阿肥火鍋 (已結業)

同一大班朋友食飯諗到頭都爆個個都冇主見嘅，完全唔知想食乜嘅情況底下又想靜靜地坐下傾吓計就決定打邊爐，見到呢間阿肥火鍋二話不說就行咗落去。因為唔想再諗，開咗間房仔坐低，準備叫嘢食嘅時候，望住將餐牌一陣。。我搵咗好耐都搵唔到佢哋有咩湯底可以揀，而且價錢偏貴，不過未食就唔知啦，可能靚料又好新鮮呢。。湯底就求其叫侍應幫我哋揸主意，叫咗一邊麻辣，令一邊就花膠雞窩。另一張點餐只啲字細到睇唔到咁滯。。。種類算多嘅，都係價錢比較貴，不過尖沙咀呢啲地段就預咗啦。呢兜野係我哋一坐低就係咁，我意思係:會唔會可以整乾淨少少同好睇少少送上枱呢？好似唔係幾presentable 囉。。。始終你收費唔算平而且有加一服務費㗎，男店員服務態度差到一個點，問佢拎筷子，應一句都廢事，直接行咗出去拎，佢嘅眼神話俾我知佢嫌我地煩，如果真係咁唔想做不如唔好做啦，仲有我哋坐房，除咗傳菜入嚟之外，期間係完全冇侍應入嚟望吓我哋有冇其他需要，直至我哋個煲冇晒水燶晒底都係我哋自己行出去搵人入嚟加水，入到黎仲要黑晒面，因為真係太燶我哋拎起咗個煲，而個女侍應個樣就話俾我知：你唔放低個煲我點加水？(總之兩個侍應比我嘅感覺都好差)趕客mode.

老友係英國返嚟第一時間就搵我打邊爐，我就負責約齊班朋友一齊烚下烚下。今次我搵嘅呢間餐廳裝修就真係好有舊時代嘅香港特色，打邊爐我地唔止講啲嘢食，都好 講feel架！呢度氛圍真係唔錯，好似身處一啲拍攝場景或者博物館的感覺。呢間餐廳有好多養生湯底，最啱就係我地呢啲老餅，我地就揀咗燉杏汁冬蜜菜乾白肺湯，功效清熱止咳又潤肺。配料就唔一一細講啦，特別嘢就有幾樣嘅，骨膠原牛蹄筋：無見過打邊爐有得叫呢樣嘢，我自己就好鐘意食嘅，覺得軟淋得嚟又彈牙。加拿大象拔蚌：好鮮甜，唔洗點任何醬汁，原汁原味就已經夠鮮美。蒙古羊肉片：羊味十足。

同事介紹去咗一間懷舊舖頭打邊爐，尖沙咀通常泊車都比較麻煩，好彩喺附近搵到個停車場，停低部車行少少就已經到門口啦。入門口就見到D特色裝修，真係有好多上世紀嘅老香港風味，環境充滿懷舊氣息，配搭上本土特色餐具，氣氛良好。叫咗花膠雞湯做湯底，我地未落料之前，梗係每人飲1碗先啦，超好飲，真係feel到花膠嘅膠質溶入D湯度，飲嘅時候有少少黏口嘅感覺，好足料。點咗手切牛肉，見到牛肉肥瘦平均，顏色紅潤，好新鮮，肯定唔係雪藏貨。食落有濃郁牛味。其他火鍋配料，點了唐生菜、四寶丸、芋絲、炸魚皮等，全部都中規中矩，特別係幾款自製餃類，食落都唔錯。

趁住今日早左收工，就約埋朋友夜晚一齊打邊爐吹下水叫左個花膠雞湯底，佢呢款湯底連埋半隻雞，咁就唔洗叫太多肉另外仲叫左海鮮拼盤、手切肥牛、脆鯇片、魷魚、豬皮等等火鍋料餐廳格局幾得意，裝修完全係模仿老香港例如舊時代香港既店鋪裝飾、日用品、招牌等等...坐低之後發現原來仲有兒童年代既經典漫畫 - 龍珠!!仲要係中文版!!!真係好驚喜......我同朋友係自幼稚園認識到依家既死黨....想當年佢整唔見我其中一期龍珠漫畫，我嬲足佢整整三日!咁啱呢度既龍珠漫畫就有我缺失左既呢一期...梗係即刻拎黎睇啦講返食物先海鮮拼盤幾新鮮，同埋件頭都算大隻靚海鮮用黎打邊爐就一定無得輸架啦仲有手切肥牛都係佳作之一入口即溶有牛味，雪花紋分佈得極好其他火鍋配料都唔錯侍應服務態度親切有禮

今日同幾位朋友諗下去邊度食，有人提議去返上次果間啦！然後我就拿拿聲book位，好彩比我成功book到位！✌️✌️一系列懷舊風味都真係好有回憶，好有親切感。我同朋友爭扎完一輪，究竟試下麻辣湯好定係再食胡椒豬肚雞煲好呢？最後都係揀返胡椒豬肚雞煲，店員仲會好窩心甘幫我地剪開隻雞等我地容易食。呢個幾次黎都有叫，望見顏色就知新鮮！蜂巢豆腐索晒湯好好味 如果係麻辣湯應該會更正😆唔少得手打丸同水餃手打丸好彈牙，好好味水餃唔夠黑松露餃好食當然唔少得蔬菜藍 乜都有啲 啱晒我地班懶鬼 唔洗諗其實仲有響鈴同牛筋無影相，響鈴打邊爐唔少得，牛筋太遲叫，我地整得唔夠冧，嘥左！🙈🙈總結係下次會試下麻辣火鍋湯底+蜂巢豆腐+鴨血先至得。🤪🤪備註：其實佢個花膠雞煲仲正，記得飲下個湯。💝

呢排天氣凍到面都青(可能係因為衫著得少），所以決定要去打邊爐尋求一點溫暖啦！我地揀咗養生松茸菌昆布湯鍋，我地打邊爐就偏愛清少少嘅湯底。我見其他湯底都好濃郁好足料，鐘意濃湯嘅都可以試下花膠雞湯，海鮮湯，都有嘅。我地兩個人，所以啲嘢食叫得唔多，但我地都覺得味道唔錯嘅。自家鮮制四寶丸：我就最中意食蝦丸，彈牙鮮甜，好味！朋友就比較中意食黑豚肉丸，口感鬆軟。鮮蝦黑松露餃：味道濃郁鮮香，大大個，好足料。豬朋好友：豬類部位嘅拼盤嚟嘅，包括日本豚肉和幾款豬內臟，內臟都處理得幾乾淨，食落都新鮮嘅。黑鮮腐竹：第一次食黑鮮腐竹，樣睇落係黑少少，但我都食唔出同正常嘅腐竹有咩分別，哈哈。份量對於我地兩個嚟講就啱啱好。環境就比較細嘅，但勝在裝修特別，鐘意啲復古裝修餐廳嘅就啱去啦。

餐廳好花心機裝飾，入面擺設肯定下過功夫，有好多以前常用嘅紅色塑膠器皿，保暖瓶，連舊式收音機、電視機都隱身在周圍環境中。對喜愛舊物嘅人嚟講，應該唔鍾意打邊爐都要嚟睇吓。湯底都有好多選擇，有豬骨湯、胡椒豬肚湯、麻辣湯等主流選擇，亦有比較特色嘅滋補湯底，花膠鮑魚烏雞湯、杏汁豬肺湯等燉湯。我地今次無預訂，所以都係無得試D特色湯底，最後決定鴛鴦鍋啦。先叫咗份小食，同事無啦啦話要食乳鴿，咁叫一份俾佢食住先啦。估唔到又幾好食。火鍋配料都食咗幾多款，特別D嘅有2樣。紫菜響鈴夠特別，出面好少會包埋紫菜一齊炸響鈴。另一樣比較特別嘅係豬天梯，唔係好多地方有得食，食落爽脆彈牙，份量都唔少，好抵食。

呢間火鍋店成日見到朋友係某社交平台打卡，裝修頗具特色。我次次見到都好眼紅，今次終於約到同好一齊去食。地方其實唔大，想嚟食就真係要Book位，好彩我醒目，提早Book咗位。餐廳係地庫，更加增強一種神秘嘅感覺，好似穿梭咗去另一個時空咁。裝修佈置都好講究，處處都係懷舊小物品，例如熱水壺，掃把，舊時嘅漫畫和海報等。湯底叫咗老成都麻辣鍋，有呢個湯底，叫咩配料都好食啦！鮮蝦黑松露餃：發覺好多地方都有得食黑松露餃，但加鮮蝦嘅就唔多啦，加咗蝦食落就更鮮美。桃園疊影（什菌拼盤）：有四款唔同嘅菇，包括冬菇，秀珍菇，杏鮑菇。分量好多。豬朋好友：包括5款配料（豬潤 豬肚 粉腸 豬皮 日本腩片），浸滿麻辣湯汁嘅豬皮好味，其他幾款豬內臟都食落新鮮。仲叫咗芋絲和鮮腐竹，食到最後我地都係落中間清湯，清淡收尾。

🐯一行三人Happy hour完，諗住近近哋係洒吧樓下食宵夜，就係門口見到宵夜特價套餐好似好抵食，於是就決定去食！一入到餐廳，見到一位侍應同佢講我哋三位，佢完全唔釆擰轉頭就走。。跟住終於有人上前招呼我啦坐低！我哋一坐低就叫個湯底先。。花膠雞湯。。聽落都堅呢！嘩，真係有半隻喎。。啲花膠就只係迷你膠桶仔，不過打邊爐做得湯底都唔會要求俾啲咩好嘢咖啦。。但係啲花膠真係好腥食唔落，而啲雞都算正常嘅冰鮮貨，可食到，仲有配埋師傅濃湯底。。精彩嘅畫面終於出現啦，侍應送上一碟火鍋料上枱，驟眼睇以為佢送錯，原來係我哋點嘅韮菜餃。我從來未見過賣相係咁嘅(圖中最右手邊嗰碟), 點都要試吓，點知連味道質感都好獨特，真係好想知係邊度入到咁特別嘅貨！至於手工嚮鈴，唔脆又有啲油益味。。其他嗰兩款料都尚算過得去！至於個牛皇拼盤仲精彩，睇落好似未執齊碼就擺咗上枱咁款，有四款嘢：卷狀雪藏肥牛3件，牛肉粒6粒左右，黑柏葉3塊，仲有一碟大約6片仔似係手切牛。。係咁多！當時我見到呢碟嘢第一個反應係想即刻埋單走人。。所以我連相都無心情影！最終我都有食吓呢個招牌阿肥牛皇拼盤。。結果都只係好普通！總結，環境裝修好用心仲配埋80-90年

舊式嘅裝潢中，當然有養住新鮮海鮮嘅魚缸，成個街市咁，毫無違和感。有鮮活海鮮咁就要試下啦，揀咗蟶子同埋1份花甲。湯底選咗鴛鴦戲水鍋，因為有海鮮嘅關係，松茸菌昆布湯就唔會搶咗海鮮嘅鮮味，而麻辣又可以配搭牛肉、丸類去刺激一下。蟶子味道鮮甜，$48一隻價錢幾合理。花甲都唔錯，不過唔好煮得太耐，開口就要即刻食。牛柳粒口感唔錯，煮得耐少少都唔怕，可以令麻辣味道更加入味。有好多其他配料可以選擇，有幾款都試唔到，食過又覺得唔錯嘅有百花釀油炸鬼、響鈴，索咗湯汁仲有脆口嘅感覺，好食。

今日去左間主打老香港風格既阿肥火鍋打邊爐果然去到見到佢D裝修真係幾有懷舊風味仲有一堆龍珠漫畫放係度，真係咩童年回憶都返哂黎呀佢地既火鍋料都好多選擇淨係海鮮都有十幾款，心思思想食多幾款海鮮既話仲可以叫海鮮拼盤，一次過試哂海蝦、貴妃蚌、大蜆同蟶子皇海鮮真係幾靚幾新鮮，唔會係俾死海鮮或者雪藏貨特別係貴妃蚌真係大大隻，爽口彈牙又鮮甜蟶子皇都夠哂大隻，唔洗點任何調味料都咁好食!另外我地仲叫左黑鮮腐竹、四寶丸、炸魚皮等等四寶丸包括有鮮蝦丸、墨魚丸、牛肉丸同埋黑豚肉丸四款丸都係手打，所以煮完之後係超級彈牙，唔係食到成口粉個種內裡仲好juicy，最鐘意就係蝦丸，爽甜彈牙真係有蝦味架!

未出席之前已經被通知會去懷舊餐廳，不過就唔知係食古老菜式定係環境設計係懷舊味道。知道名字叫阿肥之後就馬上上網search係食咩架啦，原來同我估計有分別，本來以為係食鑊氣小菜嘅，阿肥個名似係開大牌檔啦。攞咗menu就發覺，原來都有D大牌檔菜式可以點。脆皮豆腐、脆炸午餐肉、炸蝦球等鑊氣嘢就最啱喇。配返竹蔗水就唔怕熱氣啦。湯底選擇咗豬骨鍋，因為有幾個人都唔想食辣。配料要咗幾款丸、水餃、海鮮有帶子、魚片、花甲。再點咗少少肉同菜已經好飽。每人都係約$300，唔算好貴，又有多種配料選擇，有下次。

上網book有20% Off 去到得一款牛有折 折左都要一百蚊 但黎到得大約六片再叫多左個二百幾蚊既牛 平定貴既都係無乜牛味豬骨湯底普普通通牛丸六十蚊得四粒成餐飯靠碗花生湯渣飽既最後埋單兩個人加埋折都要$800要比服務費茶錢都正常 但醬料小食都各$20😓搞笑既係呢度既懷舊主題做得好足竟然只可以比cash, VISA EPS都唔得明明open rice寫各種交易方法都得唯一係侍應服務態度幾好但六十年代火鍋既話銅鑼灣十下好味好多

總結：訂左檯都可以無位食，咁嘅安排同服務態度，心水清嘅諗清楚好唔好去食5日前已經book左檯慶祝朋友生日，2日前收到餐廳confirm booking，3個鐘頭前仲打去改早半個鐘，confirm 再 double confirm，然後當你收工後滿心歡喜一行5人由港九新界到餐廳，先至同你講：唔好意思，我地頭先入錯左檯客，而家無位！餐廳座位唔多，數埋都唔夠20檯客，咁都可以入錯檯，仲要開頭話：頭先有檯客都係姓陳，我以為係你地......呢個藉口用嚟呃細路女可能有用，但今晚明顯係over booking，邊檯黎先邊檯有位嘅玩法（澄清我地無遲到），想安安樂樂食餐飯嘅朋友，要有心理準備訂左位都會無位食！經理Chris有歉意（少少）但係冇誠意，餐廳安排失誤唔係一早話俾客人知，要我地5人白白企喺側邊等，喺我地連番追問下，先至話訂左檯都無位，笑笑口講對唔住，唔講點樣解決、點樣補償。「教育」完佢之後話：你地等1個鐘就有位架啦，到時俾半價你地！表面睇落係咪好吸引，但唔好忘記，星期五1930呢個時間好多人都啱啱坐底叫野食，一班人可以1個鐘交檯嗎？你地同朋友打邊爐可以淨係打一個鐘咩？到頭來都係亂咁講黎呃/安撫

A couple of friends went out to this restaurant. Hotpot is the forte of the restaurant. However one of the main draw of this restaurant is the decor. The retro style decoration is reminiscent to the 60's Dai Pai Dong.Dai Pai Dongs used to be the mainstream dine out place in Hong Kong. But now real Dai Pai Dongs are limited by the government licenses. It is in fad that new restaurants open with that retro style so that people can experience the old-time indoors and with air-conditioning.We had ho