！京葱羊肉餃，唔夠羊味，京葱唔夠香，皮冇山東人趕皮嗰種咀嚼感，總之食落冇乜"勁兒"，一般貨式。涼拌豆腐皮，呢個好味，切成一條條好似麵條咁，加左蒜末同少許花椒油，又香又麻，好食！芥香木耳，芥味重，食落好過癮，不過食到底小心攻鼻。最後嚟個北方小雲吞，皮滑，細細粒啱晒港女，落左紫菜同蝦皮，幾好味。總括嚟講涼菜正過D餃，不過我冇試小炒，會返兜再試其他野！

呢間小店睇落都幾懷舊，相信有一定歷史🤔出餐速度快👍🏼京蔥爆羊肉 $68 見佢地有好多菜式都有羊肉！呢碟京蔥羊非常香口、野味！😍 送白飯一流山東燒雞 $36 一隻雞脾既份量，肉質嫩滑，味道係沙薑加豉油，幾好食！麻辣雞絲冷麵 $34好多麻醬，少辣，好入味😋麵質吾錯，仲好大碗！抵食！凍豆漿$8香芹鮮肉餃 $38 /10 隻媽媽既味道❤️好食呀！果然係出名食餃子的, 仲有好多款口味，下次再食。我地食完走果陣有幾個人等候。

喜歡吃餃子，放假經過太子見到這間餃子店，鋪仔細細，簡樸的裝修。二話不說地走入店內試試。看著餐牌有很多羊肉類的食品。啱晒口味點了招牌菜，山東燒羊排，肉質柔軟，羊味豐富，識食羊一定要有羊味。另外，還點了涼拌海帶絲、爆汁羊肉餡餅、京蔥羊肉水餃、山東炸醬麵和豆漿。全部都好好味，下次會試下煎餃（價錢跟餐牌價要加$5）應該會更香口好味。我二人吃得非常滿足對這間食店十分滿意，已經相約好友下次要試下這食店其他美食。

太子呢類型舊區最好的地方就是多小店，單單在太子至長沙灣一帶就有4、5間手工餃子店。阿純山東餃子一直在太子為人所熟悉，除了因爲是手工製餃子外，更重要是以山東菜的特式為招徠。下午茶時段已經有8成滿，足以證明它的受歡迎程度。1. 白菜豬肉餃子（$41）即叫即煎！送上檯時新鮮熱騰騰，一咬開有肉汁飛出來，吃起來惹味每粒都好多餡料，菜肉比例均衡，如果再煎香口啲就好2. 山東燒雞（$35）老闆可能用錯圖，用左廣東燒雞圖，所以唔識山東燒雞點整既客人會以為貨不對辦。其實山東的做法是要將雞炸後再浸滷水。阿純用的是正宗方法，並且沒有偷工減料，用上兩隻雞腿，肉質嫩滑，下面的青瓜絲吸受滷水汁後很入味、爽脆。3.紅燒牛腩麵（$36）麵質彈牙，無粉味，亦唔會一舊舊。湯底雖然是清湯，但有充足的牛腩味，沒有加入味精。牛腩無渣，夠諗夠軟。4. 芥香木耳（$28）用芥末同醬油將木耳調味，吃起來清新之餘仲好攻鼻，店鋪仲細心地將木耳既硬邊切去。

麥記比佢更平但衛生都好過佢好多，食食下可以有曱甴出現，係咪平就可以代表衛生標準低D呢？真係唔明點解咁多人食，以為有米之蓮就一定好？味道就各人有各人喜好，本人就覺得超普通，可能山東有山東既風味，我未去過山東第一次食山東餃子，但比起北京上海日本韓國香港本地餃子，本人真係唔識欣賞，希望只係個別店鋪口味，唔好影響我對山東餃子嘅印象。最後我發現放上食評嘅相好多用專業相機影出來，好有景淺深效果，但又好似求其影，影到好似snapshot咁，d相好靚周圍好乾淨，但現場係兩回事，呢間米之蓮唔見有人影相，點解會咁嘅？