阿肥火鍋 (已結業)

之前聽幾個同事都話過不錯，今日經開尖東，就試下啦！環境裝修令人回到80年代感覺！叫左個(濃雞花膠雞鍋)雞鍋嚟到見到裏面藥材有杞子，紅棗而配料有花膠同半隻雞，先嘗試湯底飲落味道非常濃郁，而雞肉非常嫩口，花膠肉厚，飲完後侍應加番上湯再打邊爐！點了海鮮拼盤海鮮拼盤啲蝦好新鮮仲識旭，原隻新鮮蟹，大隻蜆同大蚌，全部係缸到捉上黎！穀飼安格斯牛肩胛肉啲肉質鮮嫩門膳炸魚皮而家買少見少，帶骨魚皮非常香口，貴得有道理！最後加杯茅根竹蔗水，下一下火！播歌都係八十年代九十年代既歌，可以令人回味一番！

一條樓梯將我帶到80年代的世界，別具懷舊風格的火鍋店，入面嘅環境裝潢設計80年代，連音樂都係播放舊時音樂。朋友仔如果想打卡，呢度確實好好嘅選擇。店主好俾心機，收集左好多80年代懷舊物品，內有街市、雜貨店、跌打鋪，好得意啊胡椒豬肚雞鍋足足1隻雞的份量，肉質比較嫩，而豬肚都好爽，湯底胡椒味都算濃郁。門鱔炸魚皮好特別，必叫之選。打邊爐嘅食材都算係豐富，特別介紹其中一款牛肉，一般出面啲牛肉勁厚又難咬，但呢間牛肉夠簿易咬。而鱔片勁新鮮，好爽脆，必叫。

今日同男朋友黎到尖沙咀行街，行左幾個鐘覺得肚餓，就睇下附近有咩好食，見到個招牌寫住「阿肥火鍋」覺得幾得意，就行入去試下，本身以為係一間平凡既火鍋店，點知一入到去見到啲擺設，就覺得好似番左去八十年代咁，我地都覺得好新奇。雖然環境似八十年代，但係菜式非常有新意，鍋底都已經有十幾種，我地叫左個濃雞湯花膠雞鍋，個雞湯真係非常香濃，啲食物未上枱既時候，我已經飲左半碗湯。我地叫左極上本地手切靚牛肉，牛肉脂肪分佈平均，食落有口感又有牛味，唔好落湯浸太耐，如果唔係就嘥左件咁靚既牛肉啦。當然吾少得海鮮，又大又鮮美多汁仲有魚片~冇咩骨～岩哂懶人小食～好香口惹味

裝修以老香港為主題的阿肥火鍋總讓人勾起對老香港的回憶每一位置都好仔細喔牆身飾上屋邨圖案配上綠鐵閘和舊式電話還有鐵信箱等舊物在設計上真的放了好多心思阿肥這裡最特別是有多款保健滋埔燉湯作湯底例如菜乾白肺、淮山杞子烏雞響螺陳皮水鴨等完全想不到中式燉湯做火鍋湯底 也太補了吧原盅燉五指毛桃牛大力龍骨湯 $188作用是祛濕舒筋超好喝 看上去淡喝下去就知道是燉了很久先喝完原味後就會加湯變湯底啦最愛鮮腐竹還有炸芋頭丟進去待它變軟質感糊糊的超好吃貴妃蚌 $68新鮮乾淨好鮮甜點了好多每樣都恰到好處這裡真的勾起我朋友的興致l

餐廳以80年代的公共屋村為設計藍本，利用不同的位置打造出老香港特色，甚至連背景音樂也是70-90年代的流行歌曲。亞克醬油糧食：提供各款調味料及醬油，顧客可以自行混醬。肥佬魚檔：提供新鮮海鮮，有蝦、蟹、象拔蚌、蜆⋯⋯四哥蔬菜：是出菜的地方。食物：湯底：我們繼續保持傳統，點了鴛鴦鍋（$88芫荽皮蛋配沙嗲湯底）海鮮：貴妃蚌$68/隻：肉質鮮甜。白鱔片$98：份量不多而且切得太薄。肉類：極品手切安格斯牛頸脊$298 : 肉質嫩滑，沒有雪藏味。穀飼安格斯牛肩頸肉$148：味道一般，略嫌份量太少。餃類及丸類：鮮蝦雲吞（半份）$35：蝦肉與瘦肉比例剛好，味道也不錯。韭菜鮮肉餃（半分）$30：味道偏鹹，完全蓋過韭菜的味道。懷舊陳皮魚蛋$48 ：吃不出有陳皮的味道。素菜類：炸響鈴$48、鮮腐竹配炸支竹$35、皇帝菜$32，都是直接從街市購入，沒有甚麼特別。其他：鴨血$48：本身沒有甚麼味道，純粹個人喜歡其口感。手打蟹籽墨魚滑$78：分量充足，口感彈牙。

懷舊風情 多款醬料 自己選擇今日約左幾位朋友行街 老實講火鍋真係一年四季都岩食 朋友話要去食火鍋 我地選擇左阿肥火鍋 真係好有水準 我地全女班 當然要叫一個養顏湯底啦 呢個花膠雞湯用料足 湯滾起 人人一碗花膠湯 湯底鮮味十足 雞肉嫩滑 好有驚喜🤤🤤牛柏葉 爽口新鮮極品安格斯牛頸脊 嫩滑又濃牛肉味 加埋個雞湯 絕配🤤芝士腸 香濃芝士味 基本上湯底鮮味 真係食牛肉同菜類或菇類一樣咁出色 因為已經吸哂所有湯底精華 加埋小小辣椒豉油 更加惹味 菇類好新鮮🤤🤤韭菜鮮肉餃新鮮大粒 而家秋冬又多一個火鍋店選擇了😍😍

今日係我同老公既結婚週年紀念，難得老公去訂位食飯慶祝，我就翹埋雙手，期待老公既安排。老公帶我去到尖沙咀嘉芙中心地庫門口停下，看到阿肥火鍋，我心想 : "不是嘛，週年紀念吃火鍋 ， 唔係應該食西餐咩!"，但當我一直沿著樓梯行落去時，就好似進入時光隧道，回到七、八十年代既光景，實在驚喜萬分。打著香港懷舊風格嘅阿肥火鍋， 裝修上模仿大排檔及各種特色小舖，如魚檔、菜檔、士多及跌打舖 等，連擺設、枱櫈、碗筷，都令客人有懷舊feel，絕對係打咭放上社交平台既好地方。食物點單紙上既食物超過100款， 真係款款想試，而且我發現有些食物例如風乾油鴨脾、陳皮魚蛋等菜式都充滿港式風情，食出懷舊味道。湯底係阿肥推介~ 胡椒豬肚雞鍋($128)材料豐富，有紅棗、淮山、杞子等 藥材，仲有半隻雞，這湯喝來帶有淡淡胡椒香，胡椒有和胃、止嘔嘅功效，對於像我這類經常胃部不適嘅人仕最適合不過，再食埋爽滑豬肚及雞肉，豐盛滿足。海中蝦($168)份量有六隻，隻隻有手掌咁大隻，勁多蝦膏，肉質肥美爽甜，味鮮香。鮮蝦雲吞(半份)($35)這個雲吞好足料，皮薄餡料豐盛， 七分鮮蝦，三分豬肉，非常鮮味爽脆，老公超like，之後想叫多份，

今日幾個人一齊係尖沙咀收工，怕羞女同事話不如一齊食飯～我話4個人緊係食火鍋啦～型男同事話有好介紹～我地就跟佢走～睇見門口滋補燉湯就知好野～入到去裝修好懷舊，好似去返以前舊式公屋既時候～一坐底我就不停周圍望，全部由型男同事點菜～有個自助醬料區濃雞湯花膠雞煱花膠係女士因物，本人媽媽也經常煲比我飲，所以出外飲，一飲就知係咪真材實料～我地先每人一碗湯，入口第一淡，好濃既雞湯味，沒錯，是真材實料的～海鮮拼盤海鮮新鮮，隻蝦上枱時仲會動～極品手切安格斯牛頸油脂分佈剛好，尚算厚切～加拿大珊瑚蚌珊瑚蚌不用滾太耐，大件又爽口～環境舒服，吸引之處係懷舊裝修～個濃雞湯花膠雞煱，唔怪得型男同事也有靚皮膚

幾個月前係食過阿肥，除左覺得環境正之外，個湯好飲到念念不忘，所以今晚抽時間帶左媽媽黎一齊享受下。裝潢設計都係八十年代，又再次聽到好多懷舊金曲，真係好有風味～🥄原盅燉瑶柱響螺陳皮水鴨湯 $228今次應媽媽要求簡左水鴨湯，對脾胃虛弱好有益處，配料有冬瓜、豬展、水鴨、雞腳、響螺等，燉出黎既湯清清地，非常鮮甜，每人都飲左兩大碗先開餐。🥢沙薑雞腳 $48軟腍口感，濃濃骨膠原既感覺。🥢脆皮BB鴿 $58皮脆肉嫩，細細隻當餐前小食可以過下口引。🥢骨膠原牛蹄筋 $62食落滑爽，口感淡嫩不腻，而且有滿滿骨膠原，好岩女士們食。🥢貴妃蚌 $68新鮮乾淨，好鮮甜。🥢阿肥墨汁丸 $35入口富有彈性，墨汁味濃，很好吃。🥢菜心苗 $32次次出街都食常見果幾樣菜，今次簡左菜心苗，喜歡佢無渣嫩生。呢度既茶位、醬料、小食每位另外收費，不過見媽媽食得滿足就值了。

放工和朋友吃晚飯日，到尖沙咀尋找好吃的火鍋呢。不負我們辛勞的一天，終於尋找到一個很特別的食店。一行進去，食店的設計是８０年代有感情屋邨，走進去後的店員也非常友善呢，特別是其中一位男店員，會細心的介紹你如何把火鍋的味道提升。更重要的，處處都是充滿兒時的感覺，處處都是懷舊物品。連餐具亦是公雞碗呢。整個餐牌非常簡單，但內裏有之款式卻不少呢。推薦一：龍蝦湯底有足料龍蝦湯，火鍋內有白蜆，滿足一眾海鮮迷。 龍蝦味道很鮮甜～推薦：菜餃子由於餃子為自家包的，感覺很美味實在喔。公共屋邨的建築風格、各樣生活方式和習俗文化演變，成為香港人的珍貴歷史遺產。 看得到店主作出保護，作為香港出生和長大的我們亦要同時保護這回憶。因此，今次可以尋找到一個這樣有特色的地方吃晚飯也實在很棒。

港式火鍋大都萬變不離其宗。食物質素主要講求食材新鮮。但今日呢間有啲唔同，除咗食物之外，還有一股情懷。餐廳裝飾以八十年代香港做主題背景，當年的雜貨店、涼茶舖、舊式公屋走廊等，全部真實地重現眼前。加上餐廳播放八、九十年代經典粵語流行曲，真的令人產生很多回憶。環境就滿分了。食物又如何呢?穀飼安格斯牛肩胛牛肉好新鮮，呈血紅色。油脂同肉比例剛剛好，加上切得好薄，水滾淥十秒剛剛好食得。油香、肉味，皆出色。鮮脆鯇魚片肉身質地厚實，薄片灼食，口感爽脆。潮汕魚皮餃唔會淥到甩皮甩骨，包得紮實。餃皮煙韌有彈性。金磚脆皮豆腐非常香口。炸到外面皮脆，裏面保持豆腐嫩滑。夏枯草極少糖。涼茶味道極為突出。真材實料。完美。新鮮蔬菜

朋友介紹懷舊味重嘅阿肥火鍋，小時候香港公共屋村感覺返晒嚟～仲有小時候嘅紅燈罩街市樣式嘅鮮活魚檔～鴛鴦戲水鍋 $138，麻辣呢，我哋挑戰中辣，恃住有個涼瓜排骨湯底，就算辣得滯都有得緩和番～呢度出名牛肉靚，我哋揀咗，極級手切本地靚牛肉 $328，有圖有真相，真正靚牛～有錢都好難買到嘅豬天梯，呢度竟然有，仲只係 $48，雖然係冰鮮貨，但係響香港搵到有得食已經好好～龍口粉絲$18 係真粉絲嚟㗎，有段時間，香港出現過啲假粉絲，如果拎去打邊爐，一放落煲度淥，就會散開晒㗎喇... 呢啲淥好耐都冇斷開，證明係真嘅～點菜紙，分門別類，項目分明...右下角仲寫明呢度會收茶位 $10/位，醬料 $18/位，小食 $20/份及加一，明碼實價，香港人精神，抵讚～👍🏻

秋風起，打邊爐又最好不過，今日去開尖東，晚餐去左阿肥火鍋，因為見佢裝修別具懷舊風格，播的是80年代舊歌，感覺親切。湯底太部份係養生靚湯，五指毛桃，花膠，水鴨，瑪卡等都有出現。今次選的是羔蟹竹絲雞冬瓜盅（$288），湯底足料，又加了金華火腿，因此非常有味亦顯鮮甜。湯底上桌後宜先飲湯，再加豬骨湯同火鍋配料。可能太夜過來的關係，多款牛都售罄，點了極品安格斯牛頸脊（大，$298），嫰滑又濃牛肉味，不錯！但價格不便宜。海鮮拼盤（$288），有幾隻又蜆，蚌，海蝦，肉蟹，質素新鮮。炸花生每碟$20，茶位每位$10，醬料每位$18，另收加一。

希望你能愛我到地老到天荒希望你能陪我到海角到天涯九十年代長大的你應該耳熟能詳餐廳盡是八九十年代的擺設和裝飾先來一支懷舊玻璃樽可樂火鍋底就要胡椒豬肚雞鍋湯頭呈奶白色有香濃胡椒味牛肉是火鍋不能或缺的食材點了一盤極上手切本地靚牛肉鮮紅色澤一看便知道極新鮮沒有肥瘦相間但口感相當軟腍四隻貴妃蚌在魚虹新鮮撈起快速在滾湯中涮個三十秒海水的鮮味在口腔裡散發日本黑毛豬腩片豬肉味道特別濃鮮蝦雲吞韭菜鮮肉餃也是自家出品餡料飽滿是質素極高的餃子手打墨魚丸口感彈牙真材實料陳皮魚蛋是八九後的兒時回憶尤記得在小學小食部的快樂日子門鱔炸魚皮是誠意之作與坊間不同這麼豐富的食材怎能沒有稻庭烏冬 二個小時的相聚時光此刻無價

在電視節目中觀看有家裝修以老香港為主題的火鍋店令筆者留下深刻印象。夏季的團購，可能天氣炎熱，因此火鍋店比較多。在團購綱上竟然見到這家以老香港為主題的火鍋店……原來名字叫《阿肥火鍋》。《阿肥火鍋》位於尖沙咀的地庫內，甫進去猶如置身於七、八十年代的舊公屋。店內一邊牆身以昔日的醬油糧食、涼茶及雜貨等店鋪作裝潢設計。另一邊牆身飾上屋邨圖案，配以綠鐵閘、舊式電話、鐵信箱等舊物，設計富心思。中間位置是海鮮檔口，每日供應各式時令海鮮，明碼實價寫在黑板上，如置身街市選購海鮮。裝修上吸引，讓客人留下印象，但作為餐廳食物當然重要。 《阿肥火鍋》 提供超過100款食品及火鍋料，供應市面上火鍋店少見的懷舊食品，例如風乾油鴨脾、老醋花生、鴨血、雞雜、陳皮魚蛋……等。坊間的火鍋店湯底選擇多而且越來越豐富兼豪華。《阿肥火鍋》也不例外，花膠雞、豬肚包雞、海鮮濃湯……最特別是有多款保健滋埔燉湯作湯底，例如菜乾白肺、淮山杞子烏雞、響螺陳皮水鴨等；估唔到中式燉湯都可以做火鍋湯底。不過筆者都是鍾意簡單又實惠的湯底【潮式沙嗲併皮蛋莞茜馬蹄鍋 $78】。【手工炸魚皮 $48】 咬起來不夠脆，味道偏咸，而且腥味跟油膩味相對重，應該