阿肥火鍋 (已結業)

一踏入阿肥火鍋個裝修已經令人眼前一亮，彷彿置身香港嘅80年代咁，嗰種懷舊感覺岀哂嚟。鋪頭入面影相打卡位當然好多，例如有大押，霓虹燈等，但最令我驚喜嘅係門口以麻將鋪成的地板，咁著重裝修細節嘅火鍋店，食物質素當然都有保證啲-濃雞湯花膠雞鍋（小）呢個湯底係店員推薦嘅～雖然叫咗個小份量，但係入面嘅材料一啲都唔吝嗇，花膠有五至六塊。！湯底雞味濃，再配上金華火腿同杞子，將整個味道推上另一個層次，真係真材實料店員仲好細心比我地打哂卡影完相先再剪開隻雞，咁就方便食啦👏🏻-阿肥牛皇拼盤入面有四款牛肉：牛柏葉，牛柳粒，安格斯牛肉同手切肥牛。想一次過試哂唔同部位就可以叫拼盤喇。牛肉質素高，特別係牛柳粒，脂肪同肉嘅比例啱啱好，入口即溶，食到停唔到口手打蟹子墨魚滑墨魚滑加上蟹子簡直係絕配！墨魚滑嘅彈牙同埋蟹子嘅卜卜脆令口感非常特別，值得一試-日本北海道帶子蕃薯大蜆海鮮非常新鮮，隻蜆嚟到嘅時候仲係生猛嘅，而帶子係剌身，所以可以安心用嚟打邊爐。兩種海鮮都好鮮甜，一粒沙都冇，抵讚

我們點了：金腿大蜆走地雞冬瓜盅：湯頭清甜，店員教我們先吃大蜆，然後他替我們把雞和冬瓜剪開，方便進食。大蜆很鮮甜，雞不肥膩，雞味足，冬瓜吸收了湯頭的味道，非常好吃。海鮮拼盤：包括海中蝦3隻、蟶子皇3隻、貴妃蚌2隻、大蜆4隻，全部海鮮只能用一個字形容，那就是「鮮」！手打鮮蝦丸：又是「鮮」味滿，第一次吃到那麼美味的蝦丸。美國筒蠔：竟然有七大隻，味道不錯。深海花枝片：這個比較一般另外我們點了一支啤酒，店家又送我們一支汽水，兩者都是火鍋良伴。這店的佈置很特別，使人有如回到以往的香港，服務也很好，店員不時主動替我們換碟和添湯，值得一讚。

老公生日表明想打邊爐 揀左間港式邊爐 經app訂位有7折 咁抵一於去試下先🤤環境好有懷舊風味 唔錯職員安排左張圓台比我地坐 係揀緊野食期間 後面有張大d卡位 另一個職員主動行埋黎問要唔要轉過去 好細心👍服務加分👍揀左個花膠雞湯底 一黎到就飲碗湯先 係正既好濃既雞味👍係飲湯期間 職員又主動幫我地剪開隻雞 服務再加分👍我地叫左個細既牛頸脊/墨魚滑/午餐肉/豆腐/菜個牛份量唔多 唔知係咪唔好彩 咁岩係筋位 肉味夠但咬口麻麻地午餐肉好咸😢墨魚滑好膠 我地經常打邊爐食過好多間都比佢好食個菜份量都好細 但好新鮮🤩埋單折左7xx總括黎講 食環境食服務既話係不錯之選 但食物質素唔算係好出色 不過今次無食海鮮 如果下次有朋友一齊食既話 都會返去再試下食多d唔同種類🤗

現時以七八十年代香港為裝修主題嘅餐廳真係唔少，我就特別中意呢種裝修，覺得好好feel。所以都經常搵類似裝修嘅餐廳約朋友去打卡。首先揀湯底就出現了唔同意見，我就覺得環境咁港式要揀返啲清啲嘅，例如豬骨湯或者係冬瓜湯。滋補得嚟又好味。但朋友就覺得打邊爐就係要重口味，想揀老成都麻辣鍋。最後少數服從多數，揀咗麻辣鍋……我就比較少食麻辣湯底，所以都唔知要點判斷個湯底整得好唔好，總之個辣度我可以接受到，都幾有麻香，幾啱我口味。我地都係啲懶人兼有選擇困難症，懶得揀又好難做選擇，所以叫咩都中意叫拼盤嘅，一共都叫咗好幾樣拼盤，牛肉又有，豬肉又有，手打丸又有，菇類又有，樣樣都可以試一下。阿肥牛皇拼盤，包括安格斯牛肉，穀飼牛柳粒，手切靚肥牛，黑牛柏葉。黑柏葉我至愛，最近學咗烚牛柏葉嘅方法，叫7上8下，有興趣嘅可以上網睇下，咁嘅烚法可以食到最佳嘅爽脆口感。豬朋好友，包括豬潤，豬肚，粉腸，豬皮，日本腩片。日本腩片唔錯，幾滑嫩。自家鮮制四寶丸，包括鮮蝦丸，墨魚丸，牛肉丸，黑豚肉丸，第一次食黑豚肉丸，唔會有豬肉嘅騷味，口感鬆軟，好味。後尾我地又叫咗碟濟州黑豚肉片，懷念下之前去濟州島嘅風味。什菌拼盤，我自己本身好中意食

去完新加坡同馬來西亞之後一直都好想打邊爐😬所以今次嚟咗尖沙咀嘅阿肥火鍋裝潢十足舊時嘅香港 好有風味我哋叫咗鴛鴦戲水鍋 麻辣配上松茸菌鍋($158)其香氣勝過辣度 吃不了太辣的朋友也可以試松茸菌鍋有濃郁的特殊香氣 食落份外開胃之後叫咗個美國桶蠔 ($158) 肉質肥美滑溜👍🏻至於鮮豬天梯 ($62) 第一次食 食起來彈牙脆口另外叫左極品手切安格斯牛頸脊 ($258)牛味濃郁 兼帶有嚼勁 愈嚼愈有味架😋除此之外自家鮮制四寶丸 ($98) 推薦🙌🏼百花釀油條 ($58) 都好好味🤤_______________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

阿肥火鍋位於尖東漆咸道南，即係尖東廣場或百週年紀念花園對面，相當容易搵到餐廳以五六十年代香港風情作為主題，一入門口至梯間已經感受到懷舊風情。正門掛著一對紅色雞蛋燈作為裝飾。現今嘅新式街市大多以長長燈管作設備，紅色雞蛋燈已經好少見。進入梯間會見到一啲相信係舊年代嘅報紙廣告，例如樓盤、餐廳、飲品類。鐘意懷舊事物嘅我真係被吸引住，企係度睇咗一陣餐廳內部地下以至各式擺設都完全按照劇本散發一種老香港味道。例如 : 階磚係用懷舊啡色款，諗起小時候住係舊屋邨時嫲嫲屋企都係用呢款階磚。又例如係雜物櫃上都放咗好多舊式玻璃內膽嘅保溫熱水壺，相信依家年代嘅人都未見識過。仲有食客所用嘅碗係用公雞碗，餐廳背景音樂都係播住耳熟能詳嘅粵語歌曲。講返食物先湯底都有十四款，可惜同行朋友口味比較偏，好多款都興趣不大，最後揀咗金腿大蜆走地雞冬瓜盅。火鍋就揀咗阿肥牛皇拼盤、門鱔炸魚皮、四寶丸、濃家黑鮮腐竹同埋少量蔬菜。湯底可以揀一隻雞同半隻雞，我哋得兩個人所以半隻雞就夠。雞肉出奇地非常嫩滑，而湯底清淡中帶鮮味，睇黎大蜆同金華火腿有唔少功勞。冬瓜亦都異常地鮮甜，都未食火鍋料都已經清咗鍋底一大半。門鱔炸魚皮係菜單入面標明係有骨，

唔講唔知道呢間咁出名打邊爐嘅阿肥火鍋竟然係有小菜食㗎本身餐牌裏面都有少少小食同埋湯品，但係呢湯品最好呢就係早兩日預訂尤其是係我今次品嚐嘅呢一個超級夠火喉嘅杏汁乾豬肺湯清熱解毒補肺。豬肺洗得乾淨，用料十足，杏汁味濃，分量夠四至六位用，淨係慳返啲洗肺時間啊都值曬啦！仲有馳名乳鴿真係同好多買乳鴿嘅馳名餐廳一樣咁正咁鮮味。外皮炸得香脆裏面呢富有湯汁，配上小小椒鹽咩送酒一流。即使打唔打邊爐都值得叫。如果呢超級正玫瑰露香濃嘅麻辣東風螺，酒香配合麻辣嘅辣味更加突出。落味道甘香，東風螺新鮮分量十足抵食之選。心境舒適打卡一流大有本地懷舊色彩服務亦都好不錯。這時段仲有折扣優惠不過呢小菜最好早一日預訂等師傅可以準備最新鮮嘅食材。

一入到去這火鍋店好似去左八十年代嘅香港咁，裝修充滿懷舊feel，連碗碟都用上公雞碗添，好有特色！一於帶埋成家人去打個邊爐😝火鍋湯底選擇都幾多，有成10多款，我地就叫左❤️養生松茸菌昆布湯鍋($108)松茸味好濃郁又好香，重點仲好養生添☺️火鍋配料選擇同樣亦好多，唔同部位嘅豬、牛、羊一海鮮、蔬菜、茹菌、手打丸，自家製餃類都有不少選擇，整體都幾新鮮😉💖濟州黑豚肉片（$118)由於家人不太好牛，所以轉戰黑豚肉，這裏的黑豚肉賣相不錯，脂肪分布得都幾好，食落豬味都好濃☺️💖紹興花雕酒醉雞件（$78)花雕酒香撲鼻、而且雞肉嫩滑可口，推介！.💖自家鮮制四寶丸($98)四寶丸包括：黑豚肉丸、墨魚丸、牛肉丸同蝦丸，手打丸口感更彈牙，而且好新鮮味道不錯💖日本北海道帶子 （$98)帶子厚身又飽滿，食落好鮮甜😊.💖滑豆腐（$28)看似普通的豆腐，但食落比平時的豆腐更滑，豆味亦好香，平凡但好好味😍👍🏻

今次約咗好友去尖沙咀食好野,選咗呢間阿肥火鍋,餐廳環境似上個世紀嘅香港風格,很有創意,非常懷舊。食物選擇唔少,濃湯花膠雞鍋,花膠,有美容養顏嘅功效,湯夠鮮香。海鮮拼盤,手切安格斯牛肉,貴妃蚌,日本廣島蠔同埋鮮蝦雲吞黃,味道仲唔錯,只係蔬菜不夠新鮮。食物整體唔錯,價格也唔會太貴!

一間以香港懷舊做主題嘅火鍋店🍲餐廳嘅環境同裝修充滿本土特色，例如有涼茶鋪、雜貨店， 餐具用極具特色嘅公雞碗等等💁🏻食物價錢方面唔平民，平均都要三至四百幾蚊一個人，相信一大班人食會化算d火鍋湯底就叫咗蕃茄蝦湯鍋($138)，望落普通，但飲落有驚喜😻飲得出係用蝦頭熬製而成🦐🦐🦐蝦膏味幾濃👅仲有幾分似龍蝦湯火鍋配料方面整體來講都幾新鮮，近期個人打邊爐愛上左食萵筍($38)，清甜爽口👄安格斯牛柳粒($148)，份量都OK👌🏻肥瘦比例均勻，食落充滿牛油既香😋個人幾中意。另外仲叫咗個鮮蝦黑松露餃($58)，餃子皮厚薄適中，蝦肉大大粒，爽口彈牙👄黑松露嘅味道都幾出~自家鮮制四寶丸($98)，四寶丸包括左：墨魚丸、黑豚肉丸、牛肉丸同蝦丸，口感彈牙，食得出新鮮👍🏻牛肉丸既肉味好出，而墨魚丸食到墨魚粒，唔錯。.豬油渣醬油炒飯($78)豬油撈飯就聽得多，👂🏻豬油渣炒飯都係第一次見，比好奇心嘅驅使下叫咗黎試😎炒飯夠乾身，粒粒分明👍🏻識落充滿油香，豬油渣爽口唔會話食到一patpat脂肪，配埋醬油味道都幾夾👅不過一次半次好啦，不宜多食😂

位於尖沙咀唔算係最旺嘅位置，仲要落地牢先至搵到，如果唔係朋友介紹都好少機會嚟到呢度，但係食完之後下次我一定會再帶朋友過嚟，水準不錯。係呢度除咗識佢嘅裝修之外，就係食佢嘅懷舊食品，好似個炸魚皮甘，佢寫住有骨炸魚皮聽落好似好驚咁。但試吓先發現原來佢係我細細個開始就同為食嘅炸魚皮 ，好耐搵唔到呢個口味。佢比普通嘅炸魚皮更加豐富，好脆，好好味。跟住就係呢一個鴨血，通常台灣人打邊爐都會有鴨血出現，香港來講比較少而且好味道嘅鴨血，唔係度度都有 ，但呢度嘅十分之唔錯。仲有呢個豬天梯，可能唔係咁多人食，又可能唔係咁多人敢食，但係佢嘅味道十分之唔錯，好爽好脆。呢度除咗散叫之外仲會有啲組合嘅價錢，例如手切肥牛加海鮮拼盤先588元，抵過散叫。喜歡吃刺身的不妨試下活魚刺身，唔係度度都有。

好小可同朋友食飯，一入到間餐廳未食嘢巳經喺甘話得喎，唔錯。可能真係眼觀最前，不過都好，起碼覺得自己無揀錯。懷舊的50 60年代大排檔裝修，用嘅係雞雞碗，枱係最懷舊的胡桃木色。放置海鮮的地方仲係用魚缸，有點街市的風味，非常特別。湯底上有幾個招牌，我地就糾結在花膠雞定冬瓜壺入面。最後滋補養顏戰勝了，雞可以選擇一隻或半隻，我們人不多就半隻都夠。呢個真係要讚下，湯味道不算太濃，但巳經及格。加分嘅係隻雞，竟然仲係滑嘅，完全唔似煲湯的鞋雞。未吃配料前巳經清唒隻雞。至愛的牛骨髓，有啲牛骨水食落去會淡而無味，但呢度嘅牛骨水味道都濃。手打嘅四寶丸一次過滿足晒四個唔同嘅口味，個人來講偏愛墨魚丸味道濃，而且夠彈牙。仲有唔小得嘅牛肉，唔使爭話要手切定要肥牛，樣樣都有。我中意食肥d，拒中意食瘦，自私食，呵。

4個人食左每人$250左右餐前小吃都出色 係個咸花生同菜鋪 諗得好貼心的佐酒小食叫左花膠雞鍋 湯底好飲雞好入味再加湯都唔會越煲越咸個種服務員仲幫我地分埋隻雞 唔使自己落手搞🤭叫左魚皮 午餐肉 萵笋 重點想提個雞子好新鮮好好味！配支啤酒真係一流啊其實唔使點豉油都ok夠味順帶一提 裝飾好懷舊好有回憶係細個我地住舊式公屋既感覺啲窗啲門都呈現返係你眼前佢播既歌令我地4個女仔好有少女時代既回憶😂 不過其實唔敢唱 怕暴露年紀啊🤣🤣🤣

一入鋪頭,80年代嘅懷舊風格立刻呈現眼前,非常有意思,店內幾乎每個角落都係打卡位置,連碗碟都充滿懷舊氣氛,用咗公雞碗。我認為最特別嘅位置就係門口嘅地磚,用咗麻雀做裝飾。火鍋湯底店員介紹咗濃雞湯花膠雞鍋,我哋選擇咗小嘅,但係其實份量一D都唔細,而且材料仲好足,湯底雞味好濃有成半隻雞,打完卡後店員仲好細心地幫我地剪開隻雞,雞肉食落嫩滑。花膠份量亦都唔少,有成6,7塊,飲落有少少黏口,充滿骨膠原。每次打邊爐當然唔少得炸魚皮,店員推介依款門鱔炸魚皮,雖然帶有魚骨,但係脆卜卜,原條魚骨都可以食,而且即使浸落湯底一段時間都依然有香脆口感。牛骨濃湯牛丸雖然貌似平平無奇,但係食落爽口彈牙而且有爆汁效果。朝山魚皮餃比一般嘅魚皮餃再大隻少少,外皮更煙靭。一見到鮮豬天梯我立刻order,食度嘅豬天梯份量都幾多而且每舊都好厚身,食落好爽口。

今晚食咩好？今次介紹喱間火鍋一入到去好似進入咗時光隧道倒流番去七十八十年代一樣，有涼茶舖，銀號，雜貨舖。枱面上嘅餐具都係向懷舊嘅公雞碗，餐廳內亦會播放懷舊嘅金曲，成個氣氛充滿懷舊風情及足跡。考慮咗好耐要咩湯底最後決定叫鴛鴦戲水鍋，一邊係麻辣一邊係松茸菌。一嚟到首先飲咗啖松茸菌，湯底好清甜唔會有青草味。而麻辣湯底麻辣香味十分濃郁，先辣後麻有陣陣花椒香，麻勁辣勁兼備!要推薦下風塵三俠，三俠分別係鮮蝦滑，墨魚滑及牛肉滑。鮮蝦滑及墨魚滑口感彈牙鮮甜，而牛肉滑肉味濃郁肉質爽嫩食得出以新鮮食材打成。黑毛豬腩片肉質鮮嫩肥瘦適中，放咗落去一段時間肉質都唔會變得好硬。而牛胸爽入口爽口，而且仲有陣陣香濃牛味味道非常突出。整體來說很滿意。這間餐廳性格比較高，菜品選擇種類亦多，值得推薦。