阿肥火鍋 (已結業)

呢度環境裝修到好似係街市食嘢咁（I mean 好靚嘅街市），好有市井味！好港式！好適合帶外國嘅朋友嚟試下。不過今次就係同啲港女嚟食，食嘢前先影相打卡先，個個當間餐廳作為佈景板，（當然亦都包括我……），影咗幾十張……講返啲嘢食先，湯底揀咗金腿大蜆走地雞冬瓜盅：一上枱嚇一跳，真係好足料，齋係食湯底都夠飽啦！味道好鮮甜，湯底有冬瓜，火腿，雞和大蜆，想唔鮮甜都難啦。小食叫咗兩款：沙薑雞腳同脆皮BB鴿，味道都唔錯。阿肥牛皇拼盤，肥牛同牛柏葉真係幾正，一個嫩滑，一個爽脆！仲叫咗三款滑類：蝦滑，墨魚滑，牛肉滑。我就最中意食蝦滑啦，口感爽彈！食完返屋企一稱真係肥咗兩斤……不過可能係個磅壞咗姐……（唔想接受現實）

阿比火鍋位於嘉芙中心嘅地牢，由行樓梯開始呢影覺得呢一間餐廳嘅裝修水準應該好特別而且帶有懷舊復估嘅感覺。到去呢簡直係一個小型嘅攝影棚首先欣賞呢一度嘅燈光夠光猛要影相呢真係好容易另外仲有唔少嘅特色牆每一張枱力都會影到一啲特別嘅環境。 啲食物呢價格係屬於中上價格比較適合多啲人一齊食咁樣就會抵啲啦。咁抵嘅選擇都好多特別推薦呢就係呢一度嘅自家麻辣火鍋條配味道十分之適合香港人口味。呢度有新鮮鴨血啦仲有我最鍾意嘅鮮淮山同埋爽脆嘅萵筍建議萵筍真係唔好殺咁耐如果唔係就會淋到變菜心啦。牛肉呢就有牛肉拼盤又或者可以一樣一樣叫值得一提嘅就係呢一度嘅牛骨水好味配麻辣火鍋超正。相呢一度嘅麻辣湯底之外呢其他嘅湯底尤其是有一個雞底，直程可以直接飲。裏面嘅雞肉鮮嫩美味適合我哋呢啲唔係好經常有機會返屋企飲阿媽靚湯嘅人。環境裝修服務呢都OK 㗎。適合就係大鵬引來開開心心而且呢啤酒同酒類選擇都好多啊！

我地一行5人8點多去到尖沙咀搵食見到周圍都要排隊路經一間個門口好似幾得意行懷舊feel的火鍋店就一於睇下有無位即時入座啦~~🎈🎈🎈嘩~~入到去，就即刻有一種去左另一個懷舊年代咁旁邊有唔同的鋪頭做裝飾好似糧油鋪、涼茶店、雜貨店果d~~枱做係用大排檔果d大圓木枱~~懷舊feel，正~~💕💕💕醬料係去糧油店自己拎的~~醬料種類就正常果d，無咩特別(題外話: 醬料收$18一位)睇下d水壺、飯壺幾懷舊~~🤗🤗🤗小食 (咸花生 & 腌菜甫) (各$20)咸花生係好香口~~不過真係落太多鹽，有d太咸~~😶腌菜甫咸咸辣辣，夠爽脆~~好味~~不過$20碟來說，個量都真係唔多~~🤷‍♀️馬蹄竹蔗水 ($66)冰冰涼涼~~配火鍋熱辣辣，很爽~~但味道較清淡，沒什麼甜味，很健康的感覺~~如果甜一點點會更好飲~~🤔濃雞湯花膠雞鍋 (小)($248)湯底是那種沒落味精的雞湯味~~沒太多咸味~~全隻雞，配上花膠、杞子、紅棗~~養生湯鍋~不過，始終是雞湯，一定是比較油~~😶正式打邊爐前侍應會將隻雞拎走，幫手碎上，方便大家食~🐥這時候，可以先飲碗花膠雞湯~~😙極上手切本地靚牛肉 (大) ($308)手切牛薄薄的，嫩滑的~

一直以來嘅聚會都係由康樂組負責安排，其他人都唔多會有特別意見。我就只係要知道時間同地點。連餐廳食咩菜式都未必次次會留意。今次一期一會嘅聚會選擇咗去阿肥火鍋，我入到去先知原來裝修賣點係懷舊。佈置都好有特色，格仔紙皮石紋，配合涼茶舖、菜檔、唐樓等老香港風格，應該時常都有好多食客會影相打卡。火鍋湯底有十幾款，我地揀左麻辣。配料有超多選擇，牛肉點咗2款、羊肉、四寶丸、響鈴、魚皮餃、芝士腸、芝心丸、水餃。羊肉味道略帶騷味，應該係脂肪較多，有2位唔食羊肉，咁其他人就梗係唔客氣啦。牛肉點選安格斯牛頸脊和手切肥牛，2碟都好好食，掛住傾計浸得過咗火都唔會變得好鞋。四寶丸嘅蝦丸同墨魚丸較為出色，食得出係真材實料，唔會食到成口都係粉，口感夠結實。其他餃子同配料都好正常，不過掛住傾計，食得唔係太多，有幾樣都無食到。期待下次康樂組嘅安排呀~

有兩位台灣朋友黎左香港玩，佢地都話想試下港式打邊爐~於是就帶佢地去裝修好有風味既阿肥火鍋餐廳係百年紀念公園對面，非常易搵裝修係以80年代香港作為主題，無論擺設、地板以至所播既音樂都充滿濃濃香港味朋友忍唔住拎相機係咁影~最得意係放左D龍珠漫畫係度~真係超懷念...雖然我係女仔，但想當年都好鐘意追龍珠漫畫坐低睇緊MENU個陣餐廳咁啱就播到某首名曲【對你愛不完】兩位朋友一聽就識唱~可想而知呢首歌係幾咁出名最後我地就ORDER左一個海鮮盤、鮮蝦雲吞、門鱔炸魚皮、牛皇拼盤同埋其他丸類、蔬菜同出前一丁海鮮盤包括海中蝦、貴妃蚌、大蜆同埋蟶子皇~兩位朋友都好滿意，因為係台灣打邊爐要食新鮮海鮮係好貴...鮮蝦雲吞入面有好大隻蝦肉，肥豬肉唔多，我都好鐘意食!!牛皇拼盤就有手切牛肉、安格斯牛肉、牛柳粒同埋黑柏葉~兩位朋友都鐘意食手切牛肉多D,鐘意佢夠哂淋同埋勁重牛味~而我就鐘意食牛柳粒，淋得黎有少少咬口，黑柏葉都唔錯，點辣椒豉油就啱哂作為打邊爐愛好者，打邊爐又點少得炸魚皮呀?!炸魚皮就食唔少，門鱔炸魚皮都係第一次食。MENU寫明係有骨，但其實都已經炸到勁脆，基本上D骨都可以食埋~炸魚皮比平時食開個種厚身少少

想食花膠雞煲好耐，但一直都未有時間。星期五放工就決定同朋友去食阿肥火鍋，.「門面方面」一去到，已經見到佢既門面好俾心機，懷舊特色。「食物方面」一嚟緊係叫佢既濃雞湯花膠雞鍋，湯底有半隻雞、筒膠，侍應叫我地可以飲左雞鍋啲湯先，佢幫我地拎隻雞去剪，再食花膠同雞，之後先加水打邊爐。湯底好鮮味，感覺係滾左一陣既湯底，所以花膠同雞味都好濃。雞肉好嫩滑，唔會好老，咬唔到果種，真係一路食一路讚好食。花膠都唔係一啲cheap既花膠，係有咬口既花膠，岩哂我同朋友既口味。.我地仲叫左個海鮮拼盤、自家制四寶丸。海鮮好新鮮，鮮味足夠 四寶丸就唔係每一種丸都好味。佢有啲醬料俾客人點返既，主要係啲打邊爐既醬，都齊全既。提提大家，就算唔需要醬料，但要收返醬料費既。.最後兩個人食都好飽，就開始欣賞佢內在環境，好有特色，行香港懷舊風。令人想起從前的香港。

白色的瓷磚、舊式的地板往下行落去。。。一張藤椅、一幅用麻雀砌成的地板充滿著80年代的懷舊風味其實是一間火鍋店，店內一直播放著充滿回憶的80年代歌曲， 每一首我都可以琅琅上口(暴露咗年齡添)))胡椒豬肚雞鍋 x 老成都麻辣鍋胡椒豬肚雞鍋一滾時，當然係裝一啖湯試下先啦，好清香，唔會好油膩，而且雞肉以滾湯嚟講雞肉質地::佢有麻辣嘅香味，但係又唔會係搶喉嘅辣味， 令到大家都由胡椒豬肚雞鍋轉去麻辣::牛肉粉嫩滑口，每一下咀嚼都有牛既油香揮發出黎，灼10秒已經足夠，牛既鮮甜味會係口中齒頰留香門鱔炸魚皮(有骨)分量都幾大塊，質感比較硬，建議浸耐啲先食， 沒有油益味非常好。冰鎮黑栢葉，爽脆而彈牙既黑柏葉，係火鍋界中必點既食物之一，口感難以抗拒，爽而不un滑溜溜既牛骨髓，用白雪雪既外表吸引著你，厚重既牛味完全隱藏其中，咬落軟軟的，有種不一樣的感覺。鮮蝦黑松露餃未放入個鍋度，已經聞到濃濃嘅黑松露味，熟咗之後咬開，見到有兩、三隻大大嘅蝦，頓時覺得好滿:自家鮮制四寶丸( 鮮蝦丸，墨魚丸，牛肉丸，黑豚肉丸)立立都好彈牙，牛肉丸仲有好香濃嘅牛肉味 ，食一粒都已經覺得好飽。

有台灣朋友訪港，攪手一星期前已向阿肥火鍋預訂私房菜，八位訂咗一湯七餸。1. 燉湯(花膠丶鮑魚丶烏雞丶雞腳丶排骨丶杞子等)2. 黃金蝦3. 避風塘炒大肉蟹(兩隻)4. 菠蘿咕嚕肉5. 蒸斑6. 炸手雞(一隻)7. 薑汁芥蘭8. 豉椒蟶子米粉底一開始飲燉湯，淨見D湯料已經令我流哂口水，飲落口嗰下真係冇得彈，清甜唔油熱騰騰，完全將胃口打開了，突然好似好肚餓好想食嘢咁黃金蝦好多羔，一咬D蝦羔同鹹蛋黃一齊咇出嚟，好正；避風塘肉蟹嘅蟹好新鮮，配料超香；菠蘿咕嚕肉係一道看似普通但難做得好味嘅餸，大廚真的做到外脆內嫩，份量好多，同個presentation一樣多到滿瀉，新鮮波蘿肉好甜；條斑蒸得剛剛好，個個食到呢個時候已經飽飽哋，但都係食唔停；炸子雞皮脆肉嫩；芥蘭嘅薑汁味就唔夠濃，但平時唔多喜歡食芥蘭的朋友就讚炒得好，冇咗芥蘭草青味；蟶子新鮮炒得剛好、煎米粉煎得兩面脆脆，按我個人口味個汁就多咗啲。飯後果西瓜都食埋，大家都話好飽。朋友們繼續一邊飲啤酒一邊傾計，老闆見大家飲咁多啤酒咁開心，介紹兩款佐酒小食：錦鹵雲吞(炸得好脆、餡料又多)及椒鹽粟米(香口丶細細條易食)，這粟米不得了，最終食咗三碟其實我之前有寫

閏蜜聚今次揀左係尖沙咀食打邊爐~而朋友揀左呢間很好打卡既阿肥火鍋 由一入門口已經見到地下有麻雀鋪係地下，好有香港特色～ 打邊爐緊係最緊要揀湯底啦！ 朋友極力推薦揀【老成都麻辣鍋】 咁我就揀一個唔辣既【胡椒豬肚雞鍋】雙拼可以試2隻味 唔好睇麻辣果邊好似辣得好誇張，辣度唔算好勁但好香，岩哂我呢d怕辣又要食既人 而胡椒豬肚雞果邊既湯底都做得好香，隻雞好滑　建議大家未食辣之前飲下個湯先 脆皮豆腐 炸得香脆加埋上面炸蒜一齊食好正~ 仲點左比較特別既門鱔炸魚皮（有骨） 普通炸魚皮無骨既，今次試下呢個門鱔 比較偏硬身小小，要浸耐小小，吸多D麻辣湯 紫菜響鈴，入面夾左塊紫菜之後入口立即無咁油 (左起) 黑鮮腐竹、豬天梯、牛骨髓 呢3樣都係平時去打邊爐唔係度度都有既食材 豬天梯比較爽口，有咬口 而我自己係好鐘意食牛骨髓！加埋個麻辣湯底點小小豉油超正～岩岩心血來潮上網search左小小牛骨髓既好處， 原來食牛骨髓從中醫角度，可以補虛勞、益精血 西方可以補鈣、補磷潤肺！  牛骨髓含有豐富嘅蛋白質、脂肪、維生素同尼克酸等等， 而且仲有肉豆酸、棕櫚酸、硬脂酸同亞油酸等物質，

一坐下，服務員已經拿出一碟蘿蔔小食，並沒有表明需要收費，價值20元。而火鍋最重要的湯底，也非常一般，我們叫了鬆茸菌昆布湯淡而無味（118元，只有幾塊昆布和幾個菌乾）。而308的手切牛肉，多牛筋，韌，脂肪不平均。雜菌拼盤，玉米也是不新鮮，部分更發黃。最正常的就是蓮藕片，不過不失。最後買單的時候發現茶位10/位（只有一杯茶，而且不乾淨），非常昂貴。醬料費18/位，我們 只拿了2個醬料，店員卻說按人頭收費。3個人，吃了一共1200多元，以後不會再來，只能怪自己沒有看評論就去了。

今日又去咗主打懷舊裝修嘅餐廳，呢間唔係食小炒而係打邊爐。一行幾個人就喺度影相打卡，我就對食物較有興趣。馬上睇下menu有咩湯底，有咩配料啦。大家影完相就要決定邊一款湯底，傾完結論係鴛鴦，麻辣+松茸，因為我唔食得麻辣嘅。自家制餃類好味，叫咗幾款嚟食。芝士丸係真芝士餡，唔係好水嘅假芝士。亦都點了好多其他配料。本地手切肥牛 8/10鮮蝦松露餃 9/10水餃 7/10炸魚皮 8/10午餐肉 8/10什菇 7/10芝士丸 9/10唐生菜 7/10懷舊環境加上播嘅歌係會有番好多回憶，睇嚟我真係有返咁上下年紀

去到火鍋店唔想打邊爐原來都有第二個選擇架😵我地今日食。小。菜！！食飯前先飲湯是常識吧😆老火湯—杏汁燉豬肺！！一開窩蓋 馬上飄來陣陣杏仁味 （愛蛋白杏仁茶 杏仁霜 這類味道的會超喜愛的）杏仁味香濃！豬肺淋滑！！如果食蒸鮑魚食到悶悶地可以試一下椒鹽鮑魚雖然鮑魚口感彈牙 味道鮮美 清蒸應該最能表達牠的鮮！但自古廚藝都是靠創新的！這個椒鹽味的鮑魚也很特別！我本是怕辣之人 但對這個辣酒煮火螺 也是慢慢一粒粒的食呀休息一陣子再食 酒香配合辣香👍🏻辣味食落夠刺激 螺肉甜美 完全不能自拔

8月特別多朋友生日，今日又係生日飯 🎂 朋友選擇咗火鍋，畀咗好幾間佢揀，揀咗呢間懷舊裝修嘅港式火鍋店。門面係好容易miss咗，請大家留意 今日其實喺Eati**度book係有七五折嘅， 不過所有海鮮同牛肉都冇折喎！ 真係搵笨！1) 冬瓜煲雞蜆-湯底幾好飲喎!啲雞煲到咁上下,店員會拎起幫你斬!湯底幾清甜2） 牛肉我係沒有認識，興趣不大。不過食咗幾塊，尚算可以呢3）鵝腸-我去打邊爐好鍾意食鵝腸,呢間口感麻麻地4） 黑栢葉-其實即係毛肚，呢個好食呀正呀5） 佢張menu推介呢個牛胸爽，但係本人覺得騷味好重

2019-08-22日同朋友到阿肥吃火鍋，之前已在app訂坐，app標明75折。入坐後叫了松茸湯底，肥牛，桶蠔，封塵三俠，准山，豆腐和三支生力。湯底和食材可以接受，服務亦可以，有65分至79分。問題就出在埋單，合共$914。我覺得有75折好像貴了點，於是我就check單，發現原來很多食材沒有75折，包括牛肉，桶蠔，食品，茶介和醬料均沒有折扣，全單只減了$80大元。總結，阿肥所說的75折完全取巧，好像比人騙了的感覺，不好受，沒有下次一。

阿肥火鍋，一直聽聞都係好評連連，今次就有緣去實測一下一入店鋪就好感受到阿肥火鍋對餐廳既氣氛有一份堅持，好想令每一位食客都能感受到家既感覺，可以放鬆一下，同親朋好友一齊共享美食餐廳以暖色為主，房間間隔、地版、鐵閘、房間既通風窗口，甚至係木門上面既舊揮春都係完全跟足70s/80s年代既屋邨店內員工係舊式茶樓既服裝，但配以新穎既青蘋果綠，懷舊之餘又不失時尚！今次試食，因為人較多，可以試既菜式也比較廣。所有食物質素都非常有水準，當中既阿肥牛皇拼盤最令我深刻。大大塊既牛百葉薄片，食落脆口彈牙，一d都唔韌口。當中既牛粒同肥牛切片更是一試難忘。雪花分布均勻，肉質彈牙多汁，肉味香濃，食後齒頰留香，正吖阿肥火鍋為保食材新鮮，店內也設有魚缸存放活海鮮。我地叫到既番薯大蜆，上枱個陣仲會開合抖氣，非常生猛。白鱔片彈牙清新，而日本北海道帶子就清甜爽口，一食就中和返牛肉既油膩口感，為成餐飯昇華左一級。店內員工熱情款待，有時有d食材5確定要煮幾耐，佢地都會熱心講解。見到我地有需要是，或者好似搵緊d咩野個陣，都會主動上前幫手。有d細節位，就好似湯一滾， 我一開蓋佢就會主動過左泥幫我收走個蓋，又會提我地邊到係醬汁區。剛